معلومات عن معهدين (British Consul )و (DIRECT ENGLISH)

[talin]

انا كماااان اخذت بالبريتش انصح فيه وبقوووووة
منجد لايفوتك اول شي تعامل راقي +دراسه راقيه مايعتمدون ع الكتاب بس لا يوسعولك كماااان
مرة حتستفيدي منه تخرجي وتدخلي بإبتسامه

جربت كذا معهد بس مانفع معايا الا هوا وحتى وقت الاختبارات ماكنت اذاكر بس مجرد مراجعه كله ثابت يعني كريقه شرح مرة حلوة

[sponge]

انا درست في نيوهورايزن 5 مستويات حلو واحسن شي حصص المحادثه ممتازه جدا اسعاره حلوه ودايما يعملوا تخفيضات على المستويات بس ماكملت عشان الجامعه ماصارعندي وقت مع اني الى الان حابه اكمل وادا على الفلوس هم يخبروك من الاول انه ايللي يندفع مايرجع مهما كان.

[miss lulu]

انا هلأ بادرس ف النيوهورايزن
أخدت الفونديشين وهلأ بدرس ليفيل 1
وان شاء الله ناويه ادرس ف البيرتش
نيوهورايزن ف المحادثة مع سمر مره رائعة صح سعودية بس نطقها ف الانجليزي مره تمام ومستحييييل تتكلم معاك عربي
بيرلتز انا ناويه اذا تحسنت ف الانجليزي آخد كورس واحد بس اقوي نفسي ف المحادثة بس جد اسعارها نااااااار

[nour al3mr]

ربي يعطيك العـــآفية على هذهـ الإضـآفة المهمــــــــة

والله يحقق لك طموحـآتك وأحلامك ^^

[LAURA H]

وانا اخدت 3 مستويات في نيوهورايزن وبصراحة الشرح في الكلاس جدا ممتاز وحصص المحادثة روعة..
صح المدرسات سعوديات بس الاكسنت تبعهم جدا ممتاز>>> مرة اخدت ليفل كامل مع مس كندية وكانت قمة في الشرح!!
الصراحة انصح فيه واسعارهم معقوله..

[رؤى م.]

أنا اخذت كورس في دايركت انقلش بس مجبر اخاك لا بطل

كنت باخد في نيوهورايزن دبلوم database developer by Oracle
ولازم لازم ناخذ كورس انقلش قبل ما نبدأ الدبلوم

صراحه ما حبيته ابداً
اعطوني شنطه فيها كتب و كاسيتات
اقرا و اسمع لوحدي
واروح بس حصص محادثه عاديه مو داك الشي

وبعد كل وحده اروح اختبر عشان تكتبلي باس ولا لأ

مررررره بايخ ولولا الدبلوم ما كنت اخذت كورس انقلش من اساسه لان الحمد لله لغتي كويسه

[hanixhani]

عليكم بأهل اللغة (British)

[. اشتياق .]

مساء الخير

انا بتكلم لكم عن تجربتي بـ نيوهرايزن


طبعاً هم عندهم 8 مستويات من بعد المستوى السادس ما يبقى عندك شي جديد
لأنو كل القاعدات تتوزع على 6 مستويات بس

أختبار تحديد المستوى مجاناً ..

يشغلوا لك برنامج ع الكمبيوتر وتحلي والأسئلة كلها اختياري
موزعة بالتساوي بين الفوكاب والقرامر
وبعد الأختبار تختبرك أستاذة شفوي
طبعاً مو أختبار لا بس تسألك أسئلة عامة وتشوفك لو تعرفي تجاوبي ولا لأ

انا سألتني اشياء سهلة

ومنه يحددوا مستواك ..

الدوام طوال الأسبوع كل يوم ساعتين
منهم كلاسين محادثة
وفيه دوام صباحي ومسائي
الصباحي فيه من 11-9 وفيه من 1 -11
والمسائي من 7-5 ومن 9-7


بالمستوى الأول يبدأ معاك بالقاعدات الأساسية صح نحنا أخذنها بالمدرسة
بس بالنسبة لي بالمدرسة كنت أكرهـ الأنجليزي عشان كذا ما كنت أفهمها ^^
بس بالمعهد بالتفصيل
طبعاً الكتاب فيه درس محادثه مكتوبة الأستاذة تشغل الفيديو نشوفها بالأول وبعدين كل أثنين يقرأو جزء وتشرحها وتترجم الكلمات الجديدة
وبعد المحادثه في قرمر تطبيق عليها كمان تشرحه وتحل عليه تمارين أو أمثلة من عندها

وهذا نموذج للكلاس بكل المستويات ..

