اعلن انسحاابي

[سكرة]

اذكر الله
وتعوذ من ابليس
الحال من بعضة اجل شقول انا تغربلت بروحتي هذي ع الاقل انت رجال شايل عمرك
لاتخلي شي يخرب مستقبلك ج فيصل الي اخبره رسومهم عالية وماهو من كثر تخصصاتهم (الا اذا استجد شي مااعرفة)
اذكر الله واستخير جامعتنا ابرك من غيرها وان شاء الله بتسنع هالجامعة ع يدينا

[انتي حياتي]

انسحب بدون تردد احسلك والله ولاالظلم ذا الي احنا فيه

[بقعاء]

يارجال لاتنسحب وكلها أيام وتروح والفلوس رايحة رايحة بأي حال من الأحوال وأعرف شباب فصلوا وبعدين راحوا يترجون الرجال وواسطات علشان يرجعون للجامعة خذها وناسة وتمشي وتغير روتين وتشغيل مخ بالقرأه والسلام

[ALBADR]

اخي العزيز صقر ليش للمصاريف والرسوب اي علاقه فالشي راجع لمراجعتك للماده يعني مو معقول يسألونك سؤال مثلا كم خسرت ويحطونلك خيارات اقل من 10000 اكثر من 10000 او 10000 فقط واذا اخترت ينجحونك عالعموم من جد وجد وانا اعرف ناس كثير يجون من بعيد الين جده وبعدها يجلسون سمرات وضحك وناطل بالمذكرات ويدرس يمكن ساعتين ويقول تعبت ولما يجيه f يقول اوف والظلم وشلون وانا ناقل من واحد ناجح عالعموم كلا عقله براسه اذا شفت نفسك جاهز للكفاح والدراسه كمل واذا شفت انها مصاريف وماتقدر تدرس الغ فكرة الجامعه من راسك احسنلك

وانا اقولك عن نفسي درست بالجامعه ووصل معدلي باول الاترام 2.35 والان الحمدلله 3.27

[Tamim]

نصيحتي لك اذا كنت صغير بالعمر انك تفصل من الجامعه وحاول تدرس خارج البلد في امريكا او بريطانيا او نيوزلاندا على حسابك اول سنه بعدين انظم للبعثه السعوديه الرسميه ...

اذا درست في الخارج وشفت مستوى التعليم والدراسه وشدة الانظمه و نوعية المواد وطريقة الاختبارات في الجامعات ساعتها بتعرف النعمه اللي انت عايش فيها ...

وبالتوفيق لك ...

[ثامر البراق]

كلنا سوى

مافيه اختلاف

قبلنا بها طوعاً لا كُرهاً

ومن لم يستطع أن يكمل
فالخيار له
ولكن بعد تفكيرٍ عميق

بالتوفيق

[faisal aljrees]

الى اخي صاحب الموضوع
ان كنت مظلوما , فتأكد ان حقك سيعود لك في الدنيا او في الآخره .
ولكن ياعزيزي لاتيأس ولا تعتبر ان الرسوب فشل دائم , فهو فشل ينبهك لتداركه مستقبلا.
اول ترم لي في الجامعه رسبت في ثلاث مواد ونجحت فقط في مادتين , لما راجعت السبب وجدت ان اسلوب مذاكرتي كانت خاطئه ولم استعد لها وزود عن كذا , مذاكره من الكتاب وعدم تركيز وطلعات وروحات وجيات .
الترم الي بعده 4 مواد في الستينات ومادتين في الثمانين ,,, اعطتني العزم للمواصله والدفعه المعنوية والسبب يعود اولا و اخيرا بتوفيق من الله عز وجل ومن ثم باجتهادي المتواضع في المراجعة والمذاكره على اني موظف ولا استطيع استقطاع وقت يومي للمذاكره لان كما تعلم المذاكره تحتاج الى تصفية ذهن وتهيئة الاجواء المحيطة.
فلذلك ياعزيزي لاتيأس , اذا كان معدل مازال ثابت فوق ال2 فذلك جيد وممتاز جدا , والقرار لك في الاول والاخير ولكن دائما توكل على الله سبحانه وتعالى وابتعد عن اي وسيلة سيئة النية وماخلافه ولا تعتمد ابدا على ان حلك بعد الاختبار سيضمن لك التسعين ودائما تذكر هذا الشي الانسان يغفل عن اشياء لاتكون في باله ابدا والله سبحانه وتعالى يسخر ماله خير فيه ويبعده عن ماهو شر له

اعتذر على كلامي الطويل وهي مجرد فضفضه لك ياعزيزي ولعلى وعسى انها تشد من عزمك ومواصلتك ولا تهنم لكم دفعت واهتم الى ما وصلت اليه في المستوى الجامعي وماتسعى لتحقيقه

تحياتي وتقديري

[مالدينا]

لااااااااااااااااااااااااااااااا

ياخي وربي اني اكرف من 3 اشهر وتعب وسهر ومشاكل

على الاقل انت ولد ما تكلف على احد بس مثلي بنت لازم اطلب من يجي معايه لجده علشان اختبر
واتحمل اللي يصير والدرجات حدث ولا حرج 60 وما جاورها من كوارث


مع ذلك اقول الحمد لله على النجاح يا ابووووي كل تعليم العربي كذا خذها براسك

[ابو سيف 11]

اذا انك في الترم الاول او الثاني بامكانك تحول

والا اذا انك بالاترام الاخيره مابقى الا القليل حاول انك تصبر وتخلصها هنا

وجهة نظر

[حربي مسالم]

كلام استاذنا فهد العنزان ما بعده تعدي

يا صقر الشمال ان انسحبت انا اول المنسحبين بعدك وذنبي عليييييك

بالعربي ياويلك لو تنسحب

اذا انت موظف حط بنفسك تخلص الباكلريوس يعني تخلصة سوا بالفترة النظامية او تزود ان شاء الله سنه
لانه مهما كان ورحت لأي جامعة ثانية بيضيع عليك اكثر من سنه هذا اذا لقيت جامعة تعادل لك موادك ..

ونصيحة اترك عنك التذبذب من جامعة لجامعة

والله والله وهذا انت ما حلفتني انا دخلت جامعة الإمام سنه والجامعة العربية المفتوحة ترم ونص وجامعة يمنية انتساب هنا عن طريق السفارة اليمنية ونحشت منها ...

ورجعت غصب عني اتحمل المصاعب والمتاعب علشان اوصل لهدفي اللي هو هدف كل طالب بهالجامعة وانت منهم يالغالي..

وبالنهاية ماااااااالك الا خشمك لو هو عوج

اصبر واستعن بالله وتوكل عليه والأيام تركض ركض

يا سرع الأيام بكرة ما تدري الا انت مستوى ثامن وبعدها خريص وبعدها ان الله احيانا نسووووي لك حفله يا صقر الشماااال