{خلاصة ماطرح في الدورة التأهيلية -طالبات -للفصل الاول لعام 1432-1433هـ}

[ام حمدان]

اخبار محاضرا ت مادة المسرحية 343

المحاضره الاولى

بواسطة ام حمدان

دراما 343 مع مس ايمان بوترعه اعتمدت المنهج الجديد وقالت خلفيات العصور للمسرحيات تبع المنهج داخله معنا في الاختبار+عناصر للدراما وراح يكون عليهم اسئله اختيارات عليهم 20 درجه والباقي بيكون اسئله مقاليه على المسرحيات وقالت بتكلم القسم على اساس ينزلوا اسئله لها تساعدنا في المذاكره على صفحتها في موقع الجامعه وبالنسبه للخلفيات اظن كمان قالت بتنزل ملفات تساعد فيها(مو متاكده من هذي المعلومه بس بنرجع نتاكد ثاني منها ) عموما حتى لو مانزلتهم لو لقينا شي يخصها مع بنات الانتظام بنحاول ننزله لكم إن شاء الله بالنسبه للمحاضره كانت عباره عن شرح لعناصر الدراما الي سبق واخذناها يعني مافي شي جديد ومادخلنا في المسرحيات للان قالت حضروا للمحاضره الجايه the wild duck act 1&2 واي سؤال عندكم او استفسار تقدروا تراسلوها على هالايميل drama_343@yahoo.com وضروري تكتبوا في راسلتكم انكم طالبات انتساب حتى ماتلخبط بينكم وبين الانتظام وساعاتها المكتبيه s.m.w من 12-1 مينى الجوهره غرفه 119

المحاضره الثانيه

بواسطة ام حمدان

الدراما 343 مع ايمان بو ترعه امس اول شي قرات لنا من الشرايح خلفيه الكاتب هنريك ابسن وقالت بتحاول توفرها على موقع الجامعه وايضا ممكن تلقوا كلام عنه عالنت لو بحثتوا وبعدها شرحت مسرحيه البطه البريه اكت 1و2 واشرت معنا بعض الاحداث المهمه في فيهم ملزمتي اخذتها وحده تصورها لذلك مااقدر الحين اقولكم ارقام الصفحات او بدايه العبارات إن شاء الله في الويك اند اقولكم عليها وطبعا كل شي مهم فيها وكل العناصر مهم تعرفوا شرحهم بالنسبه للاختبار ماقالت شي غير الي قلتله لكم من قبل في المحاضره الاولى ولو حصل جديد بخصوص الامتحان بنبلغكم إن شاء الله

تابع المحاضره الثانيه

بواسطة white rose

تابع المحاضره الثانيه بواسطة white rose Drama – LANE 343 اهم النقاط في النص الخاص باول اكت في The Wild Duck اللي كان في محاضرة الاثنين في المرفقات . http://www.skaau.com/vb/attachment.p...6&d=1319192217

[/QUOTE]

المحاضره الثالثه والرابعه والخامسه

بواسطة white rose

Drama – LANE 343 التحديد الخاص بمسرحية Henrik Ibsen’s The Wild Duck في المرفقات من كل الاكتات من 1 الى 5 وبالنسبة لمحاضرة الاربعا هيا عرضت لنا 3 مقالات اظنها من النت على سينغ المؤلف للمسرحية وعلى البلاي نفسها J.M.Synge’s The Playboy of the Western World اكثر شي قالت ركزو على شخصية كريستي ماهون وما قرات لنا من نص المسرحية زي الوايلد دك وقالت اغلبها هالمسرحية كلمات وجمل سلانغ وحاولت اكتب معاها كم نقطة ان شاء الله بحاول انزلها قريب اذا لقيت وقت ودعواتكم يا حلوين

المحاضرة الاخيرة
بواسطة ام حمدان

ياعسولات اخر محاضره دراما قالت لنا هالكلام كل شي عن المسرحيات لازم تعرفوه سواء عناصر او خلفيه الكاتب او خلفيه العصر وهي من اول وعدتنا انها راح تنزل الخلفيات الي عرضتها لنا في المحاضرات على موقع الجامعه وقالت انها جهزتها للمسؤولين بس قالوا انهم حاليا في اجازه ويمكن تنزل بعد مايرجعوا للدوام المهم تقول انها قاعده تبذل جهدها معهم عشان تنزل عالموقع ويارب مايتاخروا في تنزيلها وتقول في مذاكرتكم اقروا النصوص ومن خلالها حالوا تنسنبطواالعناصر بفهمكم وممكن تقروا التحليلات الي في النت وحالوا تكون من مواقع تعليميه افضل والاسئله بتكون جزء منها اختياري على الخلفيات حسب مافهمت منها في اول محاضره اما بقيه الاسئله بتكون منها اقتباسات ممكن تطلب منك امور معينه اما تحليل للشخصيات الي تتحاور في المقطع او تشرحي الثيم الي موجود في المقطع وكيف توصلتي له من خلال نفس الاقتباس او تتكلمي عن الsetting الي موجود في المقطع وتاثيره يعني توقعي اي اسئله من هذا القبيل عالاقتباسات يعني ضروري تقراو النصوص وايضا بقيه الاسئله بتكون زي حال اسئله المواد الادبيه تسالك عن اي من العناصر او اي فكره معينه في المسرحيات وتناقشيها وتقول حتكون الاجابات في نفس ورق الاسئله يعني في مساحه محدده للاجابه وتبقى اجابه الاسئله المقاليه ماتكون سرد للاحداث او بلوت جاوبوا على قد المطلوب ولا تدخلوا في الاجابه امور مالها دخل ولازم الاجابه تكون مرتبه يعني لها مقدمه تمهد للفكره الرئيسيه وبودي يشرح تفاصيل الاشياء المطلوب منك شرحها في السؤال وخاتمه وطبعا تحاسب عالقرامر والسبيلينق والستركتشر الى جانب المحتوى وترابط افكاره وقالت حاولوا وانتوا تجاوبوا تختاروا كلمات انتوا واثقين من السبيلينق تبعها حتى ماتنقصوا وبصراحه الاستاذه ايمان ماحستها تخوف زي ما البعض اوحى لنا انسانه طيبه و تشرح بذمه وماقصرت معنا حاولت توضح لنا كل شي ضروري نعرفه ومااتوقع وحده مثلها امينه في الشرح وفي التعامل ممكن تظلمنا او تخسفنا بدون سبب فلا تخافوا منها إن شاء الله اسئلتها معقوله بس انتوا اجتهدوا وركزوا وإن شاء الله فالنا جميعا النجاح بدرجات عاليه

