◇:{ نقل اخبار الدورة التأهيلية طالبات انتساب - للفصل الدراسي الاول 2014}:◆

[ام ريتاج]

حبييي بالنسبه للريدنق انا بتكلم عن ريدنق 2
واخدنا كمان رايتنق2واتكمت عن summrising

[ѕυрзя пıdσ]

يابنات دوبي راجعه من عند دكتورة عزيزة وقالت انو المحاضرات دحين سرنا مطالبين بحضورها زي الانتظام
ولو الدكتورة لاحظت تغيب طالبة محاضرتين او اكتر تحسبها غياب و امكن تعطيها dn حرمان من حضور الاختبار
لانو دحين كلنا بنحضر من البيت وماعندنا أي حجة
وممنوع تسجيل المحاضرات و نشرها
كل وحدة حتلاقي مواد جدولها مسجلة عندها وتقدر تسمعها بأي وقت

[white rose]

المشاركة الأصلية كتبت بواسطة ام ريتاج اخدنا اليوم محاضرة ريدنق وحللنا الاسىله في الكتاب وقالة الكلمات سلف استدي

المشاركة الأصلية كتبت بواسطة ام ريتاج حبييي بالنسبه للريدنق انا بتكلم عن ريدنق 2 واخدنا كمان رايتنق2واتكمت عن summrising

الله يجزاك خير اختي على التوضيح وعلى النقل ما تقصري

ربي يوفقك تم نقل الاقتباسات الى موضوع الخلاصة :
▪♡:|:خلاصة اخبار دورة طالبات الانتساب - الفصل الدراسي الاول2014:|:♥▫


الله يوفقك ويسدد خطاك دنيا واخرة يارب :-)

المشاركة الأصلية كتبت بواسطة ѕυрзя пıdσ يابنات دوبي راجعه من عند دكتورة عزيزة وقالت انو المحاضرات دحين سرنا مطالبين بحضورها زي الانتظام ولو الدكتورة لاحظت تغيب طالبة محاضرتين او اكتر تحسبها غياب و امكن تعطيها dn حرمان من حضور الاختبار لانو دحين كلنا بنحضر من البيت وماعندنا أي حجة وممنوع تسجيل المحاضرات و نشرها كل وحدة حتلاقي مواد جدولها مسجلة عندها وتقدر تسمعها بأي وقت

هلا ندو

-كيف كذا

البنات مو كلهم يحضرو السنترا اساسآ وما عليها درجات حضور هالنظام معروف من زمان

والمفروض اذا بتحسب اي دكتورة يصير تبلغ البنات من قبلها بفترة وتنزل اعلان مو الكل بيحضر عشان يعرف ويقدرو يبلغو البنات عن طريق الايميلات والجوالات اللي بالاودس

وحتى لو نزل الاعلان نظام السنترا ما يفتح للبنات واغلبهم اجهزتهم ما تفتحه وياخذو التسجيلات من غيرهم واكيد حيضطرو ينقصو بالحضور + احيانا يطردك من الكلاس عند الضغط وهذا عن تجربة ياما انطردنا اكثر من مرة او دخلنا كلاس فاضي وبعد ما نقفل نكتشف انو الكلاس انعطى للبنات

-اما تسجيل المحاضرات فهي متاحة للطلاب والطالبات على منتدى الجامعة الرئيسي وهما ناشرينها لذلك اذا تبغو تتبادلوها اتبادلوها دام الجامعة سامحة بهالشيء

-ولا مو كلها تتسجل انتبهو كثير منها ما يتسجل ويتورطو البنات انتبهو كل بنت تسجل محاضراتها بنفسها افضل وعن تجربة كثير اتورطنا ولقينا الكلاسات ما اتسجلت وجلسنا ندور تسجيلات من زميلاتنا ..

اتمنى تتراجع عن كلامها وتراعي ظروف البنات مو الكل يقدر يحضرها بوقتها وربي يسخرها لكم ويهديهم على خير

الله يجزاك الجنة على التنبيه ندو ما تقصري في موازين حسناتك يارب

[بنت المنتدى]

السلام عليكم ورحمة الله وبركاته،،
كيفكم بنات ،،،،
الله يسعدكم ويوفقكم ابغى فزعتكم

بناااااااااات انا امس جيت من الريااااااااض وضاااااايعه مرررررره

انا طالبة انتساب لغه انجليزيه بكلية الفيصليه ،،،
وجدولي

علم دلاله و لغويات تطبيقيه و شكسبير و نقد ادبي

وماده حره اسس جغرافيا بشريه مع ابتساااام الغامدي


اي وحده عندها اي معلومات او حتى اسم للكتاب تبلغني باي شيء حتى لو اعطيها رقمي

ما اعرف شيء عنهم ابدا


ارجووووووووكم ساعدوني


الله يحققلكم كل اللي تتمنوه ويوفقكم دنيا واخره

مره حايسه وقلقانه


الله يريح قلوووبكم اي شيء تعرفوه خبرووني

وابغى مواعيد الدوره التاهيليه ومكان المحاضرات.

