ساعدوني(روضة اطفال)

[رائدة المستقبل]

ام البدو

انا مسجلة بنتي الترم اللي فات في المصمم الصغير هي حضانة و روضة في حي الفيحاء قريبة من الجامعة عبارة عن فيلا صغيرة لكنها حلوة و نظيفة و فيها العاب في الحوش و في نفس الفصل و طيبين اللي ماسكينها الدادة فليبنية و معاها وحدة سعودية و المسؤولة سعودية لكن انا بنتي عمرها سنتين لما دخلتها ما عجبني ما عندهم نشاطات كتيرة مرات يخلوهم يلونوا و يشغلو لهم تلفزيون
و رسومهم الشهر كان ب 500 ريال و الترم 2000 ريال اذا كان دوامك 6 ساعات و 2500 8 ساعات لكن في الصيف اصبح الشهر ب600 ريال و داومهم من 7 الصباح الى 8 الليل
و هذا رقمهم 6329297

و اذا حابة تسجيلها في الجامعة سجليها رعاية نهارية اذا كان دوامك مثلا 4 او 3 ايام في الاسبوع لكن دوامهم للساعة 2 بعد كدا يحاسبوك على الساعة
و ممكن يكون في حدود 2000 ربال

دعواتك لي

[رائدة المستقبل]

و روضة الشيماء حلوة شفتها و هي انترناشونال داخل بوابة الجامعة بجانب سكن اعضاء هيئة التدريس نفس مبنى نادي طيبة فيها حضانة رسومها6500 و كي جي ا في حدود 6500 او 6900 في السنة

[هديل جداوي]

بس بصراحه انا عن نفسي اشوف مو مستاهله انك تدفعي هالمبلغ الكبير والفائدة وحده
حرام المبلغ اكبر من مبلغ الدبلوم
هذا رأيي الشخصي وانتي حره
الله يسهل لكم يارب..

[رائدة المستقبل]

ما دام بنتك 3 سنين تدخل روضة 1 عندك مدرسة السليمانية النموذجية سمعت انها ممتازة
و مدارس التقوى فيها روضة و حضانة في حي الفيحاء جنب المصمم الصغير ولد جارتي درس فيها رسومها حوالي 2500 انت روحي و شوفي اللي تعجبك
و سمعت عن دار الحافظات في النسيم غيه روضة لكن ما عندي فكرة عنه

[ام البدو]

هديل يقولون ايش يحدك على المر قال اللي امر منه
ماعندي احد اخلي البنت عنده والمبلغ مرررره كبير اصلا انا دبلوم ب4000وهي روضه ب6500 ايش الاستغلال والطمع اللي وصلو له الناس عشان محتاجينهم.
ليه مافي جهه مسؤوله يوم اعطتهم التصريح حددوا الرسوم ولاهذي يشوفونها مناسبه والله حرام.
لا واليوم اقرى ان حافز يستثني الطلبه ومن هم على راس العمل !!!!!!!
ياااااااااااااناس ياهو نحن ندفع رسوم وليس لنا مكافئات .
نفسي اعرف هم ما يبغونا انطور انفسنا يعني اللي يدرس على حسابه يفصل عشان مكافئتهم!!!
من جد الرازق في السما والحساد في الارض.

[هديل جداوي]

المشاركة الأصلية كتبت بواسطة ام البدو هديل يقولون ايش يحدك على المر قال اللي امر منه ماعندي احد اخلي البنت عنده والمبلغ مرررره كبير اصلا انا دبلوم ب4000وهي روضه ب6500 ايش الاستغلال والطمع اللي وصلو له الناس عشان محتاجينهم. ليه مافي جهه مسؤوله يوم اعطتهم التصريح حددوا الرسوم ولاهذي يشوفونها مناسبه والله حرام. لا واليوم اقرى ان حافز يستثني الطلبه ومن هم على راس العمل !!!!!!! ياااااااااااااناس ياهو نحن ندفع رسوم وليس لنا مكافئات . نفسي اعرف هم ما يبغونا انطور انفسنا يعني اللي يدرس على حسابه يفصل عشان مكافئتهم!!! من جد الرازق في السما والحساد في الارض.

لا انا اقصد انك تسجيلها بدار الحافظات مو لازم تروحي مكان غالي
هذه الدار سعرها الف وخمسمائة
بالعكس انا فاهمتك والله ياقلبي وعندي بنات زيك ولسا مافي خدامه بس بجيب ان شاء الله وبرضوا بسجل بنتي تمهيدي..

[ام البدو]

فاهمتك حبيبتي بس منجد احس ماني عارفه كيف اتصرف واحس مسؤوليه قلقانه فين احطها؟
على العموم اليوم شفت روضة الجامعه =كتبوها انتظار
روضة سفراء المستقبل=مارتحت لها
بكره بروح روضه مادري اش اسمها لاكن كأنها تحفيظ في الوجه وانتي طالعه من شماليه
دقيت تلفون كمام رسومهم5500 الله يسهلها ويفرجهاااا امين .

[هديل جداوي]

الله يسهلك يارب..

[شيخة ادم]

الله يعين الجمييع يارب
الا راحت لروضة الشيماء كيف شافتها حوة ومعلماتها المدره والنظافة كيف؟؟؟
لاني حايرة ادور روضة لبنتي مني حابه اردها للسفراء ماعجبني عطائهم كثير مع ان المديرة طيبه اسم ومضمون بس حابه روضه فيها قاعدة نورانيه تستفيد اكثر؟؟
زرت دار الحافظات العاشرة وولدي من قبل 4 سنين درس فيها بصراحة عطائهم ممتاز بس المعلمات اتغيروا ما اعرف كيف اسلوبهم وامكانياتهم بسيطة نوعا ما
دخلت السليمانيه ماعجبني تصميمهم الروضة مع المدرسة منفتحة وكان في فوضى ولامبالاة من الادارة ما رتحت لهم
في روضة ثانيه اعتقد اسمها رياض الصالحين او رياض الصالحات شي زي كده ممكن اسجلها فيها بس لسمعة معلماتها وخبرة الروضة وادارتها بس امكانياتهم الترفهيه بسيطة مقارنة مع السفراء والسليمانيه
اسفة طولت عليكم حبيت انقلكم خبرتي واستفيد منكم ..
الله يكتبلنا الخير جميعا يارب

[ام البدو]

الله يسهل امورنا جميع ويفرجها