•·.·°¯`·.·• أســنــانــيــات •·.·°¯`·.·•

[Dr~NanoOok]

المشاركة الأصلية كتبت بواسطة ~ran~ سبحان الله انتي بكذا بينتي انه الي يحب الشئ من قلبه راح يبدع فيه وانا دايما اتابع ردودك ومبين فيها سبحان الله حبك وشغفك بطب الاسنان من جد بالرغم من انه ماكانت رغبتك الاولى عند التحويل وياارب فيوم اصير زييك وباذن الله حصير وراح اصير اعشق واحب تخصصي وابدع فيه باذن الله

باذن الله تصيري أفضل مني كمان ^_^
وتحبي وتبدعـــــــــــــي في التخصص يااارب

<< لو تعرفي مقولة "محد يتمنى أحد يكون أحسن منه إلا اولاده"
و والله إني بشعر بكده وبتمناكم تصيروا أفضل << خلاص عشت دور الأم عليكم ههههههههههه

ربي يوفقكم آميـــن

المشاركة الأصلية كتبت بواسطة ~ran~ والله ياعسل انا ماعمري فكرت في طب الاسنان للحظه واحده بس وقت نزول التخصصات وترتيبها كنت اسأل ابوي ونتشاور وكان ينصحني بطب الاسنان ويقولي مره حلو ومره كويس وبرضو فتحت المنتدى هنا وقرأت ردودك وردود الاعضاء واستخرت كثيير يعني مو بس مره او مرتين يمكن فوق ال6 مرات ومارضيت اغير عن طب الاسنان حتى بعد مافكرت بالطب كان عندنا فتره ممكن نغير فيها الترتيب يعني كان بإمكاني احط رغبتي الاولى طب بس برضو اصريت اني ما اغير كثير من صحباتي كنت اكلمهم الفترة هذيك ويقولون لي ياغبيه غيري حطي طب وانا مصره الا طب اسنان مادري شئ منعني اني اغيره وانقبلت طب اسنان وبإذن الله راح اعيش بقية حياتي مع عالم طب الاسنان الي الحين من جد حبيته وعرفت ليه ربي اختاري لي هذا التخصص بالذات والحمدلله ع كل حال

سألت السؤال لأني عارفة أنه أغلب الناس يكونوا محتارين ما بين الأسنان وتخصص ثاني "^^
واهو انتِ برضو طلعتي كده

سبحان الله.. كله خيـــــــــــــــــره من ربنا وكل شي مُيسر لك عشان تدخلي اللي فيه الخير لك

وباذن الله تستشعري بحكمة ربنا قريبا ..
كان هذا دعائي.. كنت أعرف ان الاسنان فيه الخير لي وهو الأفضل
لكن متى أقدر أحس بأنه فعلا الأفضل و ايش حكمة ربي من الموضوع
ما اقول إني عرفتها تماما.. لأني للآن ما اعتبر نفسي حققت فيه شي.. باذن الله بعدين
لكن الرضا والراحة والمحبة للتخصص.. تكفيني للآن والحمدلله ^_^

[Dr~NanoOok]

