تجمع طالبات&طلاب قسم إدارة خدمات صحية و مستشفيات (انتظام)

[كيآن أعمق]

أنا معلّق معايااا
بأضيف من الشؤون أفضل بكثير مو صح ؟

[_Sora]

أهلين اختي
دا رد احد المشرفين او المراقبين مدري والله ما افرق بينهم ^^"

المشاركة الأصلية كتبت بواسطة Ālอ'อ كل القيود مثل (قيد تخصص رئيسي ، دقيق ، قيد خاص بالكلية ..الخ) ما رح تنحل أبداً يا جماعة الا بالتوجه للجامعة يوم السبت ان شاء الله ، لا تحرقوا أعصابك أكثر من كذا ، وأنا شخصياً مجرب في الترم الصيفي القيد لو كآن موجود اذاً الحل عن طريق الجامعة فقط ، الأن اللي عليكم أكتبوا رقم ورمز ووقت الشعب الضرورية واللي مو راضية تنضاف ومن الساعة 8 يوم السبت تكونوا في الجامعة ، وبإذن الله 100% رح تنضاف معكم لكن روحوا بدررري .

[nana-a-k]

لو عملت بحث عن الشعب وشلت الصح اللي على ( البحث مع مراعاة القيود ..)
واخدت رقم الشعبه اللي اباها .. عادي يضيفوها يوم السبت ولا يقولو قيود كمان .. :d

[_Sora]

المشاركة الأصلية كتبت بواسطة nana-a-k لو عملت بحث عن الشعب وشلت الصح اللي على ( البحث مع مراعاة القيود ..) واخدت رقم الشعبه اللي اباها .. عادي يضيفوها يوم السبت ولا يقولو قيود كمان .. :d

ما عندي خلفية والله ..
بس اهم شي انتي انتبي ما تكون الشعبة لبنات التعليم عن بعد او حاجة كدا
لازم يكون مكتوب قدامها انتظام! .. و لا تكون متعارضة مع مادة تانية كمان ..

انا حسوي زي كدا و للاحتياط ح اسوي جدول بديل
ازا ما رضيو امري لله اديهم الجدول الاحتياطي

ان شاالله يآرب يكون عادي

[nana-a-k]

لانو العربي اجيبو هنا هنا يتعارض .. مو جي معايا مررا .. :)
الله ييسر ..

[_Sora]

المشاركة الأصلية كتبت بواسطة nana-a-k لانو العربي اجيبو هنا هنا يتعارض .. مو جي معايا مررا .. :) الله ييسر ..

يب و الانجلش خير شر مو راضي يطلع هههههه
يآرب امين : )

[ALVES 2]

ياخوان احد يعرف دكتور كويس لمبادئ المحاسبة ؟؟!

[_Sora]

^

المشاركة الأصلية كتبت بواسطة khaled.91.11 المحاسبة أنا أخذتها عند د/ محمد علي الدكتور مرة متفاهم وكويس يحاول يوصلك المعلومة بكذا طريقة ما عنده مشكلة انك تدق عليه في أي وقت عادي يجاوبك تبغى يعيدلك شرح شي رحله المكتب كان يسويلنا محاضرات اضافية عشان يحل تمارين في الدرجات حدث ولا حرج يعني من الآخر يهمه انك تكون فاهم أما بيتر الصراحة أنا ما أخذت عنده أبدا بس كثير يمدحوه الاقتصاد طبعا أخذتها عند د/ خالد الدكتور اسلوبه انه يشرح ويكتب على السبورة طبعا اكتب معاه في الشرح يفهم بس أهم شي ركز المادة عموما سهلة ولها تست بانك تيجي الاختبارات منه بس نصيحة افهمه ولا تقعد تحفظ وخلاص لأنك كذا حتخربط طبعا الدكتور احيانا يطلع بكم سؤال عشان يشوف الفاهم من الحافظ طبعا الأسئلة كأنها مت التست بانك وقت الاختبار ما تقدر تعرفها أما الدرجات حقاني وفي البونص انت وحظك يعني ممكن يسأل أسئلة والي يجاوب يزوده أو يمكن يطلب بحث الانجليزي مدة دراستها طويلة مقارنة بالمنهج يعني الدكتور يقدر يخلصلك المنهج في اسبوعين ثلاثة بس هم يمطوه حتلاقي المحضرات عبارة عن دردشة وكذا طبعا هذا يفيدك أهم شي عند دكاترة الانجليزي انك تحضر وما تسحب وتحضر على الوقت بكذا انت تكون أحسن طالب عنده ويساعدك بالدرجات العربي المادة حتلاقيها عبارة عن القواعد اللي كنا ناخذها في المدرسة بس مجرد انك تقرأ الكتاب وتدخل الاختبار الي جدا سهل

في موضوع ف الصفحة الاولى عن اراء الشباب ف الدكاترة باي زا وي
موفق : )

[كيآن أعمق]

طيب و اللي ما اضافت و لا مادة في الجدول
عادي اضيف كل المواد من عند الشؤون يوم السبت ؟


شكرا ..

[_Sora]

المشاركة الأصلية كتبت بواسطة كيآن أعمق طيب و اللي ما اضافت و لا مادة في الجدول عادي اضيف كل المواد من عند الشؤون يوم السبت ؟ شكرا ..

هوا عادي ايوا لكن في مواد انقفلت شعبها للأسف
زي مبادئ المحاسبة شعبة سبت واتنين و ربوع الساعة 8 اكتفت
< قالوا يمكن يسير توسع ف الشعب الله اعلم

ف حاولي تضيفي اللي تقدري عليه دحين قبل لا يقفل
ع الاقل تضمنيلك كم مادة ..
+جهزي المواد اللي ب تضيفيها من الشؤون ف ورقة من بدري
اكتبي ارقامها المرجعية ، الشعب ، الاوقات و كل حاجة
يسير لمن تروحي ما تاخدي وقت ان شاالله

مادتين التخصص اللي ف المستوى التالت
لا تشيلي همها ، لانها هيا شعبة وحدة اصلا بتكفينا كلنا : )
< مبادئ الرعاية الصحية انضاف معايا ع فكرة
ازا تقدري اضيفيه دحين سريع قبل لا يقفل

نفس الشي الاقتصاد الجزئي و المحاسبة
ضيفيهم ازا تقدري

اما العربي و الانجلش كل البنات مؤ راضي ينضفلهم
ف من الكلية ان شاالله