طالب يعتدي بالضرب على عميد القبول والتسجيل بجامعة الملك عبدالعزيز ويفقده الوعي

[мαѕooяy]

والله مشكلة ، إذا طالب جامعي في مرحلة تعليم والمفترض المفترض أنه مثقف !
ولا يقارن بالجاهل ، يتعامل بالتصرف هذا !

حاجة تفشل وربي ، أيا كان السبب ، التصرف مستحيل الواحد يقدر يفكر فيه
كيف كداآ !
فين تربية المدارس وتربية الجامعات وتعليمها !
هادي اقل مايقال عنه انه تربية شوارع ،ـ!

/
أنا ضد التصرف جدا ً ، ومرآ مستغربة من الردود
مع اني شفت ظلم لييين قلت بس من هالجامعة بس ماتوصل للضررب والإعتداء ابدا ً:
كل جامعة فيهـآ كويس وفيهـآ شيء يرفع الضغط
/
الله المستعان

[rubi]

المفروض العميد يتوقع شي زي كدا من الطلاب

كان لازم يحصله كدا تحصيل حاصل

بردت قلبي ايها الطالب اللي ضرب العميد

[sara a7md]

مرررة عيب ماتوصل لدرجة الضرررب
يتفاهم معاه بأسلووب ماجاب الكلام معاه نتيجة يروح لأي احد ثاني بالمبنى واذا نفس الشيء خلاص عاد ربنا بيأخذ حقه
اصلن اش حيستفيد لمن يضربووو هل حيتعدل وضعوو اكيد لا ! بالعكس كذا ورط نفسووو ع الفاضي
الله المستعان

[6flah]

كيف كداآ ! فين تربية المدارس وتربية الجامعات وتعليمها ! هادي اقل مايقال عنه انه تربية شوارع ،ـ!الله المستعان

ههههههههه ميسي أختلف معاكي حنا جيــل تربى عالعصاية فالمداآآآرس والسب والتهزيء وأحيانا الغلط علاوالدين والتربية وهو صغير ,,

وفتح عيونه ع ثورات وهو كبيــر ههههههه

فمتوقع منه هالشي ,!

قد تكون انتفاضة متأخرة خخخخخخ

/ أنا ضد التصرف جدا ً ، ومرآ مستغربة من الردود مع اني شفت ظلم لييين قلت بس من هالجامعة بس ماتوصل للضررب والإعتداء ابدا ً: كل جامعة فيهـآ كويس وفيهـآ شيء يرفع الضغط /

آآآآآآآآآآآآآه لا تذكريني ,. وياما فالسجن مظاليم ههههههه

بس أنا ضد التصرف طبعآآأ ,!

لكــن لكل واحد سببه ., والي مستغربته ,! شلون طالب يبي مادة حرة يضرب العميد ويبصم بالسواد ع ملفه الجامعي غير لو عطوه ملف أصلا هههههههههههه

الله يســـتر علينا وعليه .,’’!

[طفشـانه]

هههههههههههههههههههه

شرّ إلبلية مَ يضحك :))

[أبو فاتن]

المشاركة الأصلية كتبت بواسطة وتر الإحساآآس السبب وآضح يعني من فين يجبلو أستآذ ولآ يفتحلو كلآس لوحدو o_o

المشاركة الأصلية كتبت بواسطة مجردإنسانه . أبدا ماله حق . الرجال يقوله مافي دكاتره عشان ننزل المادة وهذا إلا ويبغاها غصب .