المشاركة الأصلية كتبت بواسطة hadeel a أنا قبل ما تنزل نتايج التسكين بكم يوم حلمت أني أتخصصت طب بشري و طبعا بالحلم جلست أبكي و بعدين بنهاية الحلم سرت أحاول أهدي نفسي و أقلم نفسي على الوضع ..أحلامي كأنها افلام هنديه و بعدها كل ما افتح المنتدى الاقي فيديوهات عن الطب البشري و مقابلات لدكاتره و كده .. و جا يوم الاربعاء و نزل التسكين لصحباتي و أنا لسه و سارو صاحباتي يدقو عليه و يسألوني اش اتخصصتي و أنا اقلهم ما نزلي شي و هم يدعولي أن ادخل طب بشري و ماما و اخواتي يدعولي أن أدخل طب بشري .. فقلت خلاص شكلو كل دي الاشياء بتمهدلي أن ما راح أنقبل طب اسنان و حأنقبل بشري و هيأت نفسي لده الوضع .. كانت أختي معايا بالغرفه و أنا كل شويه أعمل تحديث بالادوس و لسه ما نزلي التخصص فقالتلي هاتي الابتوب أنا أشوفلك و مسكت الاب توب و دخلت الاودس وأعطتني الابتوب و أنا شفت التخصص طب اسنان مرررررره فرحت و حضنت أختي و رحت لماما و قلتلها و كلمت أخويه ما كان في جده و قلتلو من جد كان شعور أتعب أقول حلو .. و الله دحين كل ما أفتكر دي اللحظه احس نفسي أفرح و أحس حتى لو عشت مية سنه حأشوف هدي الحظه من أحلى لحظات حياتي .. و والله العظيم من الفرحه أمكن جلست اربعه أيام انام ساعتين و لا تلاته و أقوم ما ابغا انام من كتر ما أنا مبسوطه و يارب الجي يكون أحلى و أحلى . شكرا د. منار أععطتينا فرصه نعبر و معلي طولت بالكلام .

هدووولا ربي يسعدك ويفرحك أكتر وأكتر يااارب ^__^
والحمدلله اللي فرحك بدخولك التخصص اللي تبغيه.. بعد هذه المقدمات ليه
وباذن الله تفرحي بتخرجك وقتها ما حتنامي شهر بكبره امكن :p

أنا ابغى أفهم.. ليـــــــــــــــــش الطب البشري مدخل نفسه غصب في قرار ورأي أي أحد أسناني ؟!
ما يسيب الساحة للأسنان وبس ويخلي العقل مرتاح ههههههههههه

واتكلمي زي ما تحبي وابدا ما طولتي بالكلام
بالعكس اسعدتوني الاتنين بمشاركتكم لحظتكم هذه ^____^

د.هديل ..
حكينا عن سبب اختيارك للأسنان.. وبرغم رأي أهلك وصحباتك وكلامهم ؟

[hadeel a]

[QUOTE=Dr~NanoOok;4539716]هدووولا ربي يسعدك ويفرحك أكتر وأكتر يااارب ^__^
والحمدلله اللي فرحك بدخولك التخصص اللي تبغيه.. بعد هذه المقدمات ليه
أنا اللين دحين مو عارفه المقدمات دي لي .. أمكن هدي جاتني من الوسوسه ..

وباذن الله تفرحي بتخرجك وقتها ما حتنامي شهر بكبره امكن :p
هههه شكلي حأسوي كده ..
أنا ابغى أفهم.. ليـــــــــــــــــش الطب البشري مدخل نفسه غصب في قرار ورأي أي أحد أسناني ؟!
ما يسيب الساحة للأسنان وبس ويخلي العقل مرتاح ههههههههههه
و الله مو مننا من اللي حولنا يجلسو يزنو علينا ..
واتكلمي زي ما تحبي وابدا ما طولتي بالكلام
بالعكس اسعدتوني الاتنين بمشاركتكم لحظتكم هذه ^____^
شكرا يا عسل انت اللي بتسعدينا بكلامك الحلو معانا .
د.هديل ..
حكينا عن سبب اختيارك للأسنان.. وبرغم رأي أهلك وصحباتك وكلامهم ؟[/QUOTE]
علاقتي بالأسنان حب من أول نظره
من يوم و أنا أولى ثانوي و أنا ابغا ادخل طب أسنان و كنت أفكر أن لمن يجي و قت دخولي للجامعه حأكون عرفت تخصصات أكتر و حأعرف اش ادخل و بالفعل كنت بأقرأ عن تخصصات كتيره و على مواقع لجامعات كتيير .. و في تخصصات عجبتني .. بس ما في شي دخل بالي زي طب الاسنان اللي في البدايه أخترتو بشكل عشوائي و لمن قرأت عنو حبيتو أكتر مع أن كنت أتجنب أن أقرأ عنو كتير لان أنا كان عجبني من غير ما أعرف عنو ولا شي و كنت أحس كل ما أقرأ عنو يعجبني و أحبو أكتر و كنت خايفه أن ربنا ما يكتبلي أدخلو .. بس الحمدلله كما ينبغي لجلال و جهه و عظيم سلطانه .

