تجمع المتقدمات لمعيدات مهارات الأتصال (( الأختبار التحريري )) أدخلي لكي نفيد ونستفيد

[طموحهـ ولكنـ]

على فكرة الأولاد أختبروا قبلنا في تاريخ 13 / 3

اي وحدة تعرف واحد اختبر من الاولاد تطلب منه الاسئلة .


وأنا بدوري ارسلت للعضو 1.10

هو اختبر قبلنا واعطيته رابط الموضوع هذا . وقلت له ياليت تحط لنا الاسئلة اللي جات في الاختبار .

وان شالله يتجاوب معانا .

أنتظر ردة ..

[waad1]

سلاااااااااااااااام
يابنوتات ياحلووييييييييين الله يوفقنا ويحقق احلامنا ونصير كلنا معيدات

انا اشتريت الكتاب حق مهارات الاتصال من جريراحس انه مهم يكون في يدنا مادة نقدر نذاكر منها
لانه ايش اطبع من النت وايش اخلي ؟؟؟؟ حييضيع وقتي في التجميع والطباعة...


والقدرات تتوقعو يجيبو مسائل رياضية........؟؟؟؟اذا جابووو مشكلة والله

المهم عندي كتاب رام 1 والامين بذاكر منهم

وبجيب من النت كلمات ومعانيها من منتدى القدرات

والعربي من قطرالندى وبل الصدى اللي درسته في الجامعة

والثقافة برضو مناهج الجامعة حطلع عليها

وانا قسمي علم معلومات مااعرف ايش علاقته بمهارات الاتصال....؟؟؟؟؟درست مادة اسمها اتصالات انسانية في قسمي
نفس الاشياءاللي في الكتاب...


نستنى الاخ اللي اختبر يطلعنا ع الاسئلة........

[جنون الطفولة]

بنااااااااااااااااااااااااات مو عارفة اذاكر العربي
اش اذاكر بالله ؟ اصلا ما عندي مرجع معين ,.

فاتحة كتاب الميسر في اللغة العربية اللي درسته انا (101)

بس ماتفرق لانه يعني قواعد وكدة ,. أحس مدري اش ممكن تكون المواضيع اللي تتراجع

[طموحهـ ولكنـ]

المشاركة الأصلية كتبت بواسطة جنون الطفولة بنااااااااااااااااااااااااات مو عارفة اذاكر العربي اش اذاكر بالله ؟ اصلا ما عندي مرجع معين ,. فاتحة كتاب الميسر في اللغة العربية اللي درسته انا (101) بس ماتفرق لانه يعني قواعد وكدة ,. أحس مدري اش ممكن تكون المواضيع اللي تتراجع

الله يوفقك ياشيخ ...

حتى انا ماعندي مرجع لاعربي ولاثقافة ولامهارات اتصال ..

في البداية كنت متحمسة للمذاكرة . بس اليوم انطفى الحماس بعد ماقال والدي احتمال ننقل للمدينه ..

يارب يارب اكمل باقي حياتي بجدة . ابغى اكمل دراستي بجدة ..

أحاول أنسى فكرة النقل واذاكر بس مو قادرة . ودي أدخل الاختبار بس ابغى اجرب الاجواء واعيش الدور ولو مرة وحدة بالعمر

[جنون الطفولة]

هههههههههههههههههههه طموحة ربك كريم ,.

انتي اعملي اللي عليكي ,. تقدري تعتذري لو جاتك ومالك نصيب ومافي مفر من النقلة .,

بس لا تضيعي لنفسك الفرصة طالما اوراقك مقبولة للان



ربك كريم والله اني بموت طفش مو عارفة كيف اذاكر ولا اش اذاكر ,.

بالذات الثقافة والعربي ,. شكلي باكتفي باللي فراسي وبركز ع المهارات بس

[1.10]

السلام عليكم
أعتذر عن الـتأخير.
دخلت اختبار محاضرين (ولا علم لدي هل هو نفسه اختبار المعيدين)

ينقسم الاختبار لثلاثة أقسام
القسم الأول/ صح وخطأ 18 فقرة
ومعظم أسئلة هذا القسم حول مهارات الاتصال
(قراءة كتاب مهارات الاتصال للدكتور نوح الشهري يكفي للإجابة على هذه الأسئلة)




القسم الثاني/ اختيارات
16 فقرة تدور حول مهارات الاتصال وغيرهـا

مثل: لو استيقظت من النوم قبل الدوام بعشر دقائق, بماذا ستفعل:
• تعتذر عن العمل وتغيب
• تذهب للعمل وتعتذر عن التأخير
وخيارين ثانية نسيتها

القسم الثالث/ أسئلة مقالية سهلة تعتمد على القدرة على التعبير منها مثلاً

o ماهي علاقة تخصصك بقسم مهارات الاتصال؟


o كيف ترى مستقبل قسم مهارات الاتصال؟


o عند قبولك, ماذا تتوقع أن تقدّم للقسم؟


أقترح ألا تجيبوا على الأسئلة المقالية في المنتدى حتى تنفرد كل بنت بأفكارها وأسلوبها في الاختبار.


إذا تذكرت شيء رح أضيفه
ركزوا على كتاب نوح الشهري .

بالتوفيق

[جنون الطفولة]

^^

يعطيك العافية أخويا ,. ان شاء الله ربي يسهلنا

[جنون الطفولة]

^^

حسب الاسئلة اللي نزلها الاخ ,. معناه يا بنات كل شي فمهارات الاتصال ,.
ماله داعي ضيعنا وقتنا بالعربي والثقافة ,.


بس السؤال الوجيه ,. اش المراجع او المواد اللي قالولهم يراجعوا منها ؟
لانه لو زينا معناه مرة ما ابغى اضيع وقتي ؟

[Miss.ECON]

يعطيك العافية اخويا ...

طمنتنا كتير ...

..................


بنات احد اتصل عليكم اليوم ؟؟

انا دقو عليا بس كنت نايمة ..

اول ماصحيت دقيت عليهم بس محد يرد عليا ..

شكلهم حياجلو الاختبار عشان المطر ..

ولا يمكن يقولولي خلاص تم تعيينك من غير اختبار


في وحدة زيي اتصلو عليها ؟؟؟

[Miss.ECON]

المشاركة الأصلية كتبت بواسطة طموحهـ ولكنـ الله يوفقك ياشيخ ... حتى انا ماعندي مرجع لاعربي ولاثقافة ولامهارات اتصال .. في البداية كنت متحمسة للمذاكرة . بس اليوم انطفى الحماس بعد ماقال والدي احتمال ننقل للمدينه .. يارب يارب اكمل باقي حياتي بجدة . ابغى اكمل دراستي بجدة .. أحاول أنسى فكرة النقل واذاكر بس مو قادرة . ودي أدخل الاختبار بس ابغى اجرب الاجواء واعيش الدور ولو مرة وحدة بالعمر

ياقلبي هوا قال احتمال ... يعني مو اكيد ...

لا تزعلي نفسك ولا حاجة ...

ان شالله ماتنقلو وتعيشي طول عمرك هنا ...


انسى الموضوع دا حاليا ً الين نخلص من الاختبار بعدين فكري فيه براحتك ...