جامعة الملك عبدالله للعلوم والتقنية ....

[seham alwead]

المشاركة الأصلية كتبت بواسطة عماد الحسن عودة للموضوع مع الشكر لكل المشاركين الأخت القديرة سهام ،، أقدر لكم أنك إنسانة محافظة وأنصحك بشدة أن لا ترفضي القبول ولا يمكن لأحد ان يجبرك على كشف الوجه وأنت في بلد الحرمين، وأنصحك أن لا تأخذي المعلومة من وحدة كلمتك في التلفون وأنت لا تعرفيها.. صدقيني هذه فرصة العمر ولابد أن تقبليها وتحضري الجامعة، ومن الأسبوع الأول تعرفي كل التفاصيل وهل ممكن تستمري أو تنسحبي. أما عن نسبة السعوديين 15% فهذه معايير للجامعات العالمية بأن يكون طلابها وأساتذتها من كل الجنسيات وهذا مكسب كبير لنا .. كما أن الجامعة وجدت الدعم من دول كثيرة ولابد أن يكون نظامها عالمي مع الحفاظ على خصوصية مجتمعنا.

هلا اخوى عماد اللى اتصلت على عرفت باسمها وانها من لجنة القبول.. بالنسبة لكشف الوجه كانت واضحة فيه وانه ضروى حتى انا قلت لهم انى بدرس بس مارح اكشف وقالت لا .. هذا نظام في الجامعة.. هى لاتمنع الحجاب ولبس العباية بس غطاء الوجه ممنوع...
انا معك انها جامعة مهمة وتملك امكانيات عالية بس ايش الفايده منها وحنا محرومين منها اقصد البنات ولا العيال ماعندهم مشاكل..
مايحتاج اروح لهم لان المكتوب باين من العنوان... اسال الله رب العرش العظيم انه القوانين تتغير عشان نلتحق فيها ويعطيك العافية

[seham alwead]

المشاركة الأصلية كتبت بواسطة رقة الورد حتى أنا تم قبولي في جامعة الملك عبدالله واتصلت علية الموظفة أكثر من مرة على جوالي وتلفون بيتي تقنعني بالموافقة ... ويعلم الله كم أنا متلهفة للدراسة في جامعة عالمية مثل جامعة الملك عبدالله في بلدنا وفي جانب أهلنا بدل التغرب والبهذلة...... ولكن كان سؤالي لها هل هناك اختلاط في كل مكان في الجامعة أم اختلاط بسيط فقالت بالحرف الواحد ( مكس مكس في كل مكان)...فسألتها هل بأمكاني عمل جدولي الخاص بالمحاضرات بكيفي بحيث أكون مع طالبات أو حتى لوحدي فقالت ( والله هذي الآمور والتفاصيل مانعرف عنها شئ الآن )... أما بخصوص كشف الوجة قالتلي صحبتي هذا الكلام لكن الى الان أنا ماني مصدقة معقولة!!!!!!!! على كذا ماستفاد السعودين المتميزين من هذي الجامعة (اختلاط كامل وكشف وجة) ليه فين دينا ؟؟ وفين مرضاة ربنا ؟؟؟ مهما حصل الانسان في هذة الدنيا من شهادات عالمية ومناصب وغنى بمعصية الله فلن تنفعة يوم ينحط بقبرة... ولذلك رفضت العرض ...واذا شاء الله وتعدلت الآنظمة هناك سوف أقدم فمعدلي عالي جدا .. وأمامي فرصة لدراسة اللغة وان شاء الله ربي حيعوضني (من ترك شئيا لله عوضة الله خيرا منه) * رضا الله قمة أولوياتي *

هلا والله انا اتصلوا على ثنتين من لجنة القبول على جوالى لمده اسبوع تقريبا .. ولما قلت انه بدرس بدون كشف وجه ماعاد اتصلوا ولا سالوا...
حتى انا مانى مصدقة انه فيه جامعة بلدنا يكون كشف الوجه شرط للقبول فيها ... الله يعوضنا باللى احسن منها.. ومكشوره على مشاركتك..

[احلام يقظة]

ما شاء الله ما توقعت لسى في بنات محافظات بالشكل اللي يخليها ترفض عشان الحجاب، اتاريها اختي صرعتنا لما اتصلوا عليها تبغى تروح بس مشي الحال وجاتها الوظيفة ونست الحكاية - مع انه قيادة السيارة لوحدها إغراء بصراحة - تلك هي المشكلة زي ما يقولوا وهي معادلة إذا قدرت البنت تحققها فلا تتردد وعموما استخيري مرة ومرتين وثلاثة وربنا يوفقك.

[عماد الحسن]

صدقون ان البنات اللي اتصلوا عليكم يمثلوا رايهم فقط وليس راي الجامعة
لو قبلتوا العرض ورحتوا بنفسكم لن تخسروا شئ ، أحضروا أول يوم وبعد يومين ممكن تنسحبوا منها.
الحمد لله وربنا يعوضكم خير.

[همس المشاعر]

انا ايضا اتصلو علي وعبيت الطلب ومو مرة متحمسة لكن احب اشوف بنفسي

ممكن يكون كلام

[miss lulu]

مبروووك ع الترشيح وإن شاء الله إن كان لك خيرة ربي يسهلها لك

بالنسبة للحجاب بصراحه شي غريب

إذا بعض صحباتي في أمريكا بيغطوا ومحد يكلمهم عادي هنا لأ ؟؟!!

أنا رأيي من رأي أ عماد روحي وشوفي بنفسك أحسن ومو بس كدا حتى لو ترسلي للمسؤولين اللي هناك خطاب بخصوص تغطية الوجه

إن صمموا على رأيهم إن شاء الله ربي يعوضك بأحسن منها

مين عارف إمكن لما يشوفوا بنات كتير يطالبوا بتغطية الوجه يصير مو ممنوع ^_^

الله يوفقك إن شاء الله

[امرأة بقلب طفل]

ممكن سؤال انتم الي جاتكم المنحة هل تم قبولكم في الماستر في جامعة الملك عبدالعزيز بعدين تم اعطائكم المنحة ولا توك متخرجين من البكالوريوس وماقدمتم على الماستر

[seham alwead]

لاانا جتني بشهادة البكالوريوس وماقدمت على جامعة عبدالعزيز للماستر .. بس المنحة جات بترشيح من جامعة عبدالعزيز للطالبات اللى معدلهم عالي...

[seham alwead]

المشاركة الأصلية كتبت بواسطة همس المشاعر انا ايضا اتصلو علي وعبيت الطلب ومو مرة متحمسة لكن احب اشوف بنفسي ممكن يكون كلام

بالتوفيق لك وياريت تقولين لنا ايش يصير معك..

[همس المشاعر]

السلام عليكم اليوم كانت مقابلتي

كانت اللجنة مكونة من ثلاثة دكاترة رجلين و امرأة وكنت جدا متوترة الاسئلة باللغة الانجليزية

معظهما كانت اسئلة شخصية ومن بعدها بدأت الاسئلة في الكيمياء واسئلة في التخصص الدقيق وسبب اختياري للجامعة وكيف عرفتهم سبب اختيار التخصص

وفي النهاية قالوا لي ان الدوام يمتد الى السابعة مساء و لن يكون هناك لبس لغطاء الوجه و تلبسي لاب كوت بدل العباية ... هل تمانعين ذلك !!!

صراحة رفضت وشكلهم سحبوا علي والله يعين

هذا هنا في السعودية خليها لهم