تجمع طالبات المستوى الثالث انتساب

[أسمى المقاصد]

كيف حال الجميع ان شالله عااال العااال وكللو تماااام
بناااااااااااات
انا دحين ابغى اكون update معاكم اللي حاصل بالظبط دحيين انو لسه الكتب مانزلت والمواد الحره اللي هي ال3 المواد الجديده +اللغة الفرنسيه لسه مو بامكاننا نختارهم

صح كلامي or لا
افيدوني افادكم الله

[مروره]

إن شاء الله يكون تجمع مفيد ونتساعد ونفيد بعض وننجح بمجهودنا وتكاتفنا

أنا نزلت قراءه 1(لسا مو ظاهر لي إسم الأستاذه)وكتابه 1 مع أستاذه مايا واستماع مع أستاذه ريم سائحي

ونزلت لغه عربيه 2 وثقافه 2

بس احتمال احذف وحده منهم لاني ماابغا اضغط نفسي ومو عارفه قد ايش راح تاخذ مني مواد التخصص وحابه في نفس الوقت آخذ وقتي في مذاكرتها ومااقصر فيها

موفقين جميعا ياااارب

وربي يسعد نور وأم حمدان اللي مو مقصرين أبدا ماشاء الله

[ngham]

المشاركة الأصلية كتبت بواسطة entsab girl ngham ما انصحك صراحه مره راح تضغط نفسك ويطيح المعدل . . وجهه نظري وان شاء الله يفيدونك الي قبلنا وشكرا

جزاك الله الف خير واشكرك على نصيحتك

بس انا 3 مواد الى خاصة بالتخصص اعتبرها عشق وولع لي لعشقي وولعي باللغة
يعني مع حبي للغة وشوية حماس واجتهاد بتعطى النصف

اما النصف الاخر قبل ما اضيف او احذف بانتظر المفردات الين تنزل حسب توجية ومشورة نور العمر واشوف راسي من رجولي كيف قوة المادة الجديدة من سلاسلتها

واقدر احكم اني احذف بس ما اعتقد لانو في التحضيري كانت لدينا 15 ساعة مع تضمنها لمواد ما اطيقها نهائيا مثل الرياضيات وعدينا ولله الحمد والشكر بمعدل ممتاز


لابد من الاجتهاد وأسال لكم التوفيق
وعدم الاستعجال في الاضافة او الحذف كلها كم اسبوع الين تظهر المفردات ونقدر نتفق هنا وش راح نعمل


ولا خاب من استشار

[Chanel]

المشاركة الأصلية كتبت بواسطة مروره إن شاء الله يكون تجمع مفيد ونتساعد ونفيد بعض وننجح بمجهودنا وتكاتفنا أنا نزلت قراءه 1(لسا مو ظاهر لي إسم الأستاذه)وكتابه 1 مع أستاذه مايا واستماع مع أستاذه ريم سائحي ونزلت لغه عربيه 2 وثقافه 2 بس احتمال احذف وحده منهم لاني ماابغا اضغط نفسي ومو عارفه قد ايش راح تاخذ مني مواد التخصص وحابه في نفس الوقت آخذ وقتي في مذاكرتها ومااقصر فيها موفقين جميعا ياااارب وربي يسعد نور وأم حمدان اللي مو مقصرين أبدا ماشاء الله

قمر جدولك كذا تمام
لأنه الثقافة والعربي المستوى 2 اسهل من المستوى الأول بكثير

[تراتيل]

[زهرةالسوسن]

بنات ايش رايكم احسن مايا اليافي ولى حنان الطرازي محتااااره بينهم انا ابغى وحده تدي ملخصات وتساعدنا شوي

[ام حمدان]

^
ياعسل :)
لايسمعونك بس
مافي احد عندنا في القسم يعطي ملخصات

ممكن تشرح من سلايدات لكن مو معناته انها تمثل المطلوب فقط
انتبهوا الكتاب هو مصدركم الاساس واي شي اخر غيره يعتمر شي مساعد


ومس مايا ومس حنان اثنينهم شرحهم تمام وامينات في التصحيح وعن الاسئله في الغالب تكون نفس المستوى في موادكم لذلك مانقدر نقول فلانه اسئلتها اسهل من فلانه


موفقين

[مروره]

المشاركة الأصلية كتبت بواسطة chanel قمر جدولك كذا تمام لأنه الثقافة والعربي المستوى 2 اسهل من المستوى الأول بكثير

كلامك يخلين افكر اني اثبتهم في الجدول خلاص <<الله يكتب اللي فيه الخير
بالنسبه للي تسأل عن حنان ومايا ...كثير مدحوا الإثنين
أنا غيرت لحنان لاني امس كلمت وحده وقالتلي حنان افضل وشرحتلي الأسباب فأنا ماتفرق معايا كلهم وقتهم مناسبني

عموما يابنات امس كلمت وحده اعرفها عدت مستوى في التخصص
سألتها عن المواد كيف مستواها وكذا

قالت القراءه والتحدث ماشاي حالهم وكويسين
بس الكتابه قالت تحتاج منك حصيله لابأس بها من الكمات
يعني مثلا الإختبار جاي من خارج المنهج
من ضمن الأسئله تجيب لك موضوعين وتقول أكتبي مقال عنهم
طبعا البنت قالتلي الموضوعين من خارج الكتاب
الأول جاهم عن أضرار مشاهدة التلفاز لللأطفال
الثاني أعتقد إنه أضرار لبس العبايه في الجامعه
مدري إذا يكتبوا في الإثنين ولا يختاروا واحد

المهم إنها مواضيع تتطلب منك حصيله لغويه أقل مايقال عنها إنها جيده

طبعا البنت رسبت فيها وحتى مو ناويه تاخذها الترم الجاي تقول بتاخذ وقتها في تقوية حصيلتها اللغويه
عاد أنا حصيلتي اللغويه متدنيه ..خلتني افكر احذف الماده مرات اقول احذفيها يابنت لاتنزل المعدل ومنها يكون عندك وقت تكسبي فيه كلمات جديده ومرات اقول خليها وشدي حيلك واتدربي من دحين على كتابة المقالات

احترت بصراحه

الله يكتب اللي فيه الخير

[مروره]

أم حمدان ...لأيش هيا الأسئله ماتجي موحده ؟؟

[ام حمدان]

^

والله مو دايم
على وقت دفعتي كانت موحده لكن السنه الماضيه الاختبارات ماصارت موحده صارت على حسب وقت المحاضرات

وبما انهاوقاتها تختلف من شعبه لشعبه فطبعا ايام الاختبار بتختلف فيصير من المستحيل يكون الاختبار موحد لانه في شعبه بتختبر قبل الثانيه وطبعا في هذي الحاله تصير الاستاذه غالبا هي الي تحط الاسئله لطالباتها

وان كانت مثلا كل الشعب الماده محاضراتها في نفس الوقت فيكون اختبارهم موحد
ومن يوم دخلت التخصص وهم يقولوا لنا اسئله مواد البيسك الي يحطوها لجنه من عدة استاذات مو استاذه وحده وماادري صح كلامهم ولا لا بس الي لاحظته سواء كانت الاسئله موحده او لا في الحالتين تكون الاسئله على نفس المستوى
لانهم يختبروا لغتنا اكثر من انهم يختبرونا في المنهج

شدوا حيلكم وحاولوا تزيدوا مخزونكم اللغوي وربي يسهل عليكم كل عسير