---

رآبط مهم

اسئلة لمسرحيات الدراما343 مع اجوبتها من موقع enotes

the emperor jones الامبراطور جونز , بالعربي مع ترتيب الصفحاتا

[ام حمدان]

مـآيخص مـآدة مقدمة في الترجمـة lane 350
Introduction to Translation – Lane 350
ملاحظة: المنهج جديد [ تغيرت تمـآماً عن الترم المـآضي ]

- دكتورة المـآدة/ منال حسن فوزي التاودي

- وسـآئل الإتصــــــآل ..

الايميل
meltawdy@kau.edu.sa


بيانات الكتاب



اسم الكتـآب/ Thinking Arabic Translation. A Course in Translation Method: Arabic to English.

مكـآن النشر: London: Routledge, 2002.

للمؤلف/ James Dickins, Sándor Hervey and Ian Higgins

المقرر المطلوب كمـآ في المفردآت..
Chapters: (1, 2, 3, 4, 5, 6, 7, 8, 9)a

- يمكن تحميل الكتـآب كَـ نسخة الكتـرونية من هنــــآ..

[كتـآب الترجمة الجديد لعام 1432-1433/2012 الفصل الأول]

[ام حمدان]

اخبار مادة مقدمة في الترجمه lane350


المحاضرة الاولى

بواسطة SAROOO

بسم الله الرحمن الرحيم بحاول اني انزل فيه كل شي ينأخذ في المحاضرة والله ييسر لنا جميعا اول شي ببدأ بتعريفات بسيطة للمادة طبعا احنا ندرس ترجمه ففي الاختبار حيكون قطعتين قطعه ترجمه من الانجليزي للعربي والثانيه من عربي لانجليزي نحتاج في الاختبار 3 قواميس منفصله قاموس انجليزي - انجليزي ( ممكن تاخذو اكسفورد ) قاموس عربي - انجليزي قاموس انجليزي - عربي اعطتنا اسمين للقواميس بس انا بصراحه مو عارفه هذا ايش وذاك لايش اللي هو قاموس المورد وقاموس hanz verr طبعا التعاريف مو معانا اوكي الحين نقدر نبدأ التجمع اللي يبغى يكتب شي عن اول محاضرة يتفضل انا قلت افتح وبعدين اجلس على كتابي وابدأ اححط لكم اللي اخذناه يعني ممكن اتاخر بس برجع واحطه لكم ايه واللي طلبوني صورة للكتاب هذي صورته واي اسئلة ثانيه انا في الخدمة دعواتكم ... سرو ...

مرحبا في البداية طبعا حابه اقولكم انه معانا من شابتر 1 الى 9 فقط قطع الاختبار مو من الكتاب حتكون خارجيه القواميس مو الكترونيه في المحاضرة الاولى اخذنا الشابتر الاول كامل في البداية طبعا كانت كلها تعريفات source text :ST هو النص المراد ترجمته TARGET TEXT : TT هو النص المترجم SOURCE LANGUAGE :SL لغة النص الاصلي المراد ترجمته TARGET LANGUAGE :TL لغة النص بعد الترجمه ياليت احد يقول اللي فهمه من الباقي احسها اشياء مالها داعي بس مدري المهم في نهاية المحاضرة اعطتنا جملة طلبت ترجمتها Hamlet is regarded by many critics as Shackspear's most importent complicated play اول شي طبعا كل وحدة فينا ترجمت على كيفها وشوفو العجايب وانا اول وحدا صكيتهم بترجمه مدري من وين جبتها المهم احدى القاعدات المهمه يوم نجي نترجم من انجليزي لعربي نخلي الجمله فعليه هذا اهم شي قالته طيب الترجمة هي يعتبر الكثير من النقاد ان هامليت اهم مسرحيات شكسبير واكثرها تعقيدا تقريبا هذي الاشياء المهمه اللي انذكرت ياليت يا بنات تجو تشيكو وتزيدو اذا في شي مهم او شي نسيته الله يسهل لنا سرو ...

تابع المحاضرة الاولى

بواسطة الملاك الابيض

رووعه ياسرو تسلم اناملك وربي يجزاك خير . انا ماحضرت المحاضرة من البداية وكويس انك كتبتي اسماء القواميس لانو المحاضرة ماتسجلت عندي . وبالنسبة لاخر جزئية ذكرتيها اسمحي لي ازيد عليها . انو يابنات لما نترجم من انجليزي لعربي الافضل انو نبدأ الترجمة بفعل يعني لما تكون عندنا جملة زي هذي الجملة : Hamlet is regarded by many critics as Shakespeare's most important complicated play لما نيجي نترجمها عربي مانبدأ بالفاعل بالرغم من انه في بداية الكلام , ولكن نبدأ بالفعل حتى تكون الترجمة محترفة ومنسقة بشكل افضل فنبدأ بالفعل وبعدين نكمل باقي الكلام فتصير الترجمة : يعتبر الكثير من النقاد ان هامليت اهم مسرحيات شكسبير واكثرها تعقيدا >>لاحظوا انو حطينا الفعل في البداية مثال ثاني : mohammad ate the apple راح نقول : أكل محمد التفاحة وطبعا هذي القاعدة تسري فقط على الجمل الانجليزية الي فيها افعال اما هناك جمل مثلا ماتقدري تبدي ترجمتها بفعل لانو مافيها فعل كالتالي : mohammad is a good student لاحظوا مافيها فعل فراح نترجم طبيعي ونكتب الاسم اولا : محمد طالب جيد هذا كل شي . وبالتوفيق للجميع

