هل انت مع قيادة المرأة للسيارة في السعودية(صوت)+دعوة للنقاش

[خالد انجليش]

اشكر كل من ادلى برأيه
وبالنسبة للموضوع صحيح انه امر قديم لكنه متجدد
وخصوصا في ايامنا هذه لأن المؤيدين كان عندهم موعد الذكرى الاولى للمطالبة بالقيادة
والمنتديات الفكرية تشهد حراكا قويا هذه الايام بسبب هذه المناسبة
مع العلم انه كان موعدها الاحد
ولكن بسبب وفاة الامير نايف الله يرحمه تأجل الى الجمعة
فالموضوع متجدد ولا اتوقع انا وصلنا لحد نعرف فيه القرار الذي سيُتخذ
ونحن هنا في الاول والاخير لن نقدم القرار او نمنعه ولسنا في برلمان او مجلس شورى
نحن هنا لنعرف رأي مجتمعنا

[Patricia]

صحيح الموضوع زي ماقالوا الاخوان مستهلك وانتهينا من مناقشته..
لكن مايمنع إني أقول رأيي، أكيييييييييييييد مع، ي رجل يوم المنى يوم اللي أسوق سيارتي أنا..
للأسف شخصيتي تفرض علي هالشي أنا إنسانة أحب الإستقلالية والحرية والإعتماد ع النفس ولا أحب أكون مقيدة لا بسواق ولا أخ وأب ولا غييره وبصراحة ع الرغم من ان عندي سواق لكن أنا مو حابة الوضع أعتبرها خلووة وملزمة أحترم نفسي وأتكلم مع أخواتي بالسيارة بصوت خفيف وما أفتح أي موضوع وبالفون برضوا إذا جاني اتصال لا أقدر أخذ راحتي لا بضحك ولا بسوالف ولا شي أحس اذنه معانا استغفرالله ، واللي ماتبغى ماتقدر تجبر غيييرها على شي هي محرمته على نفسها، إذا انتي مستعدة تعيشي عمرك كله تحت ظل ورحمة ومزاج رجل يمكن يوديك ويمكن لا لكن غيييرك لا وألف لا، وبعدين من فين جايبيلي هالفتوى حرام ومدري ايه ي أخي البريك سألته مبتعثة في استراليا عن حكم قيادتها للسيارة وقالها يجووووووووز، وبعدين ربنا أعطانا عقل نستفتيه ولو أفتونا، يالله ان شاءالله في يوم ما تتحقق الأمنيات..

[خالد انجليش]

صحيح ان هذا الامر قد يكون مقبولا في الدول الاخرى لكن هنا غييير
لأسباب كثيرة
-دينية
-اجتماعية
-اقتصادية
وكل سبب مدعوم بوجهات نظر كثيرة
مثلا الاسباب الدينية كلنا يعرف رأي علمائنا وبحكم ان مجتمعنا مجتمع محافظ لا اتصور ابدا ان نخرج عن رأي الشرع في هذا الامر
واما الاسباب الاجتماعية فكثيرة جدا لكن يكفيني سبب واحد غريب في مجتمعنا
وهو مؤلم بالنسبة لي لكن هذا هو الواقع كلنا يعرف الممرضات والعاملات في المستشفيات وكيف ان اغلب الشباب لايقبلون الارتباط بهم ولهم الحق في ذلك لأنهم يرون مالايُقبل(لا اعمم) وجهة نظرهم ونحترمها وانا من مجتمعي وهو شيء غلط لكن هذا هو الواقع فكيف سيقبل الشاب امرأة تخرج لوحدها وبسيارتها كيف يضمنها انا اعرف انه يجب علينا احسان الظن
لكن كلنا يعرف المشاكل الاجتماعية الواقعة في الاسر الان والشك بين الازواج بسبب
جوال, كمبيوتر,خرجة ,سوق,صديقة....الخ هذه الاشياء البسيطة اللي توّصل للطلاق بعض الاحيان و ماسلمت منها بنات مجتمعنا والشك فيهم فكيف بأن تقود المرأة السيارة لووووحدها هذه بالنسبة لنظرة مجتمعنا مصيييبة لاتغتفر ولا احد يلومني انا شخصيا لكن هذا هو واقع مجتمعنا اللي مايرحم وانا اقول معه حق لأنّا نرى بلااااااوي والنساء في مجتمعنا اتوقع انهن اكثر النساء حماية فكيف لو خرجت لوحدها
والله ما امزح وكلنا يعرف غيرة العرب ودمهم الحااار
فهل تتوقعون ان اللي مايقبل بوحدة تشتغل في عمل مختلط انه راح يقبل وحدة تسووق بروحها!!!!!
واما الجانب الاقتصادي مايحتاج اتكلم كلنا عارفين وضع مجتمعنا الغارق في الديوووون والاقساااط والبنوك من اجل السيارات
وانا بصدق اتوقع من بين كل 1000 سعودي واحد فقط شاري السيارة كاش والباقين ديييين
فكيف لو نزلوا البنات يسوقون اتوقع الاسر السعودية بتفللس
لأن اذا البنات على الملابس مايلبسونها اكثر من مرة وليش ياختي
والله شافوني فيه ماشاء الله اجل السيارات وش بيسوون!!!
والالوان والزينة شيء ثاني تفتح الدولاب وهو مليان من اوله لأخره وتقول ماعرف وش البس
ماعندي شيء البسه!!!!!!!!!!!!!اااه ياقهر هذا الشيء ينقز بلوفي ويرفع ضغطي
طيب اذا اخذت سيارة وش بتقول هذه المسرفة!!!!

