مواد السنة الثالثة.. بدايتنا كأطباء أسنان حقيقيين.. تكمن هنا ~

[~RAN~]

الله يوفقكم ويسهل عليكم يارب

وتتخرجوا باحلى المعدلات ~

[dr-nono]

ربي يسعدك و يوفقك وين ماتروحي غلاتي

من جد شرح مرررره حلوووو عن المواد

و بصراحه قللتي نسبة الخوف اللي عندي من هالسنه

ربي يوفقك في دراستك و يسهل لك امورك يارب

بس غلاتي حابه اسئلك عن هالمواد اللي انتم درستوها

كنتوا تاخذو الشرح على فلاشات و تعملوها محاضرات كمرجع و الا تشتروا الكتب

لان زي ماقلت لك اول دفعه ع منطقة القصيم هي دفعتنا و الكتب هذي مو اكيد متوفره بمكتبة الجامعه

فياليت لو تقدري تساعديني اكون شاكره و ممنونه لك ياعسل

و ماراح انساك من دعائي بظهر الغيب

اختك dr-nono

[Dr~NanoOok]

هلا بيك دكتورة نونو ^_^

بالنسبة للكتب.. تقدري تحمليها نسخة الكترونية من النت إذا مو حابة تشتريها أو ما لقيتيها متوفرة عندكم
لكن أنصح انك تشتريها لأنها ليكِ وللزمن.. وتعتبر مرجع ليك للسنين الجاية

أما المحاضرات
فقليل من الدكاترة اللي بيعطينا المحاضرة حقته في فلاش جاهز
بيقولنا انتوا كاتبوا معايا المحاضرة + اكتبوا النوتز .. وارجعوا للكتاب

,

وجزاك الله خيرًا على دعواتك
والله الواحد ايش يبغى من هذه الدنيا غير الدعوة و الذكر الحسن

ربي يوفقك آمين =)

[wajarif]

بارك الله فيك شرح واف

[Dr~NanoOok]

المشاركة الأصلية كتبت بواسطة wajarif بارك الله فيك شرح واف

اهلين بيكِ عزيزتي ^_^

تتذكري لما رديتي أول هنا.. وكنتِ لسه دوبك داخلة تانية

ودحين صرتي ثالث .. وعقبال رابع الى سادس والتخرج إن شاء الله =)

ربي يوفقنا جميعا ويسهلنا دربنا

[Glamor Mada]

من جد سنة ثالثه حتكووووون سنه مفصليه .. لانه قالولي اذا عديت سنه ثالثه فا اعتبر نفسك خلاص صرت دكتور اخيرا
وسمعنا من الكلام كثييير انها اصعب سنه في التخصص وانه حيكون فيها ضغط كبير .. بس احسن عشان نكون مهيئين لها من قبل ما ندخلها .. وكمان قالولنا انه بدال البايوكيمستري في سنه ثانيه حيكون عندنا 3 مواد زي البايوكيمستري واصعب منها كمان .. اللي هما Pathology + Micro + Pharma اذا البايوكيمستري وقعدت في حلوقنا اجل كيف لو 3 زيها >_<وامس رحت المكتبة اشتريت كتاب الباثولوجي عشان يعني احاول اقرا منو شويا قبل ما نبدا
بس عندي سؤال .. اممممم مين من دكاترة الدينتال اناتومي اللي درسونا في سنه ثانيه حيدرسونا بعدين ؟
اهم شي دكتورة ايمان حتدرسنا ؟؟ لانه بصراحه مررررره ساعدتنا وزودتنا بدرجات العملي .. وحتى كانت تساعدنا في الاختبارات من نفسها وبالدس كمان عشان دكتور هشام لا يعرف
الله يسهل السنه دي علينا ويارب نكون متفوقين فيها :D ويسهلك سنه خامسه إن شاء الله يارب
BIG THANKS

[Dr~NanoOok]

أهم شي بثالث أدخلوها بهمة و نفسية
عشان تخرجوا منها وانتوا مرتاحين ..

