تجمع طالبات الانتساب المستوى الخامس --اخبار الدورة فقط

[white rose]

lane350 الترجمة مع د.منال التاودي
بالنسبة للترجمة في المرفقات راح تلاقوا اول ورقة في الترجمة بالتعاون مع نيناب الله يعطيها العافية..حاولوا تترجموها عشان تتدربوا عليها..
وكمان الاستاذة قالت اتدربوا على الترجمة واقروا كثير عشان تطور من مهارة الترجمة من العربي للانجليزي ومن الانجليزي للعربي..
وطبعا في الاختبار قالت راح تجيكم قطعتين من عربي لانجليزي عليها 50درجة ومن انجليزي للعربي عليها 50 درجة ..
القواميس الالكترونية ممنوعة.. والمطلوب القواميس الكتب فقط :
1-انجليزي انجليزي زي اوكسفورد
2-انجليزي عربي زي المورد
3-عربي انجليزي زي قاموس لهانز فير..

[ام حمدان]

وايت روز ياحبي لك ياشيخه ماقصرتي ربي ينور لك دربك

يابنات انتبهوا للكلام الي كتبت وايت روز عن الشعر ترى جدا مهم وكررته الاستاذه كثير
وعن نفسي قاعده اشتغل على المحاضره الاخيره لانها الاهم بنزل لكم الملاحظات الي فيها عن الامتحان حسب ماذكرت الاستاذه اعطتنا كيف ممكن تجينا الاسئله بس اصبروا علي يومين وانزلها إن شاء الله

اما اللغويات
ماذكرت لنا مس منى كيف الطريقه بالضبط بس الي اعرفه انه حيكون فالاختبار جزء يتعلق بالمصطلحات والتعاريف --حفظ
وجزء يتعلق بالاشياء الفهم
زي الترازكيبشن تبع الفونتيكس وخلافه
وفي فالشرايح الي نزلناها لمس الاء اسئله راح تلاقوها في كل شابترمن ضمن الشرح اتوقع الاسئله فالامتحان ممكن تجي بطريقه مشابهه والله اعلم

للعلم يابنا مقدمة فاللغويات اجوبه الاسئله الي فالكتاب تلاقوه ورى الكتاب من ص 228

والتعريفات كلها مجموعه ورى تبدا من ص236 glossary
طبعا مو كلها معانا بس التعاريف الي تخص الشابترات الي داخله معانا

وهي تعاريف للمصلحات الي تجيكم في كل شابتر باللون الازرق او بالاسود العريض شوي

بالتوفيق

[NeeiNaaB]

هادي بقية الاوراق حق الترجمة lane 350 اللي ادتنا هي الاستاذة منال التاودي
حاولوا تترجموها

[cute*soso]

هاي قيرلز

هذي مقتطفات من اخر محاضرة في الادب 241 مس نجوى

قالت كلام كثير وكنت بكتبه لكم كلللو لكن كان فيه اطفال عند الباب اشغلوني عن الكتابة >>هم يعرفون انفسههم هههههههههه>>ياويلي
ممم
وكتبت وايت روز الله فديتها اهم النقاط اللي هي تكررها في كولل ليكتشر

وانا بضيف بعض الاشياء بس هي كانت تتكلم بسرعة وانا يادوب الحق اكتب نص السؤال وحاولت اصيغها وانتم خلوكم شطورين وافهموها سح

تجيب لنا اقتباس من نص وتقول
what do you learn about the narrator?
وقالت بيجي سؤال عن point of view
وفيه نوعين منها
first person اللي هو يحكي الحكاية بنفسه وتبعا يكون واضح انه يتكلم بالضمير I
زي araby,the real thing, London, Shakespeare

النوع الثاني third person اللي يكون احد يحكي لنا عنه مانلقى I كثير
يكون اكثر شي he او she
زي the dance, the ruined maid

~~وقالت ان الplay مايكون فيها point of view~~

[cute*soso]

قالت بيجي discuss the character of .....
انتي تبدأي الاجابة بـ what they do +appearance
ثم what they say
ثم what the other say about them
(clever, genius, wonderful)
ثم your opinion
واذا قتي رايك انو ذكي مثلا جيبي دليل من القصة على انه ذكي

[ام حمدان]

هذه بعض الملاحظات الخاصه بطريقة اختبار الادب والباقي بنزله بالتدريج إن شاء الله بس صبركم علي:)

[cute*soso]

بالنسبة للـ structure اذا جا عنه سؤال
نقول كيف شكل القصيدة الخارجي يعني اذا كانت القصيدة بدأت بسؤال
او كلام عام بالبداية ثم التدرج الى التفاصيل
او حوار
او شكسبيرين سونيت مثل the dance
shakespearen sonnet يعني الستايل حق شكسبير اللي يسويه فيه قصائدة وهي عبارة عن 12 بيت يقسمها الى 4 اجزاء
اول اربعة ابيات لها قافية وحده والاربعة الثانية لها قافية ثانية والاربعة الثالثة برضو قافية غير والبيتين الاخيرة تكون فيها الزبدة عادة وتكون كمان مختلفة بقافيتها عن الابيات السابقة
قالت اذا شفتو السؤال عن الستراكتشر لاتفكرون بالمعاني او المحسنات البديعية شوفو طريقة تنظيم القصيدة وترتيبها كيف بسسس

[cute*soso]

بنات فيه شي مررررا مهم ماعرفته الا باخر محاضرة
حتى المس تقول دايم البنات يغلطون فيه
وهو الفرق بين الtheme و subject
لما تسال عن ال subject يعني نحكي لها الحكاية باختصار مثلا فيه بنت شافت وردة وسالتها ليه حزينة وجاوبت الوردة وماتت البنت ....خخخ
واذا سالت عن theme يعني نقول الرسالة الشخصية اللي تحملها القصيدة او القصة مو اللي حنا مقتنعين فيها لالا انتبهوو
يعني بس زي الحكمة او غالبا تجي جملة او جملتين

وقالت بتجيب لنا اقتباس "جملة من اي نص" وبتقول
who is talking?
ولمن كان يتكلم؟
why it is important?

[cute*soso]

جمعتها في ملف واحد هووناا
بالتوفيق

[ام حمدان]

المشاركة الأصلية كتبت بواسطة cute*soso بنات شو رايكم نتعاون على الادب كل وحده تمسك قصيدة او قصة وتجيب لنا كل شي عن النص ( السبجيكت والثيم والتون والانلايز كلوو ...وكل شي)) وتنزله بملف سواء من مواقع ادبية او من مدرسة عاتي لو مجموعة ع النص الواحد اهم شي تكون المعلومات صحيحة ونستفيد من بعض يلا خلونا نشجع بعض ونتحدا صعوبات هذا التخصص وننتصر على الاشرار

خلاص جمعنا وانتهينا وانتي دوبك تفكرين خخخ


http://www.skaau.com/vb/showthread.php?t=272075

الي علينا الحين نكتب للبنات الملاحظات الي كانت تقولها فالمحاضره على كل قصه وقصيده يعني الاشياء الي كتبناها معاها نتعاون على كل وحده جزء تنزله هي صح اشياء مافيها شرح كثير عشان وقت المحاضره ضيق بس تفيدنا في الفهم مرره لانه عباره عن نقاط ملخصه على كل عنصر
اذا ناويه تساعدينا كلميني عشان نتفق اوكي