والموضوع في كل جوانبه طوييل لكني حبيت ان اتطرق لأمور لم نفكر فيها وغير متداوله وغريبة شوي لكنها واقع!!

[خالد انجليش]

Patricia
معليش قول مشائخنا الشيخ ابن باز وابن عثيمين مانعديه
ولا تقولين انه انا اللي قلت حراام انا ماني عالم وجبت لك فتاوي ابن باز وابن عثيمين

والفتوى اللي افتها الشيخ البريك لبلد اخر وفي لها اسباب
لكن هنا غيييير ولو سألتي الشيخ البريك عن السعودية
سيكون جوابه مثل جواب علماء هذا البلد المبارك

[مَـزٍآج ..}..]

انا مع قياده المرأه للسيارهـ .. مو كل الأسر عندها رجل يعتمدوا عليه ..

ومن خلال بعض الردود حسيت اننا نتناقش هل نفتح مرقص في السعوديه او لا ؟!

ايش الرابط العجيب بين الفـتن والخ والخ والمرأه تسوق ..

المسأله كلها عقوبه جداً لكل متخلف يأذي خلق الله . .

اشياء كثيره كلنت عندنا عيب وحرام .. ومع الوقت صآرت عادي .. لان الفكره هي عدم تقبل المجتمع فقط ..

والله لو يتكلم الف شيخ وشيخ انه قياده المرأه حرام ما راح يقنعني .. يقول المجتمع مو متقبل .. يقول عادات

وتقاليد لكن لا يقول حرام .. دول كثيره مسلمه والموضوع طبيعي عندهم .. ليش حرام عندنا !!

[جنوُوُنْ شآع‘ـرةً]

المشاركة الأصلية كتبت بواسطة مَـزٍآج ..}.. انا مع قياده المرأه للسيارهـ .. مو كل الأسر عندها رجل يعتمدوا عليه .. ومن خلال بعض الردود حسيت اننا نتناقش هل نفتح مرقص في السعوديه او لا ؟! ايش الرابط العجيب بين الفـتن والخ والخ والمرأه تسوق .. المسأله كلها عقوبه جداً لكل متخلف يأذي خلق الله . . اشياء كثيره كلنت عندنا عيب وحرام .. ومع الوقت صآرت عادي .. لان الفكره هي عدم تقبل المجتمع فقط .. والله لو يتكلم الف شيخ وشيخ انه قياده المرأه حرام ما راح يقنعني .. يقول المجتمع مو متقبل .. يقول عادات وتقاليد لكن لا يقول حرام .. دول كثيره مسلمه والموضوع طبيعي عندهم .. ليش حرام عندنا !!

+100000
بالضضبطً

[mesho.ksa]

مكانها في بيتها ترعى اسرتها وعيالها


وش لهآ تنزل الشارع !


حنا ماخلصنا من السلنتح الي نشوفهم بالشارع كمان ذولي يبون يسوقون


يعني البلآوي والمصايب الي نسمع عنها وهم مايسوقو وش بيصير بكرآ لما يسوقو الحريم !



تم التصويت لأ

[Astronomer]

المشكلة أنكم تتكلمون بالنسبة لوضعكم الحالي انتم

يعني في غيركم ما عنده الا التكاسي والسواقين عشان يقضي حاجيته

بالنسبة لي قضية المرأة مع السيارة راح أنساها الى ان ينتهي مجتمعنا من التفكير المتخلف والسلبي


طيب ما تبغوا انها تسوق حطوا شي بديل

شي يغنينا عن السواقين

وبالنهاية بقول انه الدنيا دوارة

[mesho.ksa]

المشاركة الأصلية كتبت بواسطة astronomer المشكلة أنكم تتكلمون بالنسبة لوضعكم الحالي انتم يعني في غيركم ما عنده الا التكاسي والسواقين عشان يقضي حاجيته بالنسبة لي قضية المرأة مع السيارة راح أنساها الى ان ينتهي مجتمعنا من التفكير المتخلف والسلبي طيب ما تبغوا انها تسوق حطوا شي بديل شي يغنينا عن السواقين وبالنهاية بقول انه الدنيا دوارة

لكم اكثر من 30 سنة وانتم على التكاسي والسواقين ولآ آحد تكلم او قآل شي


الحين يوم تكلمو المفسدين يبون المراة تطلع من البيت قمتو تقولو تعبنا من التكاسي والسواقين؟

الحمدلله والشكر يآرب



وموضوع السوآقة حلم ابليس بالجنة

[Astronomer]

المشاركة الأصلية كتبت بواسطة mesho.ksa لكم اكثر من 30 سنة وانتم على التكاسي والسواقين ولآ آحد تكلم او قآل شي الحين يوم تكلمو المفسدين يبون المراة تطلع من البيت قمتو تقولو تعبنا من التكاسي والسواقين؟ الحمدلله والشكر يآرب وموضوع السوآقة حلم ابليس بالجنة

هذي القضية قديمة جداً

ولو انهم ما كانوا يشتكون على اي اساس فتحوا قضية السواقة ؟؟

ووضعنا الحالي يختلف عن قبل


زمان كانت الدنيا بخير