ماحصل في الدورة التأهيلية الخطه ( أ ) لعام 1430 هـ ." لـلــطـــالـــبــــات ".

[ana-to0ota]

يعطيكم الف عااافيه على جهووووودكم

[دلوووووعه.]

اختي رورو يالييييييييييييييييت تجاوبيني او تسألي الاستاذه انه

اللي مو مذكور في التحديد محذوف بالمره ولا نذاكره واللي محدد هو المهم؟؟؟ ياليت القى جواب

[رومندا]

مشكورين على الجهد الي بلتوه انا نزلت المحذوف والمهم بالرياضيات والمفردات وكل شي في موضوع واحد بس استنى لين تنتهي الدوره واكمل من البنات المحذوووف

بنات انا الحمد لله تمام بالرياضيات لو تحبوا وحده تشرح لكم من عيوني

[رومندا]

بنات سؤا مى تنتهي الدوره اليوم السبت 20 القعده ؟؟

[tth]

الي احلي رورو مررررررسي علي الجهد الذي تبذليه وجزاك الله خير الجزاء ويسعدك ربي ومن يقرب منك اكتر يعرف قد ايش انتي محبوبه وبتوفيق

[فرحة]

المشاركة الأصلية كتبت بواسطة shy rooos بنات حلوات وين محاضرات رووز حقت العربي؟ ماشفتها؟ والوحده الاولى من العربي معنا او لا؟ افيدوني بالتوفيق

محاضرات العربي كلها بدون استثناء تلاقيها في قسم الملخصات والمواضيع المميزه ومن ضمن الشروحات تلاقي شرح للاخت روز مره ممتاز انا انصح فيه هو وشرح الاخت فراشه جده
وطبعا العربي سهل مره ممكن اذا مسكتي شرح روز تخلصيه في اسبوع لانو من جد ما يبغالو والثقافه مهم مره انك تنزلي ملخص من الملخصات الموجوده في قسم الملخصات وذاكري منو
الله يوفقك سامحيني اذا اتأخرت بالرد والله مره مع بناتي مشغوله خاصه الفتره الي فاتت كانو كلهم تعبانين سخونه ورشح وكحه والبيت انقلب الي مستشفي

[فرحة]

المشاركة الأصلية كتبت بواسطة رومندا مشكورين على الجهد الي بلتوه انا نزلت المحذوف والمهم بالرياضيات والمفردات وكل شي في موضوع واحد بس استنى لين تنتهي الدوره واكمل من البنات المحذوووف بنات انا الحمد لله تمام بالرياضيات لو تحبوا وحده تشرح لكم من عيوني

اولا شكرا لك وجزاك الله خير ما تقصري يا قمر
ثانياً انا بدور الشاطرين في الرياضيات كان عندي اقتراح ياريت تردي عليا لان انا وبعض البنات فعلا نحتاج من يذاكرلنا رياضيات

[فرحة]

المشاركة الأصلية كتبت بواسطة بنوتة هلالية الليل احلى شي للمزاكرررا

وانا بنت قبل ما اتزوج يعني
كنت ما اذاكر الا في الليل وما اروح الاختبار الا مواصله
بس دحين اصحا من الفجر اصلي الحمد لله
واصحي السيد احمد والسيده بنتي الطعمه اولادي عشان يروحو المدرسه افطرهم البسهم واودعهم
ويروحو بالسلامه
بعد ما يروحو انا ابدء اذاكر الين الساعه 9 احس بعدها انو مخي عورني بس الحمد لله الوقت دا حلو مره لانو الهدوء هو الي يخلي الانسان يركز

[فرحة]

المشاركة الأصلية كتبت بواسطة sofe بنات ثم بنات ثم بنات افضل وقت ياست هانم فروحه للمذاكره هو بعد الفجر بنات عن تجربه هدوء وتستوعبي الدرس وفكرتك يافروحه مرره ماشالله روعه نعمل ماسن ووحده تتبرع وتدرسنا بس ياليت يكون وقت مناسب للكل والى تقول انزل جدة لا تنزلين خلاص الاسبوع دا اخر اسبوع بعد عمر طويل بطاعه ربي ونحن هنا نحط المهم والعربي يابنات ثم بنات ثم بنات انتبهوا ركزوا العربي سهل بس ممكن طريقه وضع الائسله تلخبط روحي للناذج شوفي كيف تلخبط حتى الثقافه سهل جدا جدا بس ترى في الاسئله يحتاج لتركيز والرياضيات وما ادراك ما الرياضيات احفظوا القوانين زي اسمك والباقي افهموا زي اسمك خخخخ اه ياارببي سهل امورنا كلها ولي رجعه فرروووحه ساامحني شكلي راح افضلك بعد الدورة يالله متى ناويه تجي جدوة

انا العربي مو خايفه منو ولا الثقافه ومشيت فيهم
الحمد لله
بس انا خايفه من الرياضيات عشان كدا جا في بالي انظم مجموعه في الماسنجر تمسكها اي طالبه تتبرع انها تشرحلنا ونتجمع في وقت معين وبكدا نكون استفدنا من الله يسلمك الشي الي يسموه تكنولوجيا

[فرحة]

المشاركة الأصلية كتبت بواسطة r0oro كيفكم بنااات اليووم ا نشاءالله تماام المهم انا راح انزل تأشير الرياضيات لليوووم الله يسعدكم ادعولي احول انتظام << مصلحجيه ص176 ( مثال 5 << اخر سطر في الصفحة المعادلة رقم 2 فيها خطأ مطبعي وراح اصححه بالاحمر 10x +15y =270 >> التصحيح 10x + 15y = 420 ) ص177 ( تكملة مثال 5 ) بعدين نطت نطه قوووويه واحلى شيء طبعا البااب الرابع الدوال ص187 ( تعريف 4.1.1 _ مثال 2 ) ص189 ( مثال 4 _ بعض انواع الدوال بالعربي الصفحة كلهاا ) ص191 ( تعريف 4.2.1 _ مثال 1 << ماادري كان مكتوب في العرض بس هي طنشته وما شرحته عاد انتوا بكيفكم ) ص193 ( مثال 2 _ مثال 3 ) ص194 ( تعريف 4.2.3 _ تعريف4.2.4 ) ص195 ( مثال 4 ) ملاحظة : اي سؤال فيه داله ورسمتها انتوا بس احفظوا كل داله كيف شكل رسمتها لأنها تجي اختياري ص196 ( تكملة مثال 4 _ مثال 5 ) ص197 ( مثال 6 ) ص198 ( تعريف 4.2.6 _ مثال 8 فقط الدالة رقم 1 و 3 ) ص200 ( تعريف 4.2.7 _ مثال 9 ) ص201 ( تكملة مثال 9 _ مثال 10 ) ص202 ( مثال 11 ) ص203 ( تعريف 4.2.8 _ مثال 13 ) ص206 ( تعريف 4.3.1 _ مثال 1 ) ص207 ( مثال 3 ) ص208 ( تعريف 4.3.2 _ مثال 4 ) ص209 ( مثال 5 _ ملاحظه ) ص211 ( تعريف 4.4.1 _ مثال 1 ) ص212 ( الفحة كلهاااا ) ص213 ( خواص الدالة الأسية _ تعريف 4.4.3 ) وسلااامتكم ^^

الله يسعدك يارب ويوفقك
اتمني اني اتعرف عليك وان شاء الله اقابلك ايام الاختبارات