*- مواد السنة الثآنية في كلية الصيدلة -*

[عبدالرحمن فتياني]

الله يعطيكي العافية يا أختي و يبارك فيكي ...بالصراحة أرتحت كثيير لمن قرأت الموضوع و أستفتد من نقاط كثيييرة ..بس يا ريت أحد الأخوة الطلاب ينزل شرح شطر الطلاب عشان الأولاد المستجدين مثلي يستفيدوا أكثر و يعرفوا الجو كيف هناك ...و شكرا

[cute meme]

مشكورة على المعلومات المفيدة .بس حبيت اسألك عن المواد الي تنصحينا نذاكرها اول بأول ,وكمان حابة استفسر عن طريقة الاسئله اختياري او فيه كتابه .لان احنا في التحضيري متعودين على الاختياري وانا خايفة من فكرة الكتابة .والصراحه كلامك كان رائع وحمسني بس الشي الوحيد الي فجعني وقت الدوام ههههههههه

[Rañdøm]

المشاركة الأصلية كتبت بواسطة cute meme مشكورة على المعلومات المفيدة .بس حبيت اسألك عن المواد الي تنصحينا نذاكرها اول بأول ,وكمان حابة استفسر عن طريقة الاسئله اختياري او فيه كتابه .لان احنا في التحضيري متعودين على الاختياري وانا خايفة من فكرة الكتابة .والصراحه كلامك كان رائع وحمسني بس الشي الوحيد الي فجعني وقت الدوام ههههههههه

مافي ماده بعينها ننصح بمذاكرتها اول ب اول انتِ لما تدرسي شوفي ايش الماده اللي تحسي نفسك مو مره متمكنه منها وكثفي جهودك عليها

ماده الكيمياء الحيويه وماده وظائف الاعضاء حتنجبروا تذاكروها اول باول لان كل ماتخلصو ( كورس ) تشابتر يعني ..ح تختبروا فيه ف كدا ولا كدا ح تذاكريه

----

تصدقي ما ضيع درجاتنا ونقصنا الا الMCQ الاسئله الاختيارية كلنا الحمدلله نحب الكتابه مع ان مستوانا في الانجليزي متفاوت
الكتابه احسن عندك حريه تعبير واي كلمه تكتبيها تضمني عالاقل نص درجه بتعبيرك حتى لو ماكنتي عارفه الجواب 100٪
اما اختياري مافي نص وما نص يا تجاوبي يا ماتجاوبي وتروح عليكَ الدرجه

كل المواد فيها كتابة ماعدا ماده وظائف الاعضاء " Physiology "


وقت الدوام صحيح طويل بس ماتحسي فيه فجأه تلاقي نفسك مخلصه محاضرات ورايحه البيت
احنا الوقت عندنا طويل لان عندنا معامل =)
المعامل الوقت فيها يجري جري

[THE HILL]

ترا كتابه مو يعني انك تعبري

الاسئله اللي تجي كتابه اهم شي عندهم الـ Key word

لو كتبتيها حتاخذي الدرجه كامله من غير ما تتفلسفي ^^

اغلب مستوانا ف الانجلش متوسط يعني مو مرا بيرفكت ومع الوقت حتفهمو وتستوعبوا أگثر :)
،،

[mrooja]

السلام عليكم ورحمة الله وبركاته ..

اولا .. الله يعطيكي ااااالف عافية ويوفقك في حياتك الدنيوية وفي الآخرة
ويكون في ميزان حسناااتك ياااارب ..

ثانيا .. بسال سوال بس مكسوفة منووو .؟
والسؤال وهو كالتالي ..
هيا اصلا فين كلية الصيدلة موقعها الجغرافي ..بالزبط

وشكراً

[THE HILL]

^
طبعا مباني الكليات الصحيه لحالها مو في الشطر


انتي لما تدخلي من بوابه الطير مدري الكتاب اول لفه ع اليمين " عند السكن الجامعي " وبعدها تمشي "سيداا " لما تقابلك لفه السكن سيبيها وادخلي اللف الثانيه ع اليسار وبعدها خلاص حتلاقي بوابه اسمها بوابة غربيه طب

وهيا البوابه القريبه من كليتنا

مبنانا رقمه 11


مدري لو ردي مو واضح قوليلي اوضح لك زياده ^^


..

[doodle]

الله يعطيكي العافيه لشرح المواد جدداا حللوو

بس انا كررهت الكيميا من الثنوي والتحضيري :( هل الكيميا في الصيدله نفس الشي ولا غير ؟

وانا مرره تعبتني شغلة الوظيفه هذي هل الصيدله لها فرص وظيفيه كثير ولا لا ؟؟

[THE HILL]

المشاركة الأصلية كتبت بواسطة doodle الله يعطيكي العافيه لشرح المواد جدداا حللوو بس انا كررهت الكيميا من الثنوي والتحضيري :( هل الكيميا في الصيدله نفس الشي ولا غير ؟

شوفي بصراحه والله دكاترتنا ف لكيمياء شطااار وممتازين ف الشرح ما شاء الله واي حاجه ما تفهميهاا تساليهم ويتجاوبو معاكم


انتي لما حتدرسي الكيمياء حتشوفي الاختلاف الشاسع بين التحضيري والصيدله

حتختلف نظرتك عنها تماماااا .. لو درسناها زي كذا في الثانوي والتحضيري كان اتخصصت كيمياء وبكل فخر :)


بس عشان ما اكذب عليك لازم تجتهدي فيها والا حتكرهيها ^^


بالتوفيق ي عسل وان شاء الله نقابلكم اول يوم

[doodle]

مشكووره عجوابك انا مررره كان قالقني هالموضوع لاني امشي حالي بالكيميا بس كرهتو خلال هالسنوات

[mrooja]

اهلااااا

بسال في اترام صيفية في الصيدلة ؟