||طُـمـوحـات و همم تُعانق سماء المجد♥ :كُل ما يخص المعدل الجامعي:

[ṡ๑๓ฮ]

جمييل جزاك الله خير دكتورة =)
لكن عندي سؤال أنا عدت المستوى الرابع في الانقلش في التحضيري يحتسب ضمن شروط مرتبة الشرف أو لا
قصدي أنو مواد التحضيري تحتسب في ذلك ؟
="(
وشكرا

[فؤاد الحلواني]

يعطيك العافية ابداع بصراحة
اسمحيلي اضيف موضوعي هذا
http://www.skaau.com/vb/showthread.php?t=586661

[فؤاد الحلواني]

http://www.skaau.com/vb/showthread.php?t=332731

[w h i s p e r]

السلام عليكم ورحمة الله ..

جزاكي الله خير وبصراحه موضوع جا في وقته فوق ماتتصوري لانو محتاجه احكي حكايتي واكون حافز ودافع للي هنا ويارب يلحقو على نفسهم لاني بجد ندمانه اني ماشديت من اول ..

طبعا حتكلم بالنسبه ليا ايش سبب رفع معدلي بعد الله وتغييري المفاجئ سواء في دراستي او تقربي وتعبدي للله..

(صلاة الوتر ثم صلاة الوتر ثم صلاة الوتر في النصف الاخر من الليل وتدعي من قلب باللي نفسك فيه والله مافي زيها تريح القلب + الاستغفار اشتري الخاتم اللي ينحط في اصباعك وتستغفري بيه محاتخد منك 100 مره اي وقت + دعاء الوالدين + حطي هدف في بالك وقولي انو في ناس من ذوي الاحتياجات متميزين ومن المبدعين والمخترعين ونحنا اللي ربنا اعطانا القوه والصحه فكل شي حنقدر نسوي اللي نبغاه واحسن كمان)

طبعا سارتلي ظروف وحاجات خلتني افوق واصحى بشكل مفاجئ وغير طبيعي واقول اهم شي شهادتي واخدت عهد اني انجح واتخرج هادي السنه وكمان اكمل ماستر برا باذن الله

وكل اهلي اتفاجئو جدا جدا جدا لدرجه ماتتصوروها واصلا لمن شافو نتيجتي استغربو ولا هما مصدقين انو انا تخرج ويحسبو بمزح !! شوفو لأي درجه كنت معطيه للي حواليني فكره اني لعابه وما اقدر اجيب معدل !!

طبعا حضرت محاضراتي اول بأول وفالسنترا اسئل سرت وادور اسئله ومواضع اسئله واذاكر اول بأول وحتى المكسرات اكلها عشان اسير ذكيه لووووووووووول

وسرت حتى خروج ما اخرج < طبعا خطأ بس الحماس اخدني ونسيت كل الملهيات والمفرحات اللي كنت اسويها ..

واعيد واقول اهلي لازالو متفاجئين ويتريقو ويقولولي مصطفى هههههههههههه لانو تخيلو اتغيرت من وحده ماتمسك الكتاب الا يوم الاختبار لـ وحده تذاكر من قبلها بشهرين وتخطط الكتاب وكنت اخد في الترم الواحد مادتين او 3 عشان مافيا اذاكر !!

المهم فالاخير جبت معدل و علامات انا بنفسي ضحكت لمن شفتها واستغربت اني قدرت اسوي دا كلو وقدرت انجح وبمعدل فصلي عالي جدا والمواد ماتقل عن +b وفي 5 مواد ولله الحمد .. بس التراكمي طبعا هابط بسبب اني كنت مهمله في السمسترات الاولى ومايطلع معدلي عن 3 او 2.60 واتمنى اقدر ارفعو بس اتوقع صعب..

طبعا مقهوره اني ما فقت ولا صحيت الا على اخر ترمين وفنفس الوقت مبسوطه عشان حقدر اتخرج ودفيت نفسي

آسفه طولت بس من جد مبسوطه بنفسي اني قدرت واني نجحت لمن حطيت هدف في بالي وسعيت اني اوصل لو ولاتنسو ربنا يوقف مع طالب العلم ومايخيب ظنه..

( لاتقولو مانقدر ولاتقولو قدراتنا العقليه ماتتحمل ولاتقولو انا تفكيري على قدي .. كل دا الكلام كنت اقولو بس لمن حطيت شي في بالي وقلت اجرب محا اخسر اكتشفت اني اقدر واقدر اسير احسن الناس واوصل للي ابغاه ولاتنسو انو لمن تقولو مانقدر عقلك بيستوعب وبياخد بدا الكلام)


آتمنى اكون اعطيتكم امل ولو شويه ويارب يارب اوصل للي ابغاه وانتو كمان ربي يوفقكم ويسهل امركم ..