وربي يسهلها عليكم آمين

ثالث بالرغم الضغط اللي فيها.. إلا أن اغلب الأشياء الحلوة صارت فيها
وقدرنا نجز أشياء برغم كل شي !
أبدا لا يكون عائق ليكم

وسنة خامس تعتبر زي ثالث بالضبط .. لكن ثالث كثرة النظري
وبخامس كثـــــــــــــــرة العملي.. وهلاك بالشغل بشكل ما تتصور ><
لكن الحمدلله دوما.. ومتفائلة انها جتكون سنة حلوة ومليانه اكشنات ^_^

بس عندي سؤال .. اممممم مين من دكاترة الدينتال اناتومي اللي درسونا في سنه ثانيه حيدرسونا بعدين ؟ اهم شي دكتورة ايمان حتدرسنا ؟؟ لانه بصراحه مررررره ساعدتنا وزودتنا بدرجات العملي .. وحتى كانت تساعدنا في الاختبارات من نفسها وبالدس كمان عشان دكتور هشام لا يعرف

دكاترة الدينتال اناتومي يدرسوا مادة الاورال هيستو

على أيامنا د.هشام و د.سامية اللي درسونا دنتال أناتومي بثانية

وطلعوا معانا بثالث .. بالاضافة لدكتوره سهر بخاري و نادية الحازمي و جميلة فارسي


لكن على سنتكم جوا دكاترة جدد للدنتال اناتومي
واللي اعرفهم د.هشام و جمال ذو الهمة لكن لابقية ما اعرفهم

[Kaira]

أنــا بصراحة متحمسة لدي السنة أكتر من تاني مع انها راح تكون دسمة مررررة ودوامها طوييييل ومواااادهـــا كتيييييرة بس مهما كانت المواد بما أنها تحكي عن تخصصي راح أستحملها من قلبي ..

بسنة تانية مرررررررررة أحس نفسي مو أسنان حتى ماما سارت تشك تقولي انتي متأكدة انك داخلة أسنان مو بشري ؟!! شوفتي الأوديس كويس ؟!!
أهاهاهاهاهاهاهاها ^^
بس كانت حلوة لأنها تعارف بين الدفعة الحلوة إلي راح نستمر مع بعض لحد التخرج إن شاء الله ..
يسعدلي قلوبكم كلكم يـــا dent10
والحمدلله عدت على خير ^_^

من جد متحمسة لمعامل سنة تالت خااااصة داكا المعمل حق الرؤوس مررررررة حمااااسي بصراحة ..
من جد مرررررة فرحانة اني راح أكتشف أشياء كتيييييرة عن عالم الاسنان في سنة وحدة
اللـــــــــه يسهلها يآآآآآآرب وتكون سنة حلوة وجميلة ولطيفة

ومرة تاااانية أشكرك من أعماااااااااااق قلبي يا أحلى د.نـــآنوكـ =)
الله يوفقك في سنة خــامس يارب وينجحك فيها وفي كل أمورك يارب ..

[Dr~NanoOok]

ياهلا كايرا ^ـ^ ليك وحشه ومن زمان عنك

حلوو الحماس دا .. دايما خليكي كده
انا زيك كنت مررره متحمسه لثالث وما همني قد ايش قالوا عنها
والحمدلله عدت سنه حلوه علينا

وفعلا حتحبي الاسنان منه
بدال مواد البشري كلها بثاني

ومعمل الرؤوس اسمه معمل الفانتوم
وانتوا اول مده حتدخلوه
،احنا خلاص ما حندخله بعد رابع "^^

واهم شي الصحبات و المحبه بينكم.. وخلال دي السنه حتزيد اكتر واكتر باذن الله

نورينا دايما ياعسل =)

[مجدو القحطاني]

يعطيك العافيه دكتوره ( نانونك) ان شاء الله نبدع السنه الجايه ونرفع الراس ^_^