طلب (( التفرغ )) للدراسة .. معلمات .. ما هي خطواتنا ...؟

[منـارة]

معلومة جدا مهمممممة قريتها في منتدى الوزارة ..
كتبتها فوزية الرميزان ردا لتساؤل ..

حبيت أنبهكم عليها ..

بالنسبه للتعهد مالمقصودبه ان اعمل في الوزاره نفس مدة الايفاد ؟ او ان اعمل في الوزارة و في نفس ادارة التعليم التابعه لها ؟؟؟ اي هل استطيع التقديم على نقل خارجي اثناء مدة دراستي او بعد الانتهاء من الايفاد حيث انني معلمه في قريه ؟؟

ج/ المقصود العمل في الوزارة دون تحديد لأي إدارة تعليم ولا يحق للموفدة التي صدر قرار إيفادها للدراسة التقدم بنقل خارج المنطقة حتى تنتهي مدة إيفادها ومدة التمديد وتباشر عملها.
أتمنى أن أكون قد أوفيت بالإجابة .

[::ام سلطان ::]

أحس انو الموضوع خطير انا اعمل في مدرسة اهليه في جدة لازم اخذ موافقة للدراسة المسائية ؟ ولو لازم من وين اجيبها ؟

[زهرة الوادي]

المشاركة الأصلية كتبت بواسطة ::ام سلطان :: أحس انو الموضوع خطير انا اعمل في مدرسة اهليه في جدة لازم اخذ موافقة للدراسة المسائية ؟ ولو لازم من وين اجيبها ؟

خذي معاك الورقة الي طبعتيها من النت إلي فيها اسمك وقبولك واتجهي إلي إدارة التربية والتعليم
في الدور الثالث قسم التدريب والابتعاث وحتعطيك ورقة توقعيها من مدريرتك وهما حيشرحولك هناك
بالتفصيل عن أي شئ تحتاجيه..

منارة الله يسعدك وشكرا على المعلومات القيمة وإذا عندي أي معلومة ماراح أبخل فيها بالتوفيق إن شاء الله..

[::ام سلطان ::]

المشاركة الأصلية كتبت بواسطة زهرة الوادي خذي معاك الورقة الي طبعتيها من النت إلي فيها اسمك وقبولك واتجهي إلي إدارة التربية والتعليم في الدور الثالث قسم التدريب والابتعاث وحتعطيك ورقة توقعيها من مدريرتك وهما حيشرحولك هناك بالتفصيل عن أي شئ تحتاجيه.. منارة الله يسعدك وشكرا على المعلومات القيمة وإذا عندي أي معلومة ماراح أبخل فيها بالتوفيق إن شاء الله..

زهرة الوادي الحمدلله ادراة المدرسة مرحبة جدا اني اكمل دراستي وما عندهم اي مشكله بالعكس ساعدوني في جدول السنة الجديدة, مقدمين حصصي عشان اطلع بدري من المدرسة يعني الحمدلله ما عندي اي مشكلة اني ادرس واكمل بدوامي .
يعني احتاجها في ايش ؟

[منـارة]

المشاركة الأصلية كتبت بواسطة ::ام سلطان :: زهرة الوادي الحمدلله ادراة المدرسة مرحبة جدا اني اكمل دراستي وما عندهم اي مشكله بالعكس ساعدوني في جدول السنة الجديدة, مقدمين حصصي عشان اطلع بدري من المدرسة يعني الحمدلله ما عندي اي مشكلة اني ادرس واكمل بدوامي . يعني احتاجها في ايش ؟

يا ستي مبرووووووووووك عليك هذه الادارة ..
من جد فرحت لك على تعاونهم ..
والله يرزقك القوة والعافية ويتمم لك الدراسة على خير

والله انا متأكدة انه مديرتي كمان ما كانت ح تقصر غير فرحت لي بالماستر
لكن العائق عندي هو 200كم اليومي ..

الا ما تصدقيه ...
وانا باشرح لادارة التدريب ظروفي بأقللهم :
لو اقدر ادرس وارتب جدولي واشتغل ما كان غلبتكم
قامت قاطعتني علي :
لاااااااااااا حتى ان المشرفا ت مشددات على المديرات انهم ما يسووا كدا لازم الدوام يتداوم لآخره !

ردة فعلي ؟

سبيشلس !

