زوجي مانام فـ البيت ياليت احد يساعدني..؟؟

[Fatema Alshareef]

المشاركة الأصلية كتبت بواسطة سكون الورد k.a.u هلااااا بك قلبووو ، تآمرين أمر بقولك القصه .. بس ابي نفسرها انا وانت ِ تفسير نفسي ونوصل لتحليل يبين لنا ايش السبب .. ^_^ ، وعاد ابي احاول اختصر ، بس اتحمليني ^_^ نبدأ .. تعرفت على وحده وحنا بثالث ابتدائي .. وكانت معاي بالفصل ، وكنا كل يوم نروح ونجي مع بعض للمدرسه ، وبعد مانرجع للبيت وانحل واجباتنا ونتغدى ، مايأذن العصر ويخلصون صلاة الا وياهي عندي او انا عندها .. ومرة السنون تلو السنين .. وحنا على هذا الحال .. كبرنا وصرنا بالمتوسط ولازلنا مع بعض مهما نتعرف على صديقات وزميلات ايدها ماتترك يديني .. وكنا على طول مع بعض ونخاف على بعض ونوجه بعض مع انه توجيه مراهقين بس عاد فينا الخير ^_^ ، بعد كذا دخلنا الثانويه وانهينا اول ثانوي .. وجينا للتخصص هي كانت تبي أدبي وانا ابي علمي .. دخلت علمي علشاني .. وكنت اشرح لها كل الدروس وخصوصاً الرياضيات >> احبه مووووت ، وحتى اوقات الاختبارات النهائيه نقضيها مع بعض اجازاتنا بس وقت السفر ونقعد نبكي على بعض والله من قوة صداقتنا .. بعدين انا لما صرت ثاني ثانوي .. تقدم لي واحد (ورفضته بحجة ابي طب ومابي رجال يشغلني عن دراستي واطفال ومدري ايش ..) وصرنا ثالث ويتقدم لي واحد ثاني وابوي رفضه يقول : (رخمه) ههههههه ، وهي بالرغم من صداقتنا كانت تقولي : لاتوافقين .. لاتخليني لحالي !! اقولها : لاتخافين انا معاك ِ ، جهل عااااد ومراهقه تخبرين .. ! بعدين تقدم لها واحد ، ووافقت عليه مباشرهـ مع انه شخص تنقصه امور كثيرهـ وهالامور بأخلاقه ونصحتها يابنت الحلال لاتاخذيه استني يمكن نصيبك مع واحد غيره .. تقولي : انت ِغيرانه مني !!!!! صرآآآآحه من هنااااا انا بديت اكش منها ، أحلف لها بالله وفعلاً والله وشوله اغااار منها ؟؟ لكن هي رمتني بالباطل علشان تتسحب مني !! بس مدري وش فيه .؟؟ المهم :: انا انسانه اقتليني بس لاتحسسيني اني مثقله عليك ِ ، مباشرهـ اسحب عليك وعلى قلبي معاك ِ اهم شي كرامتي بالدنياااا .. يعني انا مثل النخله لامت امووت واقفه .. وماانحنى مثل باقي الشجر ! المهم :: شفتها زي كذا قلت لها الله ييسر امرك ، وانا بالنهايه نصحتك ، بس انتي ماتبين النصيحه والله يوفقك .. تزوجت بعد ماخلصنا ثالث ثانوي .. من 3 سنوات ونص .. وجابت ولدين .. وياماخذ القرد على ماله يروح المال ويبقى القرد على حاله .. بدت تطلع مصايب زوجها .. كل يوم تكشفه مع وحدهـ ، وصارت تشوف عندهـ اشياء يشربها اكيد مخدرات .. وكل يوم يضربها .. تخيلي والله العظيم بدأ مسلسل الضرب من ليلة الدخله .. !! وبعد ماكشفت عمايله صارت تدور على رقمي ، بالرغم من انها قطعتني بمجرد ماتزوجت . وكنت اعرف اخبارها من الناس ! المهم :: ارسلت لي رساله وقالت انا فلانه ارجوك ِ ردي علي لاتخليني لحالي .. تذكرت جملتها لما قالتها لي من اول : لاتخليني لحالي هذي !! ورديت عليها مشكلتي قلبي مايخليني احقد على احد .. لقيتها تبكي وتشكي لي .. المهم حاولت احل بعض امورها والباقي عجزت عنه ، وبعدين صارت ماتلجأ لي الا وقت المصايب والنكبات .. انا عاد عرفت لها ، وحطيت عليها x اسود ، صح تعبت نفسياً وقعدت فترهـ مااحب احد يطلب صداقتي علشان انا اذا صادقت اوفي ومابي انصدم مره ثانيه .. والحين مؤخراً حطيت عليها جوال كنترول وريحت رآآسي من بلاويهااا .. اعتذر عن الاطاله بس هذا ماجنته يداك ِ هههههههه طلبتي القصه وعاد انا الحين مختصره علشانك ترااا ههههههه تحياتي لشخصك الكريم دمتم بود

