29\7\1430هـ يعني لي الكثير

[أبو يزن الغامدي]

المشاركة الأصلية كتبت بواسطة يلدرم عميد القبول والتسجيل متواجد في المنتدى لكن السؤال المهم مالفائدة من الاعلان بالوقت وهنا تبرز مشكلة كبيرة وهي ان كل المقدمين راح يدخلو في نفس الوقت مما يؤدي الى خلل فني واصلا تعرفها يوم 29 او يوم 2 ماتفرق

الفائده يا حبيبي لكي نستطيع (الطلاب والطالبات ) من تنظيم اوقاتنا ...

ممكن انقبل في الملك سعود وأنا أبغى الملك عبدالعزيز . طبعا , لن أعطي جامعه الملك سعود ملفي عشان ممكن ما أقدر اسحبه ..والمصيبه إذا ما انقبلت في كنق عزوز ... وأروح في هشك بشك


وعشان نتطمن لازم تقدر الجامعه ظروف الطلاب .. وتعلن مواعيد وتفي بها ..

(مجرد وجهة نظر )

[صمت الفجر]

كويس الموزون حقك ... انا صحباتي جايبين 99 وكمان معاها فواصل ما شاء الله ومع القدرات والتحصيلي جابو نسب سيئة .. الحمدالله انو في قدرات وتحصيلي و سنة تحضيرية .. عشان يبان الناس الي مخهم نظيف من الحفيظة .. والكل ياخد حقو

حرام عليك والله اكتركم ضربة حظ جاب نسبة كويسة في القدرات من جد صح؟؟ ..

[MNMO0ONA]

المشاركة الأصلية كتبت بواسطة صمت الفجر حرام عليك والله اكتركم ضربة حظ جاب نسبة كويسة في القدرات من جد صح؟؟ ..

صح كلامك القدرات انا اشوفو حظ انا اعرف بنات بصراحه مستواهم التعليمي مره متوسط ودخلو اختبار القدرات وجابو معدل وهما كلو تاليف من راسهم الاجوبه ممكن غيري يقول ايش دراكي انو كلو حلهم تاليف انا اقولكم مستواهم التعليمي مو داك الشي ونسبهم حقت التنويه مو عاليه

[مرمر@ زماني]

المشاركة الأصلية كتبت بواسطة سعيد الغآمدي أبو يزن ردد ياليل مطوولكـ تم تأجيل نتائج الفرز إلى يوم الجمعه 2_8_1430هجري يعني يوم الجمعه الجايه وصرح بذلك عميد القبول والتسجيل بصحيفة المدينه تاريخ 28_7_1430هجري فوضى عارمه في الجامعه +عدم مصداقيه في المواعيد+كسل في تمشية معاملات المراجعين ((هذي الجامعه في المركز الاول عالميا من حيث بطء المعاملات والاجراءات))إلا لاحظو أداة استثناء إلا لمن اراد سحب ملفه من الجامعه او التحويل إلى جامعه اخرى فهنا تكون الاسرع عالميا أفشل جامعه رأيتها في حياتي مع احترامي وهذا رأيي فليقبله من يقبله ويرفضه من يرفضه لذلك قررت اني اسحب عفشي من هالجامعه حتى لو جاني قبول سيفون بالليمون العضيم يكفيني هذا المنتدى اللي آمل اني استفيد منكم حتى لو ماكنت طالب معاكم

اخويا ابشرك حتى لمن تسحب يرفعوا ضغطك

بس مو الحل انك تسيبنا وتروح

يمكن الجامعة فيها نوع من اللخبطه والناس ماتعرف راسها من رجلها

لازم تصر وتتمسك بحلمك وتكمل وترى في عزوز تتعلم طولة البال والصبر وبطئ المعاملات من جد تستفيد منها اشياء غير الدراسة واسال مجرب
ترى الجامعة دي يبغالها عناد +اصرار وقبل كل شي توكل على الله وان شاء الله توصل للي تبغى

[M!sS Wd]

