بدايه التسجيل لتعليم عن بعد ستكون

[أحلام مستحيله]

السلام عليكم ورحمة الله وبركاته
ياليت احد عنده خلفيه عن الموضوع يجاوبني
انا متخرجه من كلية الاداب قسم تاريخ
وحابه اسجل في برنامج التعليم عن بعد ودراسة تخصص ثاني فهل هذا مقبول عندنا

[حلم ماضي]

كل تاخيره فيها خيره يارب العالمين
الله ييسر للجميع القبول يارب العالمين

[نور الرياض]

تكفون علموني الى متى ؟؟؟!!!

كل انواع التسجيل بالجامعه بدأ وبيخلص بعد ... الا التسجيل في النظام عن بعد
لا يكون خلص واحنا غافلين ترا ممكن يجيني سكته

شكلي بس بسجل انتساب و الحق على الجامعه

[انا بس]

المشاركة الأصلية كتبت بواسطة نور الرياض تكفون علموني الى متى ؟؟؟!!! كل انواع التسجيل بالجامعه بدأ وبيخلص بعد ... الا التسجيل في النظام عن بعد لا يكون خلص واحنا غافلين ترا ممكن يجيني سكته شكلي بس بسجل انتساب و الحق على الجامعه

انا كمااااااااااااااااااااااان زيك خلالالالالالالالالالالالالالالالالاص مليت والله

[مزركش]

ومازلنا ننتظر
والله ماادري يانور الرياض
لكن شكل يبون يخلصون من الانتساب ثم يفتحون عن بعد

[نور الرياض]

اليوم ادق على الجامعة مايردون

بليز اللي عنده الخبر الاكيد عن موعد التسجيل يريحنا ويقول هنا

[Rawan.s]

انا عامله تسجيل بيانات في بوابة التسجيل والقبول ومكتوب ان بدايه التسجيل 20 \7

[مزركش]

المشاركة الأصلية كتبت بواسطة rawan.s انا عامله تسجيل بيانات في بوابة التسجيل والقبول ومكتوب ان بدايه التسجيل 20 \7

وش الفايده من تسجيل البيانات ؟؟؟ضروريه

[عبدالعزيز 2009]

شباب تكفون

انا من سنتين كنت بدخل انتساب بس المرة الاولى اجلتها لان وقتها كان زواجي ولا رتبت نفسي لان جهة عملي جهة غبية تمنع الاجاززات العلمية

يعني تبي تاخذ اجازة للاختبارات خذ من رصيدك وتوقع تعهد بذلك قبل ماتاخذ الموافقة لكن الوضع الحين إن شاء الله بيتغير

وحتى لو ماتغير الشكوى لله بناخذ من الرصيد

والعام فاتني التسجيل في الانتساب

السنة هذي مابي افوتها علي كنت بدخل انتساب وسجلت بياناتي وطبعت النماذج وكل حاجة واليوم الصباح

جيت بروح dhl برسل الاوراق بس زملائي نصحوني بالتعليم عن بعد ودخلت استسفرت واقتنعت فيه

لان اهم نقطة فية مايكتب في الشهادة منتسب وغير هذا التواصل مع المدرسين والمميزات الثانية

الزبدة تكفوووووووووووون ابي شي اكيد التسجيل في التعليم عن بعد متى ؟ :(

وبعدين لو سجلت انتساب ودرسة السنة التحضيرية وعديتها اقدر احول تعليم عن بعد ؟

[نواره2008]

اللي انتساب ونجح في المواد ممكن يحول تعليم عن بعد لانه معايه وحده كانت انتساب الترم اللي فات ونجحت في المواد وحولت تعليم عن بعد هدا الترم وماشي حالها.
اتمنى لكم التوفيق والنجاح.ترى انا طالبه في التعليم عن بعد واي استفسار انا في الخدمه.