دوره حاسب وانقلش وياريت في الجامعه

[عزة نفسي_تكفيني]

المشاركة الأصلية كتبت بواسطة الحــــنووونـــه كيف اسعارهم ؟

المشاركة الأصلية كتبت بواسطة batbot مشكوره حبيبتي طيب المعهد الثقافي يعطي الicdl بدتي دوام عندهم كيف الشرح ؟ وكم مده الدوره ,وكيف اسعارهم؟ ويعني بد مااخذ الدور مايعطوني شهاده الى ان يرجعوا شهاده icdl وشكرا مره تانيه

لا مابدأت دوام لسى بكرهـ ان شاءالله أبدأ بس صحباتي بدأو من قبل وقالوا الشرح حلوووو وحتى بكرهـ عندهم اختبار كل نهاية كورس يعملوا اختبار

دورة استخدام الحاسب الآلي في الأعمال المكتبيه هي شبيهه بالـ icdl تفرق ببرنامج واحد عشان كذا دخلتهااا

لمن تااخذي الدوره اللي عند نيوهورايزن تبع الـ icdl سواء عندهم او اي معهد ثاني ماايقدروا يعطوا شهادة icdl لأنها مو من عندهم من المركز نفسه فالمركز اللحين موقفه

فالمعهد يعطوكي شهادة بمسمى ثاني ولمن يرجع اعتماد icdl من المركز يعملوا اختبار تدخليه على طوول وبعد اجتيازكـ تستلمي شهادة icdl من المركز مايحتاج تعيدي الدورهـ

أسعار المعهد الثقافي وقت ماسجلت كانوا عاملين عرض وانتهى اللحين فمني متأكدهـ من اسعارهم الأساسيه من غير العرض بس هي حلوهـ مو مبالغه

تقريبا الأعمال المكتبيه مابين 1400 -1800 مو أكثر مدتها 3 شهور

وادخال البيانات مدتهااا 6 شهور تقريبا 2800 ويمكن أقل

وعندهم مواصلات بـ 300 في الشهر

موفقه

المشاركة الأصلية كتبت بواسطة زوجة باسم السلام عليكم جميعا انا دخلت العام الماضي معهد المشاعل للتدريب النسائي في حي الصفا اخدت دورة انجليزي go ahead كانت عادية بعض الشي وحسيتها تنفع لطلاب المدارس اكتر واخدت عندهم دورة استخدام الالي في الاعمال المكتبيه لمدة 3 اشهر وبعد سنة تقريبا كان الاختبار في المؤسسة طبعا التأخير مش من المعهد التأخير من المؤسسة العامة للتدريب المهني نفسها يعني في اي معهد بجده اخدتي دي الدورة هو جدول موحد واحد مقسم على اسبوعين اعتقد يتوزعوا فيه البنات كل وحدها لها يوم وساعه يعني زي اختبارات المعامل ويكون عملي ونظري في نفس الوقت والدورة حلللللوة ومفيدة وتقريبا شاملة جميع برامج الكمبيوتر بإستثناء برنامج واحد اللي هوالاكسيسز ودا الفرق بينه وبين الرخصة الدولية اللي اتوقفت بسهو كان القهر في الاختبار يوم جا للبنات سهل ويوم جا صعب والاختبار ما يكون شامل للبرامج كلها انا اختبروني في 3 من اصل 7 طبعا غير انهم يستحيييييييييل يعطوا احد حقه في الدرجات مدري ليش افكر لمن طلعت الدرجات بعد يمكن 6 شهور كمان من الاختبار على مستوى جده كلها وحده بنت اللي جابت 92% وانا ووحده تانيه اللي جبنا 91% وبصراحه انا كنت خارجة وواثقة من حلي وانه مو اقل من 99 % تكون نسبتي حتى لمن راجعت تاني يوم مع معهدي المهم ومن القيل والقال اتضح انه المؤسسة ترسب كتير عشان الناس تدخل اعادة اختبار وبفلوس طبعا ولاسف ينكتب في الشهادة اختبار معاد انا اسفة ان كان طولت عليكم بس حبيت اني افيد بما عندي وبفكر الان اخد دورة التأهيل الشامل دا المسمى موجود في معهد المشاعل لكن مدري هل اصل الدورة في معهد تاني ؟؟ اللي عندها خلفية تدلني وجزاكم الله خير جميعا

خوفتيني من اختبار المؤسسه حسبي الله عليهم ليش يصعبوها وبعدين ليش الظلم الله حسيبهم

ياربي بكره لسى اول دوام لي وخفت من الاختبار

وبعديييين لييييييييش هذا الوقت كلوووو حرام عليهم وش هالتأخير الفتره هذي كلها بعد الدوره اجلس بلااا شهااادهـ

الله ييعين بس

مشكوورهـ حبيبتي الله يجزاكي الجنه يارب

[عزة نفسي_تكفيني]

المشاركة الأصلية كتبت بواسطة السيدة نكتة بكم سعر الدورة ؟؟ والمواصلات كم ياخذوا منك بالشهر ؟ والله يوفقك