[ABADI14]

كالعادة يا د.نانووك يعجز اللسان عن شكرك على طرحك الراقي والجميل
ودحين خليني اقلكم قصتي لما نزلت التخصصات انا اصلن نوومي مرره ثقيل بس من الخوف انا صحيت الساعة. 12 وكنا سهرانين الليلة الي قبلها وكانو العائله كلهم متجمعين عندنا ولما صحيت صليت الظهر وبعد الصلاه قعدت مسنتر قدام الاوودس 3 ساعات بس ادعي اني انقبل طب اسنان وكنت خايف اني ما انقبل لانو الاشاعات كانت شغاله انو طب الاسنان يبغون معدل عالي وكمان كانت درجتي في الكيمياء نازله شويه هدا الي كان مخوفني المهم والله جات الساعه ثلاثه واحدث الاودس ما طلع شئ المهم خرجت ودخلت على الاوديس والقا اني دخلت طب اسنان وكان معايا ولد عمي وانا من الفرحه مني مصدق اقوله شوف صح اني انقبلت مني مصدق واروح افرحهم اني انقبلت وطبعا الفرحه كانت دبل لانهم كلهم كانو موجودين وطبعا في الليل كان العشا على حسابهم ^_^ وتوته خلصت الحتوته حلوه<<<<<< ومعليش الخط مو منسق ولا ملون لاني داخل من الجوال

[PuRpLe_BoXeR]

كلام مرررة حلو و جميل جدا يا دكتورة نانوك
مشالله مواضيعك حتى المواضيع الصغيرة اللي جوت الموضوع الاساسي حلوة
ربي يديكي العافية
بالنسبالي يوم النتايج كنت ف المستشفى وما ادري عن شي وكنت ف مكان الانتضار
ويدق عليا صاحبي يقلي هات رقمك حق الجامعة ورقم الهوية
قلتلو خير يبويا ايش ساير
قلي انت هات ومالك شغل و اعطيتو الارقام وقلي مبروك انقبلت اسنان
قلتلو انت ايش تقول مني فاهم شي هههه من الصدمة يعني
بس لمن كدا استوعب الهرجة قعدت ازعق ف المكان هههههههه
وجا ابويا يقلي اشبك قلتلو انقبلت اسنان واخد الايباد وقعد يتفرج على الدرجات
ويشوف مكتوب اسنان ومرة فرح اكتر شي ومن يومتها الين دحين ما يناديني
الا بدكتور هتان هههههه حمدلله انو انقبلت اسنان مرررة مبسوووط وراضي بيلو

[shosho0o]

ما شاء الله مواضيعك جداا جميله و تحمس الله يعطيكي العافيه يا د. نانوك

[Glamor Mada]

كالعاده ماشالله دايما مواضيعك حلوه وتخلي الواحد متفائل .. وقسمنا صاير احلى قسم في المنتدى كله لاننا مو بس بنسأل بعض ونجاوب وخلاص زي الباقيين..قاعدين نستفيد من بعض وناخد فكره عن السنين اللي قدام ونحكي تجاربنا

