الطب الطب~ والله انا مو كسلاااانة وااااحد وتلاتييين درجة يااااااعااااالم >> النجددةةة

[تووتـــــــــة]

حبيبتي لا تزعلي نفسك مشااااء الله مرررررررررا اتحسنتي بالفيزيكس مشاء الله الله يحفضك داكري من دحين وروحي اسالي استازتك عن الاشياء الي منت فاهمتها وان شاء الله الفل مااااارك ياااااااااااااااااااااااااارب وبالنسبة للماث في عشرة بونس يعني شدي حيلك وبتنجحي والماث ماياخدوه يالطب انا زيك ابغى طب واتحطمت لانو بالفيزيكس الاول جبت 22 والتاني 20 يعني مافي امل اجيب 90 الا ادا اتكرموا وحطوا بونس بس والله حسوي كل الي اقدر عيه عشان اجيب الفل في النهااائي ويااااااااااااااااارب يزودونا بالبونس ادعي ربنا ومافي شي بعيد ع ربنا الله يوفقك ويسعدك وينيلك مراااادك ياااااااااااااااااارب أهم شي لا تسحبي ولا تفكري حتى لانو دا الشي حياثر فيكي كتيييييييييييييييير الانسحاب شي مو حلو وبالتوفيق ^_^

فديييييييتك انا ياعسل والله حنوريهم ونخش طب من اوسع ابوابه كمان مدام عندنا ثقة في ربنا خلاااااااااص
كل الي قاعدين يحطمونا دول مع نففففففففففسهم وان شاء الله نتقابل انا وانتي في الطب مع بعض
لسه عندنا خطة ب هيه الاهم
بالتوفيييييق ياقلبي ~

[JOojoO:D]

شيدي حيلك و و زاكريييي من قلبك و حطي املك في ربنا و ربي
محا يضيع تعب مسلم و الخيرة في الي اختاروا ربنا بس انتي شدي
حيلك اكتر شي في الكون كلوا طيب و ان شاء الله كلو يسير تمام
good luck sweety

[تووتـــــــــة]

سبحان الله . والله طموحك عالية لاتنتحري . ترا قروشة العزا ثلاث ايام . ولاتفكري تقطعي ملابسك ترا مااحد بينزلك السووق ..هع لكن احمدي ربك . درجاتك حلوة مقارنة بدرجاتي . بعدين انت بنت مو ولد عشان تخافي . اهم شي تنجحي وروحي اي تخصص . صح ان الشباب المفروووض . اللي يجيب معدل ويدخل تخصص حلو لانه بعدين اذا تزوج هو بيصرف على عيالة . مو البنت اللي تصرف على العيال.. انا عن نفسي باخلص هالسنة واترك الجامعة الفاشلة هذي واروح ادبر عمري مااقول الا الله يوفقك ويوفق كل طالب وطالبة في هالجامعة وفي غيرها ويحقق امنياتنا

ايوا طموحي عالية وراح ارجع بعد النهائي وانا بأعلى درجااااات وراح ادخل طب لو ربي كاتبه
وماراح انتحر ولا اقطع ملابسي راح اذاكر واشد حيلي اكتر واكتر وكل هادا اختبار من ربي ماراح اسحب زيك من الجامعة الفاشلة ولا حخليها تحطمني ماعاش ولا كان الي يحطمني
وايش الي انا بنت مو ولد ايش الفرق يعني بس الاولاد الي لازم يكون عندهم مستقبل والبنت ايش كيس جوافه
قال اهم شي انجح وادخل اي تخصص وربي محد خارب البلد الا الي تفكيرهم كدا
ياحبيبي انتا تحسب انه كل الاولاد فيهم خير !
والبنت لو مافي يدها شهاده عدله تقدر تتوظف بيها واتزوجت واحد ابن حرام
قوللي مين حينفعها ها ؟؟

لاتعليق

موفق !!

