نرجع لموضوع سلك المستهلك ومعادلتها بادارة الأعمال بالأنجليزي

[سمـ الأنوثـة ــو]

المشكله اختي الي في الجامعه معتذره هذا السمستر
ومدري يوافقون لو رواس راحت مثلا
لو يوافقون خير وبركه

[سمـ الأنوثـة ــو]

ما عندي رد جديد بس ابي اكمل 75 مشاركة علشان الرسائل الخاصة

[أم رنيم]

المشاركة الأصلية كتبت بواسطة سمـ الأنوثـة ــو ما عندي رد جديد بس ابس اكمل 75 مشاركة علشان الرسائل الخاصة

ههههههههههههههههه

مع انك مسجله قبلي ... مشاركاتي ضعف مشاركاتك

لأن موضوعي الأخير ...

سؤال للناس العباقره في صيانة الكمبيوتر وهندستها

هو الي رفع عدد مشاركاتي

[سمـ الأنوثـة ــو]

لا تستغربي
بصفه عامه اكمل في المنتدى اربع خمس سنوات
وما اجيب الاف مشاركة

[rawas]

المشاركة الأصلية كتبت بواسطة متعب الهديرس لي استفسار الفصل الماضي اذكر فيه موضوع لاحد الاخوات نسيت رمزها بس تحدثت عن معادلة الاعمال الدولية بالانجليزي بمادة سلوك المستهلك واعتقد ان هذا الموضوع كان له دور كبير في تحفيزك لدراستها ان لم تخني الذاكره يالله حسن الخاتمه . المهم اذا كانت دراستك لسلوك المستهلك بسبب المادة اعلاه فتغير المسار قد يزيد عليك ساعات التخرج ثلاث ساعات سلوك المستهلك لانك غيرتي المسار وبالتالي المادة اللي كنتي تبين تسوين لها معادلة تغيرت الى مادة ادارة الموارد البشرية باللغة الانجليزية ايضا مواد المسار ومن اشهرها موضوعك الشهير اتفاقيات منظمة التجارة العالمية وبالتالي اتوقع انك سوف تتخرجين بساعات قد تصل الى 140 ساعة في انتظار ردك عن هذه النقطة معلومة احاول ان اتعلمها لعلي افيد فيها بالمستقبل القريب البعيد طلاب الجامعه وخاصة من يرغب بتحديد المسار والله اسئل لك التوفيق والسداد .

كلامك صحيح..
وياقمر يا سمو راح تدرسي موارد بشرية بالإنجليزي غصب عنك وماراح يعادلوها بشي..<<< مو قصدي اعقدها..
وسلوك مستهلك تحسب لك مادة حرة أو إختياري..

---

المشاركة الأصلية كتبت بواسطة سمـ الأنوثـة ــو المشكله اختي الي في الجامعه معتذره هذا السمستر ومدري يوافقون لو رواس راحت مثلا لو يوافقون خير وبركه

؟؟؟؟؟؟

[متعب الهديرس]

وسلوك مستهلك تحسب لك مادة حرة أو إختياري..

هي ذكرت في مداخلتها انه حسب لها ساعتين من مادة اتفاقيات منظمة التجارة العالمية بس علما ان عدد ساعاتها ثلاث ساعات يعني فيه ساعة اصبحت زيادة على المواد الحرة وبالتالي سلوك المستهلك على كذا راح تكون ساعاتها مع الساعة زيادة اربع ساعات زيادة على ساعات التخرج اي ان الاخت سمو سوف تتخرج بساعات قدرها 132 ساعة ونوعا ما فرق اربع ساعات لن يشكل فرقا كبيرا وارى انك تستمرين بالموارد البشرية وعسى في هالاربع ساعات خير لك وتقدرين ترفعين فيهن المعدل اكثر والله اسئل للجميع التوفيق والسداد .

[أم رنيم]

وهذا هدفي ...

أنا زدت ساعتين حتى باذن الله ارفع معدلي ...

يارب حقق لي مرادي ...