امممممم انا متأكد اني بعد كم سنه رح احن لبداياتي في الكلية وبالتحديد لشغل الدينتال اناتومي لانه بتخصصنا .. الحين ماني قادر احس بحلاوة التخصص زيكم .. صح اني احبه بس برضو ما وصلت لمرحلتكم لأني ما كنت حاط الاسنان في بالي فيوم من الايام
الفيديو حق يوم في حياتي شوفتو قروبنا عالفيسبوك وحده حطته .. ما كنت متوقع انه بيعانو لهالدرجه
بس عندي سؤال دكتوره نانوك .. ايش صار ع الاعتماد الاميريكي ؟ لانه الشغله طولت افتكر لما جانا دكتور معتز وكلمنا من قبل ما يجي الوفد الاميريكي .. بس للحين ما سمعت شي عنه ياااارب يجينا وتصير كليتنا احسن كليه بالمملكه
ههههههههههههههههههه دكتوره نانوك صورك تحممممممممسني لدرجه اني نفسي الحين اروح لاب الدينتال واقعد اشتغل ههههههههههه ماشالله تصوريك روعه متحمس لمعمل الفانتووم .. واحد من سنه ثالثه قلي انه يبغالو دقه مررره ودكتور هشام هيخلينا نكتب حرف S ونكتب جمبه حرف s ثاني بفرق واحد مليميتر او نص ! مره صعب
ودقيق.. الرسامين واللي يعرفو يرسمو هيستفيدو بالتخصص ونفعهم في رسم الاسنان والكراسات وحتا في الاختبارات .. بس للاسف انا ماعرف ارسم يمكن في حاجه انا متأمل انها تنفعني بالمستقبل مدري اذا ايوا ولا لا .. انه انا يدي واصابيعي خفيفه واقدر احركها بخفه لانه اللي يلعب عالجيتار والبيانو لازم يعملوه تمارين في البدايه عشان تكون يدو تكون خفيفه ويقدر يحرك اصباعين او 3 او حتى اربعه بنفس الوقت ونفس الاتجاه .. استفدت منها وانا بقلب البودره مع المويا عشان نركب المودل عالارتيكيوليتر كنت بحرك بسررعه واصحابي متفاجئين ههههههههههههههههه عاد إن شاء الله نطلع منها بفايده ثانيه في تخصصي هههههههه


شكرا دكتوره عالكلام الحلو والصور .. حمستني

[Glamor Mada]

اممممممممم وانا كمان هحكيلكم كيف انقبلت بالكلية ..