والله يالغلا لمن سجلت كان في عرض وعاملين تخفيض

والسعر من غير العرض تقريبا مابين 1400 - 1800 مو أكثر هذا بالنسبه للأعمال المكتبيه مدتها 3 شهور

هذا رقمهم 6074545 اتصلي واتأكدي من الأسعار ^_^

والمواصلات المعهد متعامل مع شركه 300 ريال بالشهر

الله يوفقنا جميعا يارب

[عزة نفسي_تكفيني]

المشاركة الأصلية كتبت بواسطة m!ss dana مين تعرف معآهد انقلش كويسه؟؟ تقدم دبلوم او مستويآت؟؟؟ وكيف الاسعآر؟؟

والله انا ماجربت لسى مادخلت انجليزي بس حسب مابحثت بالنت ان معهد بيرلتز أفضل وأقوى معهد

بس اسعارهم مبالغ فيهااا ممكن يوصل المستوى الواحد 3000 هذا حسب ماقرأت والله أعلم

ان شاءالله البنات المجربات يفيدوكي

موفقه

[batbot]

عزه نفسي
مرره شكرا
بس ممكن تقوليلي
ايش هي البرامج اللي يدرسوها في دوره الاعمال المكتبيه
وفين عنوان المعهد لو سمحتي

[عزة نفسي_تكفيني]

المشاركة الأصلية كتبت بواسطة batbot عزه نفسي مرره شكرا بس ممكن تقوليلي ايش هي البرامج اللي يدرسوها في دوره الاعمال المكتبيه وفين عنوان المعهد لو سمحتي

برامج الأعمال المكتبيه ( وندوز - ورود- آكسل - بوربوينت - طباعه - انترنت - اوت لوك ) ان شاءالله صح ماأكون نسيت شي

العنوان من عند دوار الفلك تروحي شمال كأنك رايحه حراء قبل تقاطع قريش تلقي المعهد على يمينكـ << وهو على الشارع واضح مايلخبط عند بنكـ سامبا على طوول

اليوم اول دوام لي الاستاذه اللي انا عندها بصراحه طيوبه بس حسيت يعني مو ذاكـ الشي في الشرح .. بس هو اليوم كان المقدمه ووندوز فكانت حاجات معروفه وسهله جدا يعني لسى مااجربتهاا في الجامد

والاستاذه الثانيه اللي في الصباح مع صحباتي اتوقع انها أفضل

وفي وحدهـ اليوم قابلتهاا هي مسجله دورة سكرتاريه وقالت انها أخذت الأعمال المكتبيه في المشاعل وانهم مرررهـ كويسين وانبسطت هناكـ بس تركتهم وجات هناا عشان الأستاذهـ اللي تعودت عليهااا وناسبها اسلوبها تركت معهد المشاعل.. وعيب المشاعل انهم شديدين في الدخول والخروج وفي الزي << بس هذا مايهم الاهم الشرح

بالتوفيق

[batbot]

عزه نفسي
معليه اخر سؤال
الدراسه و الاختبارات
عربي ولا انجليزي

[عزة نفسي_تكفيني]

المشاركة الأصلية كتبت بواسطة batbot عزه نفسي معليه اخر سؤال الدراسه و الاختبارات عربي ولا انجليزي

اختبار المعهد عربي

اما المؤسسه مدري زوجة باسم هي ممكن تفيدناا بحكم انها جربته لكن اتوقع عربي

[batbot]

مرره شكرا
عزه نفسي
تعبتك معايا
الله يوفقك دنيا واخره

[عزة نفسي_تكفيني]

المشاركة الأصلية كتبت بواسطة batbot مرره شكرا عزه نفسي تعبتك معايا الله يوفقك دنيا واخره

لا تعب ولا شي بالعكس ^_^

سعيدهـ بإفادتكم

واللهم آميييييين يااارب جمييعا



يقولوا بنات من المعهد ان الانجليزي كويس عندهم << من كلامهم انا ماجربت بس كذا وحدهـ سئلتها مدحتهم في الإنجليزي وانه افضل من الحاسب عندهم

[مل صبري]

السلام عليكم ورحمة الله
كيفكم أن شاء الله تمام
أخواتي الكرام أنا حابه أخذ دوره عندالمعهدالثقافي للسيدات
اتصلت اليوم فيهم وسئلتها عن الدورات الموجوده عندهم وقالت لي الموظفه عليها وعلى مدتها
بس سؤالي؟ لكم ..
اي هذي الدورات راح استفيد منها في الوظيفه
...
الاعمال المكتبيه
أو
ادخال بيانات ومعالجة نصوص
أو
سكرتاريه

سالتها عن المعارف قالت ما فيه عندهم

انا كنت حابه أخذ كذا دوره في نفس الوقت
يعني من الساعه 8الين الساعه 12قالت لا ما يصير
دوره وحده بس تاخذي

الله يعطيكم العافيه اي هذي الدورات تفيدني اكتر
ملاحظه : انا ما سبق واخذة اي دورة حاسب من قبل

تكفون ساعدوني يا اصحاب الخبره .. ابي اسجل خلال هاليومين
انتظر ردودكم


وبعد حبيت اسئل هل شهاداتهم (معتمده من الوزاره )

الف شكر مقدماً وبالتوفييييق للجميع