المحاضرة الثانيه

بواسطة mex

مسااااء الخير اولا عزيزاتي المشرفات ااسف منكم لاني راح اكتب الي صار معنا في المحاضره هنا مو مكان ماقلتو لاني صراحه جديده في دي الامور ومااعرف كيف اسويه فياليت تنقلونه انتم ومشكورين على جهودكم تانيا اي فهمته من المحاضرة اليوم نوع واحد صراحه من انواع الترجمه الي هيه free translation انو في بعض الكلمات الي نترجمها مو بالضرورة تكون نفس الكلمه الموجوده بالنص الاصلي ولكن مستبدله بكلمه اخرى تعطي نفس المعنى مثال: (يوم لك ويوم عليك)هذا النص الاصلي ترجمتها بتكون (you win some you lose some) هنا نرى انو كلمه يوم استبدلت بكلمة win ,lose لكن اعطت نفس الفكرة المطرحه في المثل ان شاء الله اكون وصلت المعلومه لكم واذا كان فيه اي غلط في فهمي ياليت تصلحلي هوه اي وحده منكم وبالنسبه للنوع الي راح نستخدمه والي مانستخدمه في الاختبار انا مافهمت لان النت فصل عندي وخرجت من المحاضره وفيه بنات اعتقد قالو او حر و حرفي بس مافهمت ايش المقصود ياليت تساعدوني في دي النقطه وايش هوه النوع المطلوب وطريقته ومرة ثانيه اكرر اسفي للمشرفات اني كتبت الموضوع هنا

تابع محاضرات الماده
بواسطة الملاك الابيض

مادة الترجمة منال تاودي المحاضرة رقم 4 : السلام عليكم اليوم محاضرة الترجمة الفصل الرابع خلصنا الفصل الرابع وكانت تشرح عن ترجمة الجمل الي مالها مقابل او كلمات مكافئة لها في اللغة الانجليزية مثال على الكلام الي قلته : الذكر كلمة الذكر في اللغة الانجليزية مالها مقابل فلو كتبنا الكلمة مثل ماهي في العربي thikr القارئ الاجنبي ماراح يفهمها . عشان كذا بنروح نجيب اقرب كلمة لها عندهم وهي في هذي الحالة كلمة :" communal invocation هي صح ماتعطي نفس معنى كلمة الذكر بس احيانا في الترجمة نخاطر بفقدان بعض الكلمات الاصلية على انو تخاطري بفقدان المعنى الاصلي الكامل واهم شي في الترجمة انو المعنى يوصل لذهن القارئ الاجنبي بنفس المعنى الي كتبه فيه الكاتب وأراد ايصاله لاهل اللغة الاصليه . امم وبنفس الطريقة كلمة زغرد اقرب كلمة الها في لغتهم هي ululate وهي ماتعطي معنى زغررررد زي لغتنا بس على الاقل قريبة منها وتخلي القارئ يفهم ايش قصدي اخر شي قالته عن فئات التعويض في الترجمة وهي 3 انواع التعويض في النوع ومثال عليها التاجر والشاري في ص 45 اقري الشرح الي تحته بتفهمي لانو مافهمت عليها مررة . كانت تقرا وبس وباقي الفئتين هي التعويض بالمكان والتعويض بالفصل وبرضو خدي امثلة عليهم من الكتاب ص 45 وص 47 . وبس وبعد كذا اعطتنا الجمل الي نترجمها اول جملة من انجليزي لعربي : يعتبر شكسبير –اذاجاز لنا القول – هو الاب الشرعي للادب الانجليزي وترجمتها هي : Sikspear is considered ,as it were ,the legitimate father of the English litreture الامر المهم الي قالته هنا انو الترجمة مالها قاعدة معينة او انو كلمة معينة هي الترجمة الصحيحة . مثلا احنا في شعبتها تقريبا 30 طالبة كل طالبة ترجمت الجملة بطريقة .هي قالت انو طالما المعنى محفوظ في الترجمة يبقى الترجمة صحيحة لو كانت بأي شكل . المثال الثاني من انجليزي لعربي : The problem of overpopulation has accupied the mind of economists والترجمة حقتها هي : شغلت مشكلة تزايد السكان عقول الاقتصاديين وتكلمت عن القواميس وقالت افضل طريقة لمذاكرة هذي المادة انو تنتبهي معها في الشرح لانو احيانا تنبه لاشياء مهمة وتنتبهي لتصحيح الاخطاء تبع الترجمة تبعنا وانو تحاولي تترجمي قدر الامكان في البيت باستخدام القواميس الكتابية وليس الالكترونية لانو في الاختبار مافي لاب . وبس وذكرت اسماء القواميس قاموس اوكسفورد انقليزي _انقليزي >>يفيد في معرفة استخدامات الكلمة قاموس المورد الوسيط عربي _انجليزي .او قاموس هانز فير قاموس المورد القريب انجليزي -عربي وهذا كل شي

اخر محاضره
بواسطة mex

مسااااااااء الخير هذا رابط محاضرة يوم الاربعاء بالتوفيق للجميع.... http://www.mediafire.com/?w9dgszb0kz6v8mk

تابع بواسطة Ameera

مساء الخير يا حلوات ... الباسج اللي اليوم كتبته معاها وبنزله هنا عشان اللي ما لحقت تحضر او تكتب معاها وبالتوفيق الباسج / we must work hard to increase our production . Pur natural I reasources should be made full ose of in ascientific way.We should also increase our exports to other countries and restrict imports especially of luxury goods. In this way,we can solve our economic problems and enjoy preosperity.والترجمة كالتالي/يجب ان نعمل جاهدين على زيادة انتاجنا .لا بد من الاستفادة القصوى من مواردنا الطبيعية بطريقة علمية.يجب ايضاً أن نزيد من صادراتنا إلى البلاد الأخرى ونحد من الاستيراد وخاصة من البضائع الكمالية وبهذه الطريقة يمكننا أن نحل من مشاكلنا الاقتصادية وأن ننعم بالرخاء. أتمنـــــــى أكون افدكم وفالكم النجاح يارب

نماذج لقطع مترجمه ,..

[ام حمدان]

مـآيخص مـآدة اللغويـــــآت الإجتمـآعية lane 422
Sociolinguistics – Lane 422

- دكتورة المـآدة/ د.خولة عبدالقادر زهران

- وسـآئل الإتصــــــآل ..

الايميل/
Kh_abed@hotmail.com



- صـورة للكتـــآب ..




- مفــــردآت المـآدة ..

