كل مايخص برنامج خادم الحرمين الشرفين للأبتعاث الخارجي ،،، المرحله السادسة

[that me]

ياااااجماااعه ايش التخصص المناسب للكيمياء حيويه ويكون امتداد له ؟؟ كيمياء والا مختبرات طبية

الله يسعدكم ابغى معلومه أكيده لانو قريت انو مختبرات طبيه مايندرج تحته ....

اللي عنده الخبر الاكيد يااااريت يقول لنا...

[غرورالورد]

سلام بغيت اسال انا شهادتى بس عربي والسجل الاكاديمى والتوصيات

يعنى لازم اسوي لهن ترجمه
وسؤال ثانى وين القى مكتب ترجمه بالقصيم لكم جزيل الشكر

[طموحه@@]

اخوي معلم هل ينفع يكون مرافق بدون اي مشاكل يعني مايخسر وظيفته اذا رجع

[ميكانو]

ابشركم اخواني الطلاب اخواتي الطالبات ابائي المعلمين امهاتي المعلمات ..
قدمت على بعثه تخصص طب في المانيا وايطاليا والتشيك..
والله يوفق الجميع لما يحبه ويرضاه

[ميكانو]

المشاركة الأصلية كتبت بواسطة غرورالورد سلام بغيت اسال انا شهادتى بس عربي والسجل الاكاديمى والتوصيات يعنى لازم اسوي لهن ترجمه وسؤال ثانى وين القى مكتب ترجمه بالقصيم لكم جزيل الشكر

طيب روحي للوزارة التعليم ويترجموها ويصدقونها ومجاناا بعد
واذا ملزمه تبغيين مكتب فيه ببريده مكتب ترجمه بشارع الخبيب مقابل النقل الجماعي القديم في حي الساده
واذا تبغين عنيزه فيه بشارع الضليعه.
ارجوا اني افتدك

[ساعدوني رايكم يهمني]

لو اخذت التوفل من هنا اقدر ادخل الجامعة هناك وادرس ع طول بدون مرحلة اللغة؟؟
ياليت احد يرد علي ويطمني لاني ناوية ان شاءالله اخذ التوفل من هنا ...

[البرنس عزوز]

المشاركة الأصلية كتبت بواسطة طموحه@@ اخوي معلم هل ينفع يكون مرافق بدون اي مشاكل يعني مايخسر وظيفته اذا رجع

إذا كان الموظف على نظام الخدمة المدنية، فله حقوق ،وذلك بموجب المادة العشرون والموافق عليها من مجلس الوزراء، ومن تلك الحقوق :

1/ يحق له مرافقة زوجته المبتعثة بمسمى (إجازة إستثنائية ) وهذا منصوص عليه في لائحة الاجازات تحت رقم المادة العشرون .

2/ يحق له تمديد الاجازة الاستثنائية إلى أن تنتهي زوجته من دراستها ، على ألا تزيد فترة دراسة زوجته عن عشر سنوات متتاليات أو نفصلات .. يعني يحق له أخذ إجازة إستثنائية لمدة عشرة سنوات بشرط أن يكون الأوفر اللي مع زوجته عشر سنوات .. لكن اذا كان الأوفر اللي مع زوجته سنتين فله اجازة سنتين ثم إذا مددت زوجته بعد ذلك فيحق له تمديد مدة إجازته تبعا لدراسة زوجته ..

3 / يحق له إستنادا للقرار الصادر من وزير التعليم العالي دراسة اللغة لمدة لا تزيد عن سنة كاملة ، سواء أكانت منفصلة أو متتالية . لكن إذا تكرر غيابه خلال فترة دراسته فإنه يعاقب بدفع ماتم دفعه لمعهد اللغة دفعة واحدة أو دفعات وذلك بخصمها من مكافئته أو مكافئة زوجته .

4/ له مكافئة مقطوعة تنزل له في حساب زوجته .(على حسب الدولة التي تم ابتعاث زوجته لها )

5/ له حق الحصول على تذاكر مع زوجته .

6 / اذا انتهى من فترة اللغة أو حصل على قبول غير مشروط من جامعة معترف فيها وغير موقفة فله الحق برفع أوراقه للوزارة وسيتم حينها قبول ابتعاثه ، واذا تم قبول ابتعاثه فهناك أشياء /
أ / له مكافئة مبتعث منفصلة عن زوجته . (يعادل مكافئة مبتعث )
ب / تلغى بعثته إذا ألغيت بعثة زوجته .
ج / تلغى بعثته اذا تخرجت زوجته وتبقى له أكثر من 25% من دراسته .
د / لايحق له الحاق أحد من أقاربه على أساس انه مبتعث . (فقط زوجته المبتعثة الاساسية )

7 / يتم تعويضه عن جميع الفواتير الصحية ، فواتير الفيزا .

8/ يحق له الحصول على تأمين صحي

9/ لا يتم إحتساب مدة مرافقته لزوجته من الخدمة .. ( لا تحسب له من الخدمة ) .. ولايستفيد من الترقيات خلال وقت مرافقته ..

هذا مايحضرني حتى الآن ..

[البرنس عزوز]

المشاركة الأصلية كتبت بواسطة jnoon alsmt ^^ وش أختــرت يالبرنس

حاسب آلي

وأنتي وش أخترتي

[that me]

^^
طيب استاذي لو كان المعلو دوبه متعين وماله سنه ...

هل له الحق في كل الاشياء المذكوره والاجازه الاستثنائية؟؟

[البرنس عزوز]

المشاركة الأصلية كتبت بواسطة that me ^^ طيب استاذي لو كان المعلو دوبه متعين وماله سنه ... هل له الحق في كل الاشياء المذكوره والاجازه الاستثنائية؟؟

أهلاً بالأخت

حتى ولو كان متعين السنه هذي أهم شيء أنه يباشر في عمله وبعدين عادي يطلب أجازه أستثنائية .
هذه المعلومه حسب أفادة مدير شؤون المعلمين

بالتوفيق للجميع