نحتاج كتاب مترجم لمسرحية rosencrantz and guildenstern are dead

[nour al3mr]

المشهد الثـآلث Act 3 :

Rosent و Guild فجـأة بيلاقوا نفسهم في سفينة و أبحرت وسط البحــــر و دورنا كمشـآهدين راح يكون عندنا تصور أنهم الإثنين ماعندهم أدنى معرفة عن سبب وجودهم في هذآ المكـآن [هذآ برضوهـ ستايل استخدم في الأدب الحديث أنه العمل الأدبي يكون مقدم لِـ طبقة مثقفـة ]
و بيحاولوا الإثنيـن يعرفوا هل هم أحيـآء ولا أموات و أرواحهم هي اللي صاحية و تخليهم يشوفوآ أيش صار لهم
لكن بعدها بيستوعبوا أنهم أحياء و أنهم على متن سفينة .. بعدها بدؤوا يفتكروا إن كلوديوس [عم هاملت و وزج أمـه] أعطاهم رسـآلة عشان يوصلوها لملك انجلتـــرآ ..
بعد ما جلسوا محتارين و مضطربين كيف وصلت لهم الرسالة و مين أخذهـآ و فين مكـآنها
لقيوها بعدهـآ و فتحوها و قرأوهـآ
و المكتوب فيها إن كلوديوس طلب ملك انجلترا أنه يقتل هاملت ..فروزن صار متردد أنه يكمل الرحلة و يتبع الأوامــــر لكن جلدن أقنع روزن أنه هم ماهم جديرين أنهم يتدخلوا في أمور الحكام و الملوك و يقفوا في وجه خططهم ..
هنا مرة ثانية صار المسرح مظلم [stage]~> دليل على قرب موتهم
و هنا ظهر هاملت و غير الرسـآلة و هرب ..
التراجديين ظهروا على السفينة بعد ما كـآنوا مستخبيين في البراميـل لانهم هربوا من الدنمـآرك
سبب هروبهم أنه مسرحيتهم الأخيرة اللي مثلوهـآ أدانت كلوديوس أنه هو اللي قتل عم هاملت ففروا منه عشان ما يقتلهم

مع فرار هاملت روزن و جلدن صاروا مرتعدين خوف و رجعوا قرأوا الرسالة مرة ثانيـة و لقيوا هذهـ المرة أنهم اللي مطلوب قتلهم بدل من الأمير هاملت
هنا جلدن بدأ يهلوس من الخوف و يسأل ليش هم لهذهـ الدرجة مهخمين عشان يترسلوا للإعدآم فهنا جاء قائد التراجديين Player وقال له أنه لا تخاف لأن كل الطرق راح توصلنا للموت فين ماكنا ..

فهنا جلدن عصب من كثر الخوف و ضرب القائد و طعنه بخنجر كان في حزآمه و يصرخ عليه و يعصب و يقول له أنه هذآ المصير اللي أنتَ تقول عنه حقيقي ما نبغـآهـ
فالقائد عمل أنه فعلاً مات إلى ما أعتقد و صدق جلدن أنه فعلاً قتله
لكن بعدها بشوية بدأ التراجديين يصفقوآ و قام القائد و نفض نفسه و شال الخنجر و صار كأنه شفرة سكين تختفي لانها تنطوي لدآخل مخبأها
و هنا أختفى التراجديين و قائدها و بقي فقط جلدن و روزن
و بدؤوا يتساءلوا فين اللحظة الغلط اللي المفروض كانوا ما يتخطوها و اللي هي أدت لموتهم ..
و بعدها أختفوا الإثنين
و جاتنا أبيات من شكسبيــــــر .
و آخرهــآ أعلن المرسول أنه الإثنين مـآتوا

و أنتهت المسرحيــــة ..

الله يفتح عليكم و يوفقكم و نعتذر إن أغفلت نقطة ..

ربي يرعاكم .

[nour al3mr]

كرآم خلق لله ..

الشرح في 3 ردود ..

الرد الثـآني بعد الفـآصل كملت الإضـآفة فيه بتلاقوهـآ بعد السطر الفـآصل
و رجعت أضفت كم عبارة أفتكرتها بالأحمـــــــر ..


الله يجزآك الجنّـة أخي أبو آلاء و البقيــــة ..

و الله يعافيكم و يكتب لكم التيسيــــــر و آعالي الدرجـآت ..

---

المشاركة الأصلية كتبت بواسطة المحزوون والله ان تفصيلك افضل من الفديو حتى .. بس انا نستحي احيانا نطلبك علشان مانشغل سموكم الكريم

اللي يقابله يعطيه ضربة على قفى رقبته
سموي يقول لكم دون ما يسألكم بالله
اللي عندهـ سؤال أو أي شيء لا يردهـ شيء بالسؤال .. لو ما طبيت القسم و قصرت فما يردكم شيء عن الرسـآئل
لأنه فعلياً أكون بأقسام ثانية أشرف فبالتدريج أزور الأقسـآم كل ما قدرت ..

العلم فائدته يتدآول و لمـآ ما أقدر بأعتذر لكم احنا أخوان ..

ربي ييسر أموركم ..

[المسعودي الهذلي]

المشاركة الأصلية كتبت بواسطة nour al3mr كرآم خلق لله .. الشرح في 3 ردود .. الرد الثـآني بعد الفـآصل كملت الإضـآفة فيه بتلاقوهـآ بعد السطر الفـآصل و رجعت أضفت كم عبارة أفتكرتها بالأحمـــــــر .. الله يجزآك الجنّـة أخي أبو آلاء و البقيــــة .. و الله يعافيكم و يكتب لكم التيسيــــــر و آعالي الدرجـآت .. اللي يقابله يعطيه ضربة على قفى رقبته سموي يقول لكم دون ما يسألكم بالله اللي عندهـ سؤال أو أي شيء لا يردهـ شيء بالسؤال .. لو ما طبيت القسم و قصرت فما يردكم شيء عن الرسـآئل لأنه فعلياً أكون بأقسام ثانية أشرف فبالتدريج أزور الأقسـآم كل ما قدرت .. العلم فائدته يتدآول و لمـآ ما أقدر بأعتذر لكم احنا أخوان .. ربي ييسر أموركم ..

اسأل الله ان يكتب اجرك ويرفع قدرك ويشرح صدرك وييسر امرك
ويرحم والديك ويكتب لك المغفره والرحمه والعتق من النار في هذا الشهر الفضيل

[sherlock]

والله يانور العمر شرهتك ع الي يذاكر هالمسرحية بعد شرحك الوافي والمطلوب بالنسبة لنا
الله يفتحها في وجهك وين ماتروحين ويوفقك لما فيه الخير يااارب

[ام حمدان]

أ/نور

تم نسخ ردودك بموضوع مستقل واُضيف بقسم الملخصات

الله يحفظك ولايحرمك اجر عطائك


وفقكم الله لكل خير