{..تنظيـم الجدآول و اختيـآر المـوآد للفصل الدرآسي الجديد..طـآلبـآت الإنتساب..}

[رؤى م.]

السلام عليكم ورحمة الله
كيفكم بنات

حبيت اسألكم عن اسماء كتب الـ
صوتيات \ ملزمة الادب \ كتاب مناهج البحث \ كتاب النحو
ومن فين اشتريها ؟؟

مع العلم انو جدولي مضاف فيه كمان ماده حره علم نفس نمو مع استاذه ريم
ايش رايكم في ال 5 مواد ؟؟ حقدر اوفق بينهم ولا احذف النحو او المادة الحره ؟؟

[ام حمدان]

وعليكم السلام ورحمة الله وبركاته

اسم كتاب علم نفس النمو العضوه الي منزله سلايدات الاستاذه كتبت اسم الكتاب في نفس الموضوع اقريه وبتلقي الاسم

اما مواد التخصص هذي اسماء كتبها في الملف المرفق
وتقدري تشتريهم من المكتبات الي حول الجامعه زي خوارزم او الامين

والبحث من الحين اقولك اسمعي الكلام واحذفيه ماراح يخلونك تدرسيه قبل ماتخلصي الادب صدقيني
فلا تشتري كتابه
وبدونه بيصير جدولك اوكي وإن شاء الله تلحقي على موادك كلها
بس اهم شي لاتضيعي وقت وحاولي تقري كتبك قبل الدوره ضروري لانه بعدها مافي وقت كثير عندك للمذاكره وخلال الدوره لازم تحاولي تذاكري هالترم مضغوطين وربي يعيننا ويسهل علينا موادنا واختباراتنا يارب

[رؤى م.]

المشاركة الأصلية كتبت بواسطة ام حمدان والبحث من الحين اقولك اسمعي الكلام واحذفيه ماراح يخلونك تدرسيه قبل ماتخلصي الادب صدقيني فلا تشتري كتابه

طيب في مشكله لو انتظرت الين موعد الدوره و شفت حيحذفوه ولا لأ؟
يمكن اتغير النظام الترم دا ؟

[noxxxxx]

الحين انا مو منزلة الا مقدمة في الادب ومقدمة في الترجمة وثقافة 4 مافي شي ثاني يبي يظبط
كنت ابي انزل بحث بس تقولون ماينفع والادب لازم اخلص ريدنق 2! طيب انا اخذت الريدنق بس الفاينل مارحته عشان الامطار فا مدري ينحسب ولا لا ؟ وفري كورس على قدام شوي لانه مو عاجبني شي من المتاحه . ماازاا افعل ؟ ابي افتك من الجااامعه

[ام حمدان]

اوكي ياقلبي انتظري لو حابه لكن كلامي بناءً على الي حاصل معنا وحسب ماعرفنا من مس نجوى نفسها
عموما مافي اشكال لو خليتيها لغايه وقت الدوره وتتاكدي بنفسك منهم اذا هذا الشي بيريحك

توني انتبه لتوقيعك
عظم الله اجرك
ورحم الله فقيدكم واسكنه فسيح جناته والهمكم الصبرو السلوان

[رؤى م.]

المشاركة الأصلية كتبت بواسطة ام حمدان عموما مافي اشكال لو خليتيها لغايه وقت الدوره وتتاكدي بنفسك منهم اذا هذا الشي بيريحك دا الي راح اسويه إن شاء الله توني انتبه لتوقيعك عظم الله اجرك ورحم الله فقيدكم واسكنه فسيح جناته والهمكم الصبرو السلوان

جزاك الله خير حبيبتي

[ام حمدان]

^
طيب اللغويات ماخلصتيها ؟

المهم

البحث خذيها مني ماااعتقد توافق مس نجوى اومس جميله انك تضيفيه
لكن الادب ماادري والله واصلا كيف اضفتيه وانتي لسى مااختبرتي ريدنق !

الحل انك تروحي لهم بنفسك بعد الاجازه على طول في ساعاتهم المكتبيه وتشوفي ايش الي ممكن يوافقولك عليه
وان ماوافقوا على الي تبينهماللك الا المواد الحره حاليا حتى لو ماكانت عاجبتك كثير ولا انه يروح ترم كامل على مادتين فقط

موفقه وربي ييسر لك امرك

[LAURA H]

صباياااا..
ممكن شوية معلومات عن مادة السوسيو؟؟!!
حابة انزلها هالسمستر لانها مع خولة!!

[nour al3mr]

المشاركة الأصلية كتبت بواسطة laura h صباياااا.. ممكن شوية معلومات عن مادة السوسيو؟؟!! حابة انزلها هالسمستر لانها مع خولة!!

السوسيــــو

مادة جميلة جداً لكن كتابها دش وغني بالمعلومــــــــآت

تتكلم عن اللغة وعلاقتها بالمجتمع

يشبه محتواها ماتم دراسته في مقدمة في اللغويات لكن بتوسع كبير جداً
تدرس اللهجـــــــآت و اللغـآت واختلافها وفقاً للمناطق و الطبقات الاجتماعية وو الخ

ان كنتِ أن الدكتورة لاتعوض فالتنزلي المـآدة

موفقة ..

[سهر]

الماده يبغالها حفظ وكلامها كثيييييير وفيها دراسات علماء بس مدام انها مع خوله فـــ تـــطـــــمـــنـــــــي :)
خوله تشرح بذمه وامانه وتفهمي الكورس معاها بغ النظر عن اختبارها لانه مو سهل ممكن سهل ممتنع وتجيب كللللللللل شي تشرحه الاختبار طويل والتوزيع ممتااااز مو سؤال عليه 10 او 20 لالالالالا
بالتوفيق يارب