اما كلاسات المحادثه فهي 2 بالأسبوع
أستاذة المحادثة غير عن هديك :)

فيه كتاب للمحادثه تصور منه الأستاذة الدروس وتوزعها علينا
تختار القطعة أو الموضوع والتمارين بس

طبعاً هالكلام كان بأول 3 مستويات استاذتي كان أسمها عزه
كانت أمريكية أصلها مصري بس مستحيل تتكلم كلمه عربية
حتى لما نتكلم عربي تسوي نفسها ما تفهم علينا أيش نقول لحتى نترجم لها

<< كأني شطحت


ما علينا مثل ما قلت لكم بالبداية تلتزم الأستاذة بالمواضيع اللي بالكتاب
بس بعد كذا تقولنا أنتوا أختاروا موضوع ونتناقش فيه
المهم عندي أنكم تتكلموا حتى لو تحكوا عن مواقف تحصل معاكم
صح أنا ما كنت أتكلم كثير بس كانت كلاسات المحادثة جداً ممتعة
ويخلص الوقت ونحنا ما خلصنا كلام ..

في نظام معين عندهم أنو لو الأستاذة الفلانية أعطت هذا المستوى
وطلعوا البنات للمستوى اللي بعدهـ ما يصير الأستاذة تدرسهم اللي بعده كمان
يعني لازم التنويع هذا بالنسبة لكلاسات المحادثة
بس نحنا كنا نشرط أنو نبغى الأستاذة الفلانية بذاتها^^
اما الكلاس العادي لا .. أنا أخذت الأول مع وحده كان أسمها أمل سعودية
بس درست بامريكا وكذلك مستحيل تتكلم عربي والثاني والثالث ما أتذكر اسماء الأستاذات
بس الرابع والخامس مع روبينا اللي مثل ما قالت الأخت قبلي أهلها من الهند
بس أمها من جنوب أفريقيا
الأكسنت عندها برتش بالبداية ما كنا نفهم عليها بس بعدين تعودنا
وأسلوبها وشرحها ما عليه كلام أبداً ما شاء الله

والمحادثه بالأول كان مع مس حياة سعودية وتشتغل بالجامعة عندنا
بس تركت المعهد من فتره وباقي المستويات أستاذات غير


المستويات الـ 3 الأولى حوالي شهر ونص واللي بعدها تطول شهرين كاملة
لو أخذتي كم مستوى مع بعض يعملوا لك تخفيض كبير
انا أخذت من الثاني لـ السادس بـ 6000 يعني بـ نص القيمة تقريباً

ومتى ما حبيتي توقفي دراستك عشان لو حصل لك ظرف يوقفوا لك عادي
ومتى ما رجعتي مو مشكلة تكملي مع أي أستاذة تعطي المستوى حقك

ولو كان عندك أختبارات بالجامعة وأختبارات بالمعهد << مثلي
تقدري تعتذري ومتى ما حبيتي تختبري مافي أي مانع

بالنسبة للأختبارات 3 أختبارات للمستوى الواحد
بعد كل 3 يونت أختبار يعني يصير عندك 9 يونت كل يونت فيه 3 دروس

الأختبارات مو على ورق .. لا على الجهاز نفسه
جزء اللسننغ فيه 3 مقاطع وعلى كل مقطع 4 اسئلة تقريباً
تقدري تعيدي المقطع أكثر من مره
كل سؤال بالسماعي عليه درجتين

الجزء الثاني فراغات من نفس الدروس اللي بالكتاب
ما أتذكر العدد بس أكثر من 5 فراغات وكل فراغ درجة

الجزء الثالث ريدنق فيه 3 قطع وعلى كل قطعه اسئلة
وكمان على كل سؤال 2 درجتين

الجزء الرابع قرامر وكل سؤال درجة

الجزء الخامس الفوكاب وكمان كل سؤال درجة

طبعاً كله أختياري لانك ما تقدري تكتبي شي ابداً بس تختاري الأيقونة الصح

الأختبار كله عليه 78 درجة وعلى طول أول ما تخلصي تطلع كل درجتك
وبعد ما تختبري الـ 3 أختبارات يجيك أختبار المحادثه
طبعاً كل أستاذة ولها طريقتها بالأختبار
مثلا مره استاذتنا قالت كل وحده تكتب كلمة بورقه وقامت لخبطت الأوراق ورجعت وزعتها
وكل وحدهـ تطلع لها كلمة تتكلم لي عنها لو كم جملة
حتى لو تحتاج مساعدة نساعدها عادي

