ماحصل في الدورة التأهيلية الخطه ( أ ) لعام 1430 هـ ." لـلــطـــالـــبــــات ".

[فرحة]

المشاركة الأصلية كتبت بواسطة أميرالمحبين يا ليت إلي يقدروا يحضروا يرتبوا موضوع ويسردون فيه كل شيء أنا بجده بس طبيعة عملي مسائيه هذا الشهر والمشكله سجلت بالدوره ولا أقدر أحضر هل في هذا الشيء مشكله علي بحيث إني سجلت ولا راح أقدر أحضر ...؟ .

اخوي الله يوفقك يارب
بس الموضوع هنا لطابات الخطة أ فقط واذا تقدر تطلع على موضع الاخ علي بن صالح وهو مثبت
انا رديت على الاخ رومنسي وافي وقلت انو الموضوع هنا للطالبات فقط
شكرا ً لمرورك

[فارسة الحب]

المشاركة الأصلية كتبت بواسطة فرحة اولا اشكرك لانك اول وحده ترد علينا انا والبنات وطبعا لك الثواب والاجر الكبير من الله تعالى والله يجعلو في ميزان حسناتك ثانياً ذكرتي اول شيئ انك حضرتي محاضرة رياضيات ابغا اسئلك هل ركزت الاستاذه على شيئ معين وماهو الدرس الي اخذتو اليوم انا ابغاكي تنقليلنا كل شي بالتفصيل لانو الغرض من موضوعي هو انو البنات ينقلولنا كل شي بالتفصيل عشان يصير كأننا حضرنا ياريت اما عن التمارين الي اعطتكم هيا ياريت تكتبيلنا هي ا تنزليها هنا وكمان اعطتم اسئلة اختبار ياريت برضو تنزليلنا هيا هنا بخصوص محاضرة الانجليزي لا تخافي من اللغة الانجليزيه كل صحباتي الي اختبرو فيها وهما انتساب زينا قالولي انها مره سهله واختباراتها اسهل عموما اي شيئ جديد في ماده الانجليزي ياريت تكتبيلنا هو هنا وياريت اذا اعطتكم اسئلة اختبارت او ركزت معاكم على شي مهم او حذفتلكم اي شي تقوليلنا على طول اول بأول بخصوص محاضرة الثقافة الاسلاميه للدكتور مازن ياريت تكتبيلنا رقم تحويلتو وايميلو عشان نستفيد احنا كمان لربما احدى الطالبات عندها اي استفسار او سؤال اخيراً انا مره فرحت منك لانك رديت عليا وابغا اقول لكل بنات جده يا جداويات يا اهل جده بلد الرخا والشده فينكم ترا عشمنا فيكم كبير انا وباقي البنات الي ما يقدور يحضرو لازم تزودونا بأي شي مفيد ومهم بالذات الاشياء المحذوفه من الكتب وياريت اداره المنتدي تثبت الموضوع عشان نستفيد منو

اهلا حبيبتي اسفه جدا يا بنات اني ما رجعت ارد عليكم

محاضرت الرياضيات ما اعطت الي تمارين شرحت المجموعه والمجموعه الجزئيه ومجموعة الاعداد الصحيحه والاتحاد والتقاطع اما على الاشياء المهمه ما قالت عنها غير انها راح تحدد وتعطينا نماذج عن اسئلة الاختبار وما حددة على اشياء مهمه لانه قالت انا راح اعطيكم هيا بعدين ونحل التمارين ويريت انتو تحاولو تحلوها لحالكم واذا اصتصعبتو شي انا موجوده

اما عن محاضرة انجليزي انا قلت من قبل اني جيت على نصها والاستاذه كانت بس تقرا من الكتاب وتحل التمارين وهدا الي سار اذا قالت على شي مهم يكون انا ما كنت موجوده <<< قلت انا اسفه هدي الماده الي ما قدر اساعد فيها

اما عن الثقافه من عيوني اساعدكم بس يكون في العلم انه كل شعبه تختلف عن التانيه وكل استاذ يختلف عن غيره عشان الحذف والمهم ما قال شي معين

وهدى رقم التحويله حقه :: 65161

وهدى الايميل حقه ::
mbukary@kau.edu.sa

ان شاء الله اكون رديد على جميع تسئلاتكم

[*زهرة السوسن*]

المشاركة الأصلية كتبت بواسطة فرحة هل تم حذف اي شي في الرياضيات وايضا بخصوص العربي هل تم حذف اي شيئ من المقرر وهل تم التركيز على اي شيئ اثناء المحاضره بخصوص الثقافة لاسلامية اطلعت على موضوع للاخت ستروبري " فراولة " وهذا الي ابغاة بالضبط منكم يابنات شوفو موضوعها وارجعو هنا اكتبو زيها ما خلت شي كل شي بالتفصيل الممل الله يرضا عنها انا ابغا الي حضور زيك يا اخت زهرة السوسن يقولولنا الي انحذف مثلا والي ركزت عليه الدكتوره واي معلومه ولو صغيره لانها راح تفيدنا شكرا لك الف شكر على مرورك

بالنسبة للحذف ماحذفوا ولا شيء ...