هلا بخواتي الفاضلات

خلونا نتكلم بالعقل شوي مع إني يوم طرحت الموضوع ما كنت أفكر لا بهالدكتور ولا بهالطالب كحالة منفردة وشخصية

كنت حاب أسلط الضوء على مشكلة عامة وهي الدرجة المتدنية اللي وصلت لها العلاقة بين طلاب العلم ومعلميهم بشكل عام

ولكن الجميع هنا حب يضيق الزاوية على هالحادثة بشكل خاص فحبيت أقول رأيي


اخواتي الكريمات والكلام للجميع

تتوقعون إن الطالب ما حس أو شاف إنه فيه إمكانية ولكن تم السحب عليه أو تم إستفزازة أو استحقارة أو حرمانه أو تطاول أو ظلم ..!!
ما أعتقد طالب وصل أترام تخرج وهو مو عارف النظام وخصوصا وهو من جامعة مثل جامعة سعود
لأنه بالمنطق والعقل حتى لو الطالب جاهل مستحيل يطلب تسجيل مادة وهو أساساً مالها تسجيل
يعني لو كان طفل مستحيل يدخل مطعم مندي ويطلب ساندويش طعمية وإذا قاله الطباخ ماعندنا طعمية يقوم يجلده

أنا هنا ما أبرر فعله ولكن من جهة أخرى لا نعلم ما دعاه لهذا التصرف هو وزملائه ما أعتقد أن ثلاثة رجاجيل مافيهم الصاحي ..!

[أبو فاتن]

المشاركة الأصلية كتبت بواسطة brilliant shores . هوا صحيح إنه فيه بعض الأششخاص في الجامعة يبغى لهم تكفيخ محترم بس على شي يسستاهل لكن الموقف اللي ذكرته يا أبو فاتن أششوف إنه الطالب مامعاه حــق يمد يده على الراجل بناءً على الأسسباب اللي ذكرتها صاير مصطفى على غفلة

حلوووة تكفيخ هههههههههههه والله إنك صادقة

بس وأنا أخوك ماندري هل فعلاً يستاهل أو ما يستاهل هذي مايحكم فيها إلا شخص مطلع على الموضوع أو حضر الواقعة لأنه المعروف في صحفنا والبيانات اللي تصدر من أغلب الجهات المسؤولة دائماً ماتكون في صالح المسؤول بعدين مثل ماقلت ما أعتقد إن الطالب بيتجاوز هالتجاوز الخطير على شي تافهه



إلا على الطاري وش سالفة مصطفى هذا ..!!

[أبو فاتن]

المشاركة الأصلية كتبت بواسطة معلق منصف رغم عدم موافقتي بما قام به الطالب الا أنني أعذر ذلك الطالب فإن الله يمهل ولايهمل فلا أعتقد أن يقوم ذلك الطالب بذلك الفعل الا وهو والله مظلوم كما ظلم طلاب آخرين قبله وأرجو أن تكون تلك اللكمه درس لذلك العميد وعظه لغيره فأنا كنت يوم من الأيام طالبا بالجامعة وأجد التعالي من معظم الأساتذة الدكاترة فما بالك بالعمداء...

هذا هو الحاصل بكل أسف

لذلك نتمنى إيجاد برامج تدريبية وتأهيلية بس هالشي أتوقع إنه مثل عشم إبليس بالجنة لأنه مستحيل يوافق الأكاديمي ويتنازل وراح يعتبرها الكثير منهم إلا من من الله عليه بنعمة العقل والأخلاق نوع من أنواع الإهانة الإجتماعية بحكم إعتقاده أنه شخص فوق الجميع الله يرحم حالهم

لذلك أتوقع والعلم عند الله أن العلاقة راح تكون محملة بالعواصف والأتربة والغيوم في السنوات القادمة

جعلها الله عواصف خير وبركة وكفانا الله والأجيال القادمه شرها << النشرة الجوية مع حسن كراني

[أبو فاتن]

المشاركة الأصلية كتبت بواسطة صقر الشمال طيب وين الفراش ماتدخل مابينهم

على ذمة الراوي إنه كان شغال برودكاست على البلاك بيري

[آمال وطموح]

شي لمسته في القصة إن الطالب جاي متحمس أصلا يبغى يجلد العميد مو جاي عشان المواد > أهم شي برد قلبه؟