باص نقل للطالبات

[نغم الحياه]

طيب أنا عندي كم سؤال لو تكرمتوا
1- باص المطرف لحي العزيزيه بكم ؟
2- أنا إذا خلص دوامي وبرجع البيت حألاقي كومة باصات عند البوابه
كيف أعرف أنا مع أي باص بأروح
ولو كان عادي أركب أي باص كيف أعرف أنو بيوديني على بيتي دغري
مو حيمر على أكتر من حي يوصل بنات
...
قصدي أنو باصات معينه على أحياء معينه
فاهمين عليّــا ؟؟
ترا ماأعرف أوصل المعلومه

[نبـْض أخيـرْ]

المشاركة الأصلية كتبت بواسطة نغم الحياه طيب أنا عندي كم سؤال لو تكرمتوا 1- باص المطرف لحي العزيزيه بكم ؟ 2- أنا إذا خلص دوامي وبرجع البيت حألاقي كومة باصات عند البوابه كيف أعرف أنا مع أي باص بأروح ولو كان عادي أركب أي باص كيف أعرف أنو بيوديني على بيتي دغري مو حيمر على أكتر من حي يوصل بنات ... قصدي أنو باصات معينه على أحياء معينه فاهمين عليّــا ؟؟ ترا ماأعرف أوصل المعلومه

المطرف سعره 400 ريال
وبالنسبه كيف تعرفين باصك... ع الباصات حاطين ارقام..باص رقم 1 باص رقم 2 الخ
انتي احفظي رقم باصك واساليه وين يوقف..وراح تلاقيه بنفس المكان
موفقه

[Shaden 1]

حبيبتي نغم الحياة اهم شي انه يكون معاكي رقم سواقك وانت تتصلي عليه وتتفقي معه على المواعيد واطمني لكل حي باص او باصين على حسب كبر الحي وعدد البنات وانا عن نفسي موبايلي كله اسماء سواقين شي نواز وشي انور ويعني الحاله ماشيه وانا لهادي اللحظه بالمطرف

[dedo0o]

المشاركة الأصلية كتبت بواسطة .,.نيــــــــــــــــــــران.,. أنا مشتركة مع باص شركة المطرف الدولية نظيف وعلى الوقت وكأنك راكب طيارة :) ان شالله أجيب لك رقمهم برب

نيـــــــــــــــــــــــــــران

انا سمعت انو المطرف ما يوصل للسلامة

يوصل للجامعة وبس

واتحطمت صراحة

لانو لقيت عندو خدمة فان وابغى اشترك فيها

وطلع ما يوصل =(

[dedo0o]

المشاركة الأصلية كتبت بواسطة قمركم اليوم اتصلت على المطرف قالو ما يودو الا على الجامعه حي الجامعه او على كلية عفت والله مشكله ... كيف نسوي ؟؟؟؟؟؟؟

=( ليش كدا حظي

طيب انتو متأكدين ؟؟

[dedo0o]

خيتووو نيـــــــــــــــران

ما جاوبتيني !! =(

[JnOOn]

طيب بنات الله يسعدكم اللي تعرف تقولي ..

باص المطرف يجي لحي المحاميد ؟!

والحرازات ؟!

وبكم ؟!

<< ناقلين ومانعرف احد وحوسه :(

الله يسعدها ويضبط جدولها اللي تشوف لي :(

[.,.نيــــــــــــــــــــران.,.]

ديدو اذا اتصلتي وقالوا ماينفع معناه ماينفع :(

شوفي باص الخالد يمكن يوصل للفرع

جنون دقي عليهم واستفسري منهم

الله ييسر لكم

[waad]

الحمدلله حصلت باص يوديني لفرع البنات اللي تبي تخبرني

[قمركم]

المشاركة الأصلية كتبت بواسطة dedo0o =( ليش كدا حظي طيب انتو متأكدين ؟؟

يس انا قالو لي كذا ...

واتصلت على الخالد اخذت رقمهم من الاستعلامات
026870921

waad مع مين اتفقتي ؟؟؟ انا يمكن اتفق مع الخالد ناسبني سعرهم بس 400
ويارب تكون مناسبة كمان خدمتهم لانو ما عندي فكره عنهم ابدا .........