هل تتزوجين هذا الولد ؟

[^_^]

المشاركة الأصلية كتبت بواسطة محامية المستقبل اذا تبي رايي اختصرها ولا تفكر تتزوج وانت مصر على الي انت كاتبه هذا رأيي والاختلاف في الراي لا يفسد للود قضية

ليييه .. خلصوا البنات ؟؟؟؟

ترا ما يحتاج كتابة العبارة دي ... لأنها تنرفز أصلا ...

في رأيي ... في بنات يغيروا الراجل من إلى بعد ما يتزوجوه ... يعني ما يحتاج

[)(Huda)(]

بالنسبه لي ما امانع ان زوجي يشترك بالمنتديات الهادفه
وزوجي مايمانع ايضا اشتراكي بالمنتديات

[evil girl]

المشاركة الأصلية كتبت بواسطة ^_^ أفااااااااااااااااااااااااااااااا أنا ما أرضى على نفسي

ايش الي ما ترضاه عادي مافيها شيء هو يعرف وانا اعرف

وبسألك سؤال انتا من الناس الي ما كنت راضي عن مشاركة زوجة المستقبل في المنتديات حتزعل لو طلبت منك انك ما تشارك ؟

واذا كان عندك اكاونت في الفيس بوك حتمنعها من امتلاك اكاونت خاص فيها ؟

وكمان لو طلبتك الباسورد حق ايميلك حتعطيها واذا انتا طلبتها وما رضيت حتزعل ؟

[^_^]

المشاركة الأصلية كتبت بواسطة evil girl ايش الي ما ترضاه عادي مافيها شيء هو يعرف وانا اعرف وبسألك سؤال انتا من الناس الي ما كنت راضي عن مشاركة زوجة المستقبل في المنتديات حتزعل لو طلبت منك انك ما تشارك ؟ واذا كان عندك اكاونت في الفيس بوك حتمنعها من امتلاك اكاونت خاص فيها ؟ وكمان لو طلبتك الباسورد حق ايميلك حتعطيها واذا انتا طلبتها وما رضيت حتزعل ؟

شوفي .. كل المواقع اللي ذكرتها سابقا ... عندي فيها أكاونت .. لكن أنا مش مقتنع فيها

لكن بأستخدمها ..لأني بأستفيد منها حاليا
مثلا :
من اليوتيوب: مشترك في كذا قناة لتطوير الذات وعلم النفس و الموسيقى والبرمجة وأخبار التقنية
من الفيسبوك: عندي مجموعة من الأصدقاء (مبرمجين ومصممين و طلاب من السعودية ومن برا)
من الفليكر : عندي مصورين (طلاب) في جامعتنا وجامعة البترول .. ومشترك في قروب مصورين كاميرات نيكون

يعني بأستفيد بجانب الفساد اللي بأشوفه في دي المواقع .. ولأني حر راسي .. ملك نفسي .. وفي البراح


لكن لما يصير عندي زوجة أعتقد .. بغير حياتي بالكامل ... ولعب البزورة اللي أنا فيه دحين حأتركه

أما لو كنت محتاج لشي من ألأشياء اللي ذكرتها .. وزوجتي معارضة .. وقتها مدري إيش اللي حيصير
لكل حادث حديث

أما باسوورد إيميلي ... لو طلبته ... حتاخده .. بس بعد الزواج
بس في مو فترة الخطوبة ... عشان لا تعملي رجة وقلق على حاااجة قديييييمة فاتت وعدت وانتهت

وأعطيها كمان باسووردات الإيميلات الباقية << وأخليها سكرتيرتي .. تستقبل الإيميلات وترد عليها

[.,.نيــــــــــــــــــــران.,.]

