استفسار عن الجدول والاستاذات *مستجده في الكلية*

[انتِمَآء]

بنات في احد اضاف الثقافة ولا لا ! .. ووقتكم من متى ؟

[Reem Mohammed~]

نصيحه عابرة اثناء ترتيب الجدول
أول شي امسكو ورقه وقلم لانها بجد مريحه في الترتيب ..

ثاني شي حطوا المواد الاصعب مع الدكاترة الافضل ..
ثم ابدأوا بترتيب المواد من الاكثر صعوبة للاقل ..بحيث يصير الاسهل في اي وقت محطوط..

مع ملاحظة انه كثيير بنات اتفقو على صعوبة البرمجه ( كونها تحتاج مدرس وجهد اكبر للمذاكرة ) ثم تأتي باقي المواد تباعا ..

[besh alharbi]

شكراً ريم
فاتتني حركة الاوف وكذا طبعاً اغلب الشعب قفلت وماقدرت اغير عموما انا ماحب المحاضره تكون ساعه ونص بقدر الاماكن خليت محاضراتي ساعه لان انا اكثر وحده يجيها النوم بالمحاضره '(

[انتِمَآء]

^

ريم جدول جميل نفس أستاذاتي وحبيت يوم الاووف الثلاثاء

بس أحس إنه فيه ضغط واوقات المواد اللي يبالها تركيز متأخرة = )

[rawan2014]

بنات انا ماسويت جدول دوبي اعرف انو فتح ودخلت اسوي جدول يطلع عند كل ماده غير متاح التسجيل.
اقدر اروح الجامعة بكره اسويه ولا اول اسبوع او كيف لانو كل المواد يعني ماعندي جدول ابدا؟

[Reem Mohammed~]

المشاركة الأصلية كتبت بواسطة rawan2014 بنات انا ماسويت جدول دوبي اعرف انو فتح ودخلت اسوي جدول يطلع عند كل ماده غير متاح التسجيل. اقدر اروح الجامعة بكره اسويه ولا اول اسبوع او كيف لانو كل المواد يعني ماعندي جدول ابدا؟

أهلين روان
لا ما يحتاج
هذه الحذف والاضافة المبكر ، ولسه بيفتح مرة ثانيه باذن الله ..

اصلا كل سنه ينزلوا جداول مستوى 3 من نفس الشؤون ،، هالسنه حمدالله فتحوه اختياري كل وحده زي ما يناسبها ، وان شاء الله يظل كذا .
اعتقد بيفتح مرة ثانيه قبل الدراسه باسبوع او يومين مو متأكده وبيستمر طول الاسبوع الاول من عند الشؤون ..

فباذن الله خير

[rawan2014]

المشاركة الأصلية كتبت بواسطة reem mohammed~ أهلين روان لا ما يحتاج هذه الحذف والاضافة المبكر ، ولسه بيفتح مرة ثانيه باذن الله .. اصلا كل سنه ينزلوا جداول مستوى 3 من نفس الشؤون ،، هالسنه حمدالله فتحوه اختياري كل وحده زي ما يناسبها ، وان شاء الله يظل كذا . اعتقد بيفتح مرة ثانيه قبل الدراسه باسبوع او يومين مو متأكده وبيستمر طول الاسبوع الاول من عند الشؤون .. فباذن الله خير

شكرا حبيبتي

[ƨɱƨɱ]

