مالفرق بين (علوم حاسبات)(تقنية/نظم المعلومات)وأيهم أفضل...والأكثر طلبا برأيك؟؟؟؟؟؟؟؟؟

[.SuperGirl]

جزاكم الله خير..
استفدتم منكم الكتير

جالد وآي تي وكل البقية ,,
شكرا

[Shaden 1]

موضووع جدا مهم وجدا مفيد شكرا لكل من ساهم برايه

[MeEnSAt]

احب ان ابدي رأيي في هذا الموضوع اولا هل انته داخل عشان تتعلم او تبغى شهادة؟؟؟؟؟؟؟؟؟؟؟؟ انا كطالب درس سنتين في الكلية بالخطة الجديدة اقلك انو التعليم سطحي جدا في قسم الاي اس بالنسبة لتعليم الكمبيوتر ومتعمق جدا في قسم الاي تي ايضا بالنسبة للكمبيوتر اما السي اس فما انصحك تدخلها مش لانو قسم سيئ ---لان الكلية غير مهتمة بهذا القسم تحس شغلهم كلو قديم*قديم وكل شي ينزل عندهم متأخر وانته ركز على القسم الي تدخل فيه والله يوفقك

أنا مستغربة كلامك صراحة !!!

أول شي الدراسة في قسمنا أبدا مو سطحية بالنسبة لباقي التخصصات !

يمكن بالنسبة للجامعات التانية ممكن << كحال جامعة الملك عبد العزيز ككل

لكن القسم أبدا مو سطحي في حد ذاته

والـ cs ما اشوف انو قسم سيء ,, بالعكس هوا القسم الأقوى في الكلية عندنا

لأنه أخد كفايته من دراسة المناهج ,, وعارفين الغلط والصح وشافو الدفع اللي متخرجة قبل ,,

مو زي اقسامنا الجميلة تجارب !!

ماهو التخصص الأسهل من ناحية الدراسة وما هو الأصعب..؟؟ اعتقد الاسهل والمتساهلين فيه هو الـ is ( نظم معلومات ) على حسب كلام الشباب. والاصعب ما اعرف هل هو الـ it ام الـ cs

ايش انواع التحطيم دي >_< لا يكونوا الاولاد بيدرسوا غير عننا !!

احنا عندنا ,, اكتر قسم شادين عليه قسمنا ,,

وبالإضافة انو في المفاضلة أعلى المعدلات في الـ is << طبعا حسب الرغبة

ما ادري ليش حسيت نفسي باخد جهة الدفاع عن القسم ,, بس يمكن لأني شايفا هجوم كاسح وبشراسة

على العموم اي قسم من الأقسام ان شاء الله حتستفيد منه ,, ومافي قسم انفتح ماله داعي !

فشوف اللي يناسب ميولك , عشان تبدع فيه

آسفة على الاطالة

وبالتوفيق ^^

[أرنوسية]

المشاركة الأصلية كتبت بواسطة meensat والـ cs ما اشوف انو قسم سيء ,, بالعكس هوا القسم الأقوى في الكلية عندنا لأنه أخد كفايته من دراسة المناهج ,, وعارفين الغلط والصح وشافو الدفع اللي متخرجة قبل ,, مو زي اقسامنا الجميلة تجارب !! على العموم اي قسم من الأقسام ان شاء الله حتستفيد منه ,, ومافي قسم انفتح ماله داعي ! فشوف اللي يناسب ميولك , عشان تبدع فيه آسفة على الاطالة وبالتوفيق ^^

عافية عليكي ^^

[sws]

شكرااا

[alishtain]

للأسف اغلبنا نحن الطلبة لا نعطي معلومات وافية للطلاب و تكون ارائنا متحيزة
افضل نصيحة سمعتها هي ان تقوم بزيارة لدكتور مميز من كل قسم من الاقسام
و تسأله عن القسم و وظائفه و اهميته و كيف تحدد ميولك تجاه الاقسام و صدقني
كل الدكاترة بيرحبوا فيك 100 % . و اذا محتاج مساعدة خبرني و انا باساعدك باللي اعرف .

[أميرة بكلمتي ,,,]

يعطيكم العافية كفيتو ووفيتو
الله يختار اللي فيه الخير للجميع

[hamoodi77]

السلام عليكم
كأنكم حطمتوووني ((( ليه كذا الكل مايحب cs )))

يعني صعب ولا ما تحبوا البرمجه ولا ايش القسم محتاج تطوير أنا من الثانوي ناوي ع القسم ذا لأني حبيت الفيجول بيسك على قدنا ههههه بس أنتوا عارفين الواحد يغير رأيه في أيه وقت حسب الضروووف...

بس بإذن الله أنه القسم ذا مستقبلي اذا ربي كاتب الخير فيه...

المهم أنا رسبت في الرياضيات تحضيري ونجحت في الصيفي وما أحب الرياضيات يعني شوي أحبها بس بدون لف وتعمق...

الي يقول فيه في القسم دا رياضيات يشرح كيف هي بالضبط سطحي ولا بتعمق ...

وكمان أنا أعرف ؟؟؟؟؟؟؟؟ في الكليه وسألتو عن أفضل قسم وقال cs ومستقبله كمان طيب..

؟؟؟؟؟ لا يروح بالكم بعيد ههههههه مجرد معيد أعرفه معرفه سطحيه يدرس IT وهو في الأصل CS

مشي حالك ضرووف الكليه تحتم عليه...ذلك..
وأنا ما أنزل من مستوى الأقسام الثانيه بس حسيت أنكم حطمتوا cs وأنا مستجد في الكليه..

وسمعت منه أنه راح يطورا قسم الشبكات..

وفي الأخير وفق الله الجمييييع.. ودعواتكم أن الواحد يحصل القسم المناسب له....-

[نانو بيبي]

ارنوبي