اسم الكتـآب/ Sociolinguistics: An Introduction to
Language and Society

London: Penguin, 2000.

للمؤلف/Trudgill, Peter
الطبعة/ 4th ed

- الفصول المطلوبة ..

وفقـآ للمفردآت / الكتـآب كـآملاً All Chapters are included

قد يفيدكم ..

شرح كتاب اللغويات الاجتماعيه 422 بالكامل

[ام حمدان]

اخبار محاضرات مادة اللغويات الاجتماعيه 422


المحاضره الاولى

بواسطة الامواج

لغويات اجتماعية مع مس خولة..تكلمنا عن الوحدة الأولى.. وأهمية المجتمع وتأثيره على الفرد واللهجات .. وكيفية تأثرها بالتضاريس الجغرافية.. وان مافي شيء اسمه لهجة محلية مثلا سعودية خالصة.. لإنها متأثرة باللي حواليهم.. يعني مثلاً الشرقية تتأثر لهجتها بالكويت .. والمنطقة الغربية أهل الحجاز تتأثر لهجتهم باليمن.. والمنطقة الشمالية تتأثر لهجتهم بأهل الأردن .. وهكذا... الكلاس رائع والمادة إن شاء الله يارب تكون حلوة..

المحاضره الثانيه

بواسطة white rose

Sociolinguistics – LANE 422 مع مس خولة زهران في المرفقات محاضرة الاحد + الثلاثاء http://www.skaau.com/vb/attachment.p...5&d=1319192217

المحاضره الثالثه

بواسطة wed0oo

sociolinuistics ch.4 language & sex شرحت البرجراف التاني من ص.61 في بعض اللغات لازم يكون في تفصيل او تفريق في نوع الfriend اذا كان male or female زي في ال( German (male>freund / female>freundin وفي العربي نفس الشي (صديق / صديقه) اما في الانجلش مافي هذا الفرق وممكن يكون في صلات القرابة cousin في الانجلش بتشمل الاثنين مذكر ومؤنث اما في الفرنش لازم نحدد مين فيهم (cousin/cousine) وممكن يكون في في وصف الوظيفه (actor/actress) واحيانا زي في ال cameraman عشان يعادلو ويساوو بين male & female بيقولو cameraperson وبدل fireman بيقولو firefighter ص62-63 . اتكلمت عن ال sex-marking ممكن يكون باستخدام الضمائر او الصفات او الفعل.. لو قالت هاتي اكزامبل ع ال sex-marker في اال prnoun ؟ حنقول " he , she" الصفات : ابيض/بيضاء - ذكي/ذكيه الفعل : ذهب ذهبت في الاختبار ممكن نكتب المثال بالعربي لكن الشرح يكون طبعا بالانجلش وبس المثال ب العربي مثلا ممكن نقول in English we don't have gender-mark in verbs but in Arabic we have ex.هي ذهبت , هو ذهب او ممكن بدي الطريقة hia thahabt , hwa thahab ص66. why would women speak diffrent words than men in the same society?? بسبب ال taboo .... من ال taboo sunds in Zulu صوت ال/z/ يعني لو مثلا وحده اسمها زينب مو مسموح للمراة بانها تنطقه بال /ز/ لكن تغيره ل نينب !! ص73. في البارجراف التاني قالت زي لما بعض الرجال المتعلمين بيتكلمو بطريقه هادئة او تكون ناعمه لدرجة انو اوقات تحسيها "بايخه " اما في افراد الطبقة العاملة بيتكلمو اوقات بطريقة جدية ودفشة وخشنة اكتر لكن بتكون النظرة لها بانها رجوليه اكتر البارجراف اللي بعده ,, المجتمع بيتوقع ان المراة تتصرف بطريقة اكثر تهذيب ورقي من الرجل حتى لوكان اللي بيعمله الرجل مو مقبول مثلا لو كان الرجل بيدخن بيكون شكله حلو جذاب ويتقبله المجتمع منه ومايغارض عليه اما لو المراة دخنت بتكون ردة الفعل غير وكانها تدل على قلة الادب هذه بعض الاشياء في تشابتر 4 وباقي تشابتر 5 اكتبها بوقت تاني ان شاءالله

تابع المحاضره الثالثه

بواسطة
i still feel ya

مرحبا يابنات... انا جمعت كل المهم من شابتر واحد الي بداية شابتر 5 في السوسيو.. يعني من اول ملف وايت روز الى ويدو وانا كملت 5 بس باقي من محاظرة يوم التلوت اللي هيا تكملة 5 .... يابنات اللي هتنزل المهم تكمل ع الملف دا..حتا يسهل علينا نلاقيها مو تضيع وسط الردود... المرفق من هنا http://www.skaau.com/vb/attachment.p...2&d=1319475806

