ماحصل في الدورة التأهيلية الخطه ( أ ) لعام 1430 هـ ." لـلــطـــالـــبــــات ".

[هناء123]

بنات عندكم حل تمرينات المهارات اللغويه؟
تكفون ساعدوني

[فرحة]

يا بنات الله يسعدكم
عندي اقتراحين مهمين
اولا الدوره التأهيليه انتهت ولا لسا انا ما اعرف ياريت احد يجاوبني منكم ؟
بس اعتقد انو خلاص اذا ما انتهت ماباقي عليها شي عشان كدا
فكرت انو الكل انا وانتو مستفيدين من الموضوع ما ابغاه الموضوع ينقفل اذا الدوره التأهليه خلصت
وعشان كدا ايش رأيكم نفيد بعض اولا اغلب البنات خايفين من مذاكره الرياضيات
ياريت الشاطره في الرياضيات تقولنا وتشرحلنا هو عن طريق النت عن طريق الماسنجر
طبعاً الي يحب نعمل مجموعه بقياده الطالبه الي تتبرع انها تشرحلنا الماده
ونشبك كل يوم في وقت يناسب الكل وتبدء تشرحلنا عن طريق الماسنجر
اذا ما عندكم مانع ممكن تفتح الكاميرا وتشرحلنا صوت وصوره
اذا اعجبكم اقتراحي ارجو انكم تردو عليا وحتي لو ما عجبكم ارجو برضو من الي ما يعجبها انها ترد عليا تبين ليا ليش الفكره ما عجبتها انا ما ازعل ابدا بالعكس ان شاء الله كلنا اخوات


الاقتراح التاني ما راح اقولو دحين لانو لسا الفكرا في بالي بس ما رتبتها كويس ان شاء الله افكر فيها كويس وارد عليكم

بخصوص الانجلش انا مره متخوفه منو هو والرياضيات بس الله يسهل
اليوم اعطيت كتابي لابو الشباب " زوجي " قلتلو اشرحلي رياضيات قلب الكتاب قال تافه دا الي انتي خايفه منو وصعب عليك
ما ادري ليش التحطيم هههههههه المهم انو وعدني انو يشرحلي بس انا خايفه انو ينشغل عني بعملو او خروجو للنادي او عند اصحابو والله محتاره مو عارفه ايش اعمل ورفض فكره روحتي لمدرسه
ومن هنا جاتني فكره الماسنجر قلت اعرضها عليكم عل وعسا اجد منكم من يؤيد فكرتي وتنجح ان شاء الله
عموماً الله يسعدكم يا بنات الي ما اشترت الكتب تبدء ضروري تدرس عربي من ملخصات الاخت روز والاخت فراشة جده بكدا تكونو ختموتو الماده انا شخصياً اشوف انو ملخص العربي اهم من الكتاب نفسو بل افيد وارتب واسهل في المذاكره لا تضيعو الوقت الوقت بيمر بسرعه والوقت ثمين ومن ذهب وفضه والماس واكسسوار وبسبسي وميراندا وكل الاشياء الي تجي في بالكم ...

[فرحة]

بنات ممكن تردو على سؤالي متي بتذاكرو في الصباح او الليل ومتي تشوفو افضل وقت للدراسه ياريت السؤال دا الكل يجاوبني عليه ؟

[بنوتة هلالية]

الليل احلى شي للمزاكرررا

[فرحة]

المشاركة الأصلية كتبت بواسطة بنوتة هلالية الليل احلى شي للمزاكرررا

وانا بنت قبل ما اتزوج يعني
كنت ما اذاكر الا في الليل وما اروح الاختبار الا مواصله
بس دحين اصحا من الفجر اصلي الحمد لله
واصحي السيد احمد والسيده بنتي الطعمه اولادي عشان يروحو المدرسه افطرهم البسهم واودعهم
ويروحو بالسلامه
بعد ما يروحو انا ابدء اذاكر الين الساعه 9 احس بعدها انو مخي عورني بس الحمد لله الوقت دا حلو مره لانو الهدوء هو الي يخلي الانسان يركز

[sofe]

