اتسكنتٍ تمريض ..؟ تعالي ياقميلة ..

[fto0o]

اهلن وسهلن مرة تانية ممرضاتنا الصعنطوطين الجميلات..


مدري ليش فجأه هبقت في راصي انزلكم شوية صور .. اساساً كنت طوال السنة بس اصور .. اليوم عرفت ليش كنت اصور

بعض لقطاتي لـ شطرنا الطبي الجميل




بداية .. كل يوم الصبح وانتو داخلين من بوابة شرقية طب حيقابلكم واجهة مبنى 3 ..






او من بوابة غربية طب .. حيقابلكم باب الطوارئ لمبناكم الجميل .. مبنى 8 .. ومنو تطلعو درج الطوارئ و ع الكلاس على طول ..



<< يفيد العالم الي توصل متأخر دايما زي حالاتي وهاتلك جري ع الدرج كل يوووووم






{ بالمناسبة اقرب بوابة لمبنى 8 - الي هوا مبنى التمريض - بوابة غربية طب .. بوابة شرقية طب شوية بعيدة مو داكا الشي يعني تقريبا حتاخدي تلاتة دقايق الى خمس دقايق لو مرة اخدتي راحتك في المشي عشان توصلي المبنى وايوا ماعندنا سيارات قولف ودلع الشطر القديم شطرنا كلو على بعضو 11 مبنى جمب بعض وفي طريق سري من فوق يوصلهم في بعض << طريق الهبقة للنادي من كلاسنا }





مبناكم الرائع من برة





من داخل مبنانا المشمس ومن فوق وتحديداً من عند اللوكرات ..


<< كيف بالله تصويري مو رهيب .. ادري X'P




وللناس الرايئة الي بتحب الروئان وكدا الحديقة الخارجية الجميلة .. الي ورا المباني كلها





اما كلاسكم فـ هو مفاجأة لكم .. اترك لكم عيش تجربة الاستكشاف



------------------



الترم التاني وتجاربه التمريضية على ارض الواقع ..




بدينا تطبيق وشغل ادوات ومعامل ودنيا حقيقية..






اول م اتعلمنا ع الابر وجبنا العيد كلنا





اول يوم نزلنا فيه ع المستشفى عملنا اكتساح تمريضي ابيض في كل مكان





بدينا الجد والشغل واتوزعنا ع الاقسام كل قروب في قسم وتحديداً كل بنتين مع ممرض\ة وارقام اسرة معينة





واخر شي افتكرو تجاربنا المرعبة في بعض


<< ايوااااااا كانت يدي المُجرب فيها .. وبصراحة .. اكره الكانيولا







ووووووبس ..

كدا خلصنا مرحلة توثيق بعض من الكلام الكتير الي سمعتو مننا ..
وإن شاء الله تكون الصور فرقت معاكم ولو حبتين ..
نراكم لاحقا ..


ملاحظة : معليش ع الكواليتي المضروب للصور .. ف اغلبها ايفونية انستجرامية

[اسومة الزهراني]

مشااء الله حممممستيني للدرااسسسه ،،، صور الكليه مرررهه حلوه

[ابرار غروي]

ي الهي كم انا متخققه
متى أبدا دراسه بس شي مممممرا يحمس < أنا أخاف اذا تحمست مرا لشيء وانكرف بعدين هههههههه
بس من جد شي يحفز مراا

[ابرار غروي]

ايوة بالنسبة لموضوع الإبر
انا إنسانه مرا عندي فوبيا منها
كيف الوضع بعدين

[bayan-ow]

شكرا على صور انتظر الدراسة بكل حماس منجد شكرا تخلين الواحد يتمنى تبدأ الدراسة من ذحين الله يستر اتوقع سنة بتكون متعبة بس مالي دخل مرره حماس

[اسومة الزهراني]

وانا كممان عندي فوبيااا من الابر والدم :( مدري كيف بيعدي هالموضوع عليا

[ريتال الغامدي]

woooooooooow
ماني قادرة اوصف لك قد ايش غيرتي نظرتي دحين مررررررة متحمسه للدراسة < كذابه لسى ماشبعت من الايجازة
مرررررة شكرا جاوبتي على كل اسئلتي

[عذاري السمروات]

نيرسات المستقبل مررره مبسوووطه من حمااسكم .
الله يوفقكم و يسعدكم و يديم حماسكم
❤❤
اترك نيرسه فتو صاحبه الموضوع في الرد عليكم ❤❤

[fto0o]

المشاركة الأصلية كتبت بواسطة عذاري السمروات نيرسات المستقبل مررره مبسوووطه من حمااسكم . الله يوفقكم و يسعدكم و يديم حماسكم ❤❤ اترك نيرسه فتو صاحبه الموضوع في الرد عليكم ❤❤

عذاري -.- احلفي !

خدي راحتك وردي زي ماتبي وي !
بالعكس عادي ردي بطريقتك وانا ارد بطريقتي وياد ترد بطريقتها وكل النيرسيز الي يقدرو يساعدوهم ويفيدوهم يردو برضو .. عادي اختلاف الاراء والردود تولد لديهم كمية معلومات تعينهم السنة الجية ..

من البداية انا سويت الموضوع عشاننا كلنا مو عشان اقعد ارد لحالي :|
حتا لو كان عندك رد تاني غير الرد الي رديتو ..