[خالد9921]

ياحبيبي انتا تحسب انه كل الاولاد فيهم خير ! والبنت لو مافي يدها شهاده عدله تقدر تتوظف بيها واتزوجت واحد ابن حرام قوللي مين حينفعها ها ؟؟

من جد والله
الزمن تغير والبنت لازم تسند نفسها بشهاده قويه تساعدها عالايام !
انتهى زمن البنت مستقبلها اي كلام لانها ع كذا ممكن تترمي اي رميه
بصراحه وضعهم اصعب منا بكثير :/

[طالب طب في المستقبل]

السلام عليكم ورحمة الله وبركاته

كيفكم ياحلوين ؟؟

وكيفك اختي الحزينه ؟؟

صراحه انا قريت الموضوع من اول رد الى اخر رد

اختي انتي درجاتك الصلاة على النبي نازله

راح اعطيكي قصه مرت مع طالب انا اعرفه والان دخل كلية طب الاسنان

هذا الطالب كان السنه الماضيه ساكن في قويزه وجاء السيل على بيتهم وهد البيت كله

وراح كل شي في البيت من اوراق وكتب ووو .......الخ

الولد ماعرف ايش يسوي وكان اختبارات الدوري الثاني قريبه

ودخل الاختبار وماذاكر شي تخيلي وكان الفاينل بعده باسبوعين

ودخل الاختبار مذاكره مش ولا بد لانه كان حالته النفسيه زفت

وطلع الترم الاول على مااظن 73 في الرياضيات ودرجه قريبه في الفيزياء

ولكن ماشاء الله ايش سوى شد حيله الترم الثاني ودخل كلية طب الاسنان

يعني اختي انتي خلي املك بالله كبير

وسوي اللي عليك وربك ماراح يضيع لك تعب

وحاب اعلق على احد الاخوه اللي يقول

ازا جبتي فالفيزيا 60 من 100..او حتى 70 ماراح تدخلي فالمفاضلة حقت الطب لانو فرق بين ال 90 وال60 الا ازا مجموع مواد الطب عندك طلع عالي..!! ساعتها يبغالك فالكيميا تجيبي 100 واسمحيلي يعني حتكون جدا صعبة عليكي انك تجيبي الـ 100.!! ونفس الوضع فالاحياء بس الاحياء سهله واكيد الانجليزي ولا احلى هادا حاولي تجيبي فيه 100 عشان نقول ممكن يتجاوزولك عن الـ 60 ازا مجموع هادي المواد عالي لانو الفيزيا من المواد المهمه اللي تدخلك فالمفاضلة حقت الطب

اسمحيلي بالنسبه للكيماء جدا سهله واكثر الطلاب جابوا فيها درجات عاليه

وانا بالنسبه ليه درجتي كانت جدا جدا جدا عاليه

لانو المنهج حقها سهل جدا

في الختام

اتمنى لك اختي التوفيق ولجميع الطلاب في التحضيري

بالتوفيق :)

[تووتـــــــــة]

ماعرف ايش تستفيدوا لمن تقولولي درجاتك نازلة !!
طيب انا عارفه الكلام دا مو محتاجه احد يقوللي درجتك نازله
وجاية هنا عشان ابغاكم تنصحوني ايش اسوي
كنت مستنية رد غير كدا ياطالب طب في المستقبل
لعلمك انتا واحد من الاشخاص الي رفعلي معنوياتي لما نزلت موضوعك حق الي حلمهم كلية الطب
بس ردك دا بصراحه ماتوقعته ..


انا راح ارفع معنويات نفسي بنفسي احسن شي ..

يسلموو على مرورك ~

[طالب طب في المستقبل]

المشاركة الأصلية كتبت بواسطة تووتـــــــــة ماعرف ايش تستفيدوا لمن تقولولي درجاتك نازلة !! طيب انا عارفه الكلام دا مو محتاجه احد يقوللي درجتك نازله وجاية هنا عشان ابغاكم تنصحوني ايش اسوي كنت مستنية رد غير كدا ياطالب طب في المستقبل لعلمك انتا واحد من الاشخاص الي رفعلي معنوياتي لما نزلت موضوعك حق الي حلمهم كلية الطب بس ردك دا بصراحه ماتوقعته .. انا راح ارفع معنويات نفسي بنفسي احسن شي .. يسلموو على مرورك ~

~>ليه تفهميني غلط ؟!!!!!!

والله كانت من باب الدعابه فقط لاغير لرفع المعنويات

لاني اعرف شعور الواحد اذا كان طالع من الاختبار ودرجاته نازله

شوفي درجتي انا في الدوري الاول للماث 12

وشوفي اختي انا عتبرك زي اختي الصغيره والله اني اتمنى لكل واحد منكم الخير

وانا نادر مااشرك في ملتقى المسار العلمي لكن يوم شفت موضوعك قلت والله لاشارك

وارفع معنوياتك

في الختام انا اسف لو ضايقتك في اي حاجه في ردي

واكرر اعتذاري واسفي

بالتوفيق اختي

[تووتـــــــــة]

طالب طب كلك ذووق :)
اسعدني مرورك
~