بنات المستوى الخامس English الموضوع خاص فينا تفضلوا

[Hope's Friend]

المشاركة الأصلية كتبت بواسطة s-moooly-s يابنات مين درست الترجمة ؟؟ مرتين أنا مررررررة ماني مستعدة ادرسها مرة ثالثة انا مشرفتي حصة الراشد ولها اسبوع ماجت واحس اني ضايعة لاني كل مااروح عند احد يقولي ارجعي لمشرفتك .. طيب مشرفتي وينها .. بنااااات يعني مافي حذف واضافة .. ماني فاهمة .. انا كان عندي امل في الحذف والاضافة انه احذف الترجمة واضيف بدالها اي مادة ثانية .. وعلى قولت اختي ( دايخة في كلية بايخة ) انه كله خرااااااااااااااااااااط

غاليتي انا نفس حالتك ورحت الاثنين لرئيسة القسم _ولأول مره القاها هاديه وتكلمت معاها بدون خوف من ردة فعلها
وقلت لها اني درست الترجمه مرتين .. قالت معاك جدولك قلت لا قالت خلاص اطبعي جدولك وروحي للاستاذه حقت الترجمه وقوليلها تحذفك من الماده وانا بحاول اضيف لك بدالها ثقافه

وقالت ان الجامعه مااعطوها صلاحيه انها تدخل للنظام وللاسف مابيدها شي انتظروا لما الجامعه تنظر في وضعكم وترد علينا

وانصحك تسوي مثلي خذي جدولك وروحي لرئيسة القسم وقوليلها على وضعك واكيد حتقولك مثل اللي قالته لي ..
وشكلنا بنقعد على هالكم ماده.. الله يسهل لنا ويحنن الجامعه علينا ويرحمونا آآآه بس

استغفر الله العظيم واتوب اليه


آسفه عالاطاله,,,,,,,,,,,,,

[sosooo2]

يابنات في وحده اليوم تقول انو نزلزلها امس الخمس مواد كلها

يعني في امل احنا كمان

والله ما شاء الله هذي البنت متيسره اموره ((قولوا ما شاء الله ))
وان شاء الله تتيسر امورنا كمان

بس انا ما ادري خلاص نحضر ترجمة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟والا الا

يني نستسلم وندرسها لا لا لا لا لالا لا لا لا لا لا لا لا

[الله يعيننا]

والله ماعندهم سالفه وانا خلاص قفلت منهم
أما بالنسبة للترجمة انا رحت لرئيسة القسم قلتلها اني نجحت فيها قالت لازم تروحي عند الاستاذه اللي تدرس الترجمة وتحذفي اسمك من عندها والاستاذه مارضيت تقول لازم تحضري الين ماتنحذف من النت طيب انا اش يدريني متى بتنحذف يمكن تنحذف اخر الترم الله يأخذهم أخذا عزيزا مقتدر

[الوافي دوت كوم]

يابنات رئيسة القسم قالت اذا درستي المستويين تبع الترجمة حيحذف لكي ولاتدرسيه بس أنا أبي أعرف متى حيعدلو الجدول اللي بالنت اذا مره ملخبطين خلاص يريحونا ويخلونا ندرس صيفي ويكنسلو عالترم ذا

[lee min ho]

انا كمان درست الترجمة مرتين والمشرفة قالتلي انو رح تنحذف لي وقالت لي انو لازم احضر المحاضرات لين مايتعدل الجدول عشان في حالة ما تعدلت الجداول لا سمح الله رح ينكتب لي غياب وبعدين حرمان وبالفعل لقيت انو استاذة الترجمة مكتبتني غياب كل الاسابيع اللي فاتت بس الحمدلله انها تفهمت الوضع وشالت عني الغياب .

[الوافي دوت كوم]

عن نفسي أنا الحمدلله اني حذفته بالنت يوم الحذف والاضافة مو مستنياهم بس على فكره الرئيسة قالت حتحذفلكم اياه

[Hope's Friend]

ان شاء الله يارب تنحذف

ثنتين من صحباتي غيروا جداولهم يوم السبت حذفولهم الترجمه وحده حطولها ثقافه ووحده تحرير كتابي ..

وبقينا احنا ماتعدلت جداولنا يقولوا حتتعدل قريب

ومانقول الا يارب سهلها ويسر امورنا ...

[حكاية !]

~





اللهم لا سهل إلا ماجعلته سهلا وأنت تجعل الحَزَنَ إذا شئت سهلا ..







~

[feeling angle]

يابنات احنا لازم ندرس 130 ساعة مو 80 ساعة هذي هي الخطة ....يعني باقي لنا المستوى السادس والسابع والخامس بس هم مو حاطينها في الخطة عندنا لا نا لسة ما خلصنا المستوى الخامس....
فيها مواد بلاوي الله يعين
بس اللي زي ياقي لهم 17 مادة على التخرج
انا في جدولي ذحين بس 3 مواد بحث وفرنسي وادارة
الله يعين ويوفق

[feeling angle]

http://www.kau.edu.sa/AccessPage.asp...g=AR&SYS_ID=14

يا بنات هذا رابط الخطة الدراسية حقتنا