اختكم \ ويسبر

[Turq]

يعطيك العافية د.نورة, و الله الموضوع جى بوقته ><

ياريت تحسبين لي معدلي و تعطيني رايك. هذي معلوماتي..
معدلي التراكمي 4.00
عدد الساعات المكتسبة:108
عدد الساعات المسجلة: 111
عدد ساعات مواد هذا الترم: 12 (4 مواد كل وحدة 3 ساعات)

أنا في المستوى الثامن و بإذن الله رح اتخرج في المستوى التاسع.
في المستوى التاسع باقي لي 3 مواد منها تدريب عملي
وناوية آخذ مادة حرة مع الـ3 عشان ارفع المعدل. تنصحيني آخذ مادتين حرة بدل وحدة؟

و ايش رايك بالصيفي؟ إذا أخذت مواد حرة فيه رح يرفع لي المعدل؟

أنا ودي أوصل 4.50

[خاطري بالجامعة]

ما شاء الله تبارك الرحمن
عمل رائع من كلمات وتصميم جدا جدا رائع ومحفز

نعم اللي احب اضيفه مثل ما قالت ويسبر كلماتنا ومعتقدتنا تأثر فينا من غير ما نحس
لازم نكون ايجايبا مع انفسنا بتفكيرنا بكلماتنا بافعالا

+ التخطيط المسبق نعم حلو من البدايه نخطط
بداية كل سنة نتطلع ع الخطة ونشوف كم مادة راح نزل وكم ساعة
والتخطيط المكتوب أفضل وأمثل

مثال كان نكتب جدول المذاكرة نعمل تقسيم المواد ونكتب بقلم مخالف وخط اكبر a+
صحيح حرف وعلامة لكن رؤيتها تعمل الكثير !!!!!

واكيد الاستغفار والدعاء والتوكل على الله اولا واخيرا مع الاخذ بالاسباب

بالتوفيق يا رب انمنى افدتكم

[موفقة يارب]

.. و عليكم السلام و رحمة الله و بركاته ..

.. ما شاء الله تبارك الرحمن

كلام مُحمِّس و يفتح النفس بجد

ربي يسعدك يا نوارة و يفتح عليكِ و يزيدك من فضلُه

دُمتِ بحفظ الإله و رعايتُه ..

[نــورهـ]

المشاركة الأصلية كتبت بواسطة عآكس قآنونه جــداً رائـع .." ألف شكــر لكِ , على تحفيزك الذاتي لكل من يحتاج .." شكراً جداً .. هذا اقدر اقوله فقط .."

- حياك الله أخي .

- التحفيز الذاتي مثل القوة المحركة للإنسان و أكثر قوة من التحفيز الخارجي لآن الذاتي يبقى و لا ينتهي بعكس التحفيز الخارجي القابل للفقد و التغير بحسب الظروف .

- العفو مع الشكر لتواجدك الكريم .

المشاركة الأصلية كتبت بواسطة دلال حمد سلمت أناملك أختي نورة صراحه أبداعُ في التعبير وروعةُ في التصميم

- أهلًا دلال حياكِ الله

- الله يسلمك و يحفظك مشكورة على كلماتك :) .

- موفقيـــن :) .

[نــورهـ]

المشاركة الأصلية كتبت بواسطة nour al3mr و عليكم السلام و رحمة الله و بركــآته بارك الله بك يا دكتورتنا الباعثة للتفـآؤل دومًا تبـــآرك الرحمن و جعل ما قدمتِ ذخـرًا لك يوم القيـآمـة و نسـأل الله التوفيق و النفع للجميــــع لا حرمتِ جزيل العطـآيا من الرب

- جمال كل شيء لا يكتمل إلا بوجودك و وجود لمساتك المميزة تبارك الرحمن

- و يبارك فيك و بعملك و يحفظك يا كريم .

- آآآمين يا رب لك و للجميع .

- الله يسعدك غاليتي

[نــورهـ]

المشاركة الأصلية كتبت بواسطة لجين الشريف موضوع مهم للمستجدين الحمدلله تخرجت بالمعدل اللي كنت آطمح الوصول إليه جزآك الله الف خير

- أهلًا لجين

- الحمدالله يا رب بلغك هدفك و مرادك .

- و إياكِ و عقبال الدراسات العليا :).

المشاركة الأصلية كتبت بواسطة الاخصائيه هبه شكرا لكى وجزاك الله الف خير يارب ان شاء الله باذن الله اوصل جيد جدا لانى جيد مرتفع لسه وباقي سنه وترم وهذا الترم اقدر ارفع المعدل

- حياكِ الرحمن هبة .

- و إياكِ يا رب .

- أكيييييد بإذن الله تقدري توصلي لهدفك و لسى قدامك فرصة + الصيفي كلها تساعد على رفع المعدل .

- الله يوفقك و تبشرينا ان شاء الله بتخرجك بالمعدل اللي تطمحي له :).

المشاركة الأصلية كتبت بواسطة ذا كوين طرح اكثر من رائع جزاك الله خيرا

- أهلًا بالملكة :)

- شكرًا لتواجدك و الله يوفقك .

المشاركة الأصلية كتبت بواسطة د.هوازن ماشاءالله تبارك الله موضوع جمييييييل واحلى شي المقطع معببببببببببر بس عندي استفسار بخصوص شروط مرتبه الشرف

- حياكِ الله يا دكتورة

- المقطع فيه رسائل كثيير من أول دقيقة إلى آخر دقيقة

- جاوبتك مراقبتنا نور العمر الله يجزاها خير .

- الله يوفقك و يفتح عليك فتوح العارفين :) .