ملتقى طلاب إدارة الأعمال (المجاني)

[كلام كليم]

أختي لو تقرأين ردودي في الموضوع بتعرفي وش المناسب

حاولتي تأخذي مادتين فهم ومادتين حفظ عشان تعملي توازن في الجدول


انا خريج 2002 ومن زمان عن الجامعة لو نزلوا اسماء الدكاترة وكانوا سبق ان درسوني بفيدك عنهم

[المستبدة]

المشاركة الأصلية كتبت بواسطة جدة اختي المستبدة ادارة اعمال مو تخصصي عشان كذا لازم ادرس مواد تكميلية ولازم تروحي يوم 17 ماينفع تسويه من النت واذا عندك اي معلومات عن المواد ياليت تفيديني موفقة

والله جدة كويس اني قولتي انو لازم نروح الجامعة كنت احسب انو نقدر نسويه من النت مرررره شكرااا ..
بالنسبة للمواد على حسب المعلومات اللي قالها الأخ كلام كليم ومشكووور عليها انا قررت آخد تحليل كمي ومحاسبة و مبادئ ادارة وموارد بشريه طبعا على حسب الشعب ومواعيدها أهم شي زي ماقال كلام كليم مادتين فهم ومادتين حفظ .. وان شاء الله يصير يخير .
ابغى أسألك اخت جدة انت اش تخصصك في البكالوريوس ؟؟

[كلام كليم]

المشاركة الأصلية كتبت بواسطة المستبدة والله جدة كويس اني قولتي انو لازم نروح الجامعة كنت احسب انو نقدر نسويه من النت مرررره شكرااا .. بالنسبة للمواد على حسب المعلومات اللي قالها الأخ كلام كليم ومشكووور عليها انا قررت آخد تحليل كمي ومحاسبة و مبادئ ادارة وموارد بشريه طبعا على حسب الشعب ومواعيدها أهم شي زي ماقال كلام كليم مادتين فهم ومادتين حفظ .. وان شاء الله يصير يخير . ابغى أسألك اخت جدة انت اش تخصصك في البكالوريوس ؟؟

أختي المستبدة اقدم النصيحة لك أنتي الأخوات وأي احد يشارك معنا

دامك في جدة وتقدري تروحي للجامعة فأفضل شي إنك تروحي لأن الشي عن قرب دائما يكون احسن

الله يوفق الجميع

[نـبض الوفـا]

ياليت تفيدوني بالنسبة للشعب أنا سألت قالو لي انت يالماجستير غير البكالوريوس يعني مراح تواجهك مشكلة أنه في شعب مقفلة

لاني بصراحه ماودي اروح اضبط جدولي عمياني وانا مااعرف اسماء الأساتذه

ما اعرف هل هذا الكلام صحيح يعني انا اول سنة بدرس مواد تكميلية هل فعلا مراح تواجهني حكاية أنه في شعب مقفلة

عشان اخذ راحتي في تضبيط الجدول بعد العيد


افيدوني جزاكم الله خير عشان لو هذا الكلام مو صحيح بروح بكره اضبطه

وكمان ابغى اسالكم هل لو انا اخذت ماجستير بحث علمي هل ينفع اكمل دكتوراه وانا بحث علمي لاني سمعت انهم يطلبوا منا عمل رساله ع الماجستير لو ابغى اكمل دكتوراه افيدوووني بليييييييييييز

[كلام كليم]

أختي نبض الوفاء

بالنسبة للمواد التكميلية اللي اعرفه ان تدرسي مع طالبات بكالوريوس يعني ممكن تواجهي لاقدر الله مشكلة شعب مقفلة على ما اعتقد

عشان كذا حاولي تخلصي امورك بدري

أما بالنسبة لدراسة الدكتوراة تقدري تدرسيها ومو شرط لازم تكوني اخذتي الماجستير برسالة ولعلمك شهادة الماجستير عبى مستوى العالم لايشترط فيها الرسالة

الله يوفقك

[المستبدة]

نبض الوفا بالله اذا رحتي بكرة الجامعة قوليلينا اش صار معاك لأني انا حروح باذن الله السبت ...

[نـبض الوفـا]

مشكوووووووووووووور كليم كلام على ردك الله يريحك ريحتني


المستبده بكرة ان شاء الله بروح الجامعه وببلغك ايش صار معي بإذن الله

بس ابغى اتاكد اكثر بالنسبة للشعب لاني كلمت دكتور بالجامعه وقال لي لأ مدري ليه متخوفه من هالموضوع


ابغى اضبط جدولي يتناسب مع عملي



الله يوفقنا وياكم

[نـبض الوفـا]

ابشركم رحت الجامعه والحمدلله طمنتني استاذه سعاد الصخيلي وكيلة الدراسات انه احنا الماجستير حتى لوندرس مواد تكميلية مراح تواجهنا مشكلة بالشعب لانه بالعماده راح يفتحوها لنا

وقالت لي تعالي السبت 11 شوال

[المستبدة]

طيب كويس الحمدلله الله يبشرك بالخير ان شاء الله
يعني انت سويتي جدولك ولا لا ؟؟؟

[نـبض الوفـا]

حبيبتي ما سويته قالت لي لمن يجو اعضاء هيئة التدريس