[ana-to0ota]

يعطيكم الف عافيه ويجعله في ميزان حسناتكم

[dno]

يعطيك العافيه وياليت اي معلومه مهمه تفيدونا فيها

[فارسة الحب]

كيفكم يا حبوبااااااااااااااااات

اليوم تاني يوم في الدوره وهو الاحد وما كان عندي غير محاضرتين بس من جد اليوم مسكني صدااع الله لا يوريكم

المحاضره الاولى مهارات الحاسب :
اول شي بدائت المحاضره بتعرف عن نفسها اسمها جواهر واوقات الموجوده فيها في المكتب حقها وساعات توجدهاالسبت والاثنين والاربعاء من الساعه 9 الى 10 ويوم الاحد من الساعه 10 الى 11

وهدى ايميلها ::
jawahr-elmalki@hotmail.com

واي وحده تراسلها او تسئلها تكتب اسمها كامل والرقم الجامعي مع الاستفسار الي عندك

وتقول انه الكتاب كله معانا لانه مو هي الي راح تحط اسئلت الاختبار رئيس القسم هو الي راح يط الاسئله والمستلحاط الي في الكتاب الي با الانجليزي مو معانا والتواريخ والارقام قالت تسئل عنها وتقلنا عنها والاسله ممكن اختياري وصح وغلط
وشرحت وما يعتبر شرح اكتر مو هو قراايه وقالت تجبلانه اسئله عشان تورينا طريقت الاسئله وقالت الي عنده شهادة icdl يروح انت العماد ويحذفو الماده ولا يحضر اختبارها <<<<مين الشاطره الي عندها هدى المفتاح لحذف الماده عن جدولها
وشرحت عن الوندز وسطح المكتب وكيف تفتحي الجهاز وتسكريه وكيف تحمي الجهاز من الفيروسات
وبعد تعب شديد تم الخروج من المحاضره ئاقل الاضرار وهو الصداااااااااااااع

المحاضره التانيه وهي اللغه العربيه :

وكانت الدكتوره تشرح وتقول انه الكتاب كله معانه من الجلده للجلده وانه الاسئله حتكون صح وغلط بس
قرئت المقدمه عن الغه العربيه وانوع اللغه وتعريفها وكل شي عنها والقراءة وانواعها وتعريفها واقسامها بناااااااااااااااااااااااات ترى من الصفحه 21 الى 30 تراها امثله على القراءه يعني مو معانه اذ طفشانين اقروها بس وبعدين شرحت انواع الكلمه وبعدين المعرب والمبني والاعراب الظاهر والمقدر والمحلي المبني والمعرب من الاسماء اسماء الاشاره والاسماء الموصوله وتدريبات صفحه 65 الى 67 مهمه....

وهدا كل شي في مهارات الحاسب و اللغه العربيه وبعدين على طول شرده من عندها الي البيت

ان شاء الله اني اقدرت اوصل كل شي
واي شي تبغوه انا في الخدمه ان شاء الله اقدر عليه


<<< اووووووه ما قلتلكم اشتريت الكتب باركولي من جد في الجامعه انها مره ارخص اتخيلو انه كل الكتب بـ 280 بس انا يوم ما قلتلي قلتلها نعم رجعت وقلت السعر قلتلها بس قالت ايوه ترى انجليزي كتاب واحد بس

وهدى نهاية تاني يوم من الدوره

[حيآتي كلها لله]

بسم الله الرحمن الرحيم

اليوم عدى ثاني يوم من الدوره والحمدالله كل شي يبشر بالخير ان شاءالله يعني من خلال حضوري لكل المحاضرات
واسهل المواد هي الحاسب والثقافه الاسلاميه ومهارات لغويه والرياضيات توقعته صعب بس حمدالله طلع سهل بس يبغالو مذاكره اول بأول ..بس الانجليزي الي انا حايسه فيه وطلعت زي مادخلت يعني مو فاهمه شي بس الله يسهلها ..
وبالنسبه للمحذوف... استاذة الرياضيات والحاسب والثقافه كلهم قالو انو الكتاب معاكم من الجلده للجلده..
بس انا متفائله خير ان شاءالله
ومايحتاج يابنات ي احليون اذكركم المذااااااااكره لازم تكون اول بأول يعني اول ماترجعي للبيت ماتتساهلي وتقولي خليها بعدين لا ارجعي وكليلك شي يصحصك بعدين امسكي كل شي اخذتيه بنفس اليوم وذاكريه حتى ولو قريتيه قرايه عاديه
الموهيم تكون ثبتت المعلومه براسك واي شي مافهمتيه تقدري باليوم الثاني تسألي عنو زميلاتك او استاذاتك ومايتتراكم عليكي الامور.. والله يوفكم ان شاءلله
وان شاءالله اي شي اعرفو او يستجد ماراح ابخل عليكم فيه وراح احطو بنفس هاذا الموضوع
(:

مراسلتكم من قلب الحدث ( حيآتي كلها لله )

[مورقلاسيه]

ننتظر الجديد
مشكورين علي جهودكم

[دلوووووعه.]

ربي يسعدكم يابنات احنا في انتظار الباقييييييييييييييين

[huda.3bdullah]

صباح الخيرااات
يعطيكم العافيه بنات ولا هانوا الباقين
ومشكورين على جهودكم وننتظر جديدكم ...