ردي وخدي راحتك .. ترانا قاعدين سنتين قدام سوا فـ بطلي رسميات

[fto0o]

المشاركة الأصلية كتبت بواسطة ريتال الغامدي woooooooooow ماني قادرة اوصف لك قد ايش غيرتي نظرتي دحين مررررررة متحمسه للدراسة < كذابه لسى ماشبعت من الايجازة مرررررة شكرا جاوبتي على كل اسئلتي

بصراحة محد فينا شبع من الاجازة ويبى الكرف يجي تاني
فـ عادي ماعليكي اهم شي حافظي على حماسكـ

اهلاً وسهلاً .. كلنا موجودين عشانكم

المشاركة الأصلية كتبت بواسطة اسومة الزهراني وانا كممان عندي فوبيااا من الابر والدم :( مدري كيف بيعدي هالموضوع عليا

يووووووه ماعليكي وخليه لوقته .. انا عن نفسي اقلكـ في البداية حيكون صعب وحوسة .. بس بعدينا مع الممارسة حتتعودي ان شاء الله وحتلاقي الي يساعدوكي تتخطي المرحلة دي ..

المشاركة الأصلية كتبت بواسطة bayan-ow شكرا على صور انتظر الدراسة بكل حماس منجد شكرا تخلين الواحد يتمنى تبدأ الدراسة من ذحين الله يستر اتوقع سنة بتكون متعبة بس مالي دخل مرره حماس

هع الحمدلله هوا دا المطلوب ..

حتكون متعبة حبتين بس حتكون حماس برضو ان شاء الله

المشاركة الأصلية كتبت بواسطة ابرار غروي ايوة بالنسبة لموضوع الإبر انا إنسانه مرا عندي فوبيا منها كيف الوضع بعدين

دقيقة انسخ هع

حتتعودي ان شاءالله غالباً حتتعبي في البداية حبتين بس بعدينا خلاص حتتعودي .. لأنو الابر صحبتنا معانا على طول الخط

المشاركة الأصلية كتبت بواسطة ابرار غروي ي الهي كم انا متخققه متى أبدا دراسه بس شي مممممرا يحمس < أنا أخاف اذا تحمست مرا لشيء وانكرف بعدين هههههههه بس من جد شي يحفز مراا

هع اتحمسي قد ماتقدري ..
اساساً الحماس هوا الي حيهونلك الكرف والتعب الي حتواجهيه طوال السنة الجيا والترم الأول خاصةً .. و احساس الكرف ح يكون عندك اوطى بمراحل من احساس الكرف عند الناس الطفشانة المومتحمسة والحزينة انها دخلت التخصص دا وحاسين انهم اتمقلبو وضايعين ووووو....الخ.
يعني حماسكم حيخليكم تنظرو للكرف وضغط المواد بمنظور تفاؤلي ويخليلكم الايام محمسة وسعيدة ولو كانت في الحقيقة هي اكرف واضغط الايام بس انتو حتواجهوها بتفاؤل وصبر نسبة لحماسكم ..

بالتالي ان شاءالله ماحتكون سنة صعبة عليكم .. لطول بالكم وصبركم الناتج عن حماسكم من الي كان معاكم من بداية السنة ..

المشاركة الأصلية كتبت بواسطة اسومة الزهراني مشااء الله حممممستيني للدرااسسسه ،،، صور الكليه مرررهه حلوه

الله يستر ماتنصدمو بالواقع بعدينا وتيجو تمتحنوني على تصويري ..

لا لا لا حقيقي كليتنا جميلة وكلاسكم كبير فيلو شبابيك عظيمة <<< دايماً كنت اجلس عندها في الكلاسات المطفشة او الاختبارات المافي امل منها
حتحبو كلاسكم جداً .. تعالي شوفينا كلنا زعلانين طلعنا سنة تالت وحنسيب كلاسنا لكم




الحمدلله حمداً كثيرا .. هوا دا المطلوب اننا نحمسكم ونساعدكم وان شاءالله على بداية السنة حتتحمسو اكتر واكتر كمانا ..
بنات لاتنسو فلسفة الحماس حقتي الي فوق .. حقيقي خلوها دايماً معاكم وكل ماحسيتو ب احباط افتكرو اي شي يحمسكم كل ماحسيتو بتعب حمسو نفسكم اهم شي لاتفقدو الامل ابدا..
واديكم رقمي بعدينا كل ماتعبتو كلموني وتس اب اعملكم نسخ لصق لـ " فلسفة الحماس " >> ترا مرة امزح مرة لحد يصدق

حبيتكم كلكم من دحينا ..
يسعدكم ربي اجمعين يارب


بنات .. اي اسألة اي شي مهما كان عبيط او بسيط او عظيم احنا كلنا موجودين عشانكم لاتترددو في اي شي ..


ووووو صح .. جبتلكم معلومة .. هدية اليوم الاخير من العشرة الثانية من رمضان ..

عدد دفعتكم السنة دي حيكووووووون ..


حزرو كم ؟ ؟؟؟؟؟







طب بس حزري ياخي





طب خدي وقت وفكري





ياخي حطي اي رقم




خلاص طيب لاتضربيني ..



بإزن الله حتكونو حوالي 120 بنت ..
اما انهم حيزيدو واما انهم حينقصو .. الله اعلم بس اتوقعو جماهير غفيرة في كلاسكم


نراكم ان شاءالله مفعمين بالحماس وشادين هممكم ع السنة الجديدة يارب ..