لأن الساعتين الي راحت علي كان بامكانها ترفع من معدلي كثير وخاصة اني اخذت فيهما A+

لكن ماأقول الا حسبي الله ونعم الوكيل

[متعب الهديرس]

ام رنيم صدقيني واقولها لك للمره اللي ماادري كم حسبتك خطا وانا حسبتها لك ومتاكد من حسبتي ماراح عليك اي ساعتين كلها موجودة عندك .
جدول المتقابلات سهل جدا للي في موقع الجامعه كل ماعليك بعد التظليل وخاصة في المواد اللي كانت ساعتين وصارت ثلاث ساعات او المواد اللي كانت اربع ساعات وصارت ثلاث ساعات التعامل معها بماتعلمتيه بمادة المحاسبة دائن ومدين والاكيد جدول المتقابلات اللي نصحتك انك تمرين الجامعه وتخلينهم يطبعونه لك فيه راح يبين لك صحة كل ماقلته لك سابقا او اقوله لك الحين والله اسئل لك التوفيق والسداد .

[أم رنيم]

كيف ؟؟
انا لو اخذت مواد حره بـ 7 ساعات
أو أخذت مواد حره بـ 9 ساعات
النتيجه تكون متساويه ...!!! كيف ؟؟؟
=128 ساعه في الحالتين
مومعقول

[متعب الهديرس]

راح احاول ابسطها لك بمثال المواد الحرة والاختيارية عندي انا وشلون حسبت لي ولا انسى قبل المثال ان اوصيك بالذهاب وطباعة جدول المتقابلات من الجامعة فهو سوف يبين لك كل شي .
ــــــــــــــــــ
ـــــــــــــــ
ــــــــــــ

المواد الحرة والاختيارية بجدول المتقابلات عددها 16 ساعة انا درستها كلها يعني فيه ساعة زيادة اصبحت على الجدول اليسار الخاص بجدول المتقابلات + الساعة الرابعة لمادة الاحصاء اصبح المجموع ساعتين على يسار الجدول يقابلها في يمين الجدول مادة محاسبة 102 ثلاث ساعات وانا درستها ساعتين هنا صار يمين الجدول فيه ساعة وحده + ثلاث ساعات من مادة مهارات الاتصال وانا درستها ساعتين اصبحت الساعات الزائدة في يمين الجدول ساعتين ساعتين باليمين مع ساعتين باليسار صار الناتج صفر وبالتالي تخلصنا من الساعة الزيادة بالمواد الحرة والاختيارية وتخلصنا من الساعة اللي كنا نحسبها راحت علينا اللي هي مادة الاحصاء يوم كانت اربع ساعات وصار الجدول اللي على اليمين صحيح مية بالمية 128 ساعة .
طيب شلون اعرف كم ساعة من المواد الحرة والاختيارية باقية نجمع عدد الساعات اللي خلصتها من متطلبات الجامعة مع متطلبات التخصص مع متطلبات المسار والناتج منهانجمعه مع عدد الساعات المتبقية من مواد متطلبات الجامعة والتخصص والمسار والناتج نطرحها من عدد ساعات التخرج 128 والناتج النهائي هو عدد الساعات المتبقية لي من المواد الحرة مثال
انا خلصت 92 ساعة مواد جامعة وتخصص ومسار وباقي 21 ساعة مواد متطلب وتخصص ومسار المجموع 113 ساعة اطرحه من ساعات التخرج باقي لي 15 ساعة بعدين الناتج هذا اطرحه من الساعات التي تم معادلتها لي وهي في حالتي 15 ساعة واجمعها مع المجموع النهائي ليصبح المجموع النهائي 128 ساعة وهي الساعات التي سوف انهيها ان شاء الله مع نهاية هذا الفصل ونفس الاسلوب ياام رنيم طبقيه على موادك واعملي لك جدول متقابلات وانا اذكر سويت لك جدول متقابلات المهم اذا عندك يكفي واذا ماعندك اعمليه بنفسك وطبقي الطريقة اعلاه وان شاء الله سوف تجدين ان كلامي صحيح ويارب تكون الفكرة وصلت لي ساعة وانا احوس فيها علشان اوصلها بطريق مفهوم .
واعيد واكرر لك ياام رنيم جدول المتقابلات اللي طبعته لي الجامعه في اقل من عشر دقائق اثبت ولله الحمد صحة خطواتي في جدول المتقابلات اللي انا سويته لنفسي ومازادت علي اي ساعة عن الساعات المطلوبة للتخرج ونفس الكلام صدقيني ينطبق عليك لكنه ماظنتي ينطبق على الاخت سمو والله اسئل للجميع التوفيق والسداد .