~| أخبــآر الحذف و الإضـآفة و تنظيم الجدآول لطَـآلبـآت الإنتسـآب|~

[1+1=3 حره وبكيفي]

السلام عليكم ..
بنآآآت وربي محتاره كل يوم اسوي جدول غير ):

الترم هذا
فونولوجي _ دراما _ تقد _ فكشن _ علوم ( او اي ماده حره )

الترم الجاي
ابلايد _ شعر _ سيمنار _ براكتكم ( لان الترم الثاني مرره قصير )

التخرج
شكسبير _ مودرن

وش رايكم ؟؟؟؟؟؟؟!!!!!

[احلى الأماني]

بنات اليوم رحت الجامعه
فعلا الخطة ومفردات المواد تغيرت للاسف

[فتو2011]

يعطيك العافية ام حمدان ومشكورة على كل ماتقدمينه لنا ولهذا المنتدى

[ѕυрзя пıdσ]

المشاركة الأصلية كتبت بواسطة احلى الأماني بنات اليوم رحت الجامعه فعلا الخطة ومفردات المواد تغيرت للاسف

طيب ماقالو متى حينزلوها ويعتقونا لوجه الله

الايام تجري واحنا بس نتفرج عليهم


حسبنا الله ونعم الوكيل

[nour al3mr]

المشاركة الأصلية كتبت بواسطة دافوره هانم بنزل عربي 2 يقولي الشعب مليانه ..تتوقعو يفتح ولا لا؟؟ حذفت مقدمه في العلوم الطبيعيه صار عندي ثقافه اسلاميه وفكر فلسفي وريدنق رايتنق ليسننق وابغى ادخل كمان عربي مرره نفسي يمديني اخد ماده حره مو ؟؟؟ في خطتي عندي في المستوى الخامس ماده حره ..سو اش ررايكم ؟؟

سنتري على الاودس الى مايفضى مكان بشعة العربي واضيفي المادة
لاتضغطي نفسك بمواد كثير لانك اول مستوى بالتخصص والمواد تحتاج تفرغ لانها جديدة عليك بعد كذهـ تقدري تآخذي لانك تكوني اتعودتي

المشاركة الأصلية كتبت بواسطة Chanel تم الرد على رسالتك :)

الله يسعدك لو ممكن تكتبي المكان هنا عشان البنات يستفيدوا =)

المشاركة الأصلية كتبت بواسطة lolaa.2 ام حمدان طيب ايش اصعب ماده في نظرك مناهج البحث ولا الفكشن ؟واذا انتي اخذتي مناهج البحث قوليلي كيف شفتيه سهل ولا؟ علشان اخذ الصعب دحين والماده السهله اخليها بعدين في السمستر اللي بعدو علشان الفتره بين الدورة والاختبار تكون قصيره ..

مناهج البحث مع د. نجولى خذيه وأنتِ مطمنة
تطلب منكم بحث عن عمل أدبي تتابعوا معاها خطوة بخطوة وترسلوا كل خطوة بموعد تحدده لكم للايميل
و الاختبار من الكتـآب
أما الفكشن 3 روايات مو مرة قصيرة وان شاء الله سهلة
اللي تناسبك ضيفيها =)
لكن اشوف البحث أولى انه ينزل اهم شيء تكوني مخلصة مقدمة الادب

المشاركة الأصلية كتبت بواسطة ركن المشاعر صباح الخير جدولي كالاتي قراءة1 علم الدلاله لغويات اجتماعية صوتيات صرف اش رايكم؟ كلها دخلت بجدولي ماعدا علم الدلاله والصرف معنو مافي تعارض اش الحل؟ استنى لين يفضى مكان ولا خلاص مليان؟

لاتنزلي علم الدلالة لانه مستوى المادة متقدم ويعتمد على بقية المواد اللغوية مثل السنتاكس و الفونولوجي

المشاركة الأصلية كتبت بواسطة ركن المشاعر سؤال تاني معليش قريت من ردود البنات انو ليلى هاشم مو كويسه وانا معاها بالصرف والصوتيات ينفع اغير لمس منى البلوي؟ وكيف مس شادن بالقراءة لاني اخذت مع الاء السنه اللي فاتت ورسبتني وما حبيتها فايش رايكم بشادن ما اعرفها كيف اسالتها وشرحها؟

الاسئلة متوقع تكون موحده فلاتشيلي هم شآدن ..
وليلى تمام اعرفي اسلوبها بالمادة وماراح يصعب ان شاء الله

المشاركة الأصلية كتبت بواسطة rehab a السلام عليكم ورحمة الله وبركاته صبحكم الله بالخير والرضا عندي سؤالين بخصوص جدولي اتمنى الي عندها خلفيه بالموضوع تفيدني اولا :مالقيت المواد الاجباريه الجديده بقائمة خيارات اضافة المواد ثانيا:كنت ابغى اضيف مادة مناهج بحث للجدول مارضيت تنضاف شكرا

