][ الإعتـراض على نظـآم مُحاضـرات السنتـرآ | لنجد الحل هُنـآ | ][

[Rosery]

والله الواحد صار مايعرف كيف يتصرف بأي طريقة عشان ياخذ حقه

لا بطريقه حضارية ولا بغير حضارية الاثنين ماعادت تفرق

بس الأقرب لقلوبهم انو نتصرف بهمجيه عشان الواحد يحسب حساب لنا

[لصممتي حكممه]

لازم نحاول نسوي موقف بأقرب وقت ممكن صوتنا ينسمع ويكون في وقت يتراجعون عن قرارهم حتى لو بعد العيد

ما طلبنا الا انو النظام القديم يرجع , اتوقع هذا ابسط حق من حقوقنا ..~

[ريموووو2010]

وانا كمان حطيت تعليق بس مانزلووووووووه

وبعدين لو بتلاحضو كاتبين راح تسمعون المحاضرات على طول مو تلاته اسابيع تقولون مسوين لانا سبرايس

كتبت لهم راضيه بتلات اسابيع المهم اسمع واناقش احد لكن ماحب اسامع محاضره بدون نقاشات وانا مشكلتي الاسئلتي مره كثيره احب بكل فقره اسال وكمان اذا على تسجيل مو مشكله محد اشتكئ لكم كلنا عندنا برامج ونسجل شكرن لاتسجلو لنا قديم وتقلون اسمعوه وخصوصا الكتب بتتغير

[Amo0olah]

حسبي الله فيهم ولا ع فلوسنا اللي ندفعها ولا ع وقتنا اللي يضيع في المذاكره ولا ع الشهاده اللي مالها مستقبل

حسبي الله في كل من اقترح النظام دا ويبغغى يقلل من طالبات وطلاب الانتساب ربي ينتقملنا منهم

خلاص الواحد يصبر ع اش ولا اش ردجات ودكاترة في منهم اللي مايعطينا حقنا بالدرجات

ودحين اش حيعملولنا مافي محاضرات ودرجات بتكون اخس من اول ومعدل منخفض

حسبي الله ونعم الوكيل فيهم

[لعيون مغليهآ]

الله يوفقك ي نوووووور وصلي صوتنا والله اني ابكيي من القهر خصوصا اللي متغربلات ب آخر الدنيا حتى استادات خصوصيات م يوجد بالمنطقه مواد زي الاحصاء والماث والعلوم الطبيعية برأيك كيف تدآكر دي المهم الله يسعدددك
انا محححححححبطه الى ابعد درجة وحسبنا الله ونعم الوكييييييل

[فجرالمدى]

صباح الخير
حبيت ارد على اختي اللي تقول محاضرات مسجله جديده والا قديمه وبتبني اعتراضها او قبولها للقرار على هالشئ انا اقولك لو رضيتي يالقرار ايا كان وضع المحاضرات فابشري راح يجي يوم تدخلي المنتدى وتقولي انا مادتي مالها محاضرات ايش اسوي رحت لهم وقالوا لي اخذي الملزمه الفلانيه من المكتبه وذاكريها وبس وقولي اختي فجر ماقالت احنا سجلنا بالجامعه على اساس ان فيه نظام اون لاين استاذتي تشرح واختبر بناء على شرحها واخذ درجتي وارضى فيها بس الان بتذاكري من شرح استاذه لاتقدري تقولي لو سمحتي مافهمت ولا راح تعرفي كيف اختبارك راح يكون وادخلي قاعة الاختبار وتفاجئي بنص الاسئله مبهمه ماتدرين من وين جايه تروحي للاستاذه اللي كاتبتها تقولك ما ادري عنكم ومالي اي علاقه الكتاب قدامي وانا حطيت الاسئله مو مثل قبل لو جا سؤال واحد خارج المنهج رحنا للاستاذه وقالت سوري اعتبروه ملغي فهمتي الان ليش انا وغيري معترضين نفكر في تطورات هالقرار مو في القرار نفسه وبس ودعواتي الخالصه لكل من كتب كلمتين او اكثر يكافح فيها هذا الفساد والتمرد على حقوقنا الشخصيه والماديه وفالنا التوفيق يارب ..

[بشائر منير]

الصراحه كلام sweez و أميرة نفسي صحيح

مدام المحاضرات الدكاترة من قسم الرجال مضغوطين يسير يدونا دكتورات ونخلص مافي فرق بيننا بين الاولاد

وبدال ما نجلس ساعه نناقش شي ما نعرفه نستفيد بمحاضره

حسبي الله ونعم الوكيل

[سيــMــو]

الله يسعد يانور على الموضوع بجد يبرد القلب شويا
على الاقل نحس انو في ناس حاسه فينا وبتساعدنا وتوصل صوتنا
وانا معاااكم ب اذن الله وصوتي مع صوتكم ..

وبالنسبه للتجمع اللي حيكون يوم الاتنين في الجامعه
قدام مبنى العماده بحظور الاعلام وصحيفه تواصل
اتمنى انو نكون كلنا يد وحده ونحظر كلنا
ويكون التجمع على اكبر قدر ممكن
لانو بوجود الصحافه راح يوصل صوتنا ب اذن الله ..

جزاكي الله خير حبيبتي :)

[solaaa]

جزاكِ الله الف خير نور العمر ياقلبي عليكي شايله همنا الله يزيح عنك كل الهموم

ويجعل حياتك كلها سعاده ومايتكدر خاطرك في يوم :$

انا من رأيي انو نتجمع أفضل من مانقدم معروضه ونحط ارقامنا احنا مابنتصرف

بهماجه بنروحلهم وبنشوف ايش الوضع وبنفهم منهم وبنقلهم ايش نبا كدا افضل

يابنات أنا حكون موجوده معاكم يوم الإتنين عند مبنى الجوهره الساعة 9 زيما قالت اختنا ندى

احنا بنكلمهم وبنتفاهم معاهم بكل أدب واحترام مانبا منهم غير يرجعوا النظام زي أول .

شكراً ليكي نور العمر ..

[سلمى العبّادي]

انا ماني مع معرووض ..احتمال ماحنستفيد..

انا وصلني بي سي يوم الاثنين البنات بيروحو كلهم يسوو اعتراض قدام العماده ..

وبصراحه انا معاهم ..ماينفع معروض وورقه هدا اذا وصل اصلا..

الاعتراض الجماعي ..مباشر احسن

قلة المحاضرات ..والاجبار ب6 مواد ظلللللم


يووووووووووم الاثنين ننهال عليهم ونشوف