المحاضره الرابعه

بواسطة wed0o00

sociolingustic ch.5 language & context المقصود بالكونتكست حسب المكان اللي انت بتتكلمي فيه "زي لما يكون عندها كلمات taboo لكن ماتقدر تقولها في الكلاس لان ال cotext is educational ص.81 المتحدث نفسه بيستخدم عدة طرق في الكلام في مواقف مختلفه لاسباب واغراض مختلفه زي مثلا لما تكون المراة امام رجل بتكون طريقة كلامها وصوتهاوطريقة اكلها وحركاتها كلها غير ولما بيختفي هذا التاثير بتكون بتتصرف بطريقة تانية او لما تكون الوحده في العمل تكون طريقة اختيارها للكلمات والالفاظ غير عن في البيت في البارجراف التاني الregister بيختلف حسب:1 ال occupations يعني الميكانيكي كلامه غير عن الدكتور او المحامي .. كل واحد بيكون له طريقه وستايل حسب وظيفته وتثقيفه 2 الtopics يعني حسب الموضوع مثلا زي لما تكون الوحده في عزا ويكون كلامها عن عزائم وضحك والعكس لما تكون في فرح وتتكلم عن محاضرات واستغفار المواضيع غالبا في الاوقات العادية تكون مقبولة لكن في هذه الاماكن بيكون ذكر المواضيع هذه شيء متناقض ومو لايق ص 82. البارجراف التالت عند الفورماليتي .. في اشياء هي اللي تبين وتحكم اذا كان فورمال اولا ,, حسب القرابه والجدية و... زي لما تكوني مع الفرندز بيكون انفورمال , اما امام الدكتور او التيتشر بيكون فورمال ص83. ممكن تسال هاتي امثله ع الفورماليتي .. وممكن تجاوبي بالامثلة المذكورة : فورمال انفورمال ,فورمل انفورمل , فورمل انفورمل البارجراف التاني بعد الامثله فيه تعريف ال style والستايلممكن يختلف ويكون له درجات لكن مو في كل اللغات بينوجد هذا اختلاف مثلا : انني اُحِسُ بالتعب "تعتبر فورمال " اما , انا تعبانه كتييير "تعتبر انفورمل" اخر ص86. في عدة مستويات للستايل في البروناونسييشن في اخر 4 سطور ص89. مهمه في البارجراف الاول الميدل كلاس بيعملو hyper correct because of the insecurity they feel في البارجراف التاني مكانة الشخص اللي بتتحدثي له والعلاقه اللي بتربطك بيه مهمه يعني الشخص اللي بيكون powerful اكتر هو اللي بيحدد الفورماليتي قالت مثال لو وحده كانت تملك صالون وجات قالت للموظفه روحي شوفي الزبونة .. الموظفه حتقول ok madam لان العلاقه فورمال بينهم اما اذا كانت العلاقه بين المديرة والموظفه انفورمال "وهذا الشيء تحدده المديره لانها صاحبة المكانه الاعلى" فحيكون رد الموظفه غير برضو اتكلمت عنكلمة sir لما بيستخدموها في امريكا مابتكون للتفريق بين الطبقات .. لكنها كلمة وديه تبين انك بتحترمي الشخص اللي معاك اما في بريطانيا بيستخدموها للاحترام وللناس الهاي ص 90. اخر برجراف لما بيستخدمو صيغة الجمع بدل المفرد دليل على انها فورمل مرة زيي لما الملك يقول امرنا نحن وقصده امرت انا لكن لانه فورررمل مرة ص91. مهمه ال t , v t للانفورمل وال v للفورمل ممكن تجيب سوال ايش الفرق بين هذا وهذا "شخصين واحنا نكتب t or v" او تقول هاتي مثال على t.t : friend.friend sister.brother v.v: king.king t.v: student.teacher worker.boss ص95. diglossia "when you have variaties in the same language" بيكون في hi varity وهو الفورمال وبيستخدم في المحاضرات والاخباروالرسائل الرسمية وفي ال low varity وهو الانفورمل وبيستخدم بي الاصدقاء ةفي الكاجوال سبيتش ال more respected هي الفورمل زي اللغه العربيه الفصحى لها احترام اكتر لو الامام خطب باستخدام اللهجة العامية مابيكون لها قبول واحترام وهيبة زي لما تكون بالفصحى ممكن تقول هاتي مثال على ال hi,low varity في العربيه انا رأيتُ"هاي" / انا شفت "لو" الهاي : في نشرات الاخبار في المجلات والجرائد... اللو : في المحادثات مع العائلة والاصدقاء , مسلسلات الراديو <ص96 دعواتكم

---

تكمله تاشير فصول مادة السويو 422 لطالبات الانتساب مع د.خوله زهران

[ام حمدان]

مـآيخص مـآدة اللغويـــآت التطبيقية lane 423
Applied Linguistics – Lane 423

- دكتورة المـآدة/ ابتسام عبدالعزيز عيسى باجري

- وسـآئل الإتصــــــآل عالصفحه الشخصيه ..

من هنـــــــــا



- صـورة للكتـــآب ..




- مفــــردآت المـآدة ..

اسم الكتـآب/ How Languages are Learned

Oxford: Oxford University Press, 2006

للمؤلف/Lightbrown, Patsy, M. and Nina Spada
الطبعة/ 3rd ed

- الفصول المطلوبة ..

وفقـآ للمفردآت
All Chapters are included

- تحميـل الكتــــآب كَـ نسخة الكترونيــــة

كتاب اللغويات التطبيقية 423 الجديد لِـ عام 1432-1433/ 2012 الفصل الأول

---

[ام حمدان]

محاضرات اللغويات التطبيقيه lane423

المحاضرة الاولى

بواسطة moon light

بالنسبة للابلايد الكتاب مرة دش وكلامو كتير الاستاذة تقريبا تاشر على الكلام كلو المهم نركز على النظريات اللي في التشابتر الاول ونفهمها كويس لانو باقي النظريات كلها تعتمد عليها

المحاضرة السادسه

بواسطة ranas

الابلايد شبتر 1-2-4-5 والباقي قالت تطبيقي ايش يعنى تطبيقي الله العاااالم؟؟؟؟؟

المحاضرة السابعه والثامنة

بواسطة الامواج

الأبلايد مع أستاذة [إبتسام باجري]... البنات يقولوا شابتر 1-2-4-5 بس المخطط... وأسئلتها راح تكون متنوعة وتبغى إجابات السينتاكس حقها صح لإنها راح تحاسب.. هذا اللي وصلني من البنات وأتنمى اللي عنده معلومة زيادة أو طريقة الأسئله بطريقة معينة أو الأشياء اللي ركزت عليها يعلمنا فيها لإنها عندي شعبة وهمية وماقدرت أحضرها...