عادي يشارك بس أفضل اني أكون عارفة وين هو يشارك وأتابع مشاركاته بطريقة غير مباشرة من باب اني أتعرف على أفكاره أكثر في مواضيع متنوعة ،

و فيها من الغيرة شوي<<<لايروح الرجال يمين يسار خخخ<<< بس عموما عادي

أكثر حاجة حتعجبني اني أتعرف على أفكاره ممكن أناقشه فيها واكتشف هو بيطبقها وللا لا واشوف نظرية الشخصية الانترنتية ههههه الله يستر

أما سؤالك ماء السماء ماأتوقع اني حرتبط بآدمي عنده مثل هالمبادئ...

وسؤال الاخ ابن جلا أمممممممم صعبة شويتين بس كمان أرضى "على مضض" ومحاولة المتابعه وأعرف ايش توجهاته يمكن يكون يستفيد مثل ماانت تستفيد ماأظن حيقعد على فيس بوك لمجرد إنه يشتغل تعارف "عبيط"<<موفاضي الرجال خخخ

والله أعلم

تحياتي

[H@nEEn]

وووووووي

نعم اوووووووووافق وبقوووووووووووه
بالعكس فين المشكله انو يبدي رأيه ويتناقش ويتكلم ويعبر عن نفسه ؟؟؟؟

بس الشي المهم ,,,انو لا يروحلي منتديات مالها داعي ويقلي عاادي تراه منتدى
ولا يرميله كم كلمه يمين شماااال
وازا سألته يقلي
يا امممممممر هادا منتدى ؟؟؟؟؟؟؟؟
لا يلعب معايا مرررة

وكمان في شي
اش المششششششكله لو عندو اكاونت ع الفيس بوك ولا النت لوق ولا وات ايفر
مالها داعي الاضافات الي مالها داااعي
ممكن يكون عندو اكاونت ويتواصل مع اصحاابووو مثلا
او زميلاته في الشغل<<<ماتتعدى العلاقه حدود الزماله طبعا
نو بروبلم لكن انو يكون عندو بنات وكلام فااضي نووووووووووو

ااممم الثقه مهمه في حياة اي اتنين خصوصا لو كانو متزوجين ,,<<<موضوع خش عرض


وسلامتكم

[the pin]

عادي اوافق إذا كان اخلاقه تمام ومو طول وقته على النت
انا صراحه مستغربة!!!! من ردة الاولاد فين المشكلة انه اشارك في المنتدى لو شات يمكن

[H@nEEn]

المشاركة الأصلية كتبت بواسطة ^_^ شوفي .. كل المواقع اللي ذكرتها سابقا ... عندي فيها أكاونت .. لكن أنا مش مقتنع فيها لكن بأستخدمها ..لأني بأستفيد منها حاليا مثلا : من اليوتيوب: مشترك في كذا قناة لتطوير الذات وعلم النفس و الموسيقى والبرمجة وأخبار التقنية من الفيسبوك: عندي مجموعة من الأصدقاء (مبرمجين ومصممين و طلاب من السعودية ومن برا) من الفليكر : عندي مصورين (طلاب) في جامعتنا وجامعة البترول .. ومشترك في قروب مصورين كاميرات نيكون يعني بأستفيد بجانب الفساد اللي بأشوفه في دي المواقع .. ولأني حر راسي .. ملك نفسي .. وفي البراح لكن لما يصير عندي زوجة أعتقد .. بغير حياتي بالكامل ... ولعب البزورة اللي أنا فيه دحين حأتركه أما لو كنت محتاج لشي من ألأشياء اللي ذكرتها .. وزوجتي معارضة .. وقتها مدري إيش اللي حيصير لكل حادث حديث أما باسوورد إيميلي ... لو طلبته ... حتاخده .. بس بعد الزواج بس في مو فترة الخطوبة ... عشان لا تعملي رجة وقلق على حاااجة قديييييمة فاتت وعدت وانتهت وأعطيها كمان باسووردات الإيميلات الباقية << وأخليها سكرتيرتي .. تستقبل الإيميلات وترد عليها

