المواد الحره لعام 1431 - 1432 هـ .. من الاقتصاد المنزلي لباقي الكليات و العكس ..

[ساكنه في بيتنا]

المشاركة الأصلية كتبت بواسطة سارة الخريجي بنات مين قد اخدت مادة القران الكريم او تعرف احد قد اخدها نفسي اعرف هي كيف دراستها فيها حفظ ولا كيف لانه 3 ايام فالاسبوع

انا ما اخدتها بس صحبتي أخدتها ..

وزي ما قالت فنو .. كان زي التقييم المستمر يحفظوا و يسمعوا اللي عليهم طبعا باحكام القرآن المتقنه ..

[ساكنه في بيتنا]

المشاركة الأصلية كتبت بواسطة لؤلؤة* صحبتي تخصص اداره سكن ومؤسسات هل تقدر تاخذ مادة اصول التربيه الاسلاميه كماده حره او اختياريه ؟

كماده حره ايوه

بس كماده اختياريه لا .. لأنو المواد الاختياريه تكون من نفس التخصص
اما المواد الحره من اي كليه و من اي تخصص

[ساكنه في بيتنا]

المشاركة الأصلية كتبت بواسطة lady-fano-bird انا ما اخذت المادة دي .. بس صحبتي اخذتها .. وتقول انو كل محاضرة تسمعي اللي عليكي .. زي التقيم المستمر .. سكونة .. ابغ اعرف مادة اقناع نازلة حرة دا الترم او لاء .. see ya

و الله يا بنتي مني شايفتها مكتوبه بس روحي راجعي المواد المعلقه في 43 قدام الشؤون يمكن نزلوا مواد جديده

[نبـْض أخيـرْ]

ياحلوة انا بضيف مادة صحة نفسيه بس مو كاتبين اسماء الاستاذات..اذاا عندك خبرة كيف استاذات المادة ذي عموما ؟ كويسات وياشروا وكذا ولا كل شيء معانا
وبرضوا استاذات اصول تربية اسلامية ..كيف
وكيف نظام هالمواد اسئلة موضوعية ولا كيف ؟
واي معلومة مممكن تفيديني ترى راح اعتمد عليك :)
في الانتظاار

[ساكنه في بيتنا]

اول شي يا بنتي اعتمدي على الله و اتوكلي عليه :)

تاني شي .. صحه نفسيه انا اخدتها مع اقبال حبوبه و طيه و اسئلتها سهله ..
صح و خطأ و اختاري بس في النصفي تجيب فراغات النهائي ما تجيب .. بس يقولوا خديجه اسهل منها ..

اصول تربيه خديها مع هيفاء صح و خطأ و اختاري ..

[نبـْض أخيـرْ]

شكرا ساكنة ماقصرتي.. انتظر اسماء الاستاذات وبشووف ..
:)

[ساكنه في بيتنا]

العفو ,, ربنا معاكي ..

[نونا الطعمونه]

بنات الله يسعدكم ابغى اخد صحه نفسيه ماده حره
وعارفين الماده الحره ابا شي سهل ونضمن فيه a+
فالله يسعدكم حابه اعرف كيف الماده دي
تنصحوني فيها ولا اخد شي تاني احسن
وعباره عن ايش
وهل حفظها كتير ولا لا
وهيا كتاب ولا ملزمه
الله يعطيكم العافيه

[ساكنه في بيتنا]

انا اخدتها مع اقبال .. كلامها مو كتير

سهله و معلوماتها خفيفه ..

كنا نكتب معها المحاضرات و اظن كان فيه كتاب بس موكلو معانا كانت معطيتنا جزئية منو ..

خدي الماده ان شاء الله ما تندمي ..

بس يقولوا خديجه اسهل من اقبال ..

ربنا يكتبلك الخير و يوفقك ..

[كوكتيل انوثة]

السلاام عليكم....
انا ان شا الله السمستر اللي داخلين عليه حيكون اول سمستر ليا فكلية الاقتصاد المنزلي
طبعا جديدة ع هرجة الجداول وكذا
وعندي كم سؤال
الاوراق هذي اللي فيها المواد الحرة للسمستر الجاي من وين صورتوها
مفجوعة اطالع فتاريخ المشاركة ولجامعة مقفلة
والمواد الحرة محطوطة من غير اسامي الاستاذات
ع اي اساس تختاروا؟؟
بليز ساعدووووني مو فاهمة شي