تابع

بواسطة سلاف

يسعد مساكم بالاضافه اللي قالت الامواج في الابلايد التورايخ مو مطالبين فيها والنظريات ضروري نعرف مسمياتها وح تركز فقط ع النظريات الاساسيه والتطبيقه لا الاختيار ح تجيب 20 فقره صح وخطا وتقريبا 5 اسئله عددي او اذكري النظريه الفلانيه ومقارنه وتعريفات

تابــــــــــــــع

بواسطة NeeiNaab

الابلايد ححاول اقول ايش ركزت على ايش دحين اي كلمة حروفها كابيتال هادا تعريف لازم نحفظه نبدا صفحة 1 الجزئية اللي في اخر الصفحة في كلمة developmental sequences نحفظ تعريفه صفحة 2 في كلمة في وسط البرجراف التاني telegraphic عليها سؤال why first and seconed year language its called telegraphic?? صفحة 3 سؤال what are grammatical morphemes for first year first language acquisition??? الجواب حيكون المراحل اللي تحت بعض نحفظها بالترتيب تحت المراحل في براجرافين اقروه مزبوط لانه ممكن يجي صح او خطا وفي سؤال على اخر برجراف why do children aquir morpheme in the opbserve order?? الجواب حيكون من السطر 8 الى 12 صفحة 4 البرجراف الاول رابع سطر في كلمة wug test نحط سؤال عليها what the propose of usuing the wug test?? نيجي على البرجراف التاني negation ممكن يجي سؤال ايش المراح حقت النيجيشن او يجي سؤال تعملي مقارنة first language and seconed language in negation بس دي الجزئية حقت first language وبعدين حنروح على seconed language في شابتر 4 فحتعملي مقارنة بينهم في negation & questions انت حتحفظي المراحل وكل مرحلة ليها مثال تحفظي مثال واحد صفحة 6 اخر برجراف ممكن يجي صح او خطا وفي سؤال عليه ليش سمو المرحله بال fronting صفحة 7 عند the pre cchool years حتكون تعاريف يها و صح وخطا عندك في البرجراف الاول وصفحة8 في البرجراف التاني بعدين عند جزئية the school years اول تلات سطور من البرجراف التاني نروح صفحة 9 من السطر التاني من فوق لين نهايته اما البرجراف الاول في صفحة 9 من السطر 11 الى السطر 15 طبعا من غير تواريخ نروح الى اخر برجراف في الصفحة من بدايته الى نهايته نروح صفحة 10 النظريات مهمة مهمة مهمة اول برجراف السطر 4 الى نهاية البرجراف البرجراف التاني كله نروح صفحة 15 من البرجراف التاني من بدايته الى السطر 12 نروح على البرجراف التالت كله مأشر نروح صفحة 17 البرجراف الاول من البداية الى سطر 8 نيجي عند البرجراف التاني كله بعدين نروح البرجراف الرابع هادي قصة الاولى وبعدها في صفحة 18 القصة التانية البرجراف الاول من صفحة 18 ايش حيكون السؤال عليها حيكون ايش الهدف من القصة؟؟؟ انه بتثبت نظرية شومسكي the critical hypothesis او سؤال اعطيني دليل على CPH انت حتقولي قصة وحدة من القصتين بمفهومك نكمل في الصفحة 18 البرجراف التالت كله وفيله السؤال حق CPH ان شاء الله تكونوا فهمتوا عليا البرجراف الرابع كله والخامس كمان الى صفحة 19 لين نهاية السطر الاول ان شاء تكونوا فهمتوا عليا بدي لسة اكمل اسفة لو حصل اخطاء لانه بحاول اكتب بسرعة عشان اقدر اخلص وانتو حاولوا تكونوا معايا ولاتتخربطوا

تابع

نكمل صفحة 19 عند العنوان interactionist............ في دي الجزئية فيها نظريات وتعاريف لازم تعرفوها اشرت معانا البرجراف الاول والتاني كله ونروح صفحة 20 البرجراف الاول كله والبرجراف التاني كله صفحة 21 البرجراف التاني من السطر 6 الى نهاية البرجراف صفحة 22 البرجراف التاني من بدايته الى السطر 7 البرجراف التالت من السطر 4 الى نهايته البرجراف الرابع من السطر التاني الى السطر 4 صفحة 23 البرجراف التاني من بدايته الى نهايته البرجراف التالت من بدايته الى اليطر 9 صفحة 24 البرجراف الاول كله صفحة 25 اخر برجراف في الصفحة من بدايته الى السطر 3 صفحة 26 البرجراف الاول من السطر الاول الى السطر 3 البرجراف التاني كله والبرجراف التالت من بدايته الى السطر 12 وكدة خلصنا اول شابتر هادا كله التاشير اللي اشرته معانا وقرته معانا وشرحته ومن ضمنها التعاريف والنظريات

تابع

نبدا شابتر 2 صفحة 29 اول برجاراف كله ناشره نروح تاني برجراف من السطر 4 لين السطر 5 صفحة 30 الجزئية اللي تحت بعد العنوان الاسود كله معانا ماعدا الجدول اللي في صفحة 31 اما تحت الجدول كله معانا صفحة 32 هنا حنعمل مقارنة بين المراهقين والاطفال كل الصفحة معانا وصفحة 33 البرجراف الاخير كله لين تكملة البرجراف في الصفحة اللي بعدها 34 في صفحة 34 في نظرية behaviourism كله اللي تحت النظرية معانا لين التكملة الجزئية في صفحة 35 اما البرجراف التاني تحت العنوان نبدا من السطر 3 الى السطر 11 والبرجراف اللي بعده كله صفحة 36 البرجراف الاول من نهاية السطر التالت الى السطر 11 نروح على البرجراف التاني من بدايته الى السطر 9 اما العنوان second language application Krashen's monitor model مهم مهم وقالت حيجي منه في الاختبار في دي الجزئية في نظريات وكل نظرية ليها اسم ومثال يعني الجزئية كلها من صفحة 36 الى 37 معانا ومهمة نروح صفحة 38 على البرجراف التاني السطر 5 الى السطر 8 نروح صفحة 39 البرجراف الاول كله البرجراف التاني من السطر 6 الى نهاية البرجراف البرجراف التالت كله البرجراف الرابع من نهاية السطر الخامس الى نهايته صفحة 40 من بداية البرجراف الاول الى السطر 7 البرجراف التاني من بدايته الى السطر 5 البجراف التالت من السطر 2 الى السطر 13 صفحة 41 من بداية البرجراف الاول الى نهايته من بداية البجراف التاني الى السطر 7 من بداية البرجراف التالت الى السطر 5 صفحة 42 من بداية البرجراف الاول الى نهايته صفحة 43 تحت العنوان مو البرجراف الصغير نروح على اللي بعده من السطر التالني الى نهاية الصفحة كلها ونكمل للصفحة اللي بعدها صفحة 44 كلها الى نهايتها ونروح على صفحة 45 نبدا من البرجراف الاول من السطر 5 الى نهايته صفحة 46 البرجراف التاني من بدايته الى السطر 5 نروح على الجزئية الل بعد العنوان الاسود في نفس الصفحة السطر 5 الى نهاية البرجراف والسطر 5 من البرجراف التاني الى السطر 10 صفحة 47 كل الصفحة صفحة 48 تلات السطور الاولى وفي نفس البرجراف الاول من السطر 13 الى السطر 15 البرجراف التاني كله خلصنا الشابتر التاني والشابتر التالت قالت اقروه كله لانه ممكن تجيب سؤال فيه