قبل كل شي .. انا ما كان لي ميول لأي تخصص عن الثاني ابدا يعني ما كان في بالي هدف محدد .. بس كانت تجذبني كلمه " دوكتور " فا لما جا وقت ترتيب الرغبات ماعرف ايش احط وكنت جدا محتار .. فا دخلت عالمنتدى هنا وبديت اقرا عن كل تخصص وقضيت اياام وايام وانا اقرا .. ولما عملولنا اليوم الارشادي تخيلو اني اخدت بروشرات عن اغلب التخصصات ما عدا الاسنان ! ما رحت الركن حقهم !
رجعت البيت قعدت اقراهم كلهم وايش الخطه الدراسيه والمواد وتقريبا كونت في بالي الهدف والرغبات بالترتيب ( طب بشري - صيدله - علوم طبيه - هندسه - حاسبات - اسنان )
وانا قاعد ارتب الرغبات ابويا كان جمبي وقلي ها ايش تبي تتخصص ؟ قلتله والله مدري ومن ذا الكلام .. قام قلي ادخل اسنان تخصص حلو ومستقله حلو واريح من البشري .. من يوم قلي هالكلام دخل في بالي الاسنان وقعدت اقرا عنه هنا .. لكن مدري ليش ما فضلته على البشري .. فا رتبت الرغبات ( بشري - اسنان - صيدله - علوم طبيه ) بس الى الان ما حددت قرار نهائي وماني مقتنع .. صليت استخاره .. وفكرت في كلام ابويا مره ثانيه وقلت خلاص لما اصحى بكره احط الاسنان رغبه اولى لاني كنت وقتها عالسرير بنام صحيت اليوم اللي بعده وحطيتها رغبه اولى وخلاص معد فتحت الاودس بعد كذا ابدا .. اصلا انا ما كنت متوقع اني انقبل في الرغبتين الاولى ابدا ابدا ابدا .. لاني كنت رايح جاي عالمستشفى .. وقبل اختبار الكيميا الفاينل بيوم كنت في المستشفى دوبي مسوي عمليه .. بس اصريت اني اخرج عشان اختبر وما اعيد ترم كامل .. طبعا اختبرت وانا مني مذاكر ولا كلمه وكنت رح ارسب اصلا جبت درجه جدا سيئة بس الحمدلله نجحت فيها .. لكن كنت فاقد الامل اني انقبل في الاسنان او البشري .. ما علينا المهم ..
ليله نتايج التسكين كانت ليله مرررره مميزه وحلوه وكنت مره فرحان يومتها صارتلي حاجات حلوه .. رحت اتفرج الفاينل حق كأس العالم بين اسبانيا وهولندا تقريبا الساعه 9 بالليل برا البيت عشان احس بحماس اكثر.. وطبعا انا كان قلبي مع اسبانيا وابغاهم يفوزو.. لانها بلدي الثاني عشت فيها 4 سنين وشويا فا المهم لما فازو مررررررررررررره انبسطت وقعدت اكلم اصحابي في اسبانيا ومبسوطين اكثثر شي ههههههه .. واصلا قبلها جاتني اخبار حلوه فا كنت مبسوط من اول وبفوز اسبانيا اكتملت الفرحه .. رجعت البيت تقريبا على 12 قعدت اححتفل مع اصحابي الاسبانيين عالفيسبوك مع انه نتايج التسكين صارلها تقريبا اكثر من 3 ساعات طالعه .. بعدها فتحت المنتدى لقيت الجماعه كلهم غيرو تخصصاتهم اللي في البيانات من تحضيري لتخصصهم الجديد .. وشوفت التواقيع والمواضيع واللي مبسوط واللي زعلان.. علطووول جري عالاودس فتحتو لقيت مكتوب طب اسنان (خطه جديده) .. ولما رحت ايقونه نتيجه فرز السنة التحضيريه .. اتفاجئت اني انقبلت رغبه ثانيه ! مع اني حطيت الاسنان رغبه اولى .. بس بعدين اكتشفت انه لما انا حطيت الاسنان رغبه اولى كان يومتها ترتيب الرغبات قفل وماكنت ادري فا اللي اتخزن رغبه اولى هوا الطب البشري .. فا شوف سبحان الله كيف ربي خلاني ادخل الاسنان مع انه البشري كانت محطوطه رغبه اولى واللي فصل بينها وبين الاسنان اقل من نص نسبه .. الشعور اللي جاني انه انبسطت اتقبلت اللي كنت ابغاه لكن كنت زعلان اني ما انقبلت رغبه اولى ههههههه مع اني ما كنت ناويها .. بس عشان حسيت اني خسرت التحدي وما انقبلت رغبه اولى ! هههههههه
فا علطول رحت قلت لابويا انقبلت اسنان قام باركلي وحضني .. اول مره فحياتو يحضني وصار يناديني دكتور من ساعتها هوا واخواتي ..
والحين الحمدلله بديت احب تخصصي واحمد ربي اني اخترته بعد ماكان اخر شي افكر فيه

[Kaira]

ياااانآآآآآآسو عليكي د.نانوكـ ماشاالله تبارك الله دااااااايما تسحرينا أكتر وتجذبينا أكتر وتحببينا أكتر
لعالم طب الأسنان من مواضيعك وردودك ووحتى مناقاشاتك معانا =)
حتى طريقة تصويرك وعرضك للصور خيااااال مرة حلوة ماشاالله وكمان إبداعك في منثوراتك
الأدبية >>> والله لو أقعد أليييين 100 سنة ما أقدر أوفي حقك والله ..
أنا والله أرشحك لجائزة نوبل على إلي تعمليه معانا بصراحة يا عسل ^__^
من جد ماشاالله عليكي الله يحميكي لأنك فخر كبيييييييير للكلية حقتنا
أنا بصراحة أحترمك مرررة كتير وأشوفك قدوتي في عالم طب الأسنان كلو

