تجمع طلاب كليه الهندسه برابغ

[maaja]

بدون اي زعل من الاخوان اللي اختلف معهم بالرأي

الدراسه في رابغ صحيح ماهي قويه مثل جده وتقدر تجيب درجات

لكن بكل أمانه مادة ee 251 لأن الدكتور حقاني وما يزود أي درجه وجاب الاسئله مثل ما تكون بجده

الدرجات كلها طايحه لأغلب الشباب

أنا سحبت الترم والحمد لله حولت لجده لأني ناوي أكمل دراسات عليا بعد البكالوريوس أما بالوضع الحالي برابغ صدقني ما راح أصير مهندس كفء يقدر ينافس في سوق العمل ويشتغل في كبرى الشركات

[جدااوي كوول]

صدقوني اللى بيتعود على رابغ بتكون حلوه لاكن اللي بيقعد يقول ويعيب فيها حيكرهها من اول يوم والله اللى يدرس فيها مايفكر يدرس بغيرها وتحيااااااتي

[جدااوي كوول]

لا ياحبيبي بالنسبه للبيسك ترا مستوى الدكتور كان جدا سيء ومايحتاج نقول ايش كان يخبط في نص الترم يعني بصراحه شي ماكان بذكر ولا نحتاج نعلق في الموضوع لانو كلنا عارفين الشي اللى صار واذا قصدك انو طلاب رابغ فاشلين ياحبيبي كيف نجيب درجات حلوه في الماث والاختبارات تجينا من جده وكيف نجيب درجات في الستاتك والدكاتره ماهم عارفين يوصلون المعلومه يمكن واكيد انو احنا مو زي طلاب جده ولا مستوي جده لاكن مسستوانا لايقل بكثير عنهم

[جدااوي كوول]

ولو مستوى الدكاتره في رابغ بنفس مستوي الدكاتره في جده ونفس امكانيات الكليه في جده صدقيني حتشوف مستوي الطلاب وصدقنى لو احننا نقدر نحذف ونضيف بكيفنا حتشووف المستوي كيف يعني واحد في جده ينزل 12 ساعه بالراحه يرفع معدلوا لاكن احنا 16 او 15 ساعه وظغط وكيف تبغا ترفع معدلك ويكون مستوااااك تمام لازم لمن تجي تقارن تقارن من جميع النواحي مو من بس ماده وحده وتقبل تحيااااااتي

[MR.Google]

هل فعلا السنه القادمه راح تفصل جامعه رابغ وتكون جامعه مستقله؟؟؟؟؟

[جدااوي كوول]

والله ياحبيبي اتوقع الشي ذا في اي وقت وهيا حتنفصل حتنفصل سواء دحين ولا بعد سنه او سنتين فتووقع الانفصاااااال في اي لحظه

[جدااوي كوول]

ياشباب احنا كاتبين الموضوع عشان نرفع من سمعه الكليه لايجي واحد ويقوول ويكتب كلام عن الكليه طيب مدام انت ماتبغا الكليه ياخي ليش رحت لمن قبلوك كان سحبت السنه ولا تعبت راسكـ

وترا الكليه مجتهده وجايبه دكاتره على مستوي ماعدا دكتور او دكتورين يعني هما كناحيه علميه كويسين ولاكن مافي شي يجي كامل طبعاا وبالتوووفيق ياشباب كليه الهندسه برابغ ورمضان كريم علينا وعليكم

[أحمد السقاف]

أنا سحبت الترم والحمد لله حولت لجده لأني ناوي أكمل دراسات عليا بعد البكالوريوس أما بالوضع الحالي برابغ صدقني ما راح أصير مهندس كفء يقدر ينافس في سوق العمل ويشتغل في كبرى الشركات

كيف قدرت تحول ؟
هل توجد فرصة للتحويل ؟ لانه انا والله ابغا احول بأي طريقة لأنه انا ساكن في جدة وفي حس السلمانية
يعني ملصق في الجماعة وفي النهاية رموني في رابغ

[جدااوي كوول]

ياشباب ترا امكانيه التحويل موجوده لايكذب عليك احد ويقول مايقدر تحول انا اعرف اثنين حولوا لجده بس اهم شي شد حيلك الترم الاول والثاني وفي الترم الثاني اطلب تحويل وان شاء الله يجيبك

[أحمد السقاف]

ياشباب ترا امكانيه التحويل موجوده لايكذب عليك احد ويقول مايقدر تحول انا اعرف اثنين حولوا لجده بس اهم شي شد حيلك الترم الاول والثاني وفي الترم الثاني اطلب تحويل وان شاء الله يجيبك

جزاك الله خير والله شلت هم كبير عني

لانه انا سألت دكتور المشاط وقال مافي تحويل