ممممممم تحليلي ربما يكون صحيحاً وربما لا ولكن سأذكره,,

عندما كان يتقدم لك الخطاب ,, هي بالتأكيد كانت تشعر بالغيره ,, وتحس بالنقص ,,

(وعندما تدخل الغيره على أمر تفسده تماماً) ,, بعد ذلك هي أصبحت لا تهتم بصداقتكما ,,

وأصبحت تركز على أمر واحد فقط وهو,, كيف تثبت لك بأنها ليست أقل منك !؟,,

فوافقت فوراً على أول خاطب يتقدم لها ,, وفي داخلها كانت تظن ان هذا الامر انتصاراً لها

عليك أنك لست أكثر منها حظاً ,, بينما السبب الحقيقي في ذلك هو إحساسها بالنقص والغيره ,,

وهذا ماجعلها تثور عليك وتتهمك بأنك "غيرانه" منها ,, وألقت ماكانت تشعر به عليك واتهمتك به

,, وفي المقابل أنتِ فسرت ذلك بأنك كنتِ "مثقله" عليها ,, وأتوقع أن تفسيرك مرجعه هو شعورك

بعظم أهمية الكرامة لديك ,, وأنا في رأيي أنه بسبب غيرتها منك ,, وليس بانك كنت مثقله عليها ,,

ولكن ما فعلتيه بعد ذلك من ردة فعل كان واقعي جداً ,, ولاعليك يا سكون ,, فصداقة مثل هذه لا تستحق منك الندم

,, ولكن الجميل فيها أنها علمتك كثيراً ,,

هذا تحليلي المتواضع للقصه ,, محلله نفسيه صح؟؟ هههههههه

كل الشكر لك ,,

[Fatema Alshareef]

المشاركة الأصلية كتبت بواسطة * تركي * / - حَقيقة قَرأت مَوضوعك مَرتين. لـِ أن اختلط عَلي مَعنى الإخلاص وَ الوفآء الذي تَقصدينه ، هَل هو الصدق وَ الصرآحة أم هو الكذب وَ التستر. عموماً يبدو أني فَهمت مرآدك ، أعتقد بـِ أنّ مثل هـَ الصفتين لآ توجد بـِ كثرة لـِ أنها تحتاج إلى صفآوة القلب وَ نبل الأخلاق. قَد تكون المرأة أكثر عآطفية في علاقتها مع صَديقاتها وَ قد يكون الرَجل أكثر إتزاناً. بـ صرآحة لآ أعلم وَ لكن أعتقد بـ أنهآ غير مرتبطة بـِ ( نوع الجنس) بـ قدر مآهي مرتبطة لـِ نوعية العلآقة نفسها وَ أبعادها العميقة. ::

صحيح لا انكر ان الموضوع فيه بعض الخلط عند قرائته لاول مره ,, وجميل عندما يأتي شخص

ويفهم أبعاده ,,

بالنسبه لتعليقك ,, قلت انه مرتبط بنوعية العلاقه نفسها ,, وقد ذكرت بالقصه ان العلاقه بينهم كانت

