هنا تجمع طلاب الترم الصيفي لعام 1433هـ

[وطن.!]

المشاركة الأصلية كتبت بواسطة أبو عبودي2009 أخوي وطن أشكر لك مجهودك الجبار في الرد على أستفسارات الأخوان وجعل هذا العمل في ميزان حسناتك حبيت أسأل هل فيه دورة تأهيلية للفصل الصيفي وشكراً

العام الماضي في الترم الصيفي كانت بداية الدورة التاهيلية للترم الصيفي في 8/22 لكلية الاقتصاد والادارة وهذا الترم اتوقع نفس توقيت العام الماضي في 8/22 عموما اذا نزل شيء عن الدورة التاهيلية بكل تاكيد راح تلقاه هنا موفق ابو عبودي
وللمعلومية ممكن الدكتور يسحب على الدورة التاهيلية وعادي لاحسيب ولا رقيب

[وطن.!]

المشاركة الأصلية كتبت بواسطة حمدان صالح معك الشايب وأنا أخوك ياوطن... موادي كالتالي.. قراءات انجليزيه وثقافه4و انجليزي2 الله يخارجنا منهن ونتخرج

حمدان ماشاء الله عليك ياشويب مبين عليك فالح حييييل بالانجليزي والدليل انك مرصصهم فوق بعض ، كل السنين اللي قضيتها بالجامعه وانت جالس تحذف فيهم الي ما نشبوا في حلقك هههه اسمع قراءاة ادارية عندي المادة وازهلها عندي وانا ابو هندي هههههههههه ركز على 102 وتراني اكلمك بجد

[crooot]

موضوع جيد جداً

[وطن.!]

المشاركة الأصلية كتبت بواسطة الجوهره السوداء ابسوي لاخوي معامله الكترونيه ولا قدرت وش الموضوع والله هذا الاودس متعب افيدوني لان اخوي خريج وباقي له 12 ساعه وكلم العماده قالو له ارسل معامله الكترونيه ومن امس وهو يدخل ماتضبط معه ابد

هلا بالجوهرة المعاملة الالكترونية لازم يكون مسدد الرسوم ، خليه يسدد وبعدين ارسلي لهم المعاملة

[وطن.!]

المشاركة الأصلية كتبت بواسطة السواق اخوي وطن السلام عليكم ورحمة الله وبركاته اريد رايك في جدولي الصيفي 1/ التخطيط الاستراتيجي 2/ موازنة ومالية عامة 3/ بحوث العمليات وكيف دكاترة هذه المواد وهل الموازنة مادة علمية ولك كل الشكر والتقدير

المواد حليلة اخوي السواق لكن لازم تركز وتذاكر وتستعد كويس وتبدا تحضير من الان لها خصوصا البحوث العمليات انا راح تكون معايه هذا الترم وكنت متخوف منها كثير الي ماشفت رأي احد الاخوان عنها وهو اخونا (مستشفى) اعجبني وصفه وكلامه عن المادة كثير تخيل الي انه يقول المادة حقت رفع معدل بس تبي الواحد يتدرب على حل التمارين ويحضر زين وهذا هو الكلام اللي يريح الواحد ويخليه مطمئن اكثر .

أما بنسبة لمادة الموازنة العامة : على فكرة المادة كثير ممتعه وحلوه لكن اذا كانت عند الدكتور النفيعي انصحك لازم تشوف اسئلته السابقه عشان تكون مطلع وعارف طريقة الدكتور للاسئلة،الله يوفقك

[حمدان صالح]

المشاركة الأصلية كتبت بواسطة وطن.! حمدان ماشاء الله عليك ياشويب مبين عليك فالح حييييل بالانجليزي والدليل انك مرصصهم فوق بعض ، كل السنين اللي قضيتها بالجامعه وانت جالس تحذف فيهم الي ما نشبوا في حلقك هههه اسمع قراءاة ادارية عندي المادة وازهلها عندي وانا ابو هندي هههههههههه ركز على 102 وتراني اكلمك بجد

كفوووو والله ... الله يسلمك من كل شر ويفرج لك..

[وطن.!]

المشاركة الأصلية كتبت بواسطة ميشو999 ياشباب ألحقوني تكفون ..وش أسوي .. إذا جيت أبسجل المواد يقولي الرجاء التحقق من الرقم السري البديل هبلوا فيني

ياميشو اذا الموضوع مستمر معك تواصل معي عن طريق الخاص اعتقد موضوعك مثل موضوع اخوي محمد مايحلها لك الا ابو طالب وموفق باذن الله

[وطن.!]

المشاركة الأصلية كتبت بواسطة مجنون العالمي10 عندي اعفاء كيف اعرف انهم قبلوني في الصيفي

بصراحه مافهمت عليك ، انت تقول عندك اعفاء يعني من اول وانت معفي عن الرسوم لكن كيف تعرف انهم قبلوك في الصيفي هاذي مالها حل ابدا طيرت المعلومه اللي خزنتها انا من اول وهي اللي عندك اعفاء من اول !! عموما الترم الصيفي مافيه تقديم وقبول ورفض فيه شرط واحد بس هل تجاوزت اكثر من خمسين ساعه مكتسبه؟؟ اذا كان الجواب نعم اذا فانه يحق لك تسجيل المواد مباشرة بناء انه معفي عنك في الرسوم، يخوي بالله عليك اسمحلي انا احاول بقدر المستطاع مساعدتك مع ان سؤالك ماهو واضح اتمنى اكون اصبت بالاجابه

[وطن.!]

المشاركة الأصلية كتبت بواسطة الجوهره السوداء ابسوي لاخوي معامله الكترونيه ولا قدرت وش الموضوع والله هذا الاودس متعب افيدوني لان اخوي خريج وباقي له 12 ساعه وكلم العماده قالو له ارسل معامله الكترونيه ومن امس وهو يدخل ماتضبط معه ابد

عموما اختي الموضوع بسيط حييل بس خلي اخوك يراسلني خاص عشان اعطيه جوال واحد موظف بكلية الاقتصاد والادارة ومتخصص في شؤون الطلاب على الحذف والاضافة -
معليش مقدر ارسله لك لان نظام المنتدى يمنع ذلك . طبعا كلامي بحالة استمرار المشكله

[وطن.!]

هاااام لكل من يعانون في السداد


اللي تحصل معاهم مشاكل في السداد انوه لهم هنا بأن السداد لن يقبل لك الا اذا سويت اضافة لمواد في البداية وبعدين تروح لصراف وتلقى السداد مفتوح ، لكن اذا ما اضفة مواد ورحت بتسدد ماراح يقبل معك وللعلم فان تسجيل المواد ليس بالضرورة تكون نفس المواد التي ترغب باختبارها لا اي مواد بس عشان يفتح معك التسديد وبعد ذلك تستطيع تغيير المواد عن طريق الحذف والاضافة واضافة المواد التي يرغب اخذها في الترم الصيفي