ومرات ما كانوا يختبرونا بس يكون تقييم على مشاكرتك طوال الكورس

من المستوى الرابع للسادس يزيدوا لك أسبوع يكون فيه دروس رايتنق
يعطوك كتاب يشمل الـ 3 مستويات ويبدأوا معاك من الرابع
كل مستوى 5 أو 6 كلاسات رايتنق

يبدأوا يشرحوا قواعد الكتابة الأساسية وكل قاعده حتى لو بس النقطة والتوبيك سنتس
عليها قطعة تطبيق وبعد كل كلاس تطلب الأستاذة أنو نكتب لها عن موضوع معين بالبيت
وبعد كذا تصححه وترجعه لنا

وبعد ما تخلص الكلاسات فيه أختبار رايتنق
هذا مختلف لأنو يجيك فيه موضوع أو أثنين
وأختاري واحد واكتبي عنه من اللي كتبتيهم أنتي
ويجيك تمارين من كتاب الرايتنق وكمان تجي بعض القرمر اللي بالكتاب

يعني من المستوى الرابع يصير عندك 5 أختبارات بعد زيادة الرايتنق
+ عندك 7 درجات هذي حضور بالاب
يعني بكل مستوى فيه 7 درجات هذي ع التحضير بالمعهد
تدخلي المعمل وتجلسي ع الجهاز تسمعي الدرس وتحلي الأسئلة اللي عليه
وكمان يطلع لك كم سؤال عندك خطأ وكم نسبة نجاحك
مثل الأختبار تقريباً ولما تخلصي تسجلي أسمك على أنك حضرتي
فيه بنات يكتفوا بـ 7 مرات عشان الدرجات وفي بنات يحضروا كل درس بدرسه

بعدين يجمعوا لك كل هالدرجات ويطلعوا لك النتيجة النهائية

وهذا كل شي تقريباً

بالنهاية أحب أذكركم بشي مهم ..

كل المعاهد هدفها الأول الربح المادي
أنا بكل مستوى كنت أقدم عليه كانوا الأستاذات يقولوا لا تعتمدوا على دراسة المعهد
لو ما أطلعتوا وسمعتوا كثير وتكلمتوا المعهد ما يفيدكم بشي
لأنو عندك ساعتين وباقي الـ 22 ساعة من اليوم حاولي لو ساعة تتكلمي فيه

وفعلاً بنات نصيحة من مجربة انا بالبداية كنت معتمده ع المعهد
بس أكتشفت أني لو ما اهتميت خارج أطار المنهج ما بستفيد

المعهد يساعدك ويطور من مستواك صح بس لازم أنتي تجتهدي أكثر

حتى أنهم لو بنت رسبت بأخر الكورس ما يخلوها تطلع للكورس اللي بعده
يرجعوها تأخذ نفس الكورس ويخصموا لها نص القيمة من المبلغ

يعني لا تقولوا نيوهرايزن مو تمام ولا البريطاني مو تمام
كل واحد فيه الحلو والمر

والأثنين يتعمدوا عليك أنتي بالنهاية



<< وهــ لق لق كثير على قول رغد








بالتوفيق للجميع

[nour al3mr]

هههههههههههههههههههـ

ربي يسعدك .. ماشاء الله هذهـ المعلومـآت اللي نحتـآجهــــــــآ
لقلقي من هنـآ إلى أن يشاء الله المكــــآن ملكك ..

يعطيك ربي العـآفية ويقويك ..~

[ياسمينة الشام]

ماشالله حكيتي ووفيتي ياشتياقي
انا كمان عندي انطباع عنه كتييير حلو للدايركت انجلش وانا متحيزه اله كنت كتيير ومجبوره ارضى لسببين الاول قريب مني الي(بشارع الروضه) وتانيا كان فيه حضانه مضطره عشان أولادي صغار اتنين الله يحميهم
واخدت فيه كورسين مع بعض ب٣٠٠٠ بس كان سعر معقول ومتل ماحكت البنوته الي قبلي تمام طول الاسبوع دوام ساعتين وعلى مدة ٧-٨ اسابيع والاساتذه كويسين وبالنسبه للمعلومات المكرره لازم تكون مكرره لانه أتت دارسه بالمدرسه وضروري تنعاد عشان تثبت وجو المعهد بيشدك غير عن المدرسه سبحان الله بتروحي برجليكي ماحدا غاصبك *_^
ووقفت علىاساس رح اكمل بس راحوا فرع الحضانه الي فيه سّكر وماعدا فيه مجال اكمل
الان انا ابحث عن واحد قريب وجيد وفيه حضاااااااانه
وتسلم ايديكم على طرح متل هالموضوع المفيد