قويه جدا بالنسبه لصديقات المرأه واصدقاء الرجل ,, ولكن بالرغم من ذلك اختلفت التصرفات ,,

بين فئة البنات وفئة الشباب ,,

كل الشكر لتواجدك ,,

يا أهلا وسهلا ,,

[Fatema Alshareef]

المشاركة الأصلية كتبت بواسطة نجمة سهاري والله الصداااقه شي حلووو في الحياة واذا اللتمست وداا من اخيك فتمسك به لانو قليل في هالزمن تلاقي شخص وفي ومخلص لك بالنسبة للبنات انا فعلا الاحظ انو البنت بس تتزوج تبداء تقل علاقتها مع صحبتها بس انا ما القي عليها اللوم لانها فعلا تنشغل واحيانا تكون ابتليت بزوج مايحب كترة المكالمات واكيييد كل مالقت فرصه تتصل وتسأل هالشي يخليني اتأكد انها مانستني اما اللي تسحب مرررة وحدة ولا حس ولاكأنها تعرفك هذي اللي تنلام لانها مو اول ولا اخر وحدة تتزوج مو معقول مرررررة مشغولة من يوم ماتصبح اللين ماتمسي اشكرك غاليتي على الموضوع

كلامك منطقي وواقعي ,,

وأوافقك عليه ,,,

كل الشكر لتواجدك أختي ,,

يا أهلا وسهلا ,,

[Brilliant Shores]

الصداقة شي جميل جداااا وأقدرها كثيراا واحب أن أكون صداقات كثيرة


لكن والله هالأيام الصداقة مو أي أحد يقدرها وفيه أشخاص توفي لها لآخر لحظة ومع كذا مايقدروا

بالنسبة للبنات:

قبل فترة بسيطة خسرت أقررررب صديقة ليا بس عشاني نصحتها ونبهتها من ذنب عظيــــــم كانت ترتكبه الله يتوب

علينا وعليها،،،و مع إنها تفهمني لكن سبحان الله إبليس اعوذ بالله منه لعب في راسها

لكن على قولت حامد زيد الخوي اللي مايقدر خوتي ما أقدره

ضحيت ووفيت وقليل اللي فهمني ووفى لي ،،، دائما اعامل الكل بطيبة لكن بحدووود واللي يلعب بذيله ماله محل في حياتي


غير كذا اتجنب الصداقات العميقة في الجامعة بالذات لأنه ناادرا ماتلاقي أشخاص يبغوكي لذاتك وشي ثاني غالبا

في الجامعة الصداقة تاخذ منحنى آخر وعلاقة خاااطئة والكل ملاحظ وشايف هالشي الله يستر علينا بس

أما الصداقة بين الشباب ماشاالله عليهم حلووة ينصحوا بعض فززعة لكن مو الكل

زي في مرة قريت قصة اثنين شباب في الثانوية تضاربوا واحد جا ودخل مع خويه فزززعة لقي خويه ينزف

سأله مين ضربك قال له اسم الولد تخيلي راح للولد وضربه بحديدة على راسه ونقلوه على العناية المركزة

وبعدها اكتشفوا انه اللي ضربه شبيه بالولد اللي المفروض ينضرب ههههههههههههههههه ضحكتني وحزنتني

حلوو منه إنه دافع عن صاحبه بس دخل عررض هههههههههههههههه

في المقابل لهذه القصة في مرة وحدة من صاحباتي شافتني اتضارب ولا دخلت معاايا أبداا الله لايحوجنا لأحد

بس جد شي يقهر إذا ماادافع عن صديقتي وأوقف معاها وقت حاجتها ايش فايدة الصداقة أجل ؟؟؟


سووووووووري على الاطالة ،،،، أهنيك على تميزك ياعسل،،،

[عباطة]

