تخرجت بس شوفوا العجايب

[live is live]

بسم الله الرحمن الرحيم


ابشركم تخرجت بمعدل 2,86 جيد والحمدلله حلوه وكفايه بالنسبه لي لانها درجه معقوله

واستلمت الوثيقه وخلصت جميع الامور المطلوبه

بس العجيب في الأمر هو النظام الجديد اوودس بلص نظام اثبت فشله بقوة

الموضفين نفسهم ابتلشوا فيه فما بالكم بالطلاب - وانا في الجامعه جلست ثلاث ايام من مكتب لمكتب وبعد الكود قدرت اني اخلص ادخال درجاتي في الاختبار البديل والاختبارات الثانيه

والله الموضفين ماقصروا معاي بس النظام هذا عجيب وغريب مجموعة من الألغاز يجب أنك تحلها وكل لغز يبيله ساعة وجلست ثلاث أيام حتى تم حل جميع الألغاز والحمد لله بعد بهذله الله لايرويكم من مكتب لمكتب ومن مبنى لمبنى

شي على كيف كيفكم بس زانت الامور في النهايه

والله يعين الطلاب على هالنظام اللي مايصلح يكون في صالون حلاقه فمابالك بجامعة المؤسس

واللحين لما ادخل على النظام تعال تفرج في صفحة السجل الشامل تلاقي الدرجات غير مرصوده وفي صفحة الدرجات النهائيه مرصوده وفي صفحة ثانية مدري ايش
وصفحة ثانيه خريج وصفحه ثانيه مستمر وصفحه ثانيه معتذر شي غريب جدا جدا

بس ابشركم اني اخذت الوثيقه ونفذت بجلدي من هالنظام


على العموم راح اقولكم كيف كانت مسيرتي الدراسيه لأن لي هدف راح اوضحه في النهايه وهي كالتالي


الترم_ المعدل الفصلي _المعدل التراكمي _عدد المواد

الاول_ 3.39_ 3.39 _5

الثاني_ 3.82_ 3.61 _5

الثالث_ 2.47 _3.18 _6

الرابع _2.83 _3.08_ 6

الخامس_ 2.32 _2.94 _5

السادس_ 1.50_ 2.75 4

السابع_2.00 _2.62 _6

الثامن_ 3.25 _2.70_ 5

التاسع_ 3.88_2.75 _ 2

العاشر_ 3.00 _2.78_ 4

الحادي عشر_ 3.75 _2.82_ 2

الثاني عشر_5.00 _2.86 _1




اللحين لاحظوا من الترم الثالث حتى الترم السابع كان المعدل في نزول والاسباب كما يلي

اولا عدم التمكن من اللغه

ثانيا كثرة المواد وعدم المذاكره يعني المواد كثير والمذاكرة قبل الاختبارات باسبوعين واللغه من جنبها


وبعدها وش سويت سافرت الخارج الى نيوزلاندا ودرست لغة لمدة سبعه شهور والحمدلله استفدت كثير

وسويت خطه حلوه لرفع المعدل كالتالي
آخذ عدد قليل من المواد وأذاكر من بدري حتى رفعت المعدل وتخرجت والحمد لله

نصيحه اللي ماعنده لغه لا يخش قسم اللغه الانجليزيه ابد نصيييييحه تذكروا الكلام ذا


على العموم
عقبالكم وبالتوفيق للجميع وآسف على الاطاله

دمتم بود