هي قالت شابتر 3 و6 نقراه قراية ونفهمه مقالت ممكن تجيب سؤال منه اما شابتر 7 هو زي الملخص تراجعي منه اعتقد

شابتر 4 صفحة 77 البرجراف الاول كله العنوان اللي تحت البرجراف الاخير السطر 4 الى السطر 10 صفحة 78البرجراف التاني من بدايته الى السطر 5 البرجراف التالت من السطر 8 الى نهايته بعدين من العنوان في اخر الصفحة الى الصفحة اللي بعدها صفحة 79 كلها صفحة 80 البرجراف الاول والتاني كله صفحة 81 البرجراف التاني في اخر السطر 8 الى نهاية البجراف اما البرجراف التالت من السطر الاول بس نأشر على influence of classroom experince نروح عند اخر برجراف ونأشر في السطر التاني بس اللي بين القوسين صفحة 82 من بداية الجملة في البرجراف الاول من السطر الاول these are called transfer or interference errors السطر السادس من learners ........ الى اخر الجملة صفحة 83 البرجراف الاول اخر السطر السادس الى نهاية البرجراف البرجراف التاني والتالت اقروها وطلعوا الفكرة الاساسية من مفهومكم صفحة 84 في رسمة فوق ماني فاكرة ايش قالت عليها بس اشرتها صفحة 85 negation نحفظ المراحل ومثال علي كل مرحلة صفحة 86 question نحفظ المراحل وكل مرحلة ليها مثال صفحة 88 اخر الصفحة بعد العنوان من بداية البرجراف الى الصفحة التانية نص السطر الاول من تكملة البرجراف في تحته امثلة سيبوا الامثلة نروح للبرجراف اللي بعده نهاية السطر الرابع الى نهاية البرجراف بعدين في مراحل كلها لين اخر الصفحة واول سطرين من بداية الصفحة 90 صفحة 90من بعد العنوان البرجراف والجدول كله صفحة 91 السطر التالت من البرجراف الاول الى نهايته والعنوان واللي تحته كله لين اخر الصفحة صفحة 92 في برجرافين اقروها مزبوط وطلعوا منها الافكار الرئيسية صفحة 96 vocabulary صفحة 97 اخر برجرااف بس السطر الاول كله صفحة 98 البرجراف التاني بس التلات السطور الاولى صفحة 99 السطرين الاخيرة من البرجراف الاول السطر التالت من البرجراف التاني الى نهاية البرجراف البرجراف التالت كله البرجراف الرابع كله صفحة 100 pragmatic التلات السطور الاولى الى تكملة البرجراف الاول من صفحة 101 والبرجراف التاني بس الاسطر التلاتة الاولى صفحة 102 البرجرافين الاولى مع المراحل كل اللي في الصفحة والتكملة في صفحة 103 البرجراف الاول سطر 17 الى نهاية البرجراف البرجراف التاني نهاية السطر التاني الى تكملة البرجراف صفحة 104الى السطر التالت phonology السطر الرابع من البرجراف الاول الى السطر 9 ونفس البرجراف من السطر 16 الى نهاية البرجراف البرجراف التاني السطر الخامس الى سطر 12 صفحة 105 البرجراف التالت السطرين الاولى والبرجراف الرابع كله

تابع

شابتر 5 natural and instructional setting البرجراف اللي تحته الاول والتاني كله صفحة 110 البرجراف الاول كله صفحة 133 البرجراف الاول والتاني كله وهادا كل اللي اشرته معانا لاتنسوا التعاريف والنظريات وفي المقارانات والمراحل لاتذاكروا التواريخ ولا اللغات الاخرى وذاكروا كويس اسفة انه كاتبة كدة على السريع ان شاء الله تكونوا فهمتوا عليا وفي بنات حيروحوا عند الاستاذة يوم التلوت تدينا محاضرة زيادة اللي حابب يروح يروح يوم الثلاثاء هادا الاسبوع على مكتبها من الساعة 12 الى الساعة 2 واعتقد حتكون المحاضرة في المبنى الرابع انا ماحقدر اروح بس كان نفسي واعذروني اذا اخطات

تابع اخبار الماده
بواسطة شودي

اهلين انا حجاوبك بالشي الي اعرفه الاساس كله في البدايه في الفصل الاول والثاني مرررره مهمين فيهم النظريات وزي ماقالت الدكتوره النظريات الاساسية نركز عليها والتطبيقيه لا ما اقدر احدد لك اش تقصد لاني لسى ماخلصت مذاكره فما ابغى اعطيك شي غلط تحفظي مسمى النظرية وتعرفي اسم الشخص لانها قالت لنا في الامتحان حتجيب لك اسم الشخص واحنا نقول اسم النظريه وعن ايش تتكلم مايمنع انها تجيب لنا اسماء في الصح والخطأ عشان كذه لازم تعرفيهم يعني مثلا: سكينر في النظريه السلوكيه وتشومسكي في نظرية innatist عندك نظرية كراشان في الفصل الثاني ص 36 مره مهمه وحتجي 100% بالنسبة للستيجز في الفصل الاول والرابع تحفظي المميز من كل ستيج مع مثال تجيب مقارنه بين الستيج في اللغة الاولى والثانيه الاختبار حيكون اسئلة منوعه ( مقارنات - تعريفات - why ... ) واخر سؤال حيكون صح وخطأ 10 فقرات على كل فقرة درجتين حيكون مجموع الاسئله مابين 5 لـ 6 تقريبا هذي الملاحظات الي قدرت الحقها واكتبها مع الدكتوره في اخر محاضره وهذا ايميلها: ibajri@hotmail.com والاخت نيناب اعتقد >>>ماقصرت منزلة تخطيط الابلايد مشي عليه وربي يوفقك وييسرلك والجميع اتمنى اكون افدتك دعواتكم ... دمتم بود ...

