مواعيد اختبار القبول لقسم اللغات لطلاب الانتظام+طالبات:[انتظام+انتساب+ تعليم عن بعد]

[goal]

طيب عادي لو اجي بيوم 25 او بنفس يوم الاختبار واسجل اسمي ؟

[white rose]

^

اختي الكريمة

عادي تروحين لهم قبلها بيوم لو كنتي من السليمانية ما فيه اي اشتراط لكن طبعا مو بيوم الامتحان لازم بفترة عشان يمديهم يجهزو الورق للاختبار حسب الاسماء

لكن بنات الفيصلية لازم من قبلها لان للتسجيل شروط عندهم : http://www.skaau.com/vb/showthread.php?t=712017

الله ينور بصيرتك :-)

[just besh]

بنات حبيباتي اي وحدة تختبر تكتب عن ايش جاها موضوع البراقراف

[Loodyvip]

في سؤال شاغل بالي ):
ذحين كل اللي رح يجيبون اعلى من 60 رح يقبلوهم على طول ولا رح ياخذوا على حسب المقاعد الشاغره عندهم ؟ طيب وبعد الاختبار اللي نجحوا فيه يرجعون يفاضلون بينهم بالمعدلات حقتهم ولالا ؟

وشي ثاني كمان على حسب مافهمت انو البراقراف لازم تكون فيه 10 جمل اتوقع انو كل جمله عليها 10 درجات واحنا عالاقل لازم يكون عندنا 6 جمل صح عشان نعدي

الله يعديه على خير ويوفقنا يارب وربي شاغل بالي

[Angelic Whisper]

*‘



يديك العافية
طب أنا طالبة منتظمة في الفيصلية وبعرف انو الموعد يوم الثلاثاء الساعة 9
بس فين اختباري ؟
بالسليمانية أو بالفيصلية وبأي مبنى ؟
_

[white rose]

المشاركة الأصلية كتبت بواسطة just besh بنات حبيباتي اي وحدة تختبر تكتب عن ايش جاها موضوع البراقراف

حياك اختي

وبإذن الله ماراح يقصروا البنات وراح يتجاوبون معك

المشاركة الأصلية كتبت بواسطة Loodyvip في سؤال شاغل بالي ): ذحين كل اللي رح يجيبون اعلى من 60 رح يقبلوهم على طول ولا رح ياخذوا على حسب المقاعد الشاغره عندهم ؟ طيب وبعد الاختبار اللي نجحوا فيه يرجعون يفاضلون بينهم بالمعدلات حقتهم ولالا ؟ وشي ثاني كمان على حسب مافهمت انو البراقراف لازم تكون فيه 10 جمل اتوقع انو كل جمله عليها 10 درجات واحنا عالاقل لازم يكون عندنا 6 جمل صح عشان نعدي الله يعديه على خير ويوفقنا يارب وربي شاغل بالي

أهلا اختي

ويب الكل اللي ياخذ فوق 60 ينقبل ان شاء الله ما عدى في الفيصلية عندهم شروط منها المعدل اقل شي 3 والالكا اقل شي 75 كمان هما اختبارهم فيه جزء رايتنغ وجزء قراءة

وبالنسبة للبراجراف لا ما تنحسب بالجمل تنحسب بمدى ترابط الجمل وعلاقتها ببعض وعدم وجود اخطاء املائية واستخدام صحيح للترقيم والنقطة والفاصلة وانك تبداين البراجراف بمسافة خمسة احرف فاضية بعدها تكتبين اول جملة والافكار حقتك انو تكتبين اول جملة بحيث انها تكون مقدمة بسيطة وتحطي في الجملة اللي بعدها الافكار اللي راح تناقشيها عن الموضوع وكل فكرة توضيحها بثلاث جمل او جملتين

وانك تكتبين دايما الحرف الاول كبتل من اي جملة ولمن تنتهين تحطين نقطة ملاصقة لاخر حرف بعدها تتركين مسافة وحدة وتبداين الجملة اللي بعدها بحرف كبتل وافضل شي قبل لا تكتبين تحطين على جنب اش راح تتكملي عنو في البلجراف كنوع من ترتيب لافكار ويساعدك انك تنتبهي على الوقت وكمان تتحاسبين على الجرامر وانو كل جملة لازم فيها فعل وفاعل ومفعول به كل الاركان تكون صحيحة وانك تستخدمين ادوات ربط بين الجمل وتختميها بجملة تحطي فيها رايك عن الموضوع مثلاً ..