مع ان فاتني الكثيرررررر وكثيررر من المحاضرات خلصت




لاتنسوني ارجوووكم

[JASPER]

ياصبـــــــــــــــــــــــايا صــــــــــــــــــــــــــــارلي ســـــــــــــاعة احاول ادخل على السنترا وموقع الجامعة مايدخل رآح عليا محاضرتين..


يدخل على كل المواقع الا موقع السنترا وموقع الجامعة يجيني فشل تحميل لم يتلقى اي بيانات..

طمنوني انتو يدخل عندكم عادي ولافي احد مثلي..؟؟

انا ادخل عادي من يومين وتمام بس اليوم مو عارفة شو القصة بس موقع الجامعة الاساسي وموقع السنترا ايضا اللي مايفتحو

وبعدين شو هيدا الكلام اللي يرفع الضغط وينرفز اللي بتقوله مس عزيزة

هواحنا ناقصين يعني..الإنتساب طول عمرو الحضور مو اجباري..على فكرة الأمور مو ناقصة ..

وكيف يعني مافي حجة لعدم الدخول..!!

النت لوحدو أكبر حجة..في ناس ماعندها نت ..شوفواذا انا عندي نت وصرلي ساعة مو راضي يدخلني..

الله يهديها بس مو كفاية الواحد مضغوط بين فترة السنترا والإمتحان وكمان تخترعلنا اختراعات..

معليش والله اتعصبت ناقصين ظلم الإنتساب..!!

ياريت اعرف استاذة عزيزة اي المواد تعطي عشان أحذفها من الآن واريح رآسي ابدا مو ناقصة

لاحول ولاقوة الا بالله دخلت معصبة بسبب عدم قدرتي على الدخول ولما قرأت كلام استاذة عزيزة فااااااار دمي اكثر..

شيء يسد النفس فعلا

[ѕυрзя пıdσ]

والله قلتلها نفس دا الكلام وانا شخصيا راحت عليا محاضرة لانو النظام مو راضي يدخلني
فـ كيف انحرم من دخول اختبار المادة بذنب مو ذنبي !!!
عشان كدا قالت حيعذرونا محاضرة محاضرتين بس مو على طول
انا حبيت اقلكم دا الكلام من باب الامانة مو اكتر
بس انا ماحركز لانو الدكاترة ماقالو دا الكلام في المحاضرات بنفسهم
ولا كتبو قرار في موقع الجامعة عشان يعرفو كل الطالبات
اتوقع دا النظام يطبقوة بعدين بس يبغو دحين كل الطالبات يلتزمو بالحضور

[ѕυрзя пıdσ]

بنت المنتدى ياقلبي الدورات لسا دوبها بدأت وكلها اون لاين مافي محاضرات في الجامعة

[JASPER]

لأبجد كتر خيرها هاتعذر محاضرتين.!!!.انا من رأيي تفصل اصحاب السنترا من عملهم افضل لما مايدخلنا النظام اويخرجنا بدون انذار
معليش ندى بس والله كلام مس عزيزة رفعلي ضغطي..



عموما ندى ممكن اعرف مس عزيزة تعطي اي مواد؟؟
لأنها الوحيدة اللي قالت مثل هالكلام على فكرة هيامهاتخاف على مصلحة البنات اكثر من خوفهم على مصلحتهم هذي نقطة


والنقطة الثانية لو الحضور ينحسب على دة لازم تعطينا اعمال سنة كمان مثل الإنتظام..ولاالمساواة بس في الأشياء الضارة عندهم..!!سبحان الله!!

وهل يدخل معك موقع الجامعة الآن؟والسنترا؟لأني جربت كل المتصفحات الموقعين مايدخلو..!!

[ѕυрзя пıdσ]

ههههههههههههههه
تعطي سوشيو و سيمنار
هوا المفروض منجد ناخد درجات حضور بس صدقيني اتحدا لو يحرمو بنت من دخول الاختبار
بسبب انها ماحضرت ولا مادة الكلام بس عشان يلزمونا اننا نحضر وقت المحاضرة ودكتور حسونة
بنفسو قال انو الاحد ماعطانا محاضرة بسبب النظام


اتمنى من روز وايت تحدف كلامنا بعدين عشان يكون الموضوع مرتب وبس يقتصر على اخبار الدورة :)))

[JASPER]

ندى مارديتي على سؤالـــــــــــــــي..!


هل يدخل معك الآن موقع الجامعة؟؟ والسنترا؟؟

وبعدين السيمنار مكتوب مس نهى !!

ولاتقلقي عزيزتي على أخبار الدورة لأنو وايت روز الله يعطيها العافية مرتبة الموضوع بدون اي كلام خارجي

في موضوع شامل بعنوان خُلاصة الدورة التأهلية اتطمني^^