المشاركة الأصلية كتبت بواسطة mnmo0ona صح كلامك القدرات انا اشوفو حظ انا اعرف بنات بصراحه مستواهم التعليمي مره متوسط ودخلو اختبار القدرات وجابو معدل وهما كلو تاليف من راسهم الاجوبه ممكن غيري يقول ايش دراكي انو كلو حلهم تاليف انا اقولكم مستواهم التعليمي مو داك الشي ونسبهم حقت التنويه مو عاليه

انا من الناس دولي يا موزه ... ومعليه مراا مو تأليف لمن كنت احل كنت وانا متاكده من الحل .. مو شختك بختك .. واذا الوحدة ما كنت تجيب معدل في الثانوي مو معناه انها هبله ممكن تكون ما كنت مهتمة ..

[سُكر محروق]

المشاركة الأصلية كتبت بواسطة m!ss wd انا من الناس دولي يا موزه ... ومعليه مراا مو تأليف لمن كنت احل كنت وانا متاكده من الحل .. مو شختك بختك .. واذا الوحدة ما كنت تجيب معدل في الثانوي مو معناه انها هبله ممكن تكون ما كنت مهتمة ..

شوفي حتى أنا لمن كنت أحل موشختك بختك بس دا الإختبار عقبة في طريقنا وبس ، وحتى البنات الي ماقدرو يحلو مومعناتهم أغبياء بس لهم مهارات تانية غير القدرات والتحصيلي الي ماوعونا عليه كويس أصلا ، وأعرف ناس دخلو الإختبار موداريين إيش فيه لإنو ماعندهم نت ، أنا لو لا الله ثم النت ماكنت فهمت هرجة الإختبار..عشان كدا أقول وبكل ثقة إختبار فاشل وبكل المقاييس ، لإنو لويبو منجد يختبرو قدراتنا في طرق أذكى من كدا . والكلام ياعيني مايفيد بس فضفض وبس

[M!sS Wd]

المشاركة الأصلية كتبت بواسطة سُكر محروق شوفي حتى أنا لمن كنت أحل موشختك بختك بس دا الإختبار عقبة في طريقنا وبس ، وحتى البنات الي ماقدرو يحلو مومعناتهم أغبياء بس لهم مهارات تانية غير القدرات والتحصيلي الي ماوعونا عليه كويس أصلا ، وأعرف ناس دخلو الإختبار موداريين إيش فيه لإنو ماعندهم نت ، أنا لو لا الله ثم النت ماكنت فهمت هرجة الإختبار..عشان كدا أقول وبكل ثقة إختبار فاشل وبكل المقاييس ، لإنو لويبو منجد يختبرو قدراتنا في طرق أذكى من كدا . والكلام ياعيني مايفيد بس فضفض وبس

انا ما اشوف انو فاشل بالعكس ممتاز وانا مع الاختبارين دولي والسنة التحضرية .. وايش الطرق التانية .. !!

[سُكر محروق]

المشاركة الأصلية كتبت بواسطة m!ss wd انا ما اشوف انو فاشل بالعكس ممتاز وانا مع الاختبارين دولي والسنة التحضرية .. وايش الطرق التانية .. !!

الطرق الثانية والي هي- الصح -، إنو يعدلو في الدراسة بدل مايطلعولنا كل شوية نظام جديد بدون توعية كويسة عنو ..

وأكبر دليل شوفي المدارس المطورة كيف فشلت وحيقفلوها ..مع إنو نظامها حلو وكلو تمام بس فشلت لإنو مافي تجهيز ممتاز لها من معلمين ومدراء وووو

[المحتاسه]

والله اني خايفه اني ماانقبل لا بالجامعه ولا بالكليه كله من الزفت القدرات نزلني مره
الله يستر بس

[يارب بكره أحلى]

طيب صحبتي مسكينه مررره محطمه

نسبتهاا الموزونة 78.52

تنقبل ولا لأ !!

الله يسهلنا كلنا والله حرام عليهم بس قاعديين يكرفوا فينا