من جد الله يعينهم على نفسهم

[منـارة]

المشاركة الأصلية كتبت بواسطة joood17 امي راحت وسألت اليوم في مركز التدريب في أبها قالو فيه اختبار ومقابله يوم الاثنين وانا الى الان محتاره اروح او لا

المشاركة الأصلية كتبت بواسطة joood17 لان وضعي خطير اني اركب طائره بس زوجي يقول عادي نروح ونجي في نفس اليوم وانا باقي ماقررت بس حبيت افيدكم بهالمعلومه لاني اتوقع كل الادارات الاختبار في نفس اليوم فالحقي يامناره لاتتأخري وراح يرفعوا الاوراق في 13/7 وقالوا مافيه اجازه دراسيه ابدا ياتفرغ او استثنائي دخلت المنتدى عشان اعطيكم اش صار معايه والله ييسر لنا جميعا

ادارتك ادارة مكة المكرمة ..
كل من ينتسب لها ح يستفيد من هذه المعلومة المهمة جدا ..
بارك الله فيك
رغم اني استبعد ان الواحد يروح بطوله كدا يوم الامتحان من غير تقديم اوراق وموافقة مبدئية

عموما كل شي جايز في دي الوزارة

اتكلي على الله وشدي حيللك ..
والله يجزى زوجك وقفته معاك ..
المهم ..
بلغينا اش صار معاكي بعدين او مع اي احد تعرفيه ..طيب ؟؟
موفقة

المشاركة الأصلية كتبت بواسطة taimaa السلام عليكم ورحمة الله وبركاته:

المشاركة الأصلية كتبت بواسطة taimaa أخواتي اليوم ذهبت إلى مديرة الإيفاد والابتعاث بمنطقتي لإرفاق ورقة القبول من الجامعة بملفي الذي قدمته لهم قبل أسبوعين وأفادتني أنه تم الرفض لعدم الاستغناء عني وتوجهت إلى الجهة المعنية وهي شؤون المعلمات وحاولت مناقشتهم في أسباب عدم الاستغناء واقتراح بعض الحلول الممكنة وكانوايقومون بعملية مسح للاحتياج والزيادة واتمنى أن يبشروني بخير وهذا الاقتراح الأول ،الاقتراح الثاني الذي طرحته مديرة شؤون المعلمات هو أخذ أي نوع من الإجازات(استثنائي،رعاية مولود ، إجازة دراسية .....)خلال الفصل الدراسي الأول ومن ثم موافاتهم بنتيجتي إن كانت ممتاز أوجيد جدا سيتم إيفادي تلقائيا وبدون شروط (وللعلم أخبرتني أن لديهم تعميم جديد ينص أن الحصول على شهادة خلال أي نوع من الإجازات معترف بها)على حسب إفادتها لذا أتمنى منكم أخواتي التأكد من هذه المعلومة كل واحدة منكن في منطقتها للتحقق من مصداقية هذا التعميم والله الموفق

وعليكم السلام ورحمة الله وبركاته ..
يعجبوني الناس العمليين والايجابين والحركيين ما شاء الله عليك
والله يعوضك ويعوضنا خير ويجعل عدم القبول دا خيرة نفرح بها مستقبلا ..
واشكرك مرررررررررررررررة على المعلومة الخطيرة اللي جبتيها دي ..
يا ليت تتحصل لي لنا على التعميم او رقمع وتاريخه ومن مين ..
موفقة بعون الله ..

المشاركة الأصلية كتبت بواسطة ام دانا السلام عليكم

المشاركة الأصلية كتبت بواسطة ام دانا كيفكم بنات التصحيح والخروج الساعه 2ونصف باقي كم يوم وينتهي التقديم ولا يسمح لنا بالخروج هل اخر يوم لتقديم الاوراق 6\7 او 13 \ 7 اليوم بدينا في اخر ماده وبكره اكيد نسلمها وبعدها مومشكله عندي اغيب يوم ويخصم اهم شي اني احاول اسال الله لي ولكم التوفيق واذا فيه خير لنا يقدمه ربنا واذا فيه شر يصرفه عنا

وعليكم السلام ورحمة الله ..
بخيرالحمد لله ؟؟ كيفك انت ؟
كان نفسي اعرف اش صار معاك .. ؟
يا ستي ...
انت روحي في اقرب فرصة لا تتأخري
وقولي لنا اشا صار معاك لاني قلقانة عليك
يا رب احد فينا ينفرغ ..