البنات عفاريت مو حقين صحبة أبدن

كم مرة مسكتني الهيئة في السوق بسبتهم

في الاخر حقون الهيئة صاروا أصحابي خخخخخخخخخ

فعلن رب أخ لك لم تلده أمك << أيش مناسبة هذا المثل انتا ووشك

أكيد يابت عندك كحل وشماغ ,,,, فكري في الموضوع مو بطال خخخخخخخخخ

[خالد9921]

المشاركة الأصلية كتبت بواسطة •♥fŗŌồtą

المشاركة الأصلية كتبت بواسطة •♥fŗŌồtą ،، ذا اسمو كذب مو وفاء القصه بجهه والوفاء بجهه بالنسبه لصدقات البنات انا اشوف انها اعمق من الاولاد عندك مثلا صاحبتك تعرف كل شي عنك لدرجه ارقام العايله كلها عندها ^^ واذا تزاعلتو ما يمر يوم الا وتصالحتو اما الاولاد الزم ما عليه كرامتو حتى لو اعز صديق عندو انا صحباتي من التمهيدي ولسه علاقتي ماشيه معاهم والحمدالله مافي تقصير ، ولو سار ليا احد المواقف اكيد بقول الحقيقه لانو الزوجه ملزوم تطيع زوجها ^^ لو كذبت بداعي الوفاء ممكن تسير مشاكل بعدين ويعطيك العافيه على الموضوع ،،

+1

اشوف المثالين أبد غير موفقة بوصف الوفاء بين الاصدقاء
ايش الوفاء هذا اللي يقوم على فزعات الكذب بين الزوجين ؟
اذا وفاء اصحابي يستدعي الكذب على زوجتي < هذا اذا ابن امّه كلمها اصلا
فالافضل والله صحوبية البنات
ولا تتصرمح زوجتي وانا سبيكه مب داري عنها هههههههههههههههه !
ما علينا لأن المهم صلب موضوعك ..
انا اشوف عمق العلاقة بين البنات افضل واكبر
البنت فعلا ممكن تعرف ابسط تفاصيل حياة خويتها وكل مغامراتها
عكس الشباب خاصة الشباب الشرفاء الرجال فعلاً اللي اساس علاقتهم رجولة وقدر
وما يقبلوا مجالسهم تصير انا سويت مع فلانه وانا فعلت مع فلانه هاذي ماهي مرجله ابد !
اما البنات ما عندهم هالحواجز فممكن يفرطون السبحه بأي شي وهنا عمق لعلاقاتهم

الرجل دايماً يحب يوجّب قدام خويّه وما يجيب الشرهه له ولعلاقاته مع اعز اصحابه
بينما البنت فطرياً ممكن تنقاد يوم من الايام لرجل ما ولكن مو أي رجل
ويصير هالرجل محور حياتها لانو يعطيها شي اكبر من عطاء صاحباتها اذا كان رجل ذكي ..
عموماً بالعمق وأدق التفاصيل البنات اكثر
ولكن من ناحية الحرص على الظهور بأفضل صورة او المظهر الرجولي البحت
فهاذي عند الشباب اللي علاقاتهم صادقة .. اكثر بكثير
ولذلك نادر صادفت من البنات اللي علاقاتهم تستمر سنوات طويلة
حتى اصلا كمجتمع وكظروف عالبنت مهما قويت العلاقة مصير البنت تنشغل عن خويتها
عكس الشباب انا بعض اخوياني يا كافي من 15 سنه لاصق فيني !


شاكر لك

[سكون الورد k.a.u]

المشاركة الأصلية كتبت بواسطة بنت جامعتي ممممممم تحليلي ربما يكون صحيحاً وربما لا ولكن سأذكره,, عندما كان يتقدم لك الخطاب ,, هي بالتأكيد كانت تشعر بالغيره ,, وتحس بالنقص ,, (وعندما تدخل الغيره على أمر تفسده تماماً) ,, بعد ذلك هي أصبحت لا تهتم بصداقتكما ,, وأصبحت تركز على أمر واحد فقط وهو,, كيف تثبت لك بأنها ليست أقل منك !؟,, فوافقت فوراً على أول خاطب يتقدم لها ,, وفي داخلها كانت تظن ان هذا الامر انتصاراً لها عليك أنك لست أكثر منها حظاً ,, بينما السبب الحقيقي في ذلك هو إحساسها بالنقص والغيره ,, وهذا ماجعلها تثور عليك وتتهمك بأنك "غيرانه" منها ,, وألقت ماكانت تشعر به عليك واتهمتك به ,, وفي المقابل أنتِ فسرت ذلك بأنك كنتِ "مثقله" عليها ,, وأتوقع أن تفسيرك مرجعه هو شعورك بعظم أهمية الكرامة لديك ,, وأنا في رأيي أنه بسبب غيرتها منك ,, وليس بانك كنت مثقله عليها ,, ولكن ما فعلتيه بعد ذلك من ردة فعل كان واقعي جداً ,, ولاعليك يا سكون ,, فصداقة مثل هذه لا تستحق منك الندم ,, ولكن الجميل فيها أنها علمتك كثيراً ,, هذا تحليلي المتواضع للقصه ,, محلله نفسيه صح؟؟ هههههههه كل الشكر لك ,,

ايه ماشاء الله عليك ِ ،، محلله بقـوهـ ،، انا بعد رجحت الأمر لشعورها بالنقص ، مع اني يشهد الله علي اني ماعمري حسست أحد اني زود عنه بأي شي ، حتى لو على شي تافه (لنفرض الجمال) بالعكس احسسك اني اقل منك بكل شي، وأكذب عيونك واقنعك بهالشي .. مو علشان شي دنيوي الا آخروي ، وءأدب نفسي علشان تتعود على الخلق الحسن.
طبعاً انا ماكنت اعرف افسر هالتفسير من اول ، الا لما دخلت الجامعه ووصلت سن الرشد ^_^ ، وبزيادهـ بعد السيكولوجي ، صرت اعرف الناس وانا اختارهم مو هم يختاروني .. والمشكله ان هالموضوع مع اني تعديته إلا اني لازلت أخاف من بناء الصداقات القويه ، خلاص اكتفي بزماله او صداقه خفيفه يعني اعطي ماآخذ واستمع لها ومااقول لها عني ..
يعني تقدرين تقولين اصبحت (حصيفه) من هالامور ومابي يتكرر مسلسل النذاله مرهـ ثانيه .

تدرين أحَب موضوع على قلبي .. انه يكون قصص ومواقف ونحللها نفسياً ، وننصح بالحل ، ياليت بما انه انا وانت ِ بالساحه نتطرق لهالامور ، وانت ِ ماشاء الله اخبر مني واعلم بالسيكولوجي .. ايش رآيك ؟
^_^

تحياتي لشخصك الكريم

[Fatema Alshareef]

المشاركة الأصلية كتبت بواسطة brilliant shores الصداقة شي جميل جداااا وأقدرها كثيراا واحب أن أكون صداقات كثيرة لكن والله هالأيام الصداقة مو أي أحد يقدرها وفيه أشخاص توفي لها لآخر لحظة ومع كذا مايقدروا بالنسبة للبنات: قبل فترة بسيطة خسرت أقررررب صديقة ليا بس عشاني نصحتها ونبهتها من ذنب عظيــــــم كانت ترتكبه الله يتوب علينا وعليها،،،و مع إنها تفهمني لكن سبحان الله إبليس اعوذ بالله منه لعب في راسها لكن على قولت حامد زيد الخوي اللي مايقدر خوتي ما أقدره ضحيت ووفيت وقليل اللي فهمني ووفى لي ،،، دائما اعامل الكل بطيبة لكن بحدووود واللي يلعب بذيله ماله محل في حياتي غير كذا اتجنب الصداقات العميقة في الجامعة بالذات لأنه ناادرا ماتلاقي أشخاص يبغوكي لذاتك وشي ثاني غالبا في الجامعة الصداقة تاخذ منحنى آخر وعلاقة خاااطئة والكل ملاحظ وشايف هالشي الله يستر علينا بس أما الصداقة بين الشباب ماشاالله عليهم حلووة ينصحوا بعض فززعة لكن مو الكل زي في مرة قريت قصة اثنين شباب في الثانوية تضاربوا واحد جا ودخل مع خويه فزززعة لقي خويه ينزف سأله مين ضربك قال له اسم الولد تخيلي راح للولد وضربه بحديدة على راسه ونقلوه على العناية المركزة وبعدها اكتشفوا انه اللي ضربه شبيه بالولد اللي المفروض ينضرب ههههههههههههههههه ضحكتني وحزنتني حلوو منه إنه دافع عن صاحبه بس دخل عررض هههههههههههههههه في المقابل لهذه القصة في مرة وحدة من صاحباتي شافتني اتضارب ولا دخلت معاايا أبداا الله لايحوجنا لأحد بس جد شي يقهر إذا ماادافع عن صديقتي وأوقف معاها وقت حاجتها ايش فايدة الصداقة أجل ؟؟؟ سووووووووري على الاطالة ،،،، أهنيك على تميزك ياعسل،،،

كفيت ووفيت عزيزتي ماشاء الله بتعليقك ,, والقصه تشير الى ان صديقات الفتاة كلهن لم يقفن معها

,, اما الشباب فكانو العكس,, وكما يقول المثل "الصديق وقت الضيق "

بالنسبه لشلة الشباب هههههه لتعرفي ان الشباب اصحاب "فزعات" ماشاء الله وعند الحاجه ,,

البنات بالمقابل يغلب عليهن الخوف والحرص حتى مع اعز صديقه ,,

أذكر ذات يوم ان احدى صديقاتي تعرضت لضرب من صديقتها الغيوره جدا عليها ,,

وكان ذلك امامي وعلى مرأى مني ,, بصراحه لم استطع فعل شيء لاني لاول مره ارى

موقف كهذا ,, كنت انظر اليهن واصرخ فيهن فقط <<خوافه هههههههههههههه



كل الشكر لك اختي ,,

يا اهلا وسهلا ,,

[ALEMBRA6OR]

وعليكم السلام ورحمة الله وبركاته

بالنسبة لنا تعتبر فزعة أو شهامة حتى في البيت مع أخواني نغطي على بعض في المدرسة عند المدرسين لو واحد غاب .... الخ .

وأوافقك الرأي في أن صداقات الرجال أعمق لو أخلصوا لهذه الصداقة بحيث لا يفرقهم زواج و سفر بعكس الحريم قريت كم مرة وحدة تشتكي ان صديقاتها يتركوها بمجرد طلاقها والثانية تترك خويتها عشان تزوجت مع انهم كانوا توأمين "من ناحية الصداقة " !!!

تحيتي واحترامي ..

[Fatema Alshareef]

المشاركة الأصلية كتبت بواسطة عباطة البنات عفاريت مو حقين صحبة أبدن كم مرة مسكتني الهيئة في السوق بسبتهم في الاخر حقون الهيئة صاروا أصحابي خخخخخخخخخ فعلن رب أخ لك لم تلده أمك << أيش مناسبة هذا المثل انتا ووشك أكيد يابت عندك كحل وشماغ ,,,, فكري في الموضوع مو بطال خخخخخخخخخ

هههههههههههههههههههه ,,

ربما انك لم تقرأ الموضوع بالكامل يا اخي فهو يتحدث عن الصداقه بين الجنس الواحد ,, بنات +بنات ,, وشباب+شباب ,,

وفعلاً اخي هذا مصير من يصادق البنات ,, وقد نسي أن كيد النساء عظيم ,,

بالنسبه للمثل ههههههههههه ينطبق على الموضوع ماشاء الله يا عباطه أحسنت

اما بالنسبه لموضوع الكحل والشماغ ههههههه لا لااريد ,, اخاف ان أُضرب من احدهم

فيأتي صديقه صاحب أقوى العضلات ويقوم بالواجب ثم يكون مصيري الى المستشفى ,, خخخ

لذلك بينتوتي أفضل ,,