تجمع استفسارات ؟ ♥ ♥ #تحضيري_15 ♥ ♥

[أُنـثــﮯ مـــلآئـكيـة]

طلاب وطالبات التحضيري الحلوين
دايما اذا استصعب عليكم شي خلو اليوتيوب مرجعكم بتلاقو دروس كثير
لا تعتمدوا ع الملخصات في مادة الاحصاء والرياضيات مارح تستفيدوا كثير
الموقع التفاعلي لا تضيعوا وقتكم عليه حتى لو نصحوكم الاساتذة
ماث: كتاب + وورك شوب حمزة ابو جبل + اكسرسايز وامثلة الكتاب + شوية يوتيوب للي يحتاج تقوية في اساسيات الماث ويُفضل باللغة الانجليزية
فيزياء: ملخصات هناء فرحان + نماذج محلولة لهناء فرحان للدوري الاول والثاني والفاينل + فيديوهات يوسف زويل
..
احصاء: الكتاب + امثلة الكتاب مع التركيز على التعاريف خاصة بالشابتر الاول + حل السكشن في اخر كل شابتر ضروري جدا + ملاحظاتكم الي تكتبوها مع الدكاترة + وورك شيت فيها اسئلة احصاء محلولة لكل شابتر وتنزل بموقع منسقة الاحصاء قبل الاختبارات بيوماو يومين مفيدة للاولاد والبنات
+ شيء ما فهمتوه لا تترددوا روحوا لاساتذتكم يشرحوه عند البنات افضل وحدة ( سماح سندي) الاولاد ما اعرف مين افضل واحد
+ اليوتيوب لو احتجتوه
احياء : حفظ وفهم بعض الاحيان فممكن تحتاجوا اليوتيوب , ذاكروا قبل الاختبار باسبوع على الاقل المادة ماتحتاج احد كويس يشرحها
اقرأوا قراءة مبدئية والافضل لو تكون السلايدات مترجمة عشان مايضيع يومكم في الترجمة, ركزوا ع صور الشابتر الاول تحت كل صورة اتذكر كان فيه خاصية معينة زي التطور والنوم ..الخ
يعني احفظوها تتعلق بأيش
لا تضيعوا وقتكم في الجداول ( اذا كانت معلومات الجدول مش مذكورة ب السلايد معناها هو مجرد اضافة )
قبل الاختبار روحوا لاساتذتكم يحددوا معاكم الصور المطلوبة , اسماء العلماء و التواريخ ماهي مهمة
الكيمياء: نسخة من كيمياء الثانوية متجمعة مع بعض. سلايدات ليلى الحربي + تست بانك ليلى الحربي لكل شابتر حلوها + ممكن الاستعانة باليوتيوب لو استاذك مايشرح كويس
...
ملخصات مارح تحتاجوا غير بالفيزياء انا اشتريت ليوسف زويل الدوري الاول بس رميته لاني اكفتيت بمصادري وعموما هو ممتاز
اجتهدوا ولا تخجلوا من السؤال من اساتذتكم لان سبب وجودهم انهم يعطوكم المعلومة فمو مشكلة انكم ما فهمتوا اول مره
خذوا وقتكم وروحوا في الساعات المكتبية و اكتبوا اسئلتكم في ورقة خارجية واسئلوا
ربي يوفقكم

[فاتحة]

ممكن اسأل عن lms في الانقلش انا في المستوى الثالث وقالت لنا الاستاذة إنه زي البونس بس متحفظة تقول كم عليه!
ايش هوا بالضبط ؟

[soleil]

المشاركة الأصلية كتبت بواسطة فاتحة ممكن اسأل عن lms في الانقلش انا في المستوى الثالث وقالت لنا الاستاذة إنه زي البونس بس متحفظة تقول كم عليه! ايش هوا بالضبط ؟

هذآ موقعع فيه اسئلة ع كل شآبتر اونلاين ,, عادي ترا مو لازم يكون حلك صح 100%
اهم شيئ تدخلي لانو كلو مفييد وعليه درجات بس م كانو يقولو لنا كم متحفظين
كممان الاستاذة حتشوف وقت دخولك ودرجتكك كمم

[شهد علي]

يعطيكم العافيه
طالب سنه تحضيريه علمي /~
يريد السؤال عن الانقلش ليفل 1
يدخل بالمعدل ام لا؟
وشكرا.