موفقة ياااااااارب ..

تحياتي القلبية للجميع ..

[منـارة]

معلومة سمعتها وردي من قبل وكررها اليوم الأخ eh_9199

على انه رفع المعلمات لطلبات الايفاد انتهى ..
والموعد 13/7 لادارة التعليم مو لنا ..
لانهم لازم يرفعوا الطلبات قبل اخر موعد باسبوع أو عشرة أيام .

عن نفسي ما اظن الموضوع ح يكون نهائي ..
ولا هو منطقي بصراحة اننا نسيب مدارسنا ايام الامتحانات ونستأذن ؟؟

فأنا اتفائل انهم ممكن يغضوا طرف وياخذوا منا الطلبات ..نقول يارب ..
وأتفائل اننا نأخذ التفرغ حتى لو ما كملت نقاطنا ..
يمكن يجي تعديل للقرار وتقل النقاط صح ؟؟
( في أسوأ الأحوال تكون تجربة نستفيد منها ويستفيد منها الكل للعام القادم )

بس يا بنات عجلوا بكل أوراقكم ... من باب الاحتياط ..

اللهم هل بلغت اللهم فاشهد ..

[أم خماس]

آه التفرغ وصعوباته

اول شي الشروط صعبه
والاولاد فقط 90
اما البنات 140

ليش هالتفرقه..!!

لا والانجلش عشر مقاعد فقط للماستر..!!

الله يعين بس

[منـارة]

المشاركة الأصلية كتبت بواسطة أم خماس آه التفرغ وصعوباته اول شي الشروط صعبه والاولاد فقط 90 اما البنات 140 ليش هالتفرقه..!! لا والانجلش عشر مقاعد فقط للماستر..!! الله يعين بس

شايفة كيف .. ؟
ولا يقولوا احنا في بلد أخذت المرأة فيه حقها .
مرررررررررة !!!

غير احنا في دولة رجال ..
مع سلامة الطيبين فيهم ..

مشي حالك ..

ويا بلادي واصلي ............

[اجهلك]

صدرت موافقة معالي نائب وزير التربية والتعليم تعليم البنات على شروط وضوابط الترشيح للإيفاد والإبتعاث للتدريب التربوي بنات للعام الدراسي 1430/1431هـ .
أوضحت ذلك الأستاذة مها بنت عبدالرحمن المقبل مسئولة العلاقات العامة والإعلام بالإدارة العامة للتدريب التربوي وأضافت بأنه سيتم استقبال طلبات الترشيح لشاغلات الوظائف التعليمية للراغبات في الحصول على درجة البكالوريوس والماجستير والدكتوراه والدبلومات التربوية للعام الدراسي 1430/1431هـ.
وأكدت المقبل على الراغبات برفع الطلبات للإدارة العامة لتدريب التربوي بنات بالوزارة وفقاً للشروط والضوابط وخطة الإيفاد المشار إليها أعلاه في موعد أقصاه 6/7/1430هـ . على أن تكون الطلبات كاملة لجميع البيانات والوثائق .
للاستفسار الاتصال على هاتف الإدارة المباشر 4052810 أو السنترال 4027111 /ت/ 379/362 أو على فاكس 4027661/4030214 .
علماً بأن الخطة تم وضعها على موقع وزارة التربية والتعليم قسم المنتدى (منتدى إدارة التدريب التربوي ) .


هذا الموضوع مكتوب على موقع الوزاره يعني اخر موعد للمعلمات يوم الاثنين في رفع اوراقهم كل ما عليك انك تروحي للجامعه وتاخذي من الجامعه ورقت القبول وتروحي ادراة التربيه والتعليم الي انتي تابعه لها وتعطيهم ورقت القبول الي من الجامعه وتعبي النماذج الي عندهم كمان تاخذي ورقه منهم وتخلي المديره حقتك توقع عليها داخل في هذه الورقه درجة الاداء الوضيفي ومن ثم بعد ما تستكملي اوراكه تعطيها ادارة التربيه والتعليم وهما يرفعوها وبعدين يجي الرد من الوزاره انتي وحظك واسئل الله العلي العظيم ان ييسر للمسلمين والمسلمات لما هو خيراً لهم في دنياهم واخرتهم .