اهلا بفيدكم في الاساتذة اللي ذكرتوا اسمائهم
أ.سابين ..باكستنية درستني تقنية للامانة تشرح بس اختبااراتها ماش مره دوري سهل ومره صعب بس لاتغلطوا معها (الغشفي الاختبار و ناس تحضر ناس )لانها بتقلب على الدفعة كلها
أ.سمر الكل يمدحها بس البعض يقول اسلوبها في التعامل ماش ..
د.وفاء شلش..مصرية ..سمعت انها دا الترم بتعتذر اخذت معها جرافكس تشرح واسئتها دوري سهل ودوري صعب على كيفها بس غير ملتزمة بالوقت ابدا يعني ممكن نجي الجامعة عشان محاضرتها و ماتجي وماتقولنا مستحيل تعتذر عن محاضرة وتقولنا
-------------
على فكرة الهنديات ممكن في البداية صعب تفهموا عليهم بس تحاولوا قد ماتقدروا تروح لهم ساعات مكتبية عشان تفهموا وبعد كدا حتتعودوا لانهم يراعوا في التصحيح اكثر من العرب ..
لانو ممكن استاذة سعودية تسوين كل المطلوب منك وتجي تنقصك وتقولي لها ليش تقول المفروض تسوين كدا وكدا بديهيا بدون ما اطلب
عموما الهنديات الاغلبية في مواد cs ..
------------------------
وكمان حاجة مافي ملخصات في التخصص فيه كتب وفيه سلايدات وفيه ملخصات يسوها البنات للمراجعة النهائية ..
...
نصيحة:
حاولوا قد ماتقدروا يكون لكم صحبات تساندوا وتساعدوا بعض لانو بتقضوا اغلب وقتكم في الكلية ..
موفقات يارب

[Reem Mohammed~]

المشاركة الأصلية كتبت بواسطة ƨɱƨɱ اهلا بفيدكم في الاساتذة اللي ذكرتوا اسمائهم أ.سابين ..باكستنية درستني تقنية للامانة تشرح بس اختبااراتها ماش مره دوري سهل ومره صعب بس لاتغلطوا معها (الغشفي الاختبار و ناس تحضر ناس )لانها بتقلب على الدفعة كلها أ.سمر الكل يمدحها بس البعض يقول اسلوبها في التعامل ماش .. د.وفاء شلش..مصرية ..سمعت انها دا الترم بتعتذر اخذت معها جرافكس تشرح واسئتها دوري سهل ودوري صعب على كيفها بس غير ملتزمة بالوقت ابدا يعني ممكن نجي الجامعة عشان محاضرتها و ماتجي وماتقولنا مستحيل تعتذر عن محاضرة وتقولنا ------------- على فكرة الهنديات ممكن في البداية صعب تفهموا عليهم بس تحاولوا قد ماتقدروا تروح لهم ساعات مكتبية عشان تفهموا وبعد كدا حتتعودوا لانهم يراعوا في التصحيح اكثر من العرب .. لانو ممكن استاذة سعودية تسوين كل المطلوب منك وتجي تنقصك وتقولي لها ليش تقول المفروض تسوين كدا وكدا بديهيا بدون ما اطلب عموما الهنديات الاغلبية في مواد cs .. ------------------------ وكمان حاجة مافي ملخصات في التخصص فيه كتب وفيه سلايدات وفيه ملخصات يسوها البنات للمراجعة النهائية .. ... نصيحة: حاولوا قد ماتقدروا يكون لكم صحبات تساندوا وتساعدوا بعض لانو بتقضوا اغلب وقتكم في الكلية .. موفقات يارب

وأخيرا لقينا احد من الشعب الحاسوبي هههههههههههههه
طيب جميل ، يعني كل وحده بميزاتها وعيوبها
طيب الاحتمالات مين يدرسها كويس ؟
والاساليب اذا درسناها مع شيخ كيف ؟

[ƨɱƨɱ]

المشاركة الأصلية كتبت بواسطة reem mohammed~ وأخيرا لقينا احد من الشعب الحاسوبي هههههههههههههه طيب جميل ، يعني كل وحده بميزاتها وعيوبها طيب الاحتمالات مين يدرسها كويس ؟ والاساليب اذا درسناها مع شيخ كيف ؟

الاحتمالات درستني هالة شرحها مرره كويس واهم شيء يفهموا البنات بس المشكلة اختبارات المادة من نفس منسقة المادة ومستواها يميل للصعوبة وطبعا الاختبار تظليل زي التحضيري ..
شيخ مااعرفه صراحة بس المادة كانها مهارات اتصال بس بالانجليزي يعني حفظ مع شوية فهم

بالتوفيق