(للمستجدات) .. كل ما تريدي معرفته عن السكن الداخلي للطالبات فرع السليمانيه

[Fatema Alshareef]

المشاركة الأصلية كتبت بواسطة nooona .. السلام عليكم ورحمة الله وبركاته اخواتي الحبيبات .. كيف اقدم طلب للسكن وماهي الاوراق المطلوبة ..؟؟ هل هي نفسها اللي بموضوع اختي بنت جامعتي .. ولازم اجيب ورقة من عمدة الحي اللي انا فيه ؟؟؟ وشكرا ..

وعليكم السلام ورحمة الله وبركاته ,,

التقديم للسكن يكون بمقر السكن المدرج عنوانه في الموضوعات السابقه ,,

والاوراق المطلوبه كل اللي عليك يا اختي انك تجيبي ورقة العمده هذي اهممممم ورقه

يعني من الاوراق الاساسيه عندهم ,,, بالاضافة للفحص الطبي ,, واوراق واثباتات ولي الامر

لازم يكون معاكي ,, او الوكيل الشرعي المعمول له وكاله من المحكمه مثل اخوكي ,,

وبالنسبه للاوراق المضافه بالموضوع دي مو شرط تكون معاكي لانهم بيدوكي

بالضبط اوراق مثلها تماما تسجلي فيها كل بياناتك ,, بس انا حطيتها كنموذج عشان تستعدو لكل

البيانات اللي بتكتبوها ,, بالتوفيق ,,

[Fatema Alshareef]

المشاركة الأصلية كتبت بواسطة nooona .. ياااااجمااااااعة احد يرد علينا  ايش نجيب معانا .. ولا ايش موجود بالسكن عشان أشوف ايش أجيب ..؟؟؟ وبلييييييز ردوووو عليناااا

بإمكانك اختي الاطلاع على موضوع من تجارب طالبة سكن ,, موفقه ,,

[Fatema Alshareef]

المشاركة الأصلية كتبت بواسطة حلم امها قرات موضوع بنت جامعتي وحفظته في المفضله لكن مالقيت جواب على سؤالي كيف ومتى اقدم على السكن؟ يعني الاجراءت في نفس اليوم اللي اجي اقدم اوراقي ؟ لاني جايه من الدمام وابغى اعرف كم حجلس في جده عشان حجز العوده يعني مثلا في فحص طبي من مستشفى محدد؟ او ممكن في اعمله في الدمام؟

الاجراءات مو شرط تكون بنفس اليوم ,, ويمديكي تسويها على بداية الدوام عادي ,,

[حلم امها]

طيب الفحص الطبي اعمله الحين قبل مااروح ولا فيه نموذج خاص يعطوني للفحص؟

[Fatema Alshareef]

المشاركة الأصلية كتبت بواسطة حلم امها طيب الفحص الطبي اعمله الحين قبل مااروح ولا فيه نموذج خاص يعطوني للفحص؟

هوه مو شرط دحين او بعدين بس الافضل اعمليه قبل لاتروحي ,,

ولو رحتي سجلتي بالسكن ومكمله كل اوراقك ماعدا ورقة الفحص الطبي عادي ياخدوها منك بداية الترم

مو مشكله بس انا أأكدلكم على ورقة العمده من اهم الاوراق ,,

[NoOona ..]

شكرًا اختي ..
بس السكن اقدم عليه لمن أودي اوراق قبوليً ولا لازم اروح السكن نفسة واقدم أوراقي
والعمدة ايش اخليه يكتب بالورقة ؟؟؟
ولازم شهادة حسن السيرة والسلوك لأنو قالولنا هالسنة مافي شهادة حسن سيرة وسلوك ؟؟؟
وما اطبع الاوراق اللي منزلتها هما بدوني هيا ؟؟؟
وبالسكن كيف اللبس يعني عادي بناطيل ولا لازم تنانير ..
ويا قلبي كاتبين من الأشياء المطلوبة
١- الاصل + صورتين من سند القبول بالجامعة << قصدهم استمارة القبول ولا كيف ادا الاستمارة مو راح ياخذوها مني
٢- الكشف الطبي ( الاصل ) المختوم من الادارة الطبية بجامعة الملك عبد العزيز << يعني اسوي اثنين واحد للجامعة للسكن ولو عبيته بالمستوصف عادي ولا لازم من الجامعة ؟؟؟

وشكرا وآسفة عالاطالة ومعليش يا قلبي تعبناكي

[صانعة المستحيل]

السلاااام عليكم
ضروووووووووري أبي رابط نموذج الفحص الطبي
عشان موعدددي الأحد ومااااايمدي أسويه إلا بكررررررررة <<<< محتاجته ضروروي عشان السكن

[دافئ الإحساس]

هيا الاستمارة بس ومكتوب فيها اش المتطلبات اللي تلبيها وبس وماعتقد او مافتكر

انو طالبين بالفحص الطبي

[ǁ غــلأآإ ، رٍوٍحــي ǁ]

عزيزتي بدآيه الموضوع فيه كل شئ يهمك من المستندات والملفااات

[NoOona ..]

المشاركة الأصلية كتبت بواسطة nooona .. شكرًا اختي .. بس السكن اقدم عليه لمن أودي اوراق قبوليً ولا لازم اروح السكن نفسة واقدم أوراقي والعمدة ايش اخليه يكتب بالورقة ؟؟؟ ولازم شهادة حسن السيرة والسلوك لأنو قالولنا هالسنة مافي شهادة حسن سيرة وسلوك ؟؟؟ وما اطبع الاوراق اللي منزلتها هما بدوني هيا ؟؟؟ وبالسكن كيف اللبس يعني عادي بناطيل ولا لازم تنانير .. ويا قلبي كاتبين من الأشياء المطلوبة ١- الاصل + صورتين من سند القبول بالجامعة << قصدهم استمارة القبول ولا كيف ادا الاستمارة مو راح ياخذوها مني ٢- الكشف الطبي ( الاصل ) المختوم من الادارة الطبية بجامعة الملك عبد العزيز << يعني اسوي اثنين واحد للجامعة للسكن ولو عبيته بالمستوصف عادي ولا لازم من الجامعة ؟؟؟ وشكرا وآسفة عالاطالة ومعليش يا قلبي تعبناكي

جاوبوو على أسئلتي