[أُنـثــﮯ مـــلآئـكيـة]

لا ما يدخل ف المعدل

[soleil]

المشاركة الأصلية كتبت بواسطة شهد علي يعطيكم العافيه طالب سنه تحضيريه علمي /~ يريد السؤال عن الانقلش ليفل 1 يدخل بالمعدل ام لا؟ وشكرا.

م يدخل ب المععدل بس فيه نججاح او رسوب
لازم تجيب فوق 60 عشان تعديه

[شهد علي]

يعطيكم العافيه
وتساهيل يارب/~

[رفّات حُلم]

المشاركة الأصلية كتبت بواسطة ibtehalmm السلام عليكم ورحمة الله ، انا حولت دي السنة للجامعة و تخصصي في جامعتي القديمة business administration بس لسا في مواد ما اخدتها من التحضيري حاخدها اول ما ارجع للدراسة لأنو اجلت الترم بسبب قبولي المتأخر .. سؤالي انا حطوني في فرع الشرفية اللي انا شايفته بالخطة انو الدراسة كلها بالانجليزي و المواد مكتوبة بالانجليزي هل الدراسة بالشرفية بالانجليزي برضو ؟ المواد في خطتي على موقع جامعة الملك عبداالعزيز : Computer skills english language i mathematics general physics i الترم الثاني : General biology i general chemistry i communication skills english language ii general statistics هل هيا نفسها اللي موجودة بالشرفيه ؟ يديكم الف عافيه يارب ;*

كل مواد العلمي بالانجليزي الا الحاسب والاتصال
وبمناسبة الانجليزي عندنا 4 مستويات، يختبروك ويحطوكِ في الليفل المناسب
بس افضل لك اختبري آيلتس ( 4.5 وأعلى ) ويتغلي كل الانجلش
وبالنسبة للشرح عربي، بس المطلوب مصطلحات معينة تفهميها بالانجليزي
موفقة.

[فاتحة]

المشاركة الأصلية كتبت بواسطة خديجة المالكي هذآ موقعع فيه اسئلة ع كل شآبتر اونلاين ,, عادي ترا مو لازم يكون حلك صح 100% اهم شيئ تدخلي لانو كلو مفييد وعليه درجات بس م كانو يقولو لنا كم متحفظين كممان الاستاذة حتشوف وقت دخولك ودرجتكك كمم

انا مرة استاذتي تجيب لي الضياع
انا أفهم معاها كويس مرة بس مرةة ماتساعد ، وزي ما قلت هي متحفظة تقول أي شيء عن يخص التقييمات
حتى ما توقعت مواضيع السبيكنق اللي هيا سيشن ون وتو ألقاها في موقع معهد الجامعة وجاتني في الاختبار نفسها بالضبط
تورطت بصراحة لانه ماعندي أفكار كثيرة عشان اتكلم
ومنها نقصت درجة وربع 😭😭😭😭
وما تبغى أي ورقة مهمة على الايباد او الجوال وممنوع
المشكلة كلامها يجي متأخر يعني الساعة ثمنية الصبح واحنا في الكلاس من فين نطبع يختي !!!
هي تجي 8ونص على فكرة ومتأخرة كالعادة 😨
اما الرايتنق قالت افتحو الكتاب لو تحتاجون مساعدة والجوال لا ، طيب ابغى اتأكد من السبيلنق بس مش راضية
وبرضو البروقرام ،، ريدنيق وسبيكنق ورايتنق مدري متى نبدأ فيهم!!!
هي تقيم بدون ماندري ولا ايش بالضبط ؟
ياليت تساعدوني ،
نص درجة وانزل تحت 95 😭😭😭
انجليزيتي كويسة

[نسيم الامل]

الاخت فيونكة

انا لقيت فيديوهات زويل الدوري الاول هل اعتمد على مذاكرتي منها بالاجازة+ معاي ملخص اشرف بركات
وهل لازم اشتري ملخص زويل حق الفيزياء بما اني متابع فيديوهاته؟+ هل فيه اشياء ازيدها على هذي المصادر ولا كذا كفاية
بما انك جايبة الفل مارك ماشاء الله<<<

الشيء الثاني مادة الرياضيات انا عند ابوجبل وكاتب المحاضرات هل لازم اشتري الكتاب اللي هو كالكولاس باي ستيورات ولا مايحتاج
وكمان عندي ملخصات السعدي كذا كفاية ولا فيه اشياء ثانية
؟؟

والله يعطيك العافية مقدما