باختصار الدرجة على التكنيك اللي تستخدميه في الاجابة اكثر منها على عدد الجمل

الله ييسر لكم كل خير وتنورو التخصص ربي يوفقكم :-)

المشاركة الأصلية كتبت بواسطة Angelic Whisper *‘ يديك العافية طب أنا طالبة منتظمة في الفيصلية وبعرف انو الموعد يوم الثلاثاء الساعة 9 بس فين اختباري ؟ بالسليمانية أو بالفيصلية وبأي مبنى ؟ _

حياك الله اختي

يعافيك ربي ويسعدك

الفيصلية اكيد دام تدرسين هناك راح تختبرين هناك بس اطلعي كمان على هالمواضيع فيها كتب البنات اش جاهم بالاختبار :

تمّ تعيين موعد اِختبار القبُول لتخصّص اللّغة الاِنجليزيّة }:| بخُصوص النّتائج 53|:{
✹|: هــــــــآم لمستجدات اللغات الاوروبية تخصص اللغة الانجليزية حياكن الله :|✹

المكان والمبنى يحددوه هما بالقسم روحي لهم خلال الاسبوع الجاي قبل 27 واستفسري منهم عن المكان

الله يوفقك :-)

[Angelic Whisper]

المشاركة الأصلية كتبت بواسطة white rose حياك اختي وبإذن الله ماراح يقصروا البنات وراح يتجاوبون معك أهلا اختي ويب الكل اللي ياخذ فوق 60 ينقبل ان شاء الله ما عدى في الفيصلية عندهم شروط منها المعدل اقل شي 3 والالكا اقل شي 75 كمان هما اختبارهم فيه جزء رايتنغ وجزء قراءة وبالنسبة للبراجراف لا ما تنحسب بالجمل تنحسب بمدى ترابط الجمل وعلاقتها ببعض وعدم وجود اخطاء املائية واستخدام صحيح للترقيم والنقطة والفاصلة وانك تبداين البراجراف بمسافة خمسة احرف فاضية بعدها تكتبين اول جملة والافكار حقتك انو تكتبين اول جملة بحيث انها تكون مقدمة بسيطة وتحطي في الجملة اللي بعدها الافكار اللي راح تناقشيها عن الموضوع وكل فكرة توضيحها بثلاث جمل او جملتين وانك تكتبين دايما الحرف الاول كبتل من اي جملة ولمن تنتهين تحطين نقطة ملاصقة لاخر حرف بعدها تتركين مسافة وحدة وتبداين الجملة اللي بعدها بحرف كبتل وافضل شي قبل لا تكتبين تحطين على جنب اش راح تتكملي عنو في البلجراف كنوع من ترتيب لافكار ويساعدك انك تنتبهي على الوقت وكمان تتحاسبين على الجرامر وانو كل جملة لازم فيها فعل وفاعل ومفعول به كل الاركان تكون صحيحة وانك تستخدمين ادوات ربط بين الجمل وتختميها بجملة تحطي فيها رايك عن الموضوع مثلاً .. باختصار الدرجة على التكنيك اللي تستخدميه في الاجابة اكثر منها على عدد الجمل الله ييسر لكم كل خير وتنورو التخصص ربي يوفقكم :-) حياك الله اختي يعافيك ربي ويسعدك الفيصلية اكيد دام تدرسين هناك راح تختبرين هناك بس اطلعي كمان على هالمواضيع فيها كتب البنات اش جاهم بالاختبار : تمّ تعيين موعد اِختبار القبُول لتخصّص اللّغة الاِنجليزيّة }:| بخُصوص النّتائج 53|:{ ✹|: هــــــــآم لمستجدات اللغات الاوروبية تخصص اللغة الانجليزية حياكن الله :|✹ المكان والمبنى يحددوه هما بالقسم روحي لهم خلال الاسبوع الجاي قبل 27 واستفسري منهم عن المكان الله يوفقك :-)