بنات ثم بنات ثم بنات افضل وقت ياست هانم فروحه للمذاكره هو بعد الفجر بنات عن تجربه هدوء وتستوعبي الدرس
وفكرتك يافروحه مرره ماشالله روعه نعمل ماسن ووحده تتبرع وتدرسنا بس ياليت يكون وقت مناسب للكل
والى تقول انزل جدة لا تنزلين خلاص الاسبوع دا اخر اسبوع بعد عمر طويل بطاعه ربي
ونحن هنا نحط المهم
والعربي يابنات ثم بنات ثم بنات انتبهوا ركزوا العربي سهل بس ممكن طريقه وضع الائسله تلخبط روحي للناذج شوفي كيف تلخبط حتى الثقافه سهل جدا جدا
بس ترى في الاسئله يحتاج لتركيز
والرياضيات وما ادراك ما الرياضيات احفظوا القوانين زي اسمك
والباقي افهموا زي اسمك خخخخ
اه ياارببي سهل امورنا كلها

ولي رجعه
فرروووحه ساامحني شكلي راح افضلك بعد الدورة يالله متى ناويه تجي جدوة

[فرحة]

المشاركة الأصلية كتبت بواسطة sofe بنات ثم بنات ثم بنات افضل وقت ياست هانم فروحه للمذاكره هو بعد الفجر بنات عن تجربه هدوء وتستوعبي الدرس وفكرتك يافروحه مرره ماشالله روعه نعمل ماسن ووحده تتبرع وتدرسنا بس ياليت يكون وقت مناسب للكل والى تقول انزل جدة لا تنزلين خلاص الاسبوع دا اخر اسبوع بعد عمر طويل بطاعه ربي ونحن هنا نحط المهم والعربي يابنات ثم بنات ثم بنات انتبهوا ركزوا العربي سهل بس ممكن طريقه وضع الائسله تلخبط روحي للناذج شوفي كيف تلخبط حتى الثقافه سهل جدا جدا بس ترى في الاسئله يحتاج لتركيز والرياضيات وما ادراك ما الرياضيات احفظوا القوانين زي اسمك والباقي افهموا زي اسمك خخخخ اه ياارببي سهل امورنا كلها ولي رجعه فرروووحه ساامحني شكلي راح افضلك بعد الدورة يالله متى ناويه تجي جدوة

انا العربي مو خايفه منو ولا الثقافه ومشيت فيهم
الحمد لله
بس انا خايفه من الرياضيات عشان كدا جا في بالي انظم مجموعه في الماسنجر تمسكها اي طالبه تتبرع انها تشرحلنا ونتجمع في وقت معين وبكدا نكون استفدنا من الله يسلمك الشي الي يسموه تكنولوجيا

[shy rOoOs]

بنات حلوات
وين محاضرات رووز حقت العربي؟ ماشفتها؟
والوحده الاولى من العربي معنا او لا؟
افيدوني

بالتوفيق

[فرحة]

المشاركة الأصلية كتبت بواسطة shy rooos بنات حلوات وين محاضرات رووز حقت العربي؟ ماشفتها؟ والوحده الاولى من العربي معنا او لا؟ افيدوني بالتوفيق

محاضرات العربي كلها بدون استثناء تلاقيها في قسم الملخصات والمواضيع المميزه ومن ضمن الشروحات تلاقي شرح للاخت روز مره ممتاز انا انصح فيه هو وشرح الاخت فراشه جده
وطبعا العربي سهل مره ممكن اذا مسكتي شرح روز تخلصيه في اسبوع لانو من جد ما يبغالو والثقافه مهم مره انك تنزلي ملخص من الملخصات الموجوده في قسم الملخصات وذاكري منو
الله يوفقك سامحيني اذا اتأخرت بالرد والله مره مع بناتي مشغوله خاصه الفتره الي فاتت كانو كلهم تعبانين سخونه ورشح وكحه والبيت انقلب الي مستشفي

[shy rOoOs]

يابنات الانجليزي حووووووووسه
والله صعب قولولي شلون ذاكرتوه او شنو تخطيطكم له؟