رايك اختبار نظم معلومات موارد بشرية

عنفوان طالب · 26-12-2011, 11:34 PM

لا هنت ابو نهاد

في الحقيقه انا اقيم الاختبارات من منظوري الشخصي على انها

اختبار سهل , صعب , متوسط , معقد , غثيث ....

و اختبار اليوم صراحه كان من النوع الغثيث

الغثيث هو الي تحس انك تعرف الاجابه يعني تحسه سهل و تختار مثلا (أ)

بس لمن تقراه مره ثانيه تحس انك شاطح عن الاجابه و تختار (ب)

بعدين تقراه و تختار (ج)

بعدين تتوهق و تخليه و تروح للي بعده و هكذا .....

اخر شيء تشوف نفسك الا والله انت ما حليت الا كم سؤال

و تناظر الا الناس سلموا اوراقهم و طالعين ... عاد هنا يصيبونك في مقتل

و تقول وشلون خلصوا هذولا شكل الاختبار سهل بس انا الي مصعبه على نفسي

و تتذكر المقوله الي تقول , دائما قرارك الاول هو الصحيح

و تقوم تحل على اختيارك الاول و بسرعه عشان تطلع( اتكلم عن نفسي ترا )

و تقول ما نيب مراجع الي راح راح بس اول ما تركب السياره لا شعورا يدك تروح

للملخص ليش ؟؟ لأن الاختبار من النوع الغثيث الي يحسسك انك صح و بترجع الحين تلقى نفسك مبدع

و ما هي الا دقائق و تنصدم ,,, و تدري انك جايب العيد و يضيق صدرك و تجي المنتدى و تكتب موضوع

و الا تقعد ترد مثلي الحين .

رسالتي الى الدكاتره الافاضل ...

حطوا اختبار صعب عادي اطلع ادري ان الاختبار صعب و اعذر نفسي اني ما حليت

والا حط لي اختبار سهل اطلع من الاختبار و انا مبدع و اعيش اللحظه

والا حط لي اختبار متوسط اطلع و اقول احتمال انجح , و فعلا انجح بـ d (مع ملاحظة فشلتنا جدا )

اما تحطون اختبارات غثيثه لا,,

ارجوكم اختاروا يا صعب يا سهل يا متوسط و لكم جزيل الشكر

تحاتي مره اخرى اخوي ابو نهاد و اعذرني مسكت بكم خط و لكن هذا من

اثار الاختبارات الغثيثه

عنفوان طالب

ريشة فنان · 26-12-2011, 11:36 PM

في صياغة الجمل العربية قبل ان يضع اسئلة

تركي متغرب · 26-12-2011, 11:37 PM

مسااااء الخير ...........

اولا شكرا على طرح هذا الموضوع ....... مشكلة الاسئلة فيها محاولة تمويه و بعض الاسئلة الاخري كان هناك في خطأ صياغة السوال او التلاعب في السوال .

شكلاااا .

اسير الوقت · 26-12-2011, 11:39 PM

مو متحسف الا عل الجدول اللي حفظته

افري1 · 26-12-2011, 11:48 PM

الواحد يدفع فلوس بالاخير الاسئله معقده

الزمردة · 26-12-2011, 11:51 PM

غريييبه انا حليت الحمد لله كويس بس طبعا بالاخر الرك على التصحيح بس الاسئله انا اخذتها من الطلاب وجاتني تقريبا زيها انتوا ليه ماحليتوا

faisal_80 · 26-12-2011, 11:56 PM

بصراحة مره سهلة جدا هي كلها 60 صفحة يعني يحفظها الواحد في يومين حفظ كامل وكون الجدول وتوصية الاستاذ يقول احفظوه وما يجيب الا فقره وحده فهو شيء طبيعي وماقصر وعد واوفى يعني درجتين من الجدول اشوفها حلوه والا تبون الجدول كامل ؟؟؟؟؟؟؟؟