مطلوب تصويت طلاب وطالبات الانتساب حول برنامج التعليم عن بعد !!!

[! سلطـــان !]

المشاركة الأصلية كتبت بواسطة سر الوجود هذي المقوله فقط ماههي الى قلقلة لسان لا يوجد لها اثر ملموس على أرض الواقع فنحن أكثر الأمه حرمان من التخصصات وحصرنا في اقل المسارات نظام التعليم عن بعد جداً رائع من خلال دراستي له هذا السنه لكنه عيبه الرسوم المرتفعه والتخصصات القليله تشكر اخي سلطاان

انا اوافقك الرأي بشدة في قلة التخصصات والرسوم العاليه

ولكن مقولة طالب التعليم عن بعد يوازي طالب الانتظام علما وكفائه مقتنع فيها ومقتنع ان العميد يقصدها ولكن معترض على عدم تطبيقها بالشكل الكافي ... اهم مافي هذي المقوله هل سيتم تطبيقها

بفتح تخصصات ومسارات جديده ؟ وهل سيتم تطبيقها على وثيقة التخرج ؟ ننتظر تخرج اول دفعه ونشوف

يعطيك العافية ع اضافتك

[طالب انتسااب]

السلام عليكم ورحمة الله وبركاته
اخوي عندي استفسار واحد فقط اذا كان ماشي معي باذن الله باحول من انتساب الى تعليم عن بعد
س1: انا دوامي شفتات اقدر احضر مع الدكتورواشوف المحاضره في وقت لاحق وماياثر هذا الشئ على الاعمال الفصليه وهل راح يسجلني حضور ؟

اتمنى اجابتك ياغالي

[! سلطـــان !]

المشاركة الأصلية كتبت بواسطة طالب انتسااب السلام عليكم ورحمة الله وبركاته اخوي عندي استفسار واحد فقط اذا كان ماشي معي باذن الله باحول من انتساب الى تعليم عن بعد س1: انا دوامي شفتات اقدر احضر مع الدكتورواشوف المحاضره في وقت لاحق وماياثر هذا الشئ على الاعمال الفصليه وهل راح يسجلني حضور ؟ اتمنى اجابتك ياغالي

كثير من الطلاب الي دوامهم شفتات او الى ما بعد الساعه الرابعه وقت بداية المحاضرات يسوي دخول ع المحاظره فقط كتسجيل حظور ويكمل شغله من ضمنهم الاخت فاقدة ابوها مثل ما وضحت بردها ... وبعدين بأمكانك الرجوع للمحاظره المسجله ومتابعتها

وبعض الاخوان كان يدخل من الاي فون بدوامه كتسجيل حضور

وبعض الاخوان ابتكر طريقه لتسجيل حضوره وحضور صديقه من جهاز واحد <<< موب هينين طلاب التعليم عن بعد

وللمعلومية كل ما كان عدد الطلاب بالشعبه كثير ماراح يركز عليك الدكتور والعكس ... وعشان اكون امين معك في بعض الدكاتره يحضرون بالاسم وهو بالتحديد دكتور واحد فقط الي صادفته ... د : عبدالله السلمي استاذ اللغة العربيه ... بس هذا كان في البدايات اتكلم عن نفسي بعدين ماصار يركز كثيرعلى التحضير بالاسماء بس كان اول ما يدخل يقول الي حاظر يحط علامة الصح وبعدها خلاص

اتمنالك التوفيق

[أمولة]

يعطيك العافيه

مرة الفكره حلوووة

بس كيف طريقه التحويل من انتساب لـ دراسه عن بعد

وهل اللي جاهم الاعفاء عن الرسوم يقدرو يحولو ؟

[! سلطـــان !]

المشاركة الأصلية كتبت بواسطة أمولة يعطيك العافيه مرة الفكره حلوووة بس كيف طريقه التحويل من انتساب لـ دراسه عن بعد وهل اللي جاهم الاعفاء عن الرسوم يقدرو يحولو ؟

بخصوص الاعفاء والتحويل للتعليم عن بعد ...