[ام حمدان]

مايخص مادةحلقة بحث في اللغويات (سيمنار) lane424

seminar in linguistic
lane424


دكتورة المادة /
خولة عبدالقادر زهران

وسائل الاتصال
الايميل/

Kh_abed@hotmail.com

بيانات المادة /
يحدد المنهج من قبل دكتوره الماده خلال الدورة التاهيليله

[ام حمدان]

اخبار محاضرات مادة حله بحث في اللغويات 424


المحاضره الاولى


بواسطة احلى الاماني

بالنسبة للسيمنار اعطتنا مس خوله بس اخر محاظرة وكنت تعبانة مرا ماقدرت اكملها كله كتابين مطلوبة مننا سوت لي ريفريش للمعلومات اللي اخذنها بالسينتاكس فكل المحاظرة راحت ع هالشئ ولا جابت سيرة بحث

المحاضره الثانيه

بواسطة الامواج

سيمنار مع مس خولة..كله ريفرش على السينتاكس المعلومات اللي أخذناه فيه.. قالت بحث ماراح يكون فيه.. والكتابيين راح تتأكد منهم هل كلهم مطلوبيين أو لا... على العموم لو مطلوب فواحد منهم معلومات مكررة من السينتاكس والثاني ممكن اللي فيه معلومات بس غالبا أحسه قريب من منهج السوشيو..

المحاضرة الثالثه والرابعه

بواسطة الامواج

مافي غير كتاب واحد في السيمنار ...اللي هو كتاب السينتاكس...مس خولة كلمت مس رندا وصرحت بهالتصريح إنه يعتمد على أستاذة المادة ..ومافي أي بحث.... وأحلى خبر الحمد لله..

المحاضرة السابعه والثامنه


بواسطة الامواج

السيمنار مع أستاذة [خولة]... كل الكتاب معانا بس فيه أشياء جداً قليلة اللي طنشتها لإن حستنا متنحيين فيها ... راح أحاول أنزلها لكم كمان.. طريقتها في الأسئله جداً واضحة..ومتنوعة وتحتوي على كل شيء ممكن تتخيليه تبغى إجابات بفهم حيكون إختيارات_تعاريف_مصطلحات - الرسم الشجري وحتكون الدرجات متنوعة..

تابع

بواسطة الامواج

بالنسبة لكتاب السيمنار الطبعة الثالثة.. واسمه / analysing sentences.. An intoduction to english syntax.. للمؤلف: Noel burton-roberts.. Learning about language.. هذا كل اللي مكتوب في الغلاف.. موفقين جميعاً..

تابع
بواسطة الامواج

السيمنار راح أكتب اللي ماركزت عليه واللبيب بالإشارة يفهموااااااا.. طبعاً بداية الفصول ماكان معاي كتاب فما خططت وتقريبا كله معانا ماسابت شيء لإنه كله كان معلومات معادة من السينتاكس... راح نبدأ في شابتر 5.. صـــ96 ellips ماركززت عليها مرررة.. شابتر 6.. صـــ125 passive sentense.. * صــ 132 more on have and be.. شابتر7... صـــ165 appendix: Nom and the opr-form one.. شابتر8.. كله مهم.. شابتر 9 .. كله مهم.. شابتر 10.. كله مهم.. شابتر 11 261-268 مامرت عليها... .................................................. ........ أفضل طريقة للمذاكرة وأسهل طريقة لمذاكرة السيمنار... كل نوع وكل شيء تحفظي عليه مثال واحد بس وتسيبي الباقي إلاا إذا تببغي زيادة معلومات وتدريب...بس في النهاية تدريبك على نوع واحد ومثال واحد راح يكون في صالحك كثير.. وتركزي عليها كيف تسوي التري دايقرام وكيف تطلعي وظيفته function.. بكذا راح تضمني الإجابة الصح وماراح تضيعي وقتك.. هذه الطريقة مس خولة قالتها لنا.. وأهم أهم أهم شيء التعاريف جدا جدا جدا مهمة ولا يخلوا إمتحان منها... راح يجي تعاريف وكمان مصطلحات هي تكتب التعريف ونحن نكتب المطلح تبعه.. مهم نعرف وظيفة كل كلمة في الجملة وهذه حتجي إختياري.. يعني الإمتحان راح يكون متنوع وشامل لكل الكتاب بمعنى كل ما ذاكرتي كل شيء في الكتاب بفهم راح تضمني أعلى الدرجات بإذن المولى.. * choose,, defenation.. Fill in blank.. Tree diagram.. Give example, بالإضافة إلى التعداد.. .. وأتمنى لي ولكم التوفيق والنجاح والتفوق بأعالي الدرجات يارب العالميين..

رابط مهم

تجمع طالبات الانتساب لماده سيمنار 2012

[ام حمدان]

مـآيخص مـآدة علم الدلالة lane 438
Semantics – LANE 438
ملاحظة: المنهج جديد [ تغيرت تمـآماً عن الترم المـآضي ]

دكتورة المادة/
منال فوزي حسن التاودي

وسائل الاتصال/

الايميل/

meltawdy@kau.edu.sa

- مفــــردآت المـآدة ..

اسم الكتـآب/ Semantics
Wiley-Blackwell, 2009.

للمؤلف/
Saeed, John.
الطبعة/ 3rd edition

- الفصول المطلوبة ..

وفقـآ للمفردآت / Chapters: (1, 2, 3, 4, 5, 6, 7, 8)a
- صورة للكتـآب



- الكتـآب الكتروني:
[Here]
[B]

---

اخبار ماده علم الدلاله (سيمانتكس )lane 438

بواسطة ريهام العالي

السلام عليكم ورحمة الله وبركاتة عزيزاتي الطالبات راح انزل اهم النقاط والتاشيرات الي حددتها استاذة المادة طبعا اعرف اني تاخرت بالتنزيل بس اسفه ماكان عندي وقت لظروف خاصه ع العموم راح اننزل التاشير بالمرفق والله يوفقنا جميعا ويسهل علينا جميع المواد

سيمانتكس طالبات الانتساب الاستاذه\منال التاودي تفضلواا


Textbook|: Semantics - LANE 438

Notes|: Semantics - LANE 438