وعليك السلام ورحمة الله و بركاته

1- الاغلب لديه المشكلة ذاتها اطلبي من مرشدتك اضافتها
external2010@gmail.com

2- مناهج البحث لو ما انهيتي المتطلب ماتنضاف + لو في تعارض ماتنضاف فتأكدي

المشاركة الأصلية كتبت بواسطة 1+1=3 حره وبكيفي السلام عليكم .. بنآآآت وربي محتاره كل يوم اسوي جدول غير ): الترم هذا فونولوجي _ دراما _ تقد _ فكشن _ علوم ( او اي ماده حره ) الترم الجاي ابلايد _ شعر _ سيمنار _ براكتكم ( لان الترم الثاني مرره قصير ) التخرج شكسبير _ مودرن وش رايكم ؟؟؟؟؟؟؟!!!!!

تمام ماشاء الله استقري عليه و اتوكلي على الله =)

المشاركة الأصلية كتبت بواسطة احلى الأماني بنات اليوم رحت الجامعه فعلا الخطة ومفردات المواد تغيرت للاسف

يب اتوقع خلاص صارت الكتب مثل الانتظـآم

[lolaa.2]

يعطيكي العافيه نور طيب انا كدا جدولي ياريت تعطيني رأيك فيه :
الصرف - النحو - علم الأصوات-مناهج البحث - الأدب الحديث(مودرن)-وابغى دراما بس لسا ماقدرت اضيفها لانو الشعبه فل ...كدا صارو سته مواد :)

[الملاك الأبيض]

هاي قيرلز لو سمحتوا عندي سؤالين من اصحاب الخبرة في مادة مناهج البحث

اولا انا اضفت المادة مع مادة مقدمة في الادب وفي بنات يقولوا انو الاستاذات تبع الحذف والاضافة ممكن يحذفوها بعدين . سؤالي الحين هل لازم انو اكلم ميس نجوى او جميلة وآخذ الاذن بأخذ مادة مناهج البحث حتى مايحذفوها ولا مالهم دخل بجدولي ؟؟؟

السؤال الثاني : انا عرفت انو مادة مناهج البحث فيها بروبوزال لازم ناخده . طيب تتوقعوا مع تغير المناهج راح تتغير طريقة وخطوات البحث ولا امشي عليها متل طريقة الاترام الي فاتت ؟؟؟

وربي يوفقكم جميعا

[nour al3mr]

المشاركة الأصلية كتبت بواسطة lolaa.2 يعطيكي العافيه نور طيب انا كدا جدولي ياريت تعطيني رأيك فيه : الصرف - النحو - علم الأصوات-مناهج البحث - الأدب الحديث(مودرن)-وابغى دراما بس لسا ماقدرت اضيفها لانو الشعبه فل ...كدا صارو سته مواد :)

لو تقدري تغيري لامودرن يكون أفضل
الكورس جدا متقدم ومليء بالاعمال الأدبية الطويلة =)
عدا ذلك الجدول تمام ماشاء الله

المشاركة الأصلية كتبت بواسطة الملاك الأبيض هاي قيرلز لو سمحتوا عندي سؤالين من اصحاب الخبرة في مادة مناهج البحث اولا انا اضفت المادة مع مادة مقدمة في الادب وفي بنات يقولوا انو الاستاذات تبع الحذف والاضافة ممكن يحذفوها بعدين . سؤالي الحين هل لازم انو اكلم ميس نجوى او جميلة وآخذ الاذن بأخذ مادة مناهج البحث حتى مايحذفوها ولا مالهم دخل بجدولي ؟؟؟ السؤال الثاني : انا عرفت انو مادة مناهج البحث فيها بروبوزال لازم ناخده . طيب تتوقعوا مع تغير المناهج راح تتغير طريقة وخطوات البحث ولا امشي عليها متل طريقة الاترام الي فاتت ؟؟؟ وربي يوفقكم جميعا

حيـآكِ ربي

هما يحذفوها من دون إذن .. فلو كلمتيهم يمكن ينتبهوا بزيـآدة وتنحذف
=)

أما خطوات البحث ما اتوقع ابدأ تتغير لانها عالمية =)

[ركن المشاعر]

طيب نور اش انزل بدال علم الدلاله الله يسعدك انا فكرت انو الفترة طويله معانا للمذاكرة بس ما ادري انها متقدمة المادة دي طيب اش اخذ بدالها ؟
قراءة1
لغويات اجتماعية
صوتيات
صرف

ابغا مادة خامسه من اللغلويات والحمدلله مخلصة كل المواد الحرة بس باقيلي العلوم دي الجديدة بس ما افكر اخذ شيء ما عليه تجارب

[ركن المشاعر]

خلااااص اضفت النحو بدل علم الدلاله
بس عندي مشكله بالصرف مو راضي تجيني الشعب هل يتاثر اذا السنترا معاه بنفس الوقت او عادي؟
لانو الريدنق smw من 16,30 الى 17,50 بس سنترا
والصرف نفس اليوم ونفس التوقيت بس حضووور اش اسوي؟