السؤال هذا اجابته موب عندي للاسف وحاولت الاتصال بعمادة خدمة المجتمع عشان هذا السؤال وللاسف ما يردون ع التلفونات وارسلت ايميل وان شاء الله اذا ردوا ابلغك بردهم

التحويل ان شاء الله يكون مع بداية طلبات التحويل تابعي هذا الرابط راح ينزل فيه التاريخ
http://admission.kau.edu.sa/AccessPa...=AR&SYS_ID=132

طبعا مافي بهذي الصفحة من انتساب الى تعليم عن بعد ولكن اتبعي هذي الطريقه للاستفسار


روحي ع الاودس ثم نظام المعاملات الالكتروني - الطلاب
ثم تقديم معامله ثم ادخلي رقمك الجامعي ورقم الهوية ثم تسجيل دخول
عند الحالة الاساسيه اختاري ( التحويل من كلية لأخرى داخل الجامعه )
عند الحاله الفرعية اختاري ( التحويل من انتساب الى انتظام )
لان مافي تحويل من انتساب الى تعليم عن بعد من ضمن الخيارات بس ما عليك فعلي هذا الخيار وتحت بمستطيل الكتابه اكتبي انك تبين تحولين من انتساب الى تعليم عن بعد وماهي الطريقه ...وارسلي المعامله واحتفضي برقم الطلب عشان تسوين استعلام بوقت ثاني وتشوفين جوابهم

بالتوفيق

[أعذب أنثى]

يعطيك العافيه على الموضوع شامل هذا
والله كنت بحول التعليم عن بعد بس اشياء كثيره ماتنفع مثل الي ذكرتيها وفوق كذا الاتصال عندهم سيء يعني كل اشوي راح تنقطع المحاضره ..وتخصصات قليلة

[! سلطـــان !]

المشاركة الأصلية كتبت بواسطة nasser2004 تم التصويت التعليم عن بعد حلو بس فيه جهد كثير

الله يعطيك العافية ع التصويت والمشاركة

المشاركة الأصلية كتبت بواسطة فاقدة أبوها بعد إذن أخي سلطان عندي نقطة ابي اتكلم فيها أهم ميزة للتعليم عن بعد هي أعمال السنة, يعني تدخل الإختبار وبيدك 50درجة , ويكون الأستاذ مراجع معك وعارف اسلوبه واسئلة الإختبار معظمها من الواجبات والإختبارات الدورية اللي اختبرناها يعني ماتتعب في الإختبارات النهائية, عشان كذا معدلات معظم الشعبة ولله الحمد فوق 4,50 هذي أشوفها اهم ميزة, وهو كمان ممتع كأسلوب دراسة, على الرغم من اني موظفة ودوامي شفتات لكن الحمدلله ماشي معي لأني أسجل حضور وبس ونادراً مانلزم بالمتابعة <ماطلبها منا غير أستاذ العربي .وبعد نهاية الدوام أسمعها مسجلة, عيوبه هو قلة التخصصات وارتفاع الرسوم مثل ماتفضل به اخونا سلطان, ترى اللي بيسجل لازم ناخذ عمولة (: وربي يوفق الجميع انتظام وانتساب وعن بعد , آمـــــــــــــين.

الله يعطيك الف عافيه ع اضافتك

وخلاص بتفتكين من استاذ العربي ... بس مدري اذا تخصص اللغه الانجليزية في عربي بعد وتلقينه بوجهك :)

المشاركة الأصلية كتبت بواسطة high position وجهة نظــر ؛؛؛ التعليم عن بعد افضل من الانتساب كا تخطيط وكا سمعه مستقبليه وايضا اسهل لمن يريد ان يدرس حقا لكن بعد المسافه هيا العائق .. اما انا عن نفسي فعائقي هو طبيعة عملي .. الي تتطلب مني جهد واوقات عمل مختلفه .. لكن يعاب ع التعليم عن بعد قلة التخصصات ,,,>> والا لا توجد باب مقارنه من ناحية توجه اغلب الجامعات في المملكه وخاصة جامعة الملك عبدالعزيز مع العلم ان بعض طلاب الانتساب يكون تواجده على الانترنت بشكل مضاعف من طالب التعليم ع بعد.. لكن تظل التخصصات هيه العائق ومن كلام عده من اصدقائي .