ممنونتك يا عيوني ربي يسعدك

[Loodyvip]

وايت روز الف شكر لكي الله يجزاكي خير على كل اللي تسوينه لنا كلنا

طيب معليش تعبتك بس عندي سؤال ذحين شرط اني اكتب سلبيات وايجابيات الموضوع اللي حيعطوني هو ؟ ولا اكتفي بشي واحد ونقطه وحده بس واتكلم عنها احسن ؟

معليش برضوا عندي سؤال غبي شوي ! ايش الفروق بين البرقراف والايساي ؟ واي واحد اللي نحط له عنوان في البدايه

[white rose]

المشاركة الأصلية كتبت بواسطة Angelic Whisper ممنونتك يا عيوني ربي يسعدك

الله يسلمك اختي ويبارك فيك تنوريني باي وقت

المشاركة الأصلية كتبت بواسطة Loodyvip وايت روز الف شكر لكي الله يجزاكي خير على كل اللي تسوينه لنا كلنا طيب معليش تعبتك بس عندي سؤال ذحين شرط اني اكتب سلبيات وايجابيات الموضوع اللي حيعطوني هو ؟ ولا اكتفي بشي واحد ونقطه وحده بس واتكلم عنها احسن ؟ معليش برضوا عندي سؤال غبي شوي ! ايش الفروق بين البرقراف والايساي ؟ واي واحد اللي نحط له عنوان في البدايه

هلا اختي والعفو الله يرضى عنك ويرضيك

على حسب اذا طلبو منك انك تكتبين السلبيات والايجابيات او تناقشين رايك ؟ في حالة طلبو منك الايجابيات اكتبي جملة عامة عن الموضوع وبعدها اكتبي جملة تقولي انك حتناقشين الايجابيات وبعدها تكلمي عن كل ايجابية وليه تعتبر ايجابية [ اشرحي كل ايجابية بجملة او جملتين ] وبعدها اختمي برايك في الموضوع ..

ويفضل انك تلتزمين يا بالايجابيات او بالسلبيات لان الدمج بينهم حيلخبط القارئ وبالتالي ينقص من درجتك لا قدر الله

ولا بعيد عنك الغباء اختي الله يرضى عنك

البلجراف وحدة واحدة لكن الايسيه يتكون من خمس بلجرافات [ اول بلجراف يكون المقدمة والاخير الخاتمة وبالنص تكتبين عن افكارك الاساسية ] وعندك هالموضوع راح يفيدك كثير :
الفرق بين المقال والبراقراف >> للاستفادهــ ^_^

ايضا :
دروس تقوية لمآدة writing تعريف بالمآدة

تبغوا تعرفوا السر في نجاحي في الرايتنج ..تفضلوا


والبلجراف تحطي العنوان له بالبداية قبل لا تبداين ويكون اول كل حرف فيها كبتل ماعدا لو كان من حروف الجر زي to - for

والايسيه تحطي عنوان واحد فقط فوق اول براجراف قبل لا تبداينه بعدها تبداين عادي وبعد ما تخلصي كل براجراف تسبين سطر وتبداين باللي بعده الى الخاتمة

واطلعي على الروابط فوق راح تفيدك كثير

الله يوفقك وييسر عليك الاختبار :-)

[القمران]

طيب احد يعطينا مواضيع للبرقرافات اللي يمكن تجي او اللي قد جت
وادعولي اتخصص انجليزي
يارب وبالتوفيق للجميع