حمله تاجيل الدراسه في الجامعه

[mela]

سيد خاشقجي روح شوف جامعة الاجنبي و شوف جامعتنا
اصلا قارن مدينة الاجنبي بمدينتا العزيزة
و بعدين احنا ما جبنا سيرة الوطنية في الحملة
احنا خايفين على ارواحنا يعني مستكثرينها علينا مو كفاية انهم
غير مبالين فيها اصلا يعني بالله كيف تبغانا نروح الجامعه و الطرق المؤدية
للجامعه خرباااااااااااااااااااااانه ... الكوبري الاول طاح و الثاني غرقاااان
و الا اقولك تخيل و احنا رايحيين الجامعه و معانا مكانسنا عشان ننظف الجامعه عشان الوطنية
و في الطريق جا مطر غزيييييير و انفجرت بحيرة المسك وقتها ايش راح يصير فينا ما فكرت في ذا الشي . و طبعا ما استغرب تفكيره و رده ع الموضوع بذي الطريقه دام ان اغلب المسؤوولين الله يحفظهم يفكرو بذي الطريقه
والله ما ينفع معاكم غير ان الواحد يسوي اللي في راسه
و الله جالسين نتشحد الاجازه كأننا جالسين نتشحد منهم الحياه

[حايسه بين الكتب]

ياجماعه انتوا قرأتو الردود على موضوع جمالوه في موقع الوطن

والله شي يقهر هما مو حاسين بالوضع اللي احنا فيه واغلب اللي يتكلموا من خارج جده

قممة الفلسفه وقلك مسويين مثاليه

ياليت المثاليه هذي تطلع في حاجات ثانيه مو في الارواح



خلونا على رأينا نعم للتأجيل

[smorh]

نبغى نرسل لصحفي ثاني تأيدوني الراي؟؟

[ĂŅĢėĿįČĂ]

ارسلنا لعكاظ والمدينة لكن طنشو
اقلها احسن من اللي قلب ضدنا :(

[ĂŅĢėĿįČĂ]

http://www.okaz.com.sa/new/Issues/20...1203318484.htm
شوفو دا شكلو طيوب .. نرسلو..؟
احسو ماراح يكسر خاطرنا زي هداكـ.. : (
مكتوب ايميلو في نهاية الموضوع ><"

[smorh]

المشاركة الأصلية كتبت بواسطة ĂŅĢėĿįČĂ http://www.okaz.com.sa/new/issues/20...1203318484.htm شوفو دا شكلو طيوب .. نرسلو..؟ احسو ماراح يكسر خاطرنا زي هداكـ.. : ( مكتوب ايميلو في نهاية الموضوع ><"

ارسلي وجربي ان شاء الله صوتك يوصل

[smorh]

انا ارسلت لعكاظ من امس

[د-فوفه]

معااكم اسفه جايه متأخر

صراحه بيني وبينكم

ماراح اداوم اول اسبوووع وربي صحتي اهم

[ĂŅĢėĿįČĂ]

إقتباس:
يا اخ جمال الصور الظاهرة لنا بينت بوضوح غرق الجامعة وتلفيات ! فإذا كان العام الدراسي يبدأ في أحسن أحوال الجو والفصول الدراسية في أسوأ حال فكيف بأن تبدأ بعد سيول جارفة واختلط فيها الحابل بالنابل من المجاري وغيره ثم إنهم ليسوا في جامعات أهلية! فلنكن واقعيين ولا نساوم على المواطنة ونلوح بها في قضايا وكوارث حلت بأناس منهم من فقد أعز الناس إليه ومنهم من ترملت ومنهم من تيتم وفقد رب المنزل وأسر قطع نسلها نحن أمام نازلة حلت بجزء غالي من مملكتنا الحبيبة وقد كان والد الجميع أول من استشعر عظم الأمر الجلل وأمر بلجان لتحقق فيه هذه الكارثة وأنتم تخففون أمرها! يجب أن نلتف وننظر نظرة إنسانية وشفقة وحنان على هؤلاء الثكالى فلم يكن عيدهم عيداً ...ملئ فمي وطنية ومواطنة صالحة ولكن لابد من تأجيل الدراسة بل وتعطيل بعض الدوائر التي لحق بها الضرر والتلف حتى تعود الحياة كما كانت ولتنزل للشارع وترى.
مواطن أبكته وأدمت مقلتيه مشاهد السيول والضحايا في جدة :(

<< احسن رد في الموضوع كلو : )
الله يسعدكـ يااارب على كلمة الحق اللي قولتها ><

[smorh]

هو الحين نعتنا بالا وطنيه وقال عننا اننا نضغط على مدير الجامعه والوكيل
بالله عليكم ايش رايك بالموضوع الحين احنا لمن نرسل خطاب لمدير الجامعه الاستاذ اسامه الطيب يعني نضغط عليه ولا نحترمه ونطلب منه التاجيل مو نغيب ونتخلف عن النظام وربي كلامه كله كبيير الكاتب هذا!!!!!