تَدْرِيْبْ أَرَامْكُو ,, أَحَدْ عِنْده فِكْرَة ؟

[ضمة غلا1]

انت يافارس الحين قاعد تتدرب عندهم طيب فين بجده ولا في الظهران؟

[رهف]

خلاص كذا مافي امل اقدم

انا اول مره اسمع انه فيه بجده

حسافه


طيب الللي سجلت فيه تسالهم اذا قفل التقديم ما ينفع احنا نروح ونقدم
مره حابه اتدرب فيه لو فيه بجده

[فااارس]

المشاركة الأصلية كتبت بواسطة ضمة غلا1 انت يافارس الحين قاعد تتدرب عندهم طيب فين بجده ولا في الظهران؟

حقيقة أنا سأسجل حضوري كـ مهندس متدرب ابتداء من السبت المقبل
و تدريبنا كـ طلاب هندسة يعتبر احدى المواد اللتي يجب علينا النجاح بها لتجاوزها
و تحسب لدينا كـ ساعتين في الخطة الدراسية
و أنا الآن لم يتبقى لدي سوى هذا الكورس !

و للاسف الشديد :( , المهندسون لا يأتيهم تدريب في الظهران على الإطلاق :) ... على حسب علمي
أي هو التخصص الوحيد المعزول عن العمل معهن << دائما مظلوم هـ المهندس

و أنا سأتدرب بإذن الله تعالى في احدى أقسام (حقول) ارامكو في المنطقة الشرقية



* فـ لا تقلقوا فلن تروني و لن أراكم :)

[فااارس]

المشاركة الأصلية كتبت بواسطة رهف خلاص كذا مافي امل اقدم انا اول مره اسمع انه فيه بجده حسافه طيب الللي سجلت فيه تسالهم اذا قفل التقديم ما ينفع احنا نروح ونقدم مره حابه اتدرب فيه لو فيه بجده

أغلق التقديم طبعا
و لا يمكن أبدا التقديم الآن
فالنظام.. نظام :)

[رهف]

اخوي متى بيفتح التقديم فيه مره ثانيه

كل سنه مره ولا كيف نظامه ؟

[H@nEEn]

المشاركة الأصلية كتبت بواسطة فااارس أغلق التقديم طبعا و لا يمكن أبدا التقديم الآن فالنظام.. نظام :)

وي أي لمحة أمل يارجل

مو كويس لمن مجاديف الناس تتكسر<<< لغة عربية

[رهف]

هههههههههههههههههههههههههههههههههه

عجبتني كسر المجاديف

عسل

[MeEnSAt]

الحمد لله ,, عودًا حميدًا ,,

كانت تجربة رائعة جدًا ,, لو أحد سنحت له الفرصة يروح هناك

يستخير ولا يتردد ,,

لو أحد عنده سؤال يتفضل ,, =)

[إراده]

حكينا بالتفصيل عن التجربة؟؟

مدينه التدريب ؟؟؟

جوالتدريب


اللبس وكل شي مره اتحمست

[MeEnSAt]

التدريب كان في الظهران طبعا ,, مافي تدريب للبنات في جدة مع الأسف

الدوام من 7 - 4 يوميا ماعدا الخميس والجمعة طبعا ^^

اللبس على كيفك ,, محد يجبرك تلبسي شي ,, تبغي بالعباية , بالنقاب , من غير براااااحتك ,, والكل محترم دا الشي - الحمد لله -

أنا حاتكلم عن القسم اللي أنا كنت فيه Finance

طبعا كل طالبـ/ـة ينحط في قسم حسب تخصصه ,, ويقبلوا على حسب الـ GPA

كل طالب يكون له supervisor يكون مسؤل عنه طول فترة التدريب ويعطيه الاشغال المكلف بيها

بعضهم من بداية البرنامج يعطوك قائمة بالأشياء اللي المفروض تتعلميها والاشياء اللي المفروض تطبيقها

ومطلوب مننا كل اسبوعين تقرير عن الأشياء اللي سويناها

المفروض لو في أيام جلستي فاضية تروحي تدوري على شغل ,, يعني تروحي عند الموظفين وتقولي لهم علموني او في ايش اقدر اساعدكم .. والقسم عندنا كان مرة متعاون ما شاء الله عليهم

كنا تقريبا 20 بنت و 10 شباب موزعين على الـ Divisions تبع الـ Finance

ومافي اي يشارك المكتب مع أحد !!! لكل واحد مكتبه الخاص وجهاز كمبيوتر خاص وكل شي !!

وعلى كل الكل كان محترم وبجد شرف ليا اني اتعرفت على ناس زيهم

كان في رحلات في بعض الأحيان

يعرفونا عن أشياء في صلب عمل أرامكو , ومركز البحث والتطوير ,, وأشياء كتير حلوة

أجمل رحلة في الحياة كانت للـ Toastmasters بجد كانت روعة جدا جدا جدا ,, لو أحد يبغا يعرف اكتر عن التوست ماسترز يقدر يحط اسمهم في قوقل وحيفهم هرجته كلها

هوا باختصار نادي للـ Public speeking

آخر شي كان مطلوب مننا نعمل Presentation في الحفل الختامي للبرنامج

عشان أكون صريحة معاكم كمان ,, ترا يختلف الجو حسب القسم اللي انت فيه ,, يعني البرنامج مو من الشركة ينحط كل قسم يحط البرنامج اللي يناسبه للـ Summer Student تبعه

ما أعرف ايش أقول كمان ,, اقل شي أقدر اقوله انها كانت تجربة مرررررررة رائعة ,, وبجد استمتعت فيها واتعلمت كتير واكتشفت في نفسي أكتر وأكتر

بجد بجد .. لو أحد سنحت له الفرصة يروح لا يتردد ,, استخير وأقدم والله الموفق =)

لو أحد يبغا يسأل عن شي معين يتفضل ,, عشان اقدر اكون واضحة اكتر في الاجابة