عارفة
بصراحة طفشت من الاجازة خلااااص أبا الجامعة تبدأ عشان أبغا أشتغل في المعمل حقنا
>> والله وحشني مررررررررة ووحشتني أيامو والكراسي حقتو والأصوات إلي كإننا في معمل حق نجارة بس من جد والله شي حلو
وكمان معمل الفانتوم دا مررررررة متشوقة أدخلو وأبدأ أول خطواتي على أول راس فيلو ههههه
الكلية كلها وحشتني بصراحة

الفيديو كان حلو بس خوفني شوية من مسألة الــ patients مو فاهمة يعني
هل الكلية راح توفرلنا مرضى ولا لسع ما طبقوا دا النظام ؟؟ لأني مو عارفة من فين أجيب مرضى
ودا الشي أكتر شي مخوفني مرررررررررررررة
وفي عندي سؤال
مثلا لو جاني مريض وعندو حالة بس حاجة لسع ما درسناها كيف أسوي ؟؟
لأني من جد مسألة المرضى مررررة مو فاهمة ولا شي فيها
وأبغا أعرف كل شي يريحني نفسيا

[Kaira]

المشاركة الأصلية كتبت بواسطة dr~nanoook حلمنا نهار.. ونهارنا عمل نملك الخيار.. وخيارنا الأمل وتُهدينا الحياة أضواءً في آخر النفق تدعونا كي ننسى ألمًا عشناه نستسلم لكن لا ما دمنا أحياء نرزق مادام الأمل طريقا فسنحيا شارة مسلسل عهد الأصدقاء ~ ~ كم من مرة نمر بهذا الجسر في الأسبوع وكم من مره أعيانا التعب منه والارهاق لكن.. كم من مره أستطعنا إنشاد الكلمات هذه فتتولد بداخلنا "الأمل" بدلا من صوت د. أمل :p ~ لو تفكرنا فيه جيدا.. لوجدنا أنه ليس بجسر ٍعادي ! هو جسر للعبور.. حيث آمالنا بكوننا طبيبات أسنان للوصول إلى عياداتنا المستقبلية.. طموحاتنا المستقبلية حلمٌ كنا نأمل أن نصله.. حُلم كان له أن يتحقق السنة القادمة لكنها هبةٌ من ربنا وجعلنا نعيشه منذ هذه السنة ! تغيير جو جامعتنا قليلا.. عيش تجربات جديدة إنه ممتع ! أتذكرون أول مره مررنا منه.. وذهبنا إلى العيادات بصفتنا طبيبات أسنان كيف كان الشعور ؟ والحماس لكن بعد ما ألفنا وتعودنا عليه لم يعد كما كان بل أصبح عبئا وكأنه عذاب ! غريبة هي نفوسنا حقًا ! إذن لنغير نظرتنا له ولنحاول رؤية الأنوار التي تنتظرنا في نهايته لنغير الكلمات والأناشيد التي قد ننشدها ونحن في الطريق لنغير الأنفس! حتى يكون كل ما نعمله يتحلى بطعم الحماس والحب لتكن نيتنا خالصة.. وعملنا خالص لله أهناك أجمل من ذلك ؟! ~ كُتبت خلال أيامنا الأولى في سنة ثالث .. كانت المعامل عندنا بالكلية تحت الترميم وتحتاج شهر عشان تجهز.. فكنا نروح المعامل حقت الأولاد اللي بجانب العيادات ونقطع الجسر كل يوم عشان نوصل هناك << طبعا دحين برابع وخامس صرنا نقطع الجسر هذا رايحين جايين فيه في اليوم 4 -5 مرات ! "^^ مابين أخذ المحاضرات في الكلية.. والعيادات في الجهة الأخرى

كلام جميل وقمة في الابداع والفن ..
مررررررررررة عجبني كلامك واحساسك ومشاعرك وحبك لـ طب الأسنان ^^
من جد ما أمل من قراءة ردودك وكلماتك الحلوة لأنها تحمسني أكتر وأكتر وتحببني أكتر
في التخصص وتقنعني أكتر اني ما غلطت لما دخلت دا القسم
لأني من جد أفخر بإنسانة ودكتورة متألقة في كل شي =)
الله يحمييكي ويحرسك من العين ياااارب ..