مرررحباا
انتا مو مقتنع باالكاونتس حقتك ,,بس مشترك فيها لأنك (بتستفيد منها)
ليش ماتنظر لمرتك ع هادا الاساس؟؟؟ انها مشتركة في المنتدى بس مو اي كلام هيا موافقه عليه
ومو اي موضوع هيا راح تشارك فيه ,,وليش ماتفكر فيها من ناحيه ايجابيه اولا ,,مثلا,,اتعلمت نصائح وطبقتها معاك وافادتك بمعلوماتها الي اقتنتها من المنتدى ؟؟
يعني (هيا بتستفيد بجانب الفساد المنتشر في هادي المواقع) !! اضافه الى انها قدام عينك ,,ماهي(في البراح مثلا)
صحيح الي تبغا تسوي شي من ورى زوجا تسوي>>>لكن اكيد انتا عارفها وعارف اخلاقها وانتا اساسا عارف اخد بنت مـــن !!

تاني شي,,مو معانتو انو انتا اتزوجت يعني كللللللل الي انتا كنت تسويه كان لعب بزورة !!
يعني انتا مشترك في قنوات لتطوير الذات<<<هل هادا لعب بزورة ؟؟
متعرف ع اصدقاء كويسين ومحترمين من نفس جنسك لتبادل الثقافات<<هل هادا لعب بزوورة؟؟

ما اعتقد انو كداا,,لأنو لعب البزوورة انو اضيف بنات وشباب ومجرد زيادة عدد في الاكاونت عندي
ولافي اي مواضيع هادفه من الطرفين
ولعب البزروة اني اتفرج في اليوتيوب واضيع وقتي على اشياء تاافهه لاتسمن في حياتي ولا تغني من جوع
ولعب البزورة ايضا اني اشترك في منتديات هابطه لاقيمة لهااا واجلس اهتم لمواضيع لوو كلااس !!

و يارب يطعمك بانسانه فاهمه واعيه عشان لا تعارض اي فعل من الي انتا قلتهم واعتبرته لعب بزورة
لأنو من وجهة نظري انتا انسان جالس تستفيد مو اكتر ولا اقل

وكونك انتا التزمت معاها في علاقه ,,سواء في الخطوبه او بعد الزواج فهادا يعني (موت ذكرياتك القديمه)
وما نحتفظ الا بالذكر الطيب لهادا الانسان الي مانقدر نجبر العقل على نسيانه !!

وعن نفسي اناا <<<وجهة نظر شخصيه طبعا

عمري في يوم من الايام محا اجي لزوجي او خطيبي اقله هات باسوورد ايميلك (من الباب للطاقه) !!
اساسا ليش اطلبه الباااس ؟؟ مالوو داعي ازا انا ما اشك فيه ولاشي
هوا حرر في ايميله
بالمقابل لو هوا طلبني الباس ,,راح اعطيه ,,(بس مو معناتو انو هوا يشك فيا)
فلنفرض انو انا كنت برا البيت ومستنيه رد ع الايميل ضروووووووري,,لازم هوا عارف الباس بطريقه او بأخرى
وبروضو راح اطبق هادا المثال عليا انااا

وماادراك ممكن نكون ممتفقين انو باسورداتنا وحده في حال النسيان لواحد فينا ع الاخرر


شكرا لحسن الاصغااءlol

[noo0oona]

عادي اكيد بوافق طبعا اش المانع والله اللي يشوف حال المتزوجين حاليا كيف من سهر طبعا ونوم برى البيت و و و و يقول خليه ان شالله 24ساعه عالنت دامه بجنبي وفالبيت حتى لويدخل شات بعضهم بتوافق المهم انه فالبيت
طبعا انا اتكلم عن بنات متزوجين ولاتقولو الوحده تغير زوجها بعد الزواج مو شرط اذا كان هو من النوع اللي راسه يابس او قروي اش تسوي فيه
اما انا عن نفسي فطبعا مااعرف اش حتكون ردة فعلي لان ترى صح الواحد يقول اشياء كثير بس لمن يصير الشي يتغير راي الواحد ونظرته

[الورد الاحمر]

انا عن نفسي لا
بس برضو يكون الاشياء الي داخل فيها اشياء تفيد
مو شئ تاني