الله يعطيك الف عافيه ع اضافتك ومشاركتك ولكل شي مزايا وعيوب اكيد

[الكابتن ابوفيصل]

يعطييك العاافية اخوووي معلوماات جيده جدا مااكنت اعررفهاا بصراااحة

[أبي سلف60مليون]

برنامج التعليم عن بعد برنامج جميل جداً .. لكنه لا يخلو من العيوب !!

أولاها مسألة مساواته بشهادة الإنتظام كلنا يعلم بأنه وحتى هذه اللحظه مجرد كلام في الهواء يتم نسيانه قبل أن يقال >> كأنها أغنيه مصريه خخخخ
ولا نريد إغفال الجانب التسويقي في مثل هكذا حالات ..

ثانيها وكما وصلني من مقربين أن بعض المحاضرين بهذا البرنامج متشددين في مسألة الحضور بشكل كبير حتى ولو أنهى منهجه في وقت مبكر
يظل يزن ويزن على رؤوس الطلاب وتهديدهم بسلاح الدرجات في حال عدم الحضور !! .. وهذا لا يروق للكثير منا بسبب مشاغله الجمه

بلغنا أن أستاذ مادة الحاسب الآلي لم يحضر طيلة الفصل الدراسي إلا في آخر ثلاث محاضرات .. وكان يرسل الإختبارات الدوريه فقط دون شرح للماده !!

بلغنا أن بعض المحاضرين يلقون المحاضره من منازلهم فيكون الإتصال طووووووط

قلت التخصصات تشكل عائق + الرسوم العاليه تشكل عائق + ضعف شبكات الانترنت في المملكه بشكل عام يشكل عائقاً كبيراً

في الختام هذا المستخدم لم يقم بالتصويت لأن إختيار سبب واحد فقط يعد إجحاف بحق البقية الباقيه .. لذلك أتمنى من الله عز وجل أن يبلغكم مرادكم في هذا البرنامج
راجين لكم التوفيق والسداد وموفقين يا آخوااااااان

[! سلطـــان !]

المشاركة الأصلية كتبت بواسطة واقعية بالعكس احس التخصصات مهي قليلة اكثر من الانتساب والمشكلة بحضور المحاضرات ياخوي ان في ناس عندها دوام صباحي ومسائي بنفس الوقت او عندهم مسؤوليات وفي بنات كثير اعرفهم ودهم بهالبرنامج بس اهاليهم مايوفرولهم نت (( تعقيد الله المستعان بس والله يشيل عنا هم انو شهادة الانتساب مش معتمدة

يعطيك العافية ع اضافتك وتعقيبك للمرة الثانيه

بس تخصصات التعليم عن بعد اقل من الانتساب تقدرين ترجعين للتخصصات المتاحة بالتعليم عن بعد في بداية موضوعي وتقارنينها بتخصصات الانتساب المتاحة

تقبلي تحيتي

المشاركة الأصلية كتبت بواسطة أعذب أنثى يعطيك العافيه على الموضوع شامل هذا والله كنت بحول التعليم عن بعد بس اشياء كثيره ماتنفع مثل الي ذكرتيها وفوق كذا الاتصال عندهم سيء يعني كل اشوي راح تنقطع المحاضره ..وتخصصات قليلة

انا اوافقك في قلة التخصصات ... ولكن انقطاع الاتصال ومشاكل السنترا بالتعليم عن بعد قليله يمكن السنترا المخصص لطلاب الانتساب يكون فيه مشاكل بحكم اعداد المنتسبين الكبيرة تسبب ضغط كبير ع السيرفر والنتيجة تساوي مشاكل بالنظام

المشاركة الأصلية كتبت بواسطة الكابتن ابوفيصل يعطييك العاافية اخوووي معلوماات جيده جدا مااكنت اعررفهاا بصراااحة

الله يعافيك ويخليك

شرفني مرورك الكريم


.