( .. وظائف للسعوديين بالكويت .. )

[ولد الجهراء .....]

المشاركة الأصلية كتبت بواسطة رغدهـ، طيب اذا انا حابة اقدم على وظيفة معلمة بالكويت ايش الاجراءات ومن وين اقدر اقدم خصوصاً ان لي 8 سنوات متخرجة وللحين مالقيت لي وظيفة حكومية!!

خليني اقولج قصة وحده

اختي كانت عندها رفيجتها بالثانوي سعوديه

تزوجت واحد سعودي وراحت السعوديه المهم زوجها كان عاطل اوموظف وظيف بسيطه

شهادته ثانوي كانوا بالدمام وهي موظفه نظام وظيفه اهليه بمدرسه , السنه اللي طافت

قدمت بالكويت وانقبلت صارت مدرسه مع اختي بنفس المدرسه , وزوجها قدم على وظيفه

بالكويت وانقبل يستلم تقريبا 350 دينار ومأجرين الحين بالكويت وامورهم زينه


,,,,,,,,,,


يعني لوتجين تقدمين انتي واحد من اخوانج اوزوجج ان كنتي متزوجه افضل

عشان يمشون بمعاملتج وتقدمي المعامله والاوراق بنفس اليوم تقريبا وياخذون رقمكم
ويتصلون عليكم وقت المقابله

[رغدهـ،]

والله يا استاذ انا رحت موقع الوزارة ومالقيت روابط تقديم واضحة وصريحة وموضوع اني اطلع على الكويت بنفسي صعبة لان اخوي موظف وعلى وجهة زواج فماعتقد ان بيترك شغلة عشاني ولو اني نفسي والله
كمان ليه مافيه رابط واضح بالموقع على تقديم تعليمي عندكم
واذا الواحد راح بنفسه يصير التقديم على مقر الوزارة الرئيسي ولا عندكم ديوان خدمة مدنية مثل عنا.. :(

[BIRA]

الميزات وكل شي حلو هي دوله خليجيه وجيراننا والنعم فيكم بس تظل فكرة الغربه صعبه

[المتوكله.]

سلام ..

عجبني الموضوع طيب بقدم كيف هات الرابط لو ألكتروني التقديم

ولو تسليم ورق كيف مااقدر اسافر ارسل بالبريد يعني وضح لي جزاك الله خير

[هنونه]

ياليت تبلغنى عن الوظائف


اشكرك على المعلومات

[shosho83]

الله يعطيك العافيه وربي انت مرررررررررررررررررررره ذوق

بس انت عارف الموضوع مررررررررررره يحزن انو احنا اهل السعودية وصلنا لدي المرحلة
ندور شغل خارج ارضنا حاجة تبكي .....بس نفسي اعرف من السبب في وضعنا السئ ؟؟؟
قبل ما تدور وظائف برا اسألوا انفسكم .....ليش بيصير لنا دا الشئ ؟؟؟مين السبب

يارب تصحوا يالسعوديين

[صمت الانين]

طيب بالنسبه للاولاد خريجين ثانويه عامه ايش الوظائف الي ممكن تناسبهم غير القطاع الخاص

يعني في مجال يتوظفون بالقطاع الحكومي .. اذا كان عمره 29 سنة

[حلاإأإأ]

المشاركة الأصلية كتبت بواسطة حلم قريب .. وبعدين أيش فيها شغلة عامل النظافة شوفي المواطن الياباني يشتغل عامل نظافة و ما أنذل ولا شي ,, بالعكس الواحد لمن يخدم وطنه بأي عمل هذي أكبر كرامة له .

ياااا حبيبتي .. أحب أوقفك للحظة ..

الياباني يوم أنه يعمل عامل نظافة في بلده .. هذا لاته يعتبر هالعمل في اليابان من أفضل الاعمال
من نواحي عدة أهمها الراااااااااااااااااااااتب .. تلاقي راتب عامل النظافة زي راتب مدير أكبر شركة عندنا ... لكن الشكوى لله

لا تلومي الشباب و الشابات السعوديين لو سمحتي
و خلونا نبطل نقول المقولة الغبية اللي نقولها عن نفسنا ( الشاب السعودي ما يحب يتعب ) !!


و شكرا ..

[ولد الجهراء .....]

المشاركة الأصلية كتبت بواسطة رغدهـ، والله يا استاذ انا رحت موقع الوزارة ومالقيت روابط تقديم واضحة وصريحة وموضوع اني اطلع على الكويت بنفسي صعبة لان اخوي موظف وعلى وجهة زواج فماعتقد ان بيترك شغلة عشاني ولو اني نفسي والله كمان ليه مافيه رابط واضح بالموقع على تقديم تعليمي عندكم واذا الواحد راح بنفسه يصير التقديم على مقر الوزارة الرئيسي ولا عندكم ديوان خدمة مدنية مثل عنا.. :(

هلا أختي

أسف عالتأخير

الله يعينج , أنا لوفاضي كان قلت لج ارسلي اوراقج بس انا حاليا مسافر وراح ارجع الكويت

يومين واسافر مره ثانيه

لا أختي حنا دائم التقديم عندناااا مباشر


والتقديم طال عمرج تروحين للوزاره على طول ويحددون لج موعد المقابله

وبعدهاااا يبين قبولج


موفقه يارب

[ولد الجهراء .....]

المشاركة الأصلية كتبت بواسطة bira الميزات وكل شي حلو هي دوله خليجيه وجيراننا والنعم فيكم بس تظل فكرة الغربه صعبه

